اذهب الي المحتوي
منتديات ياللا يا شباب

omar_altawel

Members
  • عدد المشاركات

    170
  • انضم

  • تاريخ اخر زيارة

  • Days Won

    1

كل منشورات العضو omar_altawel

  1. اللهم ارزقنا بصلاح الدين جديد يعيد للامة قوامها وصلاحها

    1. dr_mido

      dr_mido

      اللهم أمين يارب العالمين

    2. عاشق الصداقه

      عاشق الصداقه

      آميـــــــــــــــــــــن يا رب

    3. YAZzoOo

      YAZzoOo

      اهلين

       

  2. ياسلام على الريس العظيم المبجل اللطيف الخفيف الموضوع ده بيفكرنى بالحكاوى اللى كنا نسمعها بعد اكلة الغدا التمام يوم الجمعة واحنا قاعدين ساعة العصرية بنشرب كباية الشاى كان يقولك حكاوى زمان وايام زمان بس لما قريت الموضوع ده رجعنى بالزاكرة لورااااااا مش ورا قوى فى نفس زات الوقت من حوالى 5 سنين كانت برضو ايام انتخابات ودوشة وكدة قالك ايه يا خويا ان( ابو جمال) كان فى المنيا بيتفقد احوال الرعيا وان برضو سبحان الله كان فى احدى القرى وقال ايه واحد قاله يا باشا يا باشا وحياة ابوك تشرب معايا الشاى طبعا ازاى يرفض طلب واحد من الرعيا دخل وشرب الشاى وقعد وهزر وضحك - ابو جمال - اعزه الله واجله وبجله ومشى طبعا الدنيا كلها عرفت الخبر وانتشر وقالوا ده شرف كبير زى ماحصل كدة بالظبط وبعد كدة اكتشفوا ان الراجله شغال فى المخابارات وان البيت - اللى على النيل - كان متراقب ومتفتش من 4 ايام قبلها وطبعا علشان على النيل كان فى غاصين تحت النيل قاعدين وطبعا البيت اتملى مخابارت وامن وهيصة وزمباليطة يعنى طلع موضوع متفبرك انا مش بكدب بتاع سوهاج لبا سمح الله بس انا بس رجعتلى الزاكرة فجأة كدة قلت اقول بس السؤال هل ابو جمال اعزه الله وطيب الله ثراه واراحنا الله منه كبر به العمر لدرجة ان الزهيامر زاد بالدرجة الفظيعة دى لدرجة انه مش عارف يفتكر اللى حصل من 5 سنين وان اللى حثل فى سوهاج كربونة منه؟ سؤال يحتاج الى اجابة
  3. اينعم الواحد مايرضاش بالظلم بس ده اللى اتعودنا عليه من الاتحاد الافريقى وبعدين الترجى زعلان على ده كله ليه اللى اتعمل فى الاهلى خلال تاريخه مايجيش شكة دبوس فى اللى حصل وبعد الاعتراض والشجب والمزكرات ايه اللى هيحصل يعنى ؟؟؟؟؟؟؟؟؟؟؟ولا حاجة برضو مازيمبى بطل افريقيا للمرة التانية على التوالى واعتقد ان مازيمبى دى اخر مرة هياخد فيها بطولة افريقيا مش علشان تعند لا لا سمح الله ولكن ده حال فرق افريقيا تاخد البطولة سنتين ورا بعض وبعد كدة محدش يسمع بيها تانى عامة مبروك مازيمبى وبصراحة 5/صفر توجع جدا (اىىىىىىىىىى)
  4. الراجل ده حاجة من اتنين اما بيشتغل نفسه او بيشتغل نفسه حد يضربه قلمين علشان يفوق من الوهم اللى هو فيه ده
  5. انا بخير الحمد لله احتى درة واسف على الانقطاع ده وان شاء الله اكون معاكم دايما

    واتمنى من الله ان تكونى فى احسن صحة وحال

  6. لو قلنا استقبال الفاتحين مش كفاية ولو قلنا استقبال الابطال برضو مش كفاية بجد ده استقبال اكتر من رائع تقشعر منه الابدان انا واحد من الناش جسمى قشعر من الاستقابل ده فى حياتى مش هشوف استقبال زى ده تانى الاستقبال اللى استقبله الشعب اللبنانى للرئيس الدكتور محمود احمدى نجاد رئيس ايران ايه الاستقبال ده استقبال جااااااااااامد جدى بجد انا فكرت وحاولت الاقى رئيس عربى استقبله شعبه بس مش هقول شعب تانى ولكن هل فى رئيس دولة شعبه استقبله كدة هل فى رئيس نزل وسط الناس وسلم عليهم وان الحرس بتاعه يضطر انه يسده من وسطهم بالعافية وبأكد على كلمة بالعافية دى لما شعب يعمل اغنية للرئيس انا مش فاكر غير جملة "يا مرحبا بنجاد فى معقل الامجاد" الاستقبال ده كان فى مدينة بيت جبيل واللى حاولت اسرائيل انها تدحلها عام 2006 وطبعا ماقدرتش وكفاية كلمة الشيخ حسن نصرالله:"اسرائيل كبيت العنكبوت وان اوهن البيوت لبيت العنكبوت" ويكفى ان موكب الرئيس الايرانى تعطل فى الشوارع على مدى ساغة ونصف فى الطريق http://www.youtube.com/watch?v=yMbcHV-nw8o
  7. انتى متاكدة من ده يا نودى ربنا يستر انا خايف جماهير سندرلاند تكون مغرورة فيه
  8. بداية الجزائر مش وحشة ان شاء الله يكون ليه شكل تانى فى مباراة انجلترا من كل قلبى بتمنى التوفيق لمنتخب الجزائر وربنا يوفقهم
  9. تتعوض ان شاء الله ورب ضارة نافعة محدش عارف الخير فين
  10. فى زيارة مكوكية سريعة إلى دولة هولندا الشقيقة شعرت بالمفاجأة من أعداد المحجبات هناك.. فى كل مكان تجدهن يتحركن بنشاط وينخرطن فى كل مجال من مجالات الحياة ولم أملك إلا أن أشعر بالإعجاب تجاه هذا المجتمع المنفتح الذى يتقبل الجميع دون تفرقه حتى سمعت عن انتخابات قادمة يدعو فيها رئيس حزب متطرف إلى حظر تداول القرآن فى هولندا وفرض ضريبة مالية على مرتديات الحجاب.. طبعا اتنرفزت وغلى الدم فى عروقى.. وبدأت فى خطبة نارية تدافع عن ارتداء الحجاب باعتباره حرية شخصية ورمزا دينيا مالوش علاقة بالعنف ولا بالتطرف عشان يعتبر زى يجب منعه أو وضع القيود على ارتدائه.. وشاركتنى فى هيئة الدفاع صديقتى الهولندية التى تقيم فى مصر وانبرت تشرح لصديقاتها براءة الحجاب من تهمة الإرهاب وتحدثهن عن الحجاب المنفوخ والحجاب الإسبانيش عن الحجاب على الجينز الإستريتش والحجاب على بلوزة بنص كم عن الحجاب مع ترك نص متر من القُصة المصبوغة باللون الأشقر والحجاب الشفاف الذى يكشف كل ما تحته.. عن موازنة المحجبات الجديدات بين ارتداء الموضة التى يعشقونها والضحك على دقن المجتمع الذى يضغط عليهن لارتداء الحجاب.. عن اللى لبساه موضة واللى لبساه عشان تتجوز واللى لبساه عشان مكسلة تسرح شعرها واللى لبساه عشان ما معهاش فلوس تروح للكوافير.. اللى لبساه ومصاحبه واللى لبساه ومتجوزة عرفى واللى لبساه وقاعدة طول الليل على الكورنيش مع الجو يعدوا النجوم..و رغم إنى وقتها كان المفروض أسعد لهذا الدفاع اللى أقنع الواقفين أن الحجاب فعلا ليس له علاقة بالإرهاب لكنى وقتها كنت فى نص هدومى لأن صديقتى صدمتنى بفهمها العميق لمدى ابتذالنا للحجاب حتى أصبح مجرد زى كالسارى والكيمونو، ولأن ارتداءه مجرد شكل اجتماعى لا يرتبط بالضرورة بالتزام دينى من التى ترتديه.. ومع ذلك يبدو الحجاب أحيانا وكأنه أهم شىء فى حياة المصريين فيحتل وقتا وجهدا ومناقشات أكتر من أى شىء آخر.. الحجاب الحجاب.. الحجاب قبل الحساب.. الممثلة الفلانية اتحجبت والممثلة الفلانية قلعت الحجاب و4 أو 5 جروبات يوميا على الفيس بوك للدعوة لارتدائه أو خلعه.. وقد يبدو أن كل هذا التركيز والضغط من المجتمع من أجل أن تتحجب كل فتياته قد أتى ثماره فعدد المحجبات فى مصر يقدر بـ 85% من عدد النساء والفتيات المصريات لكن كم منا ترتدى الحجاب فقط بسبب ضغط مجتمع أصبح يهتم فقط بالمظهر وليس له أية علاقة بالبحث فى جوهر الإنسان ولا أخلاقه ولا حتى تدينه.. تقول الدكتورة غادة عبد العال: على البريد الإلكترونى كل شهر تصلنى مئات المقالات والمواقع المخصصة فقط للحديث عن الحجاب.. لا تصلنى دعوات يومية لتدبر معانى القرآن.. تصلنى فقط دعوات لارتداء الحجاب.. لا تصلنى دعوات لفهم الأحاديث الصحيحة والعمل بها.. تصلنى فقط دعوات لارتداء الحجاب.. لا تصلنى دعوات للعمل بروح الإسلام وتنمية المجتمع.. تصلنى فقط دعوات لارتداء الحجاب.. مع إنى محجبة من أكتر من 15 سنة.. لكن كل يوم تصلنى دعوات لارتداء الحجاب.. واختصرنا الإسلام كله كما اختصروه فى الخارج فى قطعة من القماش.. أهم من أخلاق اللى لبساه وأهم من أخلاق اللى ماشى جنبها..مع إننا لو بذلنا واحد على عشرة من المجهود اللى بيتعمل عشان نقنع الناس بالحجاب فى توعيتهم أخلاقيا ودينيا ونجحنا فى كده هم بعدها أوتوماتك هيهتموا بالمظهر اللى يناسب أخلاقهم وتدينهم وهيعملوه، وقتها بأخلاقهم قبل مظهرهم هيكونوا أثبتوا لنفسهم وللعالم عظمتهم وعظمة دينهم وبعدها يلبسوا كل اللى يحبوا يلبسوه وفى أى مكان فى العالم دون أن يتعرض لهم أحد.
  11. «ما يقفلوها.. مايجيبوا درفها..إحنا بيجيلنا منها إيه؟.. تضييع وقت وكلام فارغ.. قمة التهريج.. إلهى يجيلهم ويحط عليهم اللى سايبينها مفتوحة لحد دلوقتى يااارب».. هذه هى بعض تصريحات أمهات تلاميذ ابتدائى وآرائهن وأمنياتهن القلبية الرقيقة للسادة القائمين على العملية التعليمية فى بلدنا الحبيب بخصوص إلغاء العام الدراسى وغلق المدارس من عدمه.. هم باختصار مش عايزين أولادهم يروحوا المدارس وأمنية حياتهم إنهم يناموا ويصحوا يلاقوا وزير الصحة ووزير التعليم طلعوا قرار 2×1 بوقف العام الدراسى..طبعا أمنياتهم دى فى الوقت الراهن شىء مفهوم لكن أنا متأكد زى ما انت متأكد إن مش هو ده السبب الوحيد اللى بيخلى الأهالى يتمنوا إعفاء أولادهم من الذهاب للمدرسة.. المدرسة يوم بعد يوم بيتراجع دورها وبتتراجع قيمتها فى كل بيت مصرى.. بعد ما كنا بنتريق زمان وبنتهكم على اختفاء كلمة التربية من مسمى وزارة التربية والتعليم، جاء الوقت لتختفى أيضا كلمة وفعل التعليم..عارف الصورة المعتاد نشرها فى الجرائد لمجموعة من الطلبة بيتسلقوا سور إحدى المدارس.. عارف إن الصورة دى أنا كنت باشوفها كل يوم على الطبيعة بس بالعكس.. على أيامنا (و أنا مش من زمان قوى على فكرة) كنا بنتسلق السور أو نتسلل من البوابة الخلفية للمدرسة عشان ندخل مش نهرب..الطلبة دائمو التأخر على الطابور (اللى كنت أنا الزعيم بتاعتهم بلا فخر) كانوا دايما بيبحثوا عن وسيلة يقدروا يدخلوا بيها المدرسة لأنهم عارفين ومتأكدين إن اليوم الدراسى لا يعوض..لو غبت يوم عن المدرسة كانت بتحاصرنى نظرات اللوم من أهلى وتحقيق بالساعات عن كيفية تعويض الدروس اللى هتفوتنى اليوم ده.. ماكنتش باسمع عن أهالى بيدوروا على شهادة مرضية مضروبة عشان يعفوا أولادهم من تضييع وقتهم.. ولا عمرى سمعت مدرس أو مدرسة بيقولولنا إنتو إيه اللى بيجيبكم.. ماتقعدوا فى بيوتكم بقى.. مش هاقولك إننا كنا بنحب المدرسة ولا إنها كانت مليانة أنشطة محببة.. ما كانش فيه حتى حصة ألعاب وحصص الموسيقى والرسم كانت بتعتبر نكتة بايخة ونشاط يكاد يعاقب عليه القانون.. لكن على الأقل كنا بنتعلم.. آه كنا بناخد دروس.. بس درس.. اتنين.. مش كل المواد وكنا بناخدها فى ثانوى مش من (كى جى وان) زى دلوقتى.. فى مدة قليلة من الزمن دور المدرسة تدهور زى ما كل حاجة تانية فى حياتنا تدهورت.. ضعف مرتبات المدرسين هو السبب.. كثافة الفصول.. طول المناهج.. قصر مدة الحصص.. قلة الضمير.. إنشغال الأهالى.. الزحمة.. غياب المراقبة والمتابعة.. الأسباب كتير.. لكن النتيجة واحدة.. يوم ورا يوم بيختفى دور المدرسة وبتقل رغبة الناس حتى فى وجودها.. والسؤال هو: هل بعد انتشار ظاهرة الدروس الخصوصية وعدم قدرة أو رغبة أحد فى محاربتها (لأن الجمهور عايز كده) ورغبة معظم أولياء الأمور فى عدم ذهاب أولادهم للمدارس واقتناعهم بعدم جدواها وأنها مجرد تضييع للوقت والمال فقط لا غير.. هل يجب علينا كمجتمع إننا نودع المدارس للأبد ونتجه لنوع بديل من التعليم؟.. التعليم فى المنزل مثلا.. اللى بنقول عليه منازل.. التعليم عن بعد عن طريق الإنترنت.. عن طريق القنوات الفضائية.. شرائط الفيديو.. الفيديو كونفيرانس.. وغيرها من الطرق؟.. أصل إحياء لدور المدرسة أعتقد بقى شىء صعب جدا دلوقت.. المدرسة دلوقتى بقت مجرد عذر لتعيين مدرسين وإداريين.. فلوس ــ بصراحة ــ بتترمى على الأرض وبتضيع على الفاضى.. مسرحية بنصرف عليها وقت وجهد ومال ممكن يستغلوا فى شىء تانى بالنسبة لعامة الناس يمكن يكون أهم.. لا أصبحت بتربى ولا حتى بتعلم.. يبقى لازمتها إيه؟.. سؤال أسأله وأنا بصراحة قلبى بيوجعنى من مجرد التفكير فيه.. لكن هل حان الوقت لإصدار شهادة وفاة المدرسة؟
  12. هى لسة الناس دى ماخدتش الدرس ولسة برضو بتبعت مساعدات اسرائيل بتبعت رسايل والناس برضو مش فاهمة برضو الناس عمالة تودى حاجات بتاخدها اسرائيل كفاية بقى وفكروا شوية
  13. مش كفاية واظن انت فاهم قصدى يا جندى
  14. omar_altawel

    قطيعة

    من ملايين السنين وبينما يمشى أحد جدودك فى الغابة مرت من أمامه غزالة مكلبظة.. دفعه دافع خفى لأن يوقع بها ويعود بها إلى المدام التى ملأت الدنيا صراخا منددة بخيبة زوجها التقيلة، يعنى هى ريقها نشف وهى بتحفظه يجيب قلقاس يرجعلها هو بغزاله؟.. حاول جدك بكل الطرق أن يقنع المدام بأهمية صيده وقطع قطعة من اللحم وقربها منها فتناولتها لتلقى بها على طول ذراعها لتسقط فى النار التى أشعلتها أمام الكهف لتتصاعد رائحة الشواء فتخرج جميع نساء الكهوف المجاورة لينظرن للمدام بحسد وغيرة وتمسك هى فى ذراع زوجها رافعة رأسها فى فخر وتبدأ الحكاية، القدرة على شراء اللحوم وتناولها بشكل منتظم هى أكثر من مجرد عادة غذائية، بل هى مقياس للمستوى المادى للإنسان، على الأقل هنا فى مصر، ولذلك كان جدك فى الثلاثينيات يعود من عمله بعد تلقيه علاوة حاملا كنزه الثمين مصرحا تصريحا تاريخيا لزوجته «زغرطى يا فكيهة، النهاردة هناكل ظفر»، لتملأ فكيهة الدنيا زغاريد وتفتح جميع شبابيك المنزل ليشهد جميع أهل الحى على تصاعد الأبخرة المصرحة بوجود اللحم فى هذا المنزل، جدى رحمه الله كان يصر على أن ينتهز أى فرصة لمقارنة مرضه بأمراض الآخرين، فبينما ينتمى الجميع لاتحاد مرضى الضغط والسكر المصرى الشهير كان يفتخر هو بأنه من مرضى «النقرس» لأن هذه الحقيقة من وجهة نظره كانت تعنى أنه ابن عز وبياكل لحمة كتير، أبى أيضا فى بداية حياته كان دوما يخبر الجميع فى اعتزاز أنه قادر على جعل أولاده يأكلون اللحم بانتظام طوال أيام الأسبوع، ومازالت العائلة بأكملها تنتهز أى فرصة ليبدأ الجميع فى الحديث عن حفل زفاف إحدى عماتى الذى أقيم فى السبعينيات ضاربين المثل بالبوفيه الذى احتوى على كمية مهولة من اللحوم الحمراء، هذه الأنماط من السلوك هى ما يضعنا الآن جميعا تحت رحمة جشع أصحاب المزارع والذى تسبب فى ارتفاع أسعار اللحوم بشكل جنونى، مجرد تفكيرك فى تمن 4 ــ 5 كيلو لحمة لازم يخلى عينيك تتملى بالدموع. نعيش فى مجتمع استهلاكى ليس له روابط محددة، ترتفع الأسعار أو تنخفض (ده لو انخفضت يعنى؟) بناء على أسباب نجهلها ولا نتلقى إجابات عن أسئلتنا عنها لأن جميع «الكبار» يؤمنون بأن الحكمة الوحيدة التى يجب أن تطبق على الشعب المصرى هى «الجهل نعمة»، هل ترتفع أسعار اللحوم لتطبيق السياسة الخاطئة فى ذبح الإناث على مدار الـ5 سنوات السابقة، هل ترتفع أسعار اللحوم لأن هناك من يريدها أن ترتفع حتى يعزف الناس عن شرائها فيتجهون لشراء اللحوم المستوردة التى يستوردها هو؟ هل الارتفاع طبيعى أم جزء من مخطط كبير؟ لا أنا ولا أنتم نقدر نجاوب على الأسئلة دى، لكن يمكن نقدر نجاوب على سؤال تانى: «إزاى ممكن نخلى سعر اللحمة ينخفض؟»، والإجابة هى «المقاطعة»، مش هقولك قاطع اللحوم عشان تحس بجارك الفقير لأننا بطلنا من زمان قوى نحس ببعض، ولا هاقولك قاطعها عشان على الأقل فى دى لازم يبقى قرارك ومصيرك فى إيدك لأن الكلام الكبير ده بيجيبلك أرتكاريا وبيدخل من الودن دى ويخرج من صابع رجلك الصغير ولا بيفرق معاك، مش هاحكيلك عملوا إيه فى إنجلترا مع اللحوم أو فى فرنسا مع السمك عشان دول أجانب وإيش جاب لجاب؟ لكن هاقولك قاطعها أو على الأقل قلل استهلاكها عشان ما تنضربش على قفاك، اقتضى بما قاله عمر بن الخطاب 1400 سنة لما جاء الناس إليه واشتكوا من غلاء اللحم فقالوا: سعره لنا فقال: أرخصوه أنتم، فقالوا :نحن نشتكى غلاء السعر واللحم عند الجزارين فكيف نرخصه وهو ليس فى أيدينا؟ فقال: أتركوه لهم، سيبوهولهم يا جماعة وصدقونى مش هيفرق فى احترامك لنفسك إنك ماقدرتش تاكل ولا تأكل العيال لحمة النهاردة فيه فراخ فيه سمك فيه فول لو قفلت معاك خالص بأه، قاطعها ولما تبوظ عند الجزارين غضب عنهم هيعدلوا السعر، ببساطة كده يعنى، قطيعة تقطع الحاجة اللى تذلك يا عم، طالما مش قدها إذا فهى القطيعة بيننا وبينها، جرب وخلى غيرك يجرب، مين عارف، يمكن نقدر من تانى ناكل كيلو لحمة ما يعديش تمنه الـ60 جنيه
  15. اعلن جورج جيليت وتوم هيكس مالكا نادي ليفربول عرضه للبيع وتعيين رئيس جديد ليتولى الإشراف على هذه العملية فور الاتفاق مع مشترين. وقال النادي في بيان عبر موقعه الرسمي يوم الجمعة إنه كلف بنك باركليز بالبحث عن أفضل مشتر في ظل وجود اهتمام من عدد كبير من الجهات والأشخاص. ويتولى مارتن بروتون رئيس الخطوط الجوية البريطانية مهمة الرئيس الجديد للنادي حتى بيعه. وقال هيكس وجيليت في بيان مشترك إن السنوات الثلاث الماضية التي حملوا فيها ملكية النادي كانت مثيرة ومفيدة وتابع المالكان الأمريكيان "بعد النمو الذي حققه النادي في الفترة الماضية، نريد الآن بيعه إلى ملاك جدد يستطيعون قيادته نحو مزيد من النمو والتطور. وواجه هيكس وجيليت تظاهرات احتجاجية كثيرة من مشجعي ليفربول بسبب الخلافات الدائمة بينهما، وعدم تدعيم الفريق بصورة مناسبة، والأهم هو تحميل أصول النادي مديونيات مشاريعهما الأصلية ما وضعه في موقف مالي صعب. ويتعين على الثنائي دفع 100 مليون جنيه استرليني لتسديد قروض حصلا عليها من البنوك بضمان أصول نادي ليفربول، الذي تبلغ إجمالي مديونيته 237 مليون جنيه استرليني. ويواجه ليفربول احتمالات كبيرة بعدم التأهل إلى دوري أبطال أوروبا الموسم المقبل، وهي البطولة التي فاز بها من قبل خمس مرات، ويساعد التأهل إليها على ضخ المال في خزينة النادي. ويحتل ليفربول – صاحب الألقاب الـ18 في الدوري الإنجليزي – المركز السادس بفارق ست نقاط عن مانشستر سيتي صاحب آخر المراكز المؤهلة لدوري الأبطال. ويتبقى أربع مراحل على نهاية المسابقة.
  16. لو كل كلمة قالتها سنية تقصدها بجد ومعناها صح بصراحة انا معاها وبأيدها
  17. وهما ال 280 دول حاجة يعنى دول مايجيبوش حتى كيلو لحمة لو اتباعوا وبعدين يا خوانا ده رزق من عند ربنا انتوا عاوزين تمنعوا الرزق من بتوع المرور ده حتى يبقى حرااااااااااااااااااااااااااااام
  18. من طرائف أهل اللغة * دخل أحد النحويين السوق ليشتري حماراً فقال للبائع : أريد حماراً لا بالصغير المحتقر ولا بالكبير المشتهر إن أقللت علفه صبر وإن أكثرت علفه شكر لا يدخل تحت البواري ولا يزاحم بي السواري إذا خلا في الطريق تدفق وإذا أكثر الزحام ترفق . فقال له البائع : بعد أن نظر إليه ساعة دعني إذا مسخ الله القاضي حماراً بعته لك . * ولقى رجلاً من أهل الأدب وأراد أن يسأله عن أخيه وخاف أن يلحن في اللغة فقال: أخاك أخوك أخيك هاهنا ؟ فقال الرجل : لا .لي . لو ما هو حضر . * وقدم علي ابن علقمة النحوي ابن أخ له فقال له : ما فعل أبوك ؟ قال : مات . قال: وما كانت علته ؟ قال : ورمت قدميه . قال : قل قدماه . قال : فارتفع الورم إلى ركبتاه . قال : قل ركبتيه . فقال : دعني يا عم فما موت أبي بأشد علي من نحوك هذا . * وقف بعض الفقراء على باب نحوي فطرق الباب فقال النحوي : من بالباب ؟. فقال : سائل . فقال : ينصرف . فقال : اسمي أحمد (يعني لا ينصرف ممنوع من الصرف ). فقال النحوي لغلامه : أعط سيبويه كسرة . * قال رجل نحوي لابنه : إذا أردت أن تتكلم بشيء فاعرضه على عقلك وفكر فيه بجهدك حتى تقومه ثم أخرج الكلمة مقومة فبينما هما جالسان في الشتاء والنار مشتعلة وقعت شرارة في جبته وهو غافل عنها والابن يراه فسكت ساعة يفكر ثم قال : يا أبت أريد أن أقول لك شيئاً ، أفتأذن لي فيه ؟ قال أبوه : إن حقاً فتكلم . قال أراه حقا . فقال : قل . قال : إني أرى شيئاً أحمر على جبتك . قال : ما هو ؟ قال : شرارة وقعت على جبتك . فنظر أبوه إلى جبته وقد احترق منها جزء كبير فقال للابن : لماذا لم تعلمني به سريعاً ؟ قال : فكرت فيه كما أمرتني ثم قومت الكلام وتكلمت به فنهره وقال له : لا تتكلم بالنحو أبداً .
  19. ينابيع المغفرة * الذكر عند سماع المؤذن قال عليه الصلاة والسلام : " من قال حين يسمع المؤذن : أشهد أن لا إله إلا الله وحده لا شريك له وأن محمدا عبده ورسوله ، رضيت بالله ربا وبمحمد رسولا وبالإسلام دينا غفر له ذنبه " * الذكر دبر كل صلاة قال رسول الله صلى الله عليه وسلم : من سبح الله في دبر كل صلاة ثلاثا وثلاثين ، وحمد الله ثلاثا وثلاثين ، وكبر الله ثلاثا وثلاثين ، فتلك تسعة وتسعون ، وقال تمام المائة : لا إله إلا الله وحده لاشريك له ، له الملك وله الحمد وهو على كل شيء قدير غفرت خطاياه وإن كانت مثل زبد البحر " * قول سبحان الله وبحمده مائة مرة قال رسول الله صلى الله عليه وسلم : " من قال سبحان الله وبحمده في اليوم مائة مرة حطت خطاياه ولو كانت مثل زبد البحر " * كفارة المجلس قال رسول الله صلى الله عليه وسلم : " من جلس في مجلس فكثر فيه لغطه فقال قبل أن يقوم من مجلسه ذلك ، سبحانك اللهم وبحمدك أشهد أن لا إله إلا أنت أستغفرك وأتوب إليك ، إلا غفر له ما كان في مجلسه ذلك " * صلاة ركعتين لا سهو فيهما قال رسول الله صلى الله عليه وسلم : " من توضأ نحو وضوئي هذا ثم صلى ركعتين لا يحدث فيهما نفسه غفر له ما تقدم من ذنبه " * فضل التأمين قال رسول الله صلى الله عليه وسلم : " إذا أمّن الإمام فأمنوا فإنه من وافق تأمينه تأمين الملائكة غفر له ما تقدم من ذنبه " * الصبر على الابتلاء قال رسول الله صلى الله عليه وسلم : " ما يصيب المسلم من نصب ولا وصب ولا هم ولا حزن ولا أذى ولا غم ـ حتى الشوكة يشاكها ـ إلا كفر الله بها من خطاياه " * مصافحة المسلم أخاه قال رسول الله صلى الله عليه وسلم : "ما من مسلمين يلتقيان فيتصافحان إلا غفر لهما قبل أن يفترقا " * الحمد عقب الأكل قال رسول الله صلى الله عليه وسلم : " من أكل طعاما ثم قال : الحمد لله الذي أطعمني هذا الطعام ورزقنيه من غير حول مني ولا قوة غفر له ما تقدم من ذنبه "
  20. السلام عليكــم ورحمـة الله وبركاتــة ،، الموضوع كويس وجميل بس هل كل المطالب نتطلبها بالابتسامة والذوق والاحترام ؟؟؟؟اعتقد لا فى مواقف زى ماحضرتك قلت لازم الابتسامة فيها والكلام كويس مش بعنف بس فى مواقف بتوصل لحد الضرب علشان اخد بحقى وماينفعش غير كدة علشان اخ حقى لانى لو ابتسمت وقلت لو سمحت وكدة (هاخد على قفايا) البداية ممكن تكون بالابتسامة لكن لو تطور الموضوع ومافيش استجابة لحقى الشرعى اللى انا شايفه حقى وهو فعلا كدة اعتقد نقول للابتسامة مع السلامة ونشوفك على خير
  21. لو عاوز الرد على اللى بيحصل ده فوت علينا بكرة يا سيد
  22. السلام عليكــم ورحمـة الله وبركاتــة ،، شكرا يا شباب ويا شابات على الردود وساهر انت ردودك جديدة ولو انت شايف انها مش جديدة ماكونتش قلتاه وماتخافش مش هكون ممل شكرا مرة تانى
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..