تقوى القلوب

الكلام ده لا مجرد شعارات ولا حاجة ببالعكس انا اعرف ناس كتير جدا اتجوزت كدا اقربهم واحده اعرفها اتجوزت واحد لا غنى ولا حاجة وهى شكلها حلو مش وحشة واهلها ناس مستواها كويس واتجوزت مش بمهر ولا شبكة طلبت من خطيبها ان يكون مهرها اللى حافظه من القران الكريم وهى عايشة مبسوطة الحمد لله بس انا معاك فى ناس كتير جدا فعلا بتغالى اوى فى طلباتها وفى بنات هى نفسها اللى بتشترط كدا (بس هما الجانيين على نفسهم بقى )

******

فى مفاجأة للى عجبهم الموضوع النهردة ان شاء الله فى ببرنامج الحقيقة الساعه 5 تسجيل مع احمد صبحى منصور ومشاحنة بينه وبين عالم من الازهر على دريم 2

تم سحب شوكلاتة كادبورى ا من السوق الاوروبيه لتلوثها بنوع من البكتيريا النادر يسمى " السلمونيلا " وممالاشك فيه أن أفضل مكان للتخلص من هذه المنتجات الملوثة هو العالم الثالث " يعني أحنا ". ستباع هذه الشوكلاته بسعر زهيد في هذه الأسواق ، " لزوم التصريف " . أرجوكم أخبروا أي شخص لديه أطفال أو ممن يعشقون شوكلاتة كادبوري والله اعلم

القرانيين ظهرت مؤخرا طائفة جديدة لها تيار فكرى جديد ينسبون نفسهم الى القران يرأس هذه المجموعه الدكتور احمد صبحى منصور الهارب الى امريكا , والذى يدعى انه من اهل البيت وينسب نفسه الى الحسن رضى الله عنه كما يفعل الشيعه تماما , يؤمنون بالبحث والاجتهاد ولكنهم كفروا, فهم يطالبون باسقاط سنة النبى صلى الله عليه وسلم يحرفون القران كما يريدون , فهم يقولون بان الله عز وجل يقول ( اليوم اكملت لكم دينكم) يحرفونه فيقولون انه قد تم اكمال شريعه الاسلام ولا داعى للسنة النبوية الشريفة فهم لا يستخدمون فى حججهم اى حديث خاص بالرسول صلى الله عليه وسلم , ويجتهدون فى تفسير القران وسواء كانو على صواب او على خطا فلا يهم ذلك انهم يشككون فى راى الشيوخ والعلماء الدينيين هؤلاء كفرو بالله لانهم لم يصدقو سنة نبيه الذى لا ينطق عن الهوى ففعلو الاتى:- 1- منهم من يطالب باخضاع القران لنظرية امريكا والمصالحة وعدم جهاد اليهود 2- منهم من يؤمن باخضاع القران للعلم وفى النهاية كلهم يتفقون على عدم الاخذ بالسنة النبوية كحجة والله اعلم ماذا سيحدث بعد كل هذا فكل منهم يجتهد براى ويخضع القران لنظرياته الشخصية هذه هى كلماتهم التى يبداون بها فى اى كلام لنشر دعوتهم فاحذروهم:- ((اننا كمسلمين قرآنيين ننؤمن فقط بالقرآن الكريم كمصدر وحيد مقدس للشريعة الإسلامية , نابذين كل المصادرالأخرى التي تكتنفها الشكوك كالحديث و السيرة و التفسير و القياس و الإجتهاد وسير الصحابة و فتاوى الأئمة. ان القرآنيين يؤمنون بأن القرآن هو كلمة الله أوحاها إلى خاتم رسله محمد (صلى الله عليه و سلم ) ,لتكون نورا و هدى و رحمة و بشرى للبشر كافة)) اللهم نجنا من القوم الظالمين انهم افترو فى الارض اللهم عاملنا بما انت اهل له ولا تعاملنا بما نحن اهل له يا رب العالمين الموضوع مرفق بصورة لرئيس هذه الطائفة د\ احمد صبحى منصور السلام عليكم ورحمة الله وبركاته (الملاك البرىء)

ربنا يوفقكم كلكم يا رب

شكرا لردك بس لا انا مش متفقه معاك لان فى ناس كدا كتير الحمد لله وبعدين فى الاخر الطيبون للطيبات والخبيثون للخبيثات

الدنيا ابسط من اننا نعقدها اوى كدا , حب الحياة وحب الناس , عيش علشان تحب وتتحب, ولو يوم الدنيا ادتك ضهرها اضحكلها يمكن تضحكلك, حب نفسك لانك لو محبتهاش مش هتقدر تحب غيرك. اضحك للدنيا تضحكلك, ولو يوم الدنيا عندتك ولا يهمك بس اوعى تعند معاها متنساش انك لسه جزء منها وانها اكبر منك. خليك اقوى من اى حزن,اوعى تخلى الدنيا تضحك عليك,دى مش بتدى حد كل حاجة, علشان تديلك حاجة لازم تاخد حاجة اغلى منها,اوعى تامن لها واوعى تخونها بس فى كل الحالات ارضى باللى ربنا قاسمه ليك , واحمد ربنا عليه وافتكر انك احسن من غيرك كتير السلام عليكم (الملاك البرىء)

رحله موفقه

بجد بجد والله موضوع جميل وصور هايله كتير مبيقدرش يشوفها لانها مقفول عليها ومش معروضة لكل الناس ربنا يكرمك وانا كمان عندى اضافه لموضوعك انا عندى رسايل كمان من عهد النبى عليه الصلاة والسلام كانت من امير البحرين ومن هرقل

الله عليكم والله ربنا يبارك فيكم ويباركلكم ويجملكم بالقران ياااااااااااااااااااااااا رب

متشكرة اوى ده من ذوق حضرتك والحمد لله ان الموضوع عجبكبس يا ريت لو فى تعليقات او حاجة مش عجبتك تقولها واى حد عايز يضيف حاجة انا مش عارفاها او ناسياها يتفضل عشان يبقى فى فايدة اكبر من الموضوع

ردا على تعلقياتكم خصوصا ندا انا هقولك ازاى تختارى عريسك 1-اختارى واحد متدين ويعرف ربنا يتقى الله فيكى وفى اهلك و تتقى الله فيه وفى اهله 2-اختارى واحد يحفظك فى غيابك وتحفظيه فى عرضه وماله , حافظ للقران وعامل بيه, 3- مش مهم اللى تختاريه يبقى معاه فلوس كتير المهم انه يكون عارف ان معاه ربنا هيرزقه فى اى وقت لو انكم تتوكلون على الله حق توكل لرزقكم كما يرزق الطير)) 4- طبعا لازم يكون متعلم لانه حتى لو مش لاقى شغل مناسب هيلاقيه بعد كدا مادام معاه شهادته 5- متبصيش للوضع الاجتماعى ياما ناس وضعها الاجتماعى حلو اوى وعندها فلوس كتير ورصيد جامد فى البنك , وعند ربنا للاسف رصيدها صفر. 6- اختارى واحد يعينك على طاعة الله فى الدنيا ويكون سبب فى دخولك الجنة باذن الله تعالى 7- متبصيش للتفاهات بتاعت الخطوبة هيجيبلك شبكة بكام ولا هدايا بصى انك مختارة راجل بجد ليه شخصية كويسة واخلاقه عاليه لان الحاجات التانية دى بتختلف من شخص لشخص حسب قدرته, مش علشان صاحبتك جالها شبكة بمبلغ وقدره........... يبقى انتى لازم يجيلك احسن منها (يبقى مش هتتجوزى خالص ) 8- اختارى واحد يقوم معاكى اليل ساجدين لله وراضيين باللى قاسمه ليكم, عمره ما يزعلك فى يوم ولا يجرحك ولا يضايقك . لو عملتى ده هتعيشى حياة سعيدة مليئة بالطاعه لله والحب والسعادة ان شاء الله وعمرك ما هتندمى على اختيارك. **** بس نصيحة منى انا بقى لو حصل نصيب واتجوزتى ان شاء الله عيشى على اده مش تجيبى حاجات اكتر من طاقته والراجل يندين ويدعى عليا انا فى الاخر ربنا يتمم لكم بخير كلكم السلام عليكم ورحمة الله وبركاته (الملاك البرىء)

ردا على موضوعك يا ندا انا كتبت موضوع جديد فيه اللى انتى عايزاه ان شاء الله وشكرا لردودكم

هذه نصائح للمقبلين على الزواج ارجو منكم الاستفادة منها تعتبر اخطر سنوات الزواج هى السنة الاولى وذلك لان فترة الخطوبة لا تكشف عن طباع الزوج كامله فلابد من ان تكونى مهيأه لمواجهة المفاجآت بحكمة وعقل ولكى تنعمى بحياة افضل عليك بالتالى :- 1- التضحية من جانب الطرفين لانها اساس الحياة الزوجية (متدققيش على كل كبيرة وصغيرة) 2-التعاون فى مواجهة امور الحياة الزوجية (متبقاش رخم وساعدها فى شغل البيت مش مشكلة يعنى ومش هتنقص من رجولتك هتفضل راجل البيت) 3_احرصى على العلاقة الطيبة مع اهل زوجك فان احببتهم احبوكى واحب هو اهلك ايضا ,صليهم كى يصل هو اهلك. (اكيد هيبقى فرحان لما تعاملى والدته زى ما تكون والدتك مفيهاش حاجة لما تعتبرى ان ليكى والدتين محدش طايل واحده هيبقى عندك اتنين) 4-كل ام بتغير على ابنها لانها هى اللى ربته اعذريها لو طمعت فيه شوية وغارت عليه, راعى كبر سنها وكونى حليمة ورفيقة بها . 5-احفظى غيبة زوجك فى ماله وعرضه 6-عليكى ان تتعلمى فنون الطهى وترتيب المنزل (الراجل مش هيبقى فى شغله وييجى ياكل كل يوم جبنة وعيش وينضفلك البيت كمان) 7-شاركيه افكاره واهتماماته واماله الامه وطموحاته 8-اذ اشترى شيئا لك كهدية فاشكريه ولا تعيبيها (متقوليلهوش شايف معانا فلوس اوى ولا ذوقها وحش ولا مش عاجبانى) لا تجرحى مشاعره او تطعنى فى ذوقه 9-استخدمى معه اسلوب النفس الطويل عند تغيير اى سلوك لا يعجبك فيه واياك والمصادمة حرصا منك على مشاعره 10- لا تفشى سرا بينكما لاى احد ارجو الاستفادة من هذا الموضوع السلام عليكم ورحمة الله وبركاته (الملاك البرىء) اسرار النجاح - النجاح الاسرى - اسرار نجاح الحياه - الحياه الزوجيه

السلام عليكم ورحمة الله وبركاته احمد انا مش هقولك متزعلش ولا اى حاجة من دى بس هقولك انك متبقاش احمد اللى انا اعرفه لو مزعلتش على فراق حد قريب منك حتى لو مجرد زميل فمابالك لو كان صديق خلى بالك من نفسك

بارك الله فيك

والله محدش يقدر يقول غير حسبنا الله ونعم الوكيل فى كل اللى بيحبو ايذاء الناس

موضوع جميل جدا ومهم للى فعلا عاوز يتعلم جزاك الله عنا كل خير السلام عليكم ورحمة الله وبركاته

فضل القران على الانسان عند موت الإنسان وأثناء انشغال أقربائه بمناسكِه الجنائزية يقفُ رجلٌ وسيمُ جداً بجوار رأس الميت. وعند تكفين الجثّة يَدْخلُ ذلك الرجلِ بين الكفنِ وصدرِ الميّتِ. وبعد الدفنِ، يَعُودَ الناس إلى بيوتهم ، ويأتي القبرِ ملكان مُنكرٌ ونكير، ويُحاولانَ أَنْ يَفْصلاَ هذا الرجلِ الوسيم عن الميتِ لكي يَكُونوا قادرين على سؤال الرجلِ الميتِ في خصوصية حول إيمانِه. لكن يَقُولُ الرجل الوسيم : "هو رفيقُي، هو صديقُي. أنا لَنْ أَتْركَه بدون تدخّل في أيّ حالٍ منَ الأحوالِ. إذا كنتم معينينَّن لسؤالهِ،فأعمَلوا بما تؤمرونَ. أما أنا فلا أَستطيعُ تَرْكه حتىأدخله إلىالجنةِ". >ويتحول الرجل الوسيم إلى رفيقه الميت ويَقُولُ له: أَنا القرآن الذيّ كُنْتَ تَقْرأُه، بصوتٍ عالي أحياناً وبصوت خفيض أحياناً أخرى. لا تقلق. فبعد سؤال مُنكرٍ ونكير لا حزن بعد اليوم وعندما ينتهى السؤال ، يُرتّبُ الرجل الوسيم والملائكة فراش من الحرير مُلأَ بالمسكِ للميت في الجنة. فلندعو الله أن يُنعم علينا بإحسانه من هذا الخير. آمين آمين. >يروى عن رسول الله (صلى الله عليه وآلهِ وسلم) ، فيما معناه يأتي القرآن يوم القيامة شفيعاً لأصحابه لا يعادل شفاعتهُ أمام الله نبي أو ملاك. " اللهم صلي على سيدنا وحبيبنا محمد صلى الله عليه وسلم مع تحياتى "الملاك البرىء"

بسم الله الرحمن الرحيم السلام عليكم ورحمة الله وبركاته اسفه لانقطاعى عن المنتدى الفترة اللى فاتت كلها لكنى رجعت ليكم بهدية يا رب تعجبكم ايه رايكم نتوب كل انسان فينا محتاج توبة , مش لازم يكون عن الانسان كبائر علشان يتوب , احنا محتاجين نتوب حتى عن ذنوب صغيرة واكبر ذنب فيها هى غفلتنا عن استغفار ربنا كل الفترة اللى فات او لو كنا سبب حتى من غير قصد فى غضب اب او ام لينا. احنا حتى محتاجين نتوب عن اى حاجة غلط عملناها قبل كدا ذكر الله سبحانه وتعالى التوبة فى ايات كثيرة وحسنا عليها نبيه صلى الله عليه وسلم وتحدث عنها علماء كثيرون , (كل ده اكيد بيوضح لينا اهميتها ) ومن الايات التى ذكر فيها التوبة :- "قل يا عبادى الذين اسرفو على انفسهم لا تقنتو من رحمة الله ان الله يغفر الذنوب جميعا انه هو الغفور الرحيم" "الم يعلمو ان الله هو يقبل التوبة عن عباده" "والله يريد ان يتوب عليكم" والذين لا يدعون مع الله اله اخر ولا يقتلون النفس التى حرم الله الا بالحق ولا يزنون ومن يفعل ذلك يلقى اثاما يضاعف له العذاب يوم القيامة ويخلد فيه مهانا الا من تاب وامن وعمل عملا صالحا فاولئك يبدل الله سيئاتهم حسنات" احاديث يروى النبى صلى الله عليه وسلم ان رجلا يحاسبه الله على سيئاته يقول له اقرا كتابك فيمر بالسيئة فيسود لها وجهه ويمر بالسيئة فيسود لها وجهه فيظن انه هالك فيقول له الله عبدى الم تكن قد تبت فيقول بلى يا رب فيقول الله له اقرا كتابك مرة اخرى فيمر بالسيئة فاذا بها قلبت حسنة فقلبت سيئاته حسنات فيقول الرجل يا رب ان لى ذنوب اخرى لم يكتبها الملائكة فضحك النبى حتى بدت نواجزه احاديث النبى صلى الله عليه وسلم :- "يقول النبى صلى الله عليه وسلم يا ايها الناس توبو الى الله واستغفروه فانى اتوب الى الله واستغفره فى اليوم مائة مرة" (الصحباة يقولون كنا نعد لرسول الله صلى الله عليه وسلم فى المجلس الواحد اكتر من 70 استغفار) يقول النبى صلى الله عليه وسلم : "يتنزل ربنا تبارك وتعالى الى السماء الدنيا فى الثلث الاخير من اليل ينادى هل من تائب فأتوب عليه, هل من مستغفر فاغفر له , هل من طالب حاجة فاقضيها له" يقول النبى صلى الله عليه وسلم: "ان الله يبسط يده باليل ليتوب مسيئو النهار ,ويبسط يده بالنهار ليتوب مسيئو اليل" يقول العلماء : "وفرحك بالذنب اشد عند الله من الذنب" "وحزنك على فوات الذنب اذا فاتك اشد عند الله من الذنب" "و حرصك على ان تستر نفسك وانت تعصى وتغلق الابواب ولا يضطرب قلبك لنظر الله اليك اشد عند الله من الذنب" "وحياؤك من الناس ولا تستحى من ملك اليمين وملك الشمال اشد عند الله من الذنب" كان الحسن البصرى بعد صلاة الفجر يوميا ينادى على الناس فيقول : "ايها العبد العاصى عد الى مولاك ايها العبد الآبق عد الى مولاك ايها العبد الهارب عد الى مولاك مولاك يناديك باليل والنهار يقول لك من تقرب الى شبرا تقربت اليه ذراعا ومن تقرب اليا زراعا تقربت اليه باعا ومن اتانى يمشى اتيته هرولا" هناك اثر يقول: ان الله سبحانه وتعالى يقول: "لو يعلم المدبرون عنى شوقى لعودتهم ورغبتى فى توبتهم لذابو شوقا الى , يا داود هذه رغبتى بالمدبرين عنى فكيف محبتى للمقبلين على" عندما عصى ابليس ربه قال له "وعزتك وجلالك لاغوينهم مادامت ارواحهم فى ابدانهم" فقال له الله" وعزتى وجلالى لاغفرن لهم مادامو يستغفرون" حديث قدسى "انى والانس والجن فى نبأ عظيم اخلق ويعبد غيرى , ارزق ويشكر سواى , خيرى الى العباد نازل وشرهم اليا صاعد , اتودد اليهم برحمتى وانا الغنى عنهم ويتبغضون اليا بالمعاصى وهم افقر ما يكونون الى , اهل ذكرى اهل مجالستى فمن اراد ان يجالسنى فليذكرنى , اهل طاعتى اهل محبتى ,اهل معصيتى لا اقنتهم من رحمتى ان تابو اليا فانا حبيبهم وان ابو فانا طبيبهم ابتليهم من المصائب لاطهرهم من العايب الحسنة عندى بعشر امثالها وازيد والسيئة عندى بمثلها واعفو وعزتى وجلالى لو استغفرونى منها لغفرتها لهم , من اتانى منهم تائبا تلقيته من بعيد , ومن اعرض عنى ناديته من قريب اقول له اين تذهب الك رب سواى" جاء فى الحديث" ان رجلا من بنى اسرائيل عصى الله عصيانا شديدا ما ترك معصية الا وفعلها فلما اقترب من الوفاة جمع بنيه وقال يا بنى ما عصا الله احد كما عصيته فان انا مت فاحرقونى فاذا احرقتمونى وصرت رمادا فاطحنونى ثم انتظرو يوم عاصف شديد الريح فانثرونى على رؤوس الجبال ف لان قدر عليا ربى ليعذبنى عذابا ما عذبه احدا من العالمين فقال له الله كن فكان فقال له الله ما حملك على ما صنعت فقال خفتك وخفت ذنوبى فقال له الله تبارك وتعالى قد غفرت لك بمخافتك اياى " يقول النبى صلى الله عليه وسلم: "ان الله خلق بابا يوم خلق السموات والارض تركه مفتوحا عرضه مسيرة سبعين عاما فقال النبى اتدرون ما الباب فقلنا الله ورسوله اعلم قال الباب التوبة " يقول الله تبارك وتعالى فى الحديث القدسى : "يابن ادم انك ما دعوتنى ورجوتنى غفرت لك على ما كان منك ولا ابالى, يابن ادم لوبلغت ذنوبك عنان السماء ثم استغفرتنى غفرت لك " عصى سيدنا كعب ابن مالك معصية شديدة تخلف عن غزوة من غزوات النبى صلى الله عليه وسلم رجع النبى صلى الله عليه وسلم من الغزوة امر المسلمين ان يقاطعوه 50 يوم عقابا له فنزلت ايات سورة التوبة وقابله الناس فى الفجر يهنؤنه على توبة الله عليه فدخل كعب ابن مالك على النبى صلى الله عليه وسلم فاستنار وجه النبى من الفرحة يقول فكانه قطعه من القمر فرحا بتوبته , يقول فجلست بين يديه فقال لى ابشر يا كعب بخير يوم طلع عليك منذ ولدتك امك تاب الله عليك شروط التوبة 1_الندم ندمان على الغلط فى حق الله ) كان فى ناس ارتكبو معصية شديدة بنو بناء ليعصو فيه الله فنزلت الايه تقول :"لا يزال بنيانهم الله بنو ريبه فى قلوبهم الا ان تقطع قلوبهم " يقول عبد الله ابن عمر : اذا تذكرت الذنب فاضطرب القلب فاعلم انه قد غفر 2_ الاقلاع عن الذنب 3_العزم على عدم العودة فى المستقبل 4- اذا كنت اخطأت فى حق العباد فرد الحقوق الى اهلها واخيرا وليس اخرا ادعو معى واستغفرو يا رب لك الحمد كما ينبغى لجلال وجهك ولعظيم سلطانك اللهم صلى على سيدنا محمد وعلى اله وصحبه وسلم يا رب يا من له الاسماء الحسنى يا من تتنزل كل ليله تنادى هل من تائب فاتوب عليه يا من تبسط يدك باليل ليتوب مسيئو النهار وتبسط يدك بالنهار ليتوب مسيئو اليل يا من تركت باب التوبة مفتوح لا يغلق يا رب توب علينا لنتوب اللهم اغفر ذنوبنا كلها صغيرها وكبيرها اولها واخرها علانيتها وسرها ما علمنا منها وما لم نعلم يا رب اغفر منها خطأنا وعمدنا اللهم اننا لم نعصاك استهوانا بحقك ولم نعصاك استخفافا بيوم القيامة ولكن غلبتنا الدنيا فتب علينا واغفر لنا واهدنا وارحمنا يا ارحم الراحمين وصلى اللهم على سيدنا محمد وعلى اله وصحبه وسلم والسلام عليكم ورحمة الله وبركاته مع تحياتى (الملاك البرىء)

بسم الله الرحمن الرحيم السلام عليكم ورحمة الله وبركاته ايه رايكم ناخد جولة فى عالم الشباب ونشوف بعض مصطلحاتهم الروشة طحن فى المجال السياسى تعالة بينا نشوف:- القاموس السياسى للشباب الروش العولمة: عملية تحول اجتماعى وثقافى تزعمه فيفى عبده الشفافية: سمة ضرورية للملابس التغيير: عملية ضرورية للبيبى لما يكون مبلول المبايعه: ورقة تكتبها لما تبيع عربيه قديمة غسيل الاموال: لما تنسى المحفظة فى البنطلون ويتغسل وده سىء جدا عملية السلام: زى عملية اللوز لما تشيلها وتترمى فى الزباله سلام عادل وشامل: عادل وعرفناه مين شامل ده هو كمان الطهارة : دى معروفه عند المسلمين واليهود طهارة اليد: عملوها ازاى دى؟؟؟؟؟ الخصخصة: تحدث يوم شم النسيم فى الحدائق عند اكل الفسيخ التنوير: عملية بتحصل فى الشوارع اللى ساكنها الوزرا والناس المهمة الارهاب: نوع من السلطة مع الكباب رجال الاعمال: اشخاص يفكون الربط للرجاله ويعملو عمل للستات الجات: اسم بيقوله اهل اليمن على نبات زى البانجو الشريط الحدودى: الشريط الجاى لعمرو دياب عصر المعلومات:عصر تاخد فيه اللى انت عاوزه لو دفعت المعلوم سياحه الاثار: خروج الاثار مع الخواجات من مصر علشان الناس برة يتفرجو عليها قصور الثقافة:لا يزال وزير الثقافة بيدور على السبب فيها المؤامرة الصهيونية: ماركة جديدة من الشماعات نعلق عليها هدومنا واخطائنا العمل بالسياسة: يمارسه من يعمل سايس فى الجراج البيئة : شتيمة بيقولها على الطبقات الفقيرة من الشعب صندوق النقد: ميفرقش كتير عن صندوق الزباله حرية النشر: تمارسها الستات على السطوح فى المناطق الشعبيه التعمير:عملية تتم فى الغرز العمل الثورى: مذكر العمل البقرى قطاع الاعمال: زى قطاع الطرق بالظبط النربيه: قديما كان الى بيقوم بيها وزارة التعليم دلوقتى استلمها تجار المواشى شهادة الايزو: شهادة مضروبة , بيشتروها زى مالفلاحين بيشترو شهادة محو الامية ويدفعو فيها كيلتين درة احمد زويل: صنع فى مصر بس مجتمع فى امريكا دى كانت اخر مصطلحات وصلت ليها ومازال البحث مستمر السلام عليكم ورحمة الله وبركاته مع تحياتى :- (الملاك البرىء)

بسم الله الرحمن الريحيم الله على احساسك بجد هايييييييييييييييييييل بس انا ليا عتاب بسيط عليك ازاى الدنيا تكون فيها كل الحاجات الحلوة اللى موجودة فيها لو مش ذكرنا الحب هتلاقى فيها صلة رحم هتلاقى قلب امك اللى يخاف عليك وقلب ابوك اللى يحتضنك , هتلاقى حب صافى من اخواتك هتلاقى قلب طيب قلب جدك وجدتك هتلاقى اصحابك اللى بيحبوك كل ده ولسه متشائم؟؟؟؟؟؟؟؟ طيب هقولك حب تانى هلاقيه ايه رايك فى حب ربك لعباده اللى انت عبد منهم؟؟؟؟؟؟؟؟؟؟ ليا برضو عتاب تانى عليك ( المفروض متبقاش حبيبتك هى مصدر قوتك المفروض الانسان يبقى مصدر قوة نفسه لان الحبيب ممكن يسيب حبيبته لكن روح الانسان لا يمكن تفارق جسده الا بالموووووووووت الشىء اللى مش يموتك يبقى هيقويك ولو لسه فى الانسان نفس يبقى لا يمكن يكون تفكيره فى انه منتظر الموت وبس , ومفيش حد بايع يستاهل حد يبكى عليه ده كان تعليقى على موضوعك الجميل (الملاك البرىء)

بسم الله الرحمن الرحيم السلام عليكم ورحمة الله وبركاته حد عاوز يعرف ايه سر السعادة الزوجية؟؟؟؟؟؟؟؟؟؟؟؟؟ اكيد الكل عاوز يعرف لو حتى مش متجوز مسيره فى يوم يغلط ويعملها تعالو نشوف سوا لما سالنا الاستاذ احمد قال ايه!!!!!!!!!!!!!!!!!!!!!!!!!!!!!!!!!! الاستاذ احمد:انا اكتشفت انا ومراتى سر السعادة الزوجية انا: طيب ممكن تعرفنا ازاى حققتوها الاستاذ احمد: اوكى انا هشرحلك, شوفى _ انا ومراتى نتعشى فى مطعم فاخر جدا يومين فى الاسبوع هى بتروح يوم الاتنين وانا بروح الجمعه _علشان نجدد الاشواق اللى بيننا كل واحد بينام على سرير علشان نوحش بعض(انا سريرى فى مصر وهى فى اسكندرية) _انا دايما باخد مراتى افسحها فى حتت بعيدة( يمكن تروح ومتعرفش ترجع) _سألتها مثلا عاوزة تروحى فين فى عيد جوازنا قالتلى انا عاوزاك تودينى مكان من زمان مروحتهوش وديتها المطبخ _دياما واحنا ماشيين ايدينا فى ايد بعض( اصلى لو سبتها هتدخل اول محل يقابلها تفرتك كل المرتب بتاعى) _اشتريت لها كل حاجة نفسها فيها(مكنسة كهربائية,خلاط كهربائى ,استشوار كهربائى) راحت قايلالى ايه ده انت مليتلى البيت حاجات مش لاقيه مكان اقعد فيه , روحت على طول جايب لها كرسى كهربائى برضو. _داخلة تشتكى (العربيه مش راضية تدور علشان الكربرانير مليان مية, سالتها ليه هى فين انا اعملهالك , قالتلى تحت نافورة فى الاميرية. _مراتى عملت رجيم جديد هايل , بتاكل فيه موزة واحده وجوز هند بس ( بقت نشيطة جدا وبتتشعبط على اى شجرة تشوفها)و(مخستش ولا كيلو واحد الظاهر بتاكل من ورايا) انا: بس بس كفاية يا استاذ احمد حرام عليك كدا مفيش حد هيرضى يتجوزنا اوعى تقول لحد كدا الاستاذ احمد : متخافيش مش هقول لحد برة الجمهورية. انا كمان عاوزة اعرف رايكم فى الزوجات وانتم يا بنات احكو عن مغامراتكم مع ازواجكم, ومتخافوش انا مش هقولكم مفيش حد هيعرف اللى هتقولوه برة الجمهورية لا انا اوعدكم مفيش حد هيعرف الحكايات دى برة منتدى يلا يا شباب السلام عليكم ورحمة الله وبركاته مع تحياتى:- ( الملاك البرىء)

ببسم الله الرحمن الرحيم السلام عليكم ورحمة الله وبركاته فى البداية احب اعرفكم بنبذة عن( صميدة باشا)هو مزارع بسيط من الارياف وساعات بيشتغل مزارع بالاجرة ببساطة هو معدم الحال ولكن فشاااااااااااااااااااااااااااااااار جدا جدا جدا.المشكلة انه بيتمادى جدا فى كدبه لكن للاسف فى ناس بتصدقه زى حمدان صاحبه اللى قابله بعد ما صميده رجع من الاسكيمو زى مبيقول. ايه رايكم نشوف سوا هريدى عمل ايه فى الرحلة بتاعته للاسكيمو وايه الحاجات اللى صادفته وقابلته فى الرحلة دى!!!!!!!!!!!!!!!!!!!!!!!!!!!!!!!!!!!!!!!!!!!!!! حمدان: اهلا صميدة صاحبى وواد عمى ايه اخبارك كنت فين المدة دى كلتها اتوحشناك جوى صميدة: اسكت يا حمدان ياخويا كنت مسافر برة حمدان : برة ايه يا صميدة كنت فى البندر؟ كنت فى البندر بتعمل ايه؟ صميدة : شفت الراجل اقوله مسافر برة يقولى فى البندر , يا حمدان يا واد عمى انا كنت فى الاسكيمو. حمدان : يا حلاوة يا حلاوة , ودى فين دى يا خويا ؟ صميدة: دى تجيلها كده ابعد من اسيوط بمسافة, اسكت يا حمدان ياخويا على اللى حصلى فيها حمدان : خير اللهم اجعله خير ايه اللى حصلك صميدة: شوف يا حمدان ياخويا , وانا فى اخر رحلة ليا للاسكيمو , كنت لابس الجلابيه بتاعة اخويا علوان المخططة دى , ومقيل تحت شجرة جميز! بينى وبينك انا نمت وانا فاتح بقى علشان اول ما حتة جميز تستوى, تقع تنزل فى بقى على طول, بس لجل البخت الاسود , تعبان شاف بقى مفتوح افتكره جحر! راح داخل فيه؟ حمدان : ده اكيد تعبان صغير اللى عرف يدخل فى بقك. صميدة لالالالالالالالالالالالالالا صغير مين ده التعبان هناك بتاع حوالى 700 متر. حمدان يا سلام , تعبان 700 متر دخل فى بقك ازاى وانت نايم من غير متحس ولا تدرى ولا تصحى؟؟؟؟؟ صميدة: لالالالا مانا صحيت ييجى فى نصه كدا,اقوم الاقيلك ده داخل بطنى, قعدت اشد فيه وهو يتزفلط , اشد وهو يتزفلط لحد مدخل كله جوة فى بطنى! حمدان: يا خبر ابيض وعرفت تطلعه! صميدة: ابدا وحياتك ده انا عملت البدع علشان اطلعه, مفيش فايدة, اخر مزهقت روحت قالع ونازل له!!!!!!!! حمدان :نازل له فين!!!!!!!!!!!!!!!!!!!؟؟؟؟؟؟؟ صميدة : جوة فى بطنى طبعا,هو شافنى نازل راح واخد ديله فى سنانه وطالع يجرى. هو يجرى وانا اجرى وراه هو يجرى وانا اجرى يمين شمال برضو وراه , فين وفين لحد ماوصل بيت الكلاوى, راح داخل وقافل الباب على نفسه!!! حمدان: طبعا معرفتش تدخله وروحت ماشى بقى وسايبه؟ صميدة: هو مين ده اللى يسيبه؟ لالالالا اروح ودى تيجى , طبعا انت عارف تحت بيت الكلاوى مصطبة قعدت قيلت شوية مخرجش ببص يمين كدا لقيت واحد حلاق قولت اخد دقنى عنده على ميطلع,نص ساعه كدا ولقيته مطلع راسه من الباب ,بص مشافنيش راح متسحب خارج , روحت خاطف الموس من ايد الحلاق وهاجم على التعبان , شوف يا حمدان ياخويا هى هجمة واحده جبت التعبان نصين حمدان: قسمت تعبان ييجى 700 متر بهجمة واحده نصين؟؟؟؟ صميدة : ايوة وبالطول وحياتك!!!!!!!!!!! السلام عليكم ورحمة الله وبركاته مع تحياتى (الملاك البرىء)