اعتز بحجابى

الزواج رزق ولا يملك الرزق الا الله ربنا يكرمك يا حياتى جزاك الله خيرا

ربنا يخليهولنا يارب عمو مدحت ويكرمه ان شاء الله تسلم ايدك يا حياتى على الاسلوب الجميل(اعتقد ده مش اسلوب باباكى خاااااالص )

ألف ألف ألف مبروك رجوع الموقع بالسلامة إن شاء الله السيرفر الجديد يكون فتحه خير على المنتدى

اغلى واحلى ام فى الدنيا كلهااااااااااااااااااااا طنط مامت حياتى بحبك جداا جداا وربنا يخليهالك يا حياتى

تسلم ايدك يا حياتى انتى عارفه بقى xxxxxxxxxxxxxxxxxxxxxxxxxxxxxxxxxxxxxxxxxxxxxxxl او يمكن اكبر حبه كتير

ربنا يوحد صفنا يارب جزاك الله خيرا يا احمد

شكرا نوده على الرد انا خلاص يا حبيبتى متجوزه اصلا والحمد لله كمان قريب هكون ام الدور والباقى عليكم بقى انا عايزه افرح بالمنتدى كله السنه دى وشكرا مستر على وشكرا المهندس علاء وان شاء الله نهنيكم بفرحكم قريب

عروسة .......ديلفري يرن جرس الباب , ويتجه الحاج محمود لكي يفتح ليجد أمامه شريف وأسرته , فيرحب بهم ويدخلهم للصالون قائلا : يا ألف خطوة عزيزة ......... اتفضلو يا جماعة . وتجلس أسرة شريف في الصالون مع الحاج محمود .......... ويبدأ والد شريف في التحدث : والله يا حاج محمود احنا ما جينا هنا إلا لما عرفنا إن كل الناس بتتشكر فيك .......... ويكمل شريف : أي والله يا حاج , دا أنا حتى قلت للوالد إن الحاج محمود عنده حتة أصلي كده تقفيل بلاد بره . الحاج محمود باندهاش : حتة ايه يا بني! ......... مش انتو برضه جايين تطلبو ايد مي بنتي . وينظر والد شريف إلي شريف في غيظ موجها كلامه للحاج محمود وهو يبتسم ابتسامة صفراء : هههههه ...... طول عمر شريف هليس و بيحب يهزر ........ يا حج احنا فعلا جايين نطلب الحتة الاصلي.......... أصدي بنت حضرتك لشريف ابني . الحج محمود : دا احنا لينا الشرف ........... دا احنا نجهزوهالكو ونشحنها على بيتكم يا ابو شريف ........ وأجرة النقل والمشال علينا كمان ........... طب تصدق وتآمن بالله , مي من أسبوع حلمت انها كانت عند محل جزم وكانت بتجرب جزمة عجبتها أوي بس ملاقيتش الفردة التانية , سألنا الشيخ : قال لسه ربنا مأذنش بالعريس , لكن لو لقت الفردة التانية هتلاقيه ............. معداش خمس أيام ومي حلمت إنها لقت الفردة التانية .......... وأدي الحلم اتحقق والفردة ............ أصدي العريس جه . شريف في سره ( أنا جزمه يا ابن ال ............ ) . والدة شريف : أمال العروسة فين , مش هنعاين البضاعة بقى ؟ يميل والد شريف ناحيتها ويقول بصوت خافت : اتكتمي يا ولية ......... بضاعة ايه إلي هتعاينيها . وينادي الحاج محمود على مي : يا مي ......... يا مي ........... تعالي يابنتي . ( تدخل أم مي علي مي في غرفتها وتقول لها : انت لسه ماجهزتيش ......... يلا العريس عاوز يشوفك .......... وبعدين مال وشك أحمر قوي كده ؟! ). - اعمل ايه يا ماما , علبة المكياج خلصت , فخليت سارة تسكعني كفين على وشي. - يا نهار ........... دا انت على ما تطلعي يكون وشك ابتدا يزرق . - اهئ اهئ اهئ .......... يعني العريس هيضيع يا ماما ؟ - الله يخرب بيت شورتك انت واختك ....... روحي اغسلي وشك بشوية مية , وربنا يستر . (تمسح مي دموعها وتذهب لتغسل وجهها وتعود لغرفتها ) - كده وشك بقى كويس .......... يلا أنا هطلع دلوقتي , وابقي هاتي العصير وتعالي . في الخارج يدخل ميمو ( أخو مي الصغير ) ويسلم على الموجودين , ويذهب ناحية شريف ويقول له : ازيك يا عمو ........ أخيرا هتيجي تاخد مي وتريحنا من أرفها , وبالله عليك يا عمو ابقى خدها معاك وانت مروح , وسيبلنا مكانها مروحة . ويشخط الحاج محمود في ميمو : خد يلا ....... عيب كده . شريف : سيبه يا عمي دا شكله دمه خفيف قوي .......... انت في سنة كم يا ميمو ؟ ميمو : رايح كيجي تو . الحج محمود موجها كلامه لشريف : ولا قولي يابني , انت خريج ايه ؟ شريف : تالتة ابتدائي . - نعم ! - في الحقيقة يا عمي .......... أنا وقفت عند تالتة ابتدائي , وبعد كده ما كملتش تعليمي . - طب وبتشتغل ايه ؟ - بشتغل في ايطاليا . وما أن يسمع الحج محمود كلمة ايطاليا حتى يطمئن قلبه , ويكمل حواره : والله يا ابني انت دخلت قلبي من أول ما شفتك .......... ويقاطعه ميمو : وأنا كمان يا بابا حبيته أوي ......... بس يا عمو شريف هي كلية تالتة ابتدائي دي كم سنة ؟, وبتتخرج تبقى ايه ؟ يصرخ الحج محمود في ميمو : وبعدين معاك يلا ......... عيب كده , ولكن تقاطعه أم مي : يوه يا حج ........ ما تسيب الواد يتسقف . يرد شريف بسخرية : بص يا ميمو ........... مش هي اسمها تالتة ابتدائي ...... يبقى تلات سنين ....... وبتخرج اشتغل في ايطاليا علطول . ميمو : أنا لما أكبر هخش الكلية دي عشان تبقى تذاكرلي . وفجأة يعم المكان صمت رهيب , حيث تظهر من بعيد مي حاملة صينية العصير , وتدخل عليهم بخجل ................... ولكن تتعثر قدميها في السجادة فيتطاير الصينية والاكواب , ليستقر أحد الاكواب على رأس العريس ............تشششششششششش.............آآآآآآآآآآآآآه , ويتناثر العصير على ملابس العريس ............. وسريعا يقف الحج محمود وينظر إلي ابنته في غضب ويعتذر للعريس : معلش ...... معلش يا شريف يا ابني ......... شريف وقد عصر على نفسه شجرة لمون : ما حصلش حاجة يا عمي , دا حتى دلق العصير على العريس خير . يرد الحج محمود : عندك حق يا ابني ........ بقولك ايه , ما تقلع الجاكته واديها لأم مي تغسلها ........ اقلع يا راجل , دا حتى الجو حر . ويقلع شريف الجاكتة , وكمان القميص , ويجلس بالفانلة , وتحاول أم مي ومي اخفاء ضحكاتهم من منظر العريس وهو يجلس بالفانلة ........ ويردد الحج محمود : ها ...ايه رأيك دلوقتي ........ مش كده أحسن , وبعدين جاكتة ايه وقميص ايه إلي أنت جاي بيهم , دي كانت موضة أديمة . ويرد شريف :ولا يهمك ياعمي........ بص بقى على بلاطة كده ........ الشقة وموجودة , والشبكة تطلب إلي هيا عاوزاه ........ العفش تنقي إلي عاوزاه ......... والحمد لله أنا راجل كسيب وبشتغل في ايطاليا , يعني إلي مي هتطلبو , مش هتأخر عليها....... ومش عايز منكم غير مي بالكارتونة بتاعتها وعليها شهادة ضمان خمس سنين . الحج محمود : ضمان ايه يا ابني , دي مي واخدا شهادة الأيزو 9001, و إذا كان عالضمان , فأنا أضمنهالك مدى الحياة , بس أنا مش مسؤول عن سوء التخزين أو الاستخدام . شريف : اطمن يا عمي , أنا استخدامي نضيف .......... دا حتى الموبايل إلي معايا ده بقالو أربع سنين , عمره ما عطل مني . ينظر الحج محمود إلي مي ويقول : ها إيه رأيك يا مي . وتنظر مي إلى الأرض في خجل وتصمت قليلا , ثم تقول : عليا النعمة يا دادي ده عريس لقطة , وأنا مستعدة أروح معاه دلوقتي .......... ثم تنظر إلي شريف وتقول : خلاص يا شرشوري , اعتبرني من دلوقتي مراتك . ويرد شريف : خلاص نقرا الفاتحة . لكن تقف مي وتقول بصوت عالي : استنو هو احنا لسه هنقرا الفاتحة ....... احنا نجيب المؤذون حالا , وخير البر عاجله . تفتكروا ممكن يوصل بينا الحال لكده

يا نهار ابيض

ليكى حق فعلا دى حاجه تحزن ماهو لو كان موجود المبدا ده ((حب لاخيك ما تحب لنفسك)) عندنا اكيد ماكناش هنشوف ده

تعرفى يا حياتى انا عندى واحده صاحبتها هنا فى دبى بتقولى انا بموت فى السينما المصرى وبحب التليفزيون بتاعكم جدااا يبقى عندك حق احنا بقينا هايفين اوى وبقينا مخنا فاضى اوى ربنا ينقذنا ويهدينا

منوره المنتدى يا منار موضوعك هادف وحلو كل سنه وانتى طيبه

ربنا يرحمك يااااااااااارب

جميله يا ندى تسلم ايدك وكل سنه وانت طيبه

جزاك الله خيرا د\خالد انا جيبت النتيجه لاخت حياتى وفرحانه موووووت لانها دخلت اداب تاريخ الف مروووووووووك ليكى يا منار وهتصل بحياتى حالا اقولها تلاقيها ماتعرفش انها ظهرت اصلا مبروووووك مره تانيه وكل سنه وانتم طيبين

جزاك الله خيرا