المدرب حسام الدين محمد

الدنيا بطعم الشطة والليمون - يااااااااااااا إيه ده ، طعم الصنف ده حرق لسانى وشطشطها كده ليه ... ده شطة وليمون ده ولا ايه - شطة وليمون ايه ياعم ده طماطم ما انا باكل من نفس الصنف بتاعك - لا ياعم شطة بقولك مش قادر لسانى فيه ناااااااااار - طيب ورينى كده ..... لا يا عم طماطم - خلاص تعالى نروح نسأل البياع كده - لو سمحت يا أستاذ ، هو صنف الشيبسى ده بطعم الاية ؟ - ورينى كده الغلاف ... اه أصلى ده صنف جديد من الشيبسى الطعم اللى نفسك تدوقه أو اللى انت شايفه حتدوقه على طول أسمه شيبسى ( الدنيا ) .. تخيل كده لو في حاجة زى كده ، عمرك سمعت عن حاجة كده قبل كده هههههههههه نفسك تدوق الصنف ده ؟ طيب ما انت بتدوق الصنف ده من زمان وخاصة بالشطة والليمون !!! متستغربش ، ليه دايماً مش بتتحرك وبتقول دايماً مفيش فايدة ؟ - ليه كل حد ممكن يدلك على الطريق اللى تحبة وحيسعدك ( زى طعم الطماطم كده ) تقوم تقوله لا أنت كلامك مش واقعى ( وتقوله اصله ده شطة ) - طب ليه كمان كل حد يقولك انت ممكن تعمل شغل وحاجات كتير ممكن تغيرك تقوله لاصعب الكلام حلو بس التنفيذ صعب ... ايه نقولها تانى كده لوسمحت ؟ - طب ليه كمان كل حد يقولك انت ممكن تعمل شغل وحاجات كتير ممكن تغيرك تقوله لاصعب الكلام حلو بس التنفيذ صعب ... ياااااااااا كلمة بسمعها كتير اوى طب أنت عمرك جربت طيب طب ليه بتقول كده تحب أقولك ليه بتقولك كده من غير ما تجرب تعالى نشوف ونحاول نحل المشكلة ... 1- الخوف من الفشل : العدو اللدود لسعدك هو ده انك خايف تفشل فتنهار فتيأس بقى من الدنيا ومن اللى فيها وتقولك مش قادر ، أحساس بيجيلك كل لما تكون عاوز تعمل حاجة لأنك طبعا شايف فى نفسك انك متقدرش وخايف لما تيجى تعمل الحل الصح اللى يغيرك متقدرش عليه لانك مش عاوز تحس بالفشل ... بس مين قالك انك حتفشل ما تجرب مش يمكن تقدر وتنجح على طول .. وأفرض كده منجحتش من اول مرة أنت تعرف أنت حتكسب ايه مش حقولك حخلى واحد من رجال الأعمال الناجحين يرد عليك لما سأله واحد صحفى عن سر نجاحه ؟ قال : قرارات سليمة فساله تانى الصحفى إزاى نقدر اننا ناخد قرارات سليمة ؟ قال : الخبرة فساله الصفحة تانى أزاى نقدر نكتسب الخبرة ؟ قال : من القرارات الخاطئة شوفتوا بقى يعنى عادى أنك لما تجرب مش حتحقق النجاح اللى قى بالك كده على طول 2- الخوف من المجهول : دايمًا تقول أنا خايف ، هو ايه اللى ممكن يحصل بكرة ؟ تفتكر ايه يعنى ممكن يحصل ، ما تخوض كده تجاربك وجرب وانطلق بذاتك وشوفها كده ( بالطعم اللى بتحبه مش لازم تكون شطة وليمون يعنى ولا أنت بقى حاولت تدوقها كباب لقيتها ملح ولا ايه ههههههههه وارفض انها كده انت اللى اخترت كده ) طب وحل المشكلة دى ايه بقى : 1- أول حاجة انت يعنى عمرك ما حيحصلك زى ايدسون لما اخترع المصباح الكهربائى واظن انتوا عارفين هو فشل كام مرة عقبال ما اخترع المصباح ( ايوة صح 9999 تجربة ) كتير صح هل أنت بقى حتوصل لمعدل ارقام فشل فى تجربة تغيرك للرقم ده ... لا صعبة دى 2- قبل اى مواجه اكتب كل السلبيات اللى ممكن تحصلك كده ، وايه احسن حاجة ممكن تحصلى لى من المواجه دى ؟ تمام ... 3- الافكار السلبية : مكن الصعب أن تهزم عدو له معقل فى رأسك زماااااااااان قاله على الافكار السلبية كده واظن الطالب اللى كان نايم فى المحاضرة ولما قام فى اخر المحاضر شاف مسالتين على كتبهم الدكتور على السبورة ونقلهم فى الاسكتش وقال يمكن واجب ولما حاول يحلهم معرفش واقعد اسبوع كامل لغاية لما حل مسألة واحدة فلما سأل الدكتور على صعوبة هذه الأسلة وانه أستطاع حل مسألة من الأثنين تعجب الدكتور جدا ، وقال له أنت قدرت تحل مسألتين من أهم المسائل التى عجز العلم عن حلهما ...وانا كنت بعرض نموذج للأسئلة دى .. تخيل تخيل بقى لو كان الطالب ده صاحى وعرف كده ، هل كان فكر أساسا فى أنه يحاول اكيد لا فطبعا نفس الحكاية ، حتقرأ المقالة وتشوف الواجب العملى ومش حتقرب انك تعمله ساعتها حزعل منك اووووووى ههههههههه انت جواك كنز : ايوة كنز انت مسمعتش المثل الصينى اللى بيقول بداخل الطين كنز تعرف حكايته ( بيقولك زمااااان كان فى ملك عظيم فى الصين وكان الشعب بيحبه جدا من كتر حبهم فيه قالوا احنا لازم نعمله تمثال وفعلا صنعوه الكنز من الدهب الخالص وطبعا لان الفرحى مكملتش هجم جيش عدو على الصين فخاوفا على التمثال فغطوا التمثال اللى من الدهب بطينة علشان الجيش العدو ميطمعش فيه ، وتعدى السنين وراه السنين وقالوا احنا لازم ننقل التمثال ده من مكانه الى مكان تانى ( زى حكاية تمثال رمسيس كده هههههههه بس ده مكنتش فيه دهب ) المهم انه اتشرخ منهم التمثالل واتكسرت الطينة فظهر التمثال على اصله ) وانت كده عندك طاقات وإمكانيات رهيبة جدا ممكن تستخدمها بس يا خسارة الطينة مقفله عليها خالص ... كل اللى عليك بجد أنك تعامل صح مع مشكلاتك ومش تستسلم ليها وتقول خلا اصلى ده شطة وليمون حعيش شطة واموت ليمون لا أنت ممكن تشترى كيس غيروا على فكرة هههه اه والله وإذا كنت بتحب الشطة بقى على رأى المثل ( اللي يحضر عفريت يا يعرف يصرفه ميعرفش يصرفه يتحمل أذاه ) بس ده اللى اقدر أقوله دلوقتى كل واحد فينا عايش فى دائرتين الاولى كبيرة أوى أسمها دايرة الهموم والتانية صغيرة شوية أسمها دايرة التاثير والهموم دى يعنى ايه يعنى هى الهموم اللى مش فى ايدينا يعنى مش احنا اللى عملناها مشكلتنا بقى أن احنا بنفكر فى دايرة الهموم وسايبين الحل فى التاثير وكفاية كده يالا سلام

كلامك تمام وعندك حق والحل عندى يا سيدى تابع مقالة ( الدنيا بطعم الشطة والليمون ) اخد مقالاتى على المنتدى ان شاء الله فيها الحل

جزانا واياكم واتمنى المتابعه

حياتى بالقيم احلى 1- عالم سمسم ... عالم سمسم عالم سمسم ...... فيها بنرسم وش مسمسم ويتبسم بسمة كبيرة قد الدنياااااااااااااا تعالوا تعالوا تعالوا .... تعالوا فى عالم سمسم إيه ده أزيكوا يا شباب معلش مش واخد بالى أنكوا معايا وأنا بغنى اغنية كلنا حافظنها أكيد اه ايوة صح دى اغنية برنامج الجيل عالم سمسم أغنية جميلة صح ههههههههههه ... أصل عالم سمسم أول مقالة من مقالات سلسلة حياتى بالقيم أحلى فعلا احلى حاجة إن الانسان يعيش لقيمة ومبدأ عايش لتحقيقة ويعمل على انه مفيش حاجة تاثر على القيمة دى ومينفعش انها تتغير لأى سبب من الاسباب ........ وأول مبدأ معانا مبدأ (( عالم سمسم )) هههههههههه ايوة عالم سمسم فيها ايه أشمعنى عالم سمسم ؟ لا سؤال منطقى ؟ برافووووووووو على اللى سأل الصراحة أقول ليه ! مين فينا ما شفش وهو صغير عالم سمسم ، ومين ما تعلمش من شخصياته ( خوخة – فلفل – نمنم ) ها مين ؟ كلنا نعرفهم المبدأ اللى كان ماشى عليه عالم سمسم هو التعلم والتعليم والعلم علشان كده عايزين نأخد المبدأ ده كقيمة لينا ..... ( التعلم ) التعلم من شخصيات عالم سمسم : هو فلفل كان غبى بجد ولا بيستعبط ؟ ههههههههه مين فينا أتخنق من غباءة وقعد يضحك عليه .... طيب مين أتعلم من نباهة خوخة الجميلة دى ؟ وبالنسبة للكائن الكبير إلى اسمه مش متركب على جسمه ده نمنم مين اتعلم منه البحث والسؤال الدائم على الأشياء ؟ هدف الثلاثة التعلم أولى لنا أن نتعلم بجد منهم ويكون مبدأ فى حياتنا زى ما كان عندهم كده خالوا خوخة وفلفل ونمنم شخصيات بتربى فيكوا المبدأ ده هههههههه والله بجد مش بهزر.... الفضول مبدأ من مبادئ عالم سمسم: عالم الوراثة مندل خطئ خطى عالم سمسم لان الامر كان عند مندل انه بيطفئ نيران الأسئلة التى كانت تدور فى ذهنه بالتجربة الفضول انك بمجرد ان تسمع عن شئ تروح تتعمله وتشوف ايه حكايتة مش يمكن تخرج بحاجة جديدة تفيد بيها نفسك وغيرك وتبقى مشهور بقى يا عم ههههههههه اه ولا لا بجد ....... فى شهوة اسمها شهوة حب الاستطلاع بس عايزين نستخدمها صح فى اننا نستخدم القراءة كسلاح فى الاستطلاع فلا تكن بخيلا عندمت تشتهى ان تعرف عن شئ أذهب ولاتكن عن نفسك بخيلا واوعى بقى ان تقتل الفكرة وتطرد خواطرك من عقلك لان بدايه الانجازات كانت افكار والعمل لتنفيذ الافكار دى جيه من حب الاستطلاع فاكرين لما خوخة وفلفل ونمنم لما كانوا يقعدوا مع بعض ويتكلموا مع بعض ويروحوا يكلموا الناس علشان يتعملوا حاجات جديدة فاكرين ... ده مبدأ رائع يعنى المفروض دلوقتى كلنا نمشى بالمبدأ ده علشان ننجح (( عالم سمسم )) أحنا ليه مش زى شخصيات عالم سمسم: عمرك سالت أحنا ليه مش كده ؟ يعنى مش حابين القراءة كده وحب الأستطلاع هو فى كذا حاجة الصراحة كانوا السبب أولهم : · انا شفت فى التلفزيون : الجزء الاعلامى مهم جدا على فكرة وكان بيأثر فينا واحنا صغيرين ، يعنى مثلا يجيبوا فى فيلم من الافلام وفى بقى أحد المشاهد يبقى فى مجموعه من الصحاب قاعدين فى مكان ما ويدخل عليهم واحد صاحبهم كده بس مش شكلهم خالص بيبقى عامل أزاى بقى لابس قميص كبير على سنة ورابط كل الزراير بتاعه القميص ولابس نظارة كبييييييييييييرة اوى ( كعب كوباية هههه ) وماسك في ايده شوية كتب كده وطبعا أول ما صاحبنا ده يدخل المكان الما اللى هو فيه يضحكوا عليه طبعا ، وطبعا يبقى طول الفيلم المضحكة بتاعتهم وكل شوية مقلب فيه وطبعا قبل الفيلم ما يخلص وتنزل كلمة النهاية ( أمممممممم معلش انا عارف ان دلوقتى الكلمة دى مش بتتكتب انا بتكلم على زمان بقى هههههههه ) يطلع صاحبنا ده مش بيعرف حاجة خالص والشباب اللى مش بيقروا هما اللى فاهمين كل حاجة عنه يعنى القراءة مش استفاد منها بحاجة وطبعا ده كلام يزعل عالم سمسم مننا ههههههههه · تانى حاجة : شكل الكتاب صعب أوى : طبعا فى مصر غالبا الفترة اللى فاتت ظهر فيها إبداع الصراحة فى طباعه الكتب وازدهار ولكن كان زمان يعنى واحنا صغيرين غالبا يوم الجمعه ده يوم مقدس منزلى يكون الوالد أو الوالده قاعدين فى البيت بقروا كتاب او جريدة ويعينى شكل الكتاب صعب أوى لونة أصفر وكبير اوى والكلام مكتوب بالاله الكاتبة وحاجة تتعب بجد وطبعا بما أنك واخد الوالدين قدوة وعايز تعمل زيهم ( أشرب بقى يا حلو هههههههه ) تيجى تمسك الكتاب تلاقيه صعب اوى اوى اوى · تالت حاجة : اصلها هوايه : يالا سكوت حنصور 3 – 2- 1 – أكشن المذيعة : ايه بقى يا حبيبى هواياتك؟ الطفل : القراءة يا ميس والرسم ومش عارف ايه كمان مشكلة أننا اتعلمنا على ان القراءة دى هوايه ، إزاى يعنى هو ينفع انى اقول انا هوايتى انى اشرب مايه ساقعة ولا لا هوايتى انا أكل كل يوم هههههههه لازم نقرا ونطلع بجد وتكون القراءة دى قراءة نافعة تبنى ولا تهدم كفاية ان بالعقل كده ايه الاولولية بعد حوالى عقود من الزمان والوحى من عند ربنا سبحانه وتعالى منقطع ولا يوجد رسالات وبعد حوالى 40 سنة من مولد سيدنا محمد صلى الله عليه وسلم أول كلمة فى الوحى تنزل هى ( اقرا ) يبقى اكيد فيها سر ليه مكنتش ( صلى – ادعو – استغفر ) اكيد فيها سر وسر عظيم كمان يحقق اى نجاح شخصى ومجتمعى كمان ودى كانت رسالة القراءة للجميع ايضا من خلال عالم سمسم النهضة الشخصية من القراءة وفى الاخر يقولك هوايه قال هههههههههههه . · رابع حاجة : التجاهل : مشكلة بردوا عندنا اننا مش مدركين أهمية القراءة زى مثلا الشخصيات الثلاثة بتوع عالم سمسم القراءة معيار نهوض مجتمعات اه والله فعلا ، ارجع بدماغك لوراء كده وافتكر العالم العربى القديم المكتبات القديمة والبعثات الاجنبيه فى الاندلس كل ده مش معيار نجاح ونهوض مجتمع عربى بس دلوقتى لا اكيد مفيش نهضة علشان مفيش قراءة وطبعا أسمع بقى كلمة أحد اليهود بيقول نحن لا نخاف العرب لان أمة العرب لا تقرأ ........... شوفتوا بقى الامة التى لا تقرأ غير مرهوبة . خامس حاجة : واهم حاجة : انا بقرأ والله كتب : المشكلة الأساسية ان فى ناس كتير مش بتقرأ علشان بيملوا بسرعه ومش بيقدروا يمسكوا كتب بس فى العنصر ده عندنا مشكلة تانية خالص بقى فى ناس بتقرا كتب كتير وبساعات طويله بس بلا هدف ، عمرك شفت خوخة مثلا كانت بتقرأ حاجة ومش بطبقها لا كانت كل حاجة بتعملها تطبيق كمان علشان ده هدفها التعلم . وسائل حب القراءة زى شخصيات عالم سمسم : فى وسائل كتير الصراحة بس أحنا عايزين فى الاخر نستفاد بجد بقى ونحب القراءة بجد أنا شايف أول حاجة : - اقرا الكتب في المجال اللى أنت بتحبه ( دينى – فن – مجلات علمية – تتمية بشرية – علوم اخرى ) كده يعنى - أختار كتاب يكون سهل على فهمك وبسيط ( يعنى مثلا الكتاب اللى فى القصص والتواريخ او مثلا الطرق العملية زى ما تحب بقى يا عم هههههه ) وياريت يكون فى الاول صغير - اختار هدف واضح لك من الكتاب يعنى أنت عاوز ايه من الكتاب ده وابدا بقراءة الفهرس أولا وياريت يا حبذا يعنى لو قريت المقدمة لانها مفيدة جدا جدا جدا وخالى بالك يعنى ان مقدمات اليومين دول اختلفت عن بتوع زمان الحمد لله هههههههههه - قسم بقى الكتاب ده يا حلو على مثلا بقى اسبوع أو اسبوعين او شهر كويس على فكرة شهر أوى وطبعا يبقى ليه وقت معين تقرا فيه وحاول يكون الكتاب معاك فى كل مكان علشان تبقى تقرأ فيه لو فاضى . - حاول دايما انك تلخص بعض الافكار اللى بتعجبك جدا فى الكتاب وشايف انها ممكن تفيدك فى الفترة الجاية - حاول دايما بردوا انك تتكلم مع اصحابك فى الافكار دى وعلى الكتاب ده دى وسيلة حتجيبلك ثقة عالية اوى وسط اصحابك بقى يا عم وحيطلبوا منك الكتاب كمان - الجدية بقى اهم حاجة لازم تقرا كل يوم وخالى عندك نيه فى الموضوع ده وهدف - عيش مع القراءة ومع كل كلمة حتحس بجد ان القراءة دى متعه ويمكن كمان تنضم للفريق بتاع عالم سمسم هههههههههه - كافئ نفسك بعد ما تقرا بقى الكتاب كله ماشى - اسعى دائما لعمل خطة للقراءة على مدار بقى سنة مثلا او 6 شهور على الاقل - اعما مشروع مع اصحابك مثلا فى استعارات الكتب وعمل مكتبة كبيرة خاصة بالحى او فى منزلكم - نوع دائما فى القراءة وفى مجالات العلم كلها وتثقف وحاول ان تسأل غيرك دائما التوجية الامثل لعالم سمسم : 1- الفضول فى تعلم كل جديد ( كن أستاذا فى مجال وتلميذ فى كل المجالات ) 2- القراءة شئ مهم جدا فلازم نقرأ ونطلع على كل جديد 3- التعلم مش عبارة كلام فى الرأس 4- التطبيق العملى وسيلة لنجاح الافكار تمام .............. مين حيطبق معايا المبدأ ده ...... سلام وحياتى بالقيم احلى عالم سمسم

لسه مفيش حاجة ضاعت كتير اوى ممكن نلحق ونسابق كمان ونحقق حاجات تعوض كل اللى وقع بس دى عايزة صبر وعزيمة مننا بس فعلا الاول نعرف نحقق المعادلة اليومية دى ونحقق كل المطلوب مننا فى خلال اليوم وجزاكم الله خيرا على الرد الرائع ده واتمنى المتابعه

جزاكم الله خيرا وشكرا بجد بجد بجد على الرد الرائع دع ...... وبجد الشباب كلهم فى المنتدى مواضعيهم هايلة جدا جدا ومتميزة وكلهم عباقرة كمان انا من فترة وانا موجود والله على المنتدى بس انشغلت فترة كده عنه بس قلت لازم تانى ارجع وانزل فيه مقالات وبجد اتمنى يكون الاسلوب عجبك والمقالة وفكرتها عجبتك واتمنى المتابعه وفى مقالات على المذاكرة بالتحفيز كمان + مقالات خاصة بالشباب وان شاء الله متابع معاكم دايما وشكرا على الرد المتميز ده وانا معاكم فى المنتدى فى اى حاجة تحتاجوها او اى موضوع وشكرا

حوش اللى وقع منك ... 1- اوعى تضيع يومك كابتن .. كابتن ... نعم حوش اللى وقع منك فين ده انت يا كابتن بقولك حوش اللى وقع منك يا عم أنا مفيش حاجة وقعت منى ... ايه الهزار ده ... انتوا الكاميرا الخفية ولا ايه خفية ايه وكاميرا ايه .. انت متاكده ان مفيش حاجة وقعت منك ايوة متاكد طيب انت عندك كام سنة ؟ عندى 22 سنة 22 شفت بقى طب حوش اللى وقع منك بقى .... أمممممممممممممم اظن محدش فاهم حاجة صح عادى يعنى ده حوار كده عملته فى واحد صاحبى .. قال ايه فات من عمره 22 سنة ومفيش حاجة وقعت منه وقع منه 22 سنة ومش عاجبة قال ايه مفيش حاجة وقعت منى طيب انت بقى حوش اللى وقع منك انت كمان أنت مش ملاحظ ان فات من عمرك سنين وايام فاتت منك ووقعت منك كده على الفاضى وأنت لسه معملتش حاجة ينفع كده طيب أنت حابب تعيش على كده حياتك وقعها منك وأنت مش بتحوشها كده حابب تكون أنسان عادى : انت حابب تكون أنسان عادى وبس كده ؟ يعنى ايه يعنى أسمع معايا القصة دى ، قصة الراجل العادى ده راجل أتولدت واتربى عادى زى اى حد عادى وبعد كده دخل المدرسة عادى وكان نفسه يطلع دكتور او مهندس او ظابط عادى وكبر عادى وخلص ابتدائية عادة ودخل الاعدادية وخلصها عادى ودخل الثانوية العامة عادى ودخل الكيلة اللى ابوه كان نفسه يدخلها عادى واتخرج منها عادى وابوه شغله معاه فى الشركة عادى وجوزه عادى وخلف عادى وربه عياله وكبرهم وعلمهم وجوزهم عادى ومات عادى ... ( يعنى عاش عادى ومات عادى ) تحب تعيش كده عادى أظن لا طب يالا حوش اللى وقع منك والحق نفسك ... أممممممممم أظن انت مش فاهم أوى لسه أنا قصدى ايه ؟ صح . طيب خليك مش إنسان عادى : ايه رايك تبقى راجل عبقرى : عمرك فكرت تبقى زى انتشاتين ... طيب هو حد اساسا ميعرفش انشتاين قصة عبقرى : بيقولك كان فى مرة فى الكويت حصل أن كان فى مركبة كبيرة وشاحنة اغنام غرقت فى البحر وطبعا تعتبر دى كارثة قومية هناك وطبعا من اهم الحاجات اللى تلوث البيئة تلوث المياة هناك فكان الحل ايه فكرة راجل عبقرى فعلا افتكر انه شاف فى احد افلام الكارتون فى والت ديزنى ان حدث نفس المشهد فى الكارتون وقام بطل الفيلم بالقاء كرات البينج بونج فنخفض منسوب المياة ورفعت الشاحنة والحيوانات الغارقة فسهل ذلك السيطرة على ما حدث .. وطبعا اكبد الراجل ده محدش حينساه موقف صغير غير حياته .. ايه رايك تبقى رجل قيادى : كلنا نعرف طبعا هنرى فورد صح لما كان هنرى فور القائد يكون عاوز يعين مدير عنده فى الشركة كان بيعزمة على الغذاء اذا اكل المدير االكل على طول من غير ما يتذوقه لا يتم تعينه ... لانه لو بقى مدير حينفذ المشاريع من غير ما يعمل تجارب وبالتالى ممكن يفشل فى اعماله ... شايفين الدماغ ناوى تحوش نفسك ولا لا : ناوى تبقى زى مين وتعمل ايه ؟ أنتمش ملاحظ ان الايام بتجرى والسنين وراها الحل حنبدأ من الاول خالص ، يعنى اليوم والاسبوع والشهر والسنة يبقى نعمل نموذج تطبيقى للهاكونا ماطاطا بس بشكل عملى شوية علشان نركز على المستقبل بتاعنا صح ومفيش حاجة تقع مننا تمام ... أول حاجة اوعى تضيع يومك منك كده على الفاضى : زى ما قال الدكتور عائض القرنى فى كتابه لا تحزن ( يومك يومك .. إذا أصبحت فلا تنتظر المساء ، اليوم فحسب ستعيش ، فلا أمس الذي ذهب بخيره وشره ، ولا الغد الذي لم يات إلى الان . اليوم الذي أظلتك شمسه ، وأدركك نهاره هو يومك فحسب ، عمرك يوم واحد ) يا سلام كده لو فعلا حسبتها معايا انت عمرك يوم واحد .. حتعيشة ازاى أكيد ناوى تعمل كل اللى فى بالك بقى ناوى تعبد ربنا طبعا وتستغفر ناوى تنزل تتفسح مع اصحابك ... ناوى تخلص شغلك ... ناوى تخلص كل اللى عليك واخر اليوم تقدر تتهنى باخر لحظات يومك وانت سعيد ومخلص كل اللى وراك بقى نفسك تحس الاحساس ده بجد صح إذا نستكمل كلمات رائعه من كتاب لاتحزن ( لليوم فقط اصرف تركيزك واهتمامك وإبداعك وكدك وجدك ، فلهذا اليوم لابد أن تقدم صلاة خاشعة وتلاوة بتدبر واطلاعا بتأمل ، وذكرا بحضور ، واتزانا في الأمور ، وحسنا في خلق ، ورضا بالمقسوم ، واهتماما بالمظهر ، واعتناء بالجسم ، ونفعا للاخرين. لليوم هذا الذي أنت فيه فتقسم ساعاته وتجعل من دقائقه سنوات ، ومن ثوانيه شهور ، تزرع فيه الخير ، تسدي فيه الجميل ، تستغفر فيه من الذنب ، تذكر فيه الرب ، تتهيا للرحيل ، تعيش هذا اليوم فرحا وسرورا ، وأمنا وسكينة ، ترضى فيه برزقك ، بزوجتك ، بأطفالك بوظيفتك ، ببيتك ، بعلمك ، بمستواك ) يااااااااا تخيل كده وانت بتعيش احلى يوم فى حياتك وانت مخطتله كده وكله تمام وفى اخر اليوم بتشوف حصيله يومك وانت سعيد كده بنفسك وأنت شخص فعال كده ومفيش حاجة وقعه منك وانك عملت كل حاجة فى عمرك الا هو يوم واحد ... وطبعا الصورة التانية تخيل انه اخر يوم او عمرك يوم واحد تخيل كده .... علشان كده خالى عمرك كله يوم واحد واعمل اللى تقدر عليه .. وحابب انهى كلامى بمقوله للدكتور عائض القرنى ( (يومك يومك). إذا أكلت خبزا حارا شهيا هذا اليوم فهل يضرك خبز الأمس الجاف الرديء ، أو خبز غد الغائب المنتظر. ) الواجب العملى : 1- تخيل ان اليوم ده لعبة واللعبة دى 24 ساعه 2- اعمل لنفسك كده فى اول اليوم جدول واكتب فى كل اعمالك اليومية 3- حدد ساعات اعمالك 4- شوف ايه اللى ممكن تعمله تانى فى يومك من اعمال اخرى ( ترفيه – واجب ) 5- كفاية احلام بقى وتعالى نعيش بجد صح وحوش اللى وقع منك وكفاية اللى وقع بقى يالاسلام

عمرك كذبت التلفزيون - عمرك كذبت التلفزيون ؟ ايوة انت بسالك مالك بتبص يمين وشمال ليه هو في حد غيرك بيقرا المقالة ولا ايه ؟؟؟ ! ايه شكلك مستغرب السؤال ؟ فكر فيه كده ؟ عمرك كذبت التلفزيون ؟ المشكلة بقى أنك ممكن تجاوبنى وتقولى اه بكذب التلفزيون طيب طالما هو كده انت ساعات بتكذبه وتقعد تقول ده كلام افلام وكله كدب فى كدب بتتفرج ليه بقى ولا هو كده وخلاص يعنى هههههههههه ماشى ، ولو قلت لا مش بكذبه لانه واقعى فى الحالتين هما صح بس تعالوا ناخد الموضوع من وجه نظر التلفزيون نفسه بقى ماشى ... تشاهدون في هذا اليوم : زماااااااان واحنا صغيرين كده كان يبقى فى فقرة كده فى أفتتاح المحطات كل يوم ( اصلى زمان القنوات دى كانت بتقفل مش شغالة 24 ساعه زى قنوات اليومين دول ههههه ) ويعرضوا فيه كل الحاجات اللى حتتعرض فى هذا اليوم من الساعه كذا الى الساعه كذا وهكذا ههههههههه حتعرف حنتفرج على ايه النهاردة .. وتقريبا الفقرة الاولى كانت لازم تبقى للاطفال : بص الكدب بقى من اولها : - هاتلى عيل صغير بيكون صاحى فى الوقت ده - البرامج مش بتعلم الاطفال دى بتجيبلهم تخلف عقلى من عروستى لسينما الاطفال وياقلبى لا تحزن ههههههههه ده بقى كان زمان أما الان فى حاجة غريبة بقى برنامج اطفال تقدمه مذيعه بنت صغيرة مش تحكى للاطفال سابيدر مان يقوم الواد يروح يتجنن عايز يعمل زيه ينط من البلكونة يقع على الارض مش مشكلة بقى هههههه وكمان يارتها عارفة تحكى حكايات ... وتخلص الفقرة ديه ونروح للاعلانات ..... فقرة إعلانيه : قمة الكدب والضحك علينا يا معلم ... أعلان يقولك ايه ؟؟ قميص مكرمش مش مهم ..... بنطلون مقطوع مش مهم .. المهم تكون بتلمع ههههههههههه .... يخليك بعد الاعلان تقول خلاص انا لازم اشترى اللمعه ديه اللى بعده : ويجى الاعلان اللى بعده اعلان محل ملابس ويجبلك نفس القميص والبنطلون اللى كان لابسهم الواد فى اعلان الجزمة ههههههه تقوم تقول يا سلام انا لازم اروح اشترى من المحل ده ... وتلاقى نفسك فى الاخر اتغرمت يا معلم من عير اى سبب ههههههههههه. اللى بعده : اعلان مصاصة على بابا ... دلوقتى اعلان مصاصة للاطفال ... يجيبوا ليه شباب وبنات فى ايدهم مصاصه يعنى ايه الهبل ده هههههه الفقرة الثالثة : الفيلم العربى : بص بقى الواقعية : فيلم رومانسى هادف البطل والبطله .... ميعرفوش بعش يتقابلوا يتعرفوا على بعض ... يحبوا بعض تحصل مشكلة ما بينهم ... وفى اخر الفيلم يتصالحوا ... ويتجوزوا هههههههه قال ايه يعنى بعد الجواز مش حيتخانوقا تانى ... وابقى قابلنى ههههههه اللى بعده : تيجى تمسك الريموت تحول تلاقى شعار القناة (اوعى تغير المحطة ) هههه انا محدش يؤمرنى على فكرة ههههه ايه الغلاسة دى تقوم تحول تلاقى شعار تانى على محطة تانية مكتيوب فيها (هنوريك اللى عمرك ما شفته ) يا سلام يالا لو واحد بقى نيته وحشةفى الموضوع ده ولا فاكرها افلام رعب هههه شعار ثالث: ( مش حتقدر تغمض عينيك ) هههههههه اساسا اصلا لازم ابربش بعينى دى حاجة طبيعيه كدب ده ولا مش كدب بقى شعار رابع : ( هتسيب علامة فى بيتك ) هههههههه علامة ايه حبقى معروف فى الشارع يعنى ولا هتبقى فضيحة وبعد كده شعار ( الضحك من اول نظرة ) يا سلام يا دمك الخفيف يا جدع ههههههههه الفرقة اللى بعدها : المسلسل التركى ابو 350 حلقة ده هههههه بجد بجد حرام يعنى ناخد ثقافة من برة ونعرضها عندنا وقال ايه الحلقة ساعة الا ربع فى 350 حلقة حوال 11500 دقيقة يعنى اتفرج على المسلسل 3 ايام ههههههههه يا نهار ازرق .. فقرة غنائية والحياة حلوة وبعد كده النشرة الاخبارية ... مش عارف مين مات وانفجاارت وعدد قتلى مش عارف فين هم وغم من غير سبب وتخلص الفقرات بيوم سعيد وكله صدق يا كدابين ههههههههههه الحل ايه : 1- امسك الريموت 2- حول القنوات اللى انت عايزها 3- اتفرج على امفيد احسن ( برامج ثقافية – دينية – ندوات كده يعنى ) ولينا لقاء تانى تمام فى نفس الموضوع ومتخليش حد يضحك عليك ... سلام

سلسلة يالا نذاكر بقى ... 2- فوبيا الامتحان جاي فيلم الموسم .... الامتحان جاي ( فيلم رعب ) هههههههههه حابب ابدأ المقالة دى بحاجة حلوة تضحك شوية احسن من الحالة بتاعه المذاكرة الحلقة الثانية : كان ياماكان ... كان في دكتور عالم نفس ومعاه واحد تانى الاول اسمه واطسون والتانى اسمه راينر وكان فى معاهم طفل تعبان يا عنيى عليه ههه كانوا بيعالجوا وفى وسط التجارب العلاجية طبقوا على الطفل تجربة هى ايه بقى كانوا جابوا فأر ابيض جميل خالص وكان البرت الطفل يلعب معاه ولما كان يجى يلمس الفار يجيبوا صوت مزعج من وراء البرت فيصرخ هو خاف من الصوت ده وكانوا جربوا التجربة دع كذا مرة لغاية لما شاف البرت الفار صرخ لوحدة وخلصت الحدوتة على كده ...... ايه بقى وبعدين ؟ ايه مفيش حاجة ... عادى يعنى ........ ههههههه ايه يا حسام علاقة ده بالامتحانات والمذاكرة بس ههههههههه طيب ممكن اعمل معاكم تجربة ....... ممكن تقف قدام المرايا وتقول الامتحانات على الابواب وشوف ايه اللى حيحصل ؟ ايه الاخبار .؟ شوفت بقى اكيد شعرك كبر بقى وخوفت وظهر منظر غريب فى المرايا صح هههههههه ... رعب بجد هى دى بقى العلاقة ما بين القصة وبين التجربة دى لانك اول ما بتقول كلام على المذاكة والامتحانات بتخاف على طول ؟ بس ليه بقى بتخاف ؟ علشان اللى بيجى فى بالك على طول ايام انت مش بتحبها وبتفكر فى كل حاجة سلبية يعنى تفتكر المادة السهلة وتفتكر الامتحان الصعب وتفتكر الايام اللى بتجرى وكده يعنى بس ليه بردوا بفتكر كده ومش بفتكر يوم ما نجحت يعنى ؟ أقولك علشان حاجتين الاولى : لان العقل البشرى بيبنى على اخر تجربة ليك فى المذاكرة والامتحانات فطبعا تفتكر اخر مادة ليك وانت تعبان والمادة صعبة وكده الثاينة : ان العقل بقى بيفكر فى الطريقة السلبية اللى اعتاد على التفكير بيها أو بيروح للأسهل اللى حتخليه يسبها او يسيب المذاكرة من اساسه . طيب بيقى الحل ايه بقى ؟ افتكر كل المواقف الايجابية فى المذاكرة بقى بتاعه زمان يعنى مثلا تفتكر مرة ذكرت فيها حاجات كتير ، نجاح دراسى حققته يالا واجب عملى : 1- احضر ورقة وقلم 2- اكتب كل الانجازات الدراسية اللى حققتها خلال الفترة السابقة متقولش مفيش فيه افتكر بس انتى هههههههه 3- اكتبها فى ورقة وخليها معاك دايما 4- حاول دايما انك تقراها كتير وتدعم ذاتك بيها Sms دلوقتى جاتلى رسالة من احد الأصدقاء مكتوب فيها انا مليش دعوة انا خايف من النهاية انا حاسس ان النهاية وحشة احب اقولوا او لاى حد بيفكر فى الخوف من النهاية وكده انت تعرف لما تخاف من المذاكرة والامتحانات حيحصل ايه حيحصل ان الخوف ده حيسيطر عليك وبالتالى كل امكانياتك وقدراتك الذهنية حتقف ومش حتعرف تستيطر على مشاعرك وبالتالى مفيش مذاكرة Sms تانى : طب ليه بيحصل كده ؟ اقول ليه لو خدك مرة مثلا قدام اى كهف ماشى ، وقولتلك ممكن تدخل فى الظلمة هنا عقلك طبعا مش يعرف ايه اللى جوة ، فطبعا حيرسم بقى صور ان جوة يخوف لانه سلبى بقى مثلا وبكده انت حنخاف تدخل ، وطبعا نفس الحكاية فى الامتحانات هى قربت وانت خايف بقى وطبعا انت مش مذاكر مثلا وبكده عقلك يرسم حاجات غريبة والحل الثانى بقى : الصبر والعزيمة : بالصبر والعزيمة حنقدر والله نعمل كل حاجة 1- اكتب كل الخسائر اللى ممكن تحصلك لو مذكرتش 2- اكتب كل المكاسب اللى حتحصل عليها لو ذكرت ودخلت الامتحان مذاكر 3- ركز كل اهتمامك على العزيمة وانك تقدر تتحدى نفسك 4- حدد خطوات للمذاكرة تعملها . تمام وكفاية كده بقى النهاردة علشان تعرفه تذاكروا بس بكرة فى مفاحاة كبيرة وحنغيير الادارك عن المذاكرة بكرة فى شغل كبير جدا استنونا ولو فى حاجة اى سؤال باااااااى

سلسلة يالا نذاكر بقى .... 1- الامتحان علي الباب اهلا يا يا شباب عاملين ايه ... يارب تكونوا بخير واتمنى كده تعدى علينا ايام المذاكرة والامتحانات دى بقى على خير بردوا انا عارف ان فى ناس مش ضايقة نفسها اساسا بس حنعمل ايه هى دى بقى سنة الدراسة الامتحانااااااااااااااااااااااااااااات أو زى ما بيقولوا دلوقتى الامتحان لا دين له ههههههههه جملة تضحك صح بس اللى أتعودنا عليها كلمة الأمتحانات على الأبواب يعنى مثلا زمان لما الامتحانات تقرب فى المدرسة تسمع الأستاذ أو الاستاذة بتاعه الفصل يقولوا يابنى أنت وهو ذاكروا بقى علشان خلاص الامتحانات على الابواب ، والواحد كان بيكبر دماغه يعنى ، وبعد كده لما تروح تسمع نفس النداء من ماما أو بابا يعنى ويقولولك يابنى ذاكر الامتحانات على الابواب والواحد فينا بقى يستغرب أن سمعت الكلمة دى فين ؟ أه افتكرت فى المدرسة الصبح ، وبعد كده تروح زى الشاطر درسك الخصوصى اللى هو المفروض بقى ايه المدرسة بتاعتك يعنى على اساس انك مش بتفهم من نفس الاستاذ بتاع الفصل غير فى الدرس قال ايه بيشرح وحش فى المدرسة وفى الدرس كويس ماشى المهم لما يشوفك يزعق بصوت عالى جبت فلوس الدرس ؟ هههههههه اه وطبعا انت تقولوا لا فيرد يقول يعنى انت مجبتش فلوس الدرس ومش عامل الواجب وكمان الامتحانات على الابواب ، فانت بقي تقول خلاص مفيش فايدة يظهر كده فى حاجة النهاردة ويظهر ان الكلمة دى فيها سر بقى وفعلا الامتحانات على الابواب فعلا ومش عارف اعمل ايه يعنى وتروح تمشى بقى مع واحد صاحبك فيقولك نفس الكلام والله الاستاذ عنده حق الامتحانات قربت وأحنا مذاكرنهاش نعمل ايه هههههههه تجنن أنت بقى تقول لا أكيد فى حاجة . سر الخوف كلمة الامتحانات على الابواب : طريقة الكلام اللى اتقالت بيها الكلمة لينا ( الامتحانات على الابواب ) أثرت علينا خالص يعنى الطريقة اللى أتقالت بيها تخوفنا منها بجد وطبعا تبتدى تظهر علامات الخوف بجد يعنى مرة تدخل نام يطلعلك الكتاب فى الحلم وماسك سيف وخلاص بقى حيطير رقبتك تقوم تصحى مخضوض بقى وبتصرخ وبتقول لااااااااااااااااااا ، وطبعا التفاصيل بتبقى باينة اوى الكتاب يدخل من الباب وفى ايدة سيف وكل شوية عينك تيجى على النتيجة أو على الوقت بتاع الساعه ههههههه فطريقة الكلام بتأثر فينا وطبعا بتتحدد مع شعورنا بجد يعنى مش بنعرف نتحكم فى شعورنا لان الكلمات دى اتقالت بشكل معين خوفتنا من الامتحانات زيادة على إننا مش بنحب المذاكرة اساسا . مشكلة الامتحانات على الابواب : أممممممممم المشكلة فين دلوقتى المشكلة من زمان إنهم مش علمونا ازاى نتعامل مع الحاجات دى صح أو مع فترة الاقتراب مع الامتحانات والمذاكرة وبتالى مع عدم تعلمنا للحاجة دى مع عدم المذاكرة وبجانب الاحلام اللى بتخوف وكمان اصحابنا المتفوقين دول احنا كده هنضيع وبالتالى أحنا دلوقتى محتاجين حل . حل مشكلة الامتحانات على الأبواب : نقطتين مهمين فى حل المشكلة دى واعادة السيطرة على الفترة دى والامتحانات على الابواب 1- الهدوء : لازم تكون هادئ جدا الفترة دى والايام هتجرى وحتعدى والامتحان حيجى حيجى سواء من الباب من الشباك ههههههههه المهم انه حيجى وخلاص بقى فلازم أتعامل معاه بهدوء ونفكر ازاى نعرف نستغل اليومين دول مش نقعد نخاف ونتحسر 2- التفكير الايجابى : يعنى سيبك من الهموم وخليك فى التأثير سمعك بتقولى يعنى ايه حقولك كل واحد فينا عايش فى دائرتين الاولى كبيرة أوى أسمها دايرة الهموم والتانية صغيرة شوية أسمها دايرة التاثير والهموم دى يعنى ايه يعنى هى الهموم اللى مش فى ايدينا يعنى مش احنا اللى عملناها مشكلتنا بقى أن احنا بنفكر فى دايرة الهموم دى يعنى الامتحانات قربت نقوم نخاف على طول ، مش عارف ايه الامتحان ممكن يجى صعب ، المحاضرة دى صعبة ومشكلة التفكير الكتير بقى فى الهموم أنك بتوجه اللوم ليك وبتضعف من ثقتك بجد وفى الاخر مش بتعمل حاجة وطبعا النتيجة بتظهر يوم النتيجة بقى هههههههه متزعلش انى بضحك بس اعمل ايه هى دى الحقيقة وطبعا بردوا تقعد تفكر فى الهموم اصلى الدكتور جاب الامتحان صعب ، المادة كانت وحشة أوى ، كانوا بيغشوا فى الامتحان ونجحوا ، طب أنت مالك ؟ المهم يعنى أنك لا زم تفكر فى دايرة التاثير دى وتركز كل اهتمامك فى الدايرة دى يعنى ثاتيرك يعنى تقول انا ممكن اعمل ايه ، ممكن اذاكر ازاى ، ممكن اجيب محاضرات من مين افضل طريقى للمذاكرة ايه كده يعنى وبالشكل ده هتدخل فى العمل على طول وطبعا تعوض كل الافكار السلبية اللى عندك وبالتالى تاثيرك حيغطى على همومك وبالتلى بردوا النتيجة حتظهر يوم النتيجة ههههههههه المرة دى بضحك فرحان ليك بقى ما انت حتكون ناجح ان شاء الله . كيف تتخلص من الهموم والتحديات : فى 3 انواع للتحديات : 1- تحديات تحت السيطرة المباشرة : هى المشكلات اللى فى سيطرتك الشخصية انت ، يعنى انت الوحيد اللى ليك أنت تتعامل معاها بشكل شخصى أو انت السبب فى وجودها ( مثلا انت مش بتحضر محاضرات بالتالى متعرفش المنهج ) 2- تحديات تقع تحت سيطرة غير ماشرة : ودى بقى التحديات اللى فيها سلوك الاخرين بمعنى ان انت لو ركزت على داية تاثيرك فيها هتحقق نجاحات اجتماعية فى علاقاتك هتحقق نجاح شخصى ( يعنى مثلا لو انت مكلش اصحاب بيحضروا محاضرات فبالتلى انت لو ركزت انك تتعرف على زميل ليك يقدر يساعدك وتعمل معاه علاقة يبقى انت حققت نجاح لذاتك وانك قدرت انك تنجح ) 3 –تحديات خارجة السيطرة : وهى دى بقى التحديات الخارجة عن سيطرتك الشخصية المباشرة والغير مباشرة المهتمة بالعلاقات مع الاخرين ( زى ايه لو حصل زلزلال انت مالك بقى متذاكر ومكلش دعوة انت ههههههههههه ) والحل الافضل بقى انك او حاجة تشوف التحديات الشخصية المباشرة وتبتدى تحلها وتاثر فيها وبعد كده تشوف ايه التحديات على المستوى الثانى وتشوف ازاى ممكن تقدر تغير فى الانتصارات الاجتماعية فى علاقاتك مع الاخرين وبالشكل ده حتكون اثرت وبالتى مش حيكون فى وقت انك تفكر فى التحديات الطارئة . الواجب العملى : 1- احضر ورقة وقلم 2- اكتب التحديات التى تواجهك اثناء المذاكرة والامتحانات 3- حدد نوعه سواء كان مباشر تحدت سيطرتك او غير مباشر أو طارئ 4- حدد لكل تحدى 5 خطوات لحل هذه المشكلة او التحدى 5- ابدا في تنفيذ هذه الخطوات 6- حدد لك اصحاب يحفزوك على المذاكرة وتسالهم فى كل تحدى يقابلك واخيرا ... منتظر ردكم واستفساراتكم على اى مشكلة فى المذاكرة واستنونا بقى فى مقالات تانية من سلسلة يالا نذاكر بقى ....... سلام