المدرب حسام الدين محمد

جزانا واياكم اختى نور ربنا يكرمك يارب وبجد بشكرك على ردك الجميل ده واتمنى نطبق مع بعض النظرية دى هههههههههه كعب كوباية واتمنى المتباعه http://www.4shared.com/document/TnBn_UwN/____.html وده رابط الكتاب بتاعى الجديد اتمنى لو اعرف رايك فيه قريبا تمام وشكرا

كعب كوباية *عمرك شوفت الدنيا بالعكس ...... * طب عمرك جربت تحس احساس اللى مش شايف حاجة خالص ..... * طب نفسك تحس الاحساس ده بجد ..... * يبقى اكيد لا زم تفتح عينيك ..... * علشان لو غمضها حتحس نفس الاحساس * معانا مش حتقدر تغمض عينيك علشان لو فتحتنها أكيد برده مش حتشوف أى حاجة خالص .... * مع عم حجاب للنظارات ..... يوجد اجمل الشمبارات والعدسات الكعب كوباية ..... و سلامة عينيك فرصة ذهبية مش كده ، اصلها فكرة وجات على بالى جديدة بدايتها كانت لما كنت بتفرج على برنامج ( مصرى اصلى ) للكاتب التميز جدا عمر طاهر لما جاب سيد ابو حفيظة فيجة ساله سؤال وقاله تعالى نشوف مع بعض؟ فضحك ابوحفيظة وقاله ( نشوووووووووووف هاها طيب اوى ) ومسك النظارة . فقاله انا عاوز اوريك أفيش ؟ فرد عليه ابوحفيظة : ( أفيش مشكلة ههههههه اقلع النظارة ونشوف مع بعض) فهمتواااااااااا حاجة ؟ اقلولكوا على كل حاجة ؟ - كتير جدا بنكون شايفين الحياة او بعض مواقف الحياة بشكل معين مختلف عن الحقيقة تمام - كتير جدا من المواقف دى بتكون نظرتنا على نفسنا احنا تخيل تكون لابس نظارة عن نفسك - كتير جدا جدا من المواقف دى بتكون نظرتنا على الاخرين تخيل بردوا ان ممكن تكون لابس نظارة كعب كوباية عن اى موقف للاخرين - كتير جدا بقى وخاصة بعد الثورة ان أحنا بنكون لابسين نظارة كعب كوباية عن المجتمع بتاعنا وبنبص للمجتمع بنظرة تانية خاااااااااااالص يبقى ايه الحل تعالوا نحلها مع بعض ....... !! ذات مرة أرتكب أحد المديرين التنفيذين الصغار فى السن خطا رهيب كلف الشركة حوالى 10 ملايين دولا ، ( يانهااااااااار ازرق ده لو فى شركتى كنت دبحته ههههه ) فتم استدعائة الى مكتب رجل الاعمال الشهير تومواتسون صاحب الشركة ، فنظر المدير الى لائيسة وقال : أعتقد أنك تريد منى تقديم أستقالتى ، اليس كذلك ؟ عندها نظر اليه توم واتسون وقال له : بالطبع لا يمكن للشركة أن تستغنى عنك ، لقد أنفقنا للتو 10 ملايين دولا ر فى تدريبك ! ؟ ايه رايك بقى ؟ هى دى نظرية الكعب الكوباية ؟ النظرية دى بتدل على ان اى موقف حصل معاك فى حياتك كان غلط بيدل على أنك كنت لابس النظارة دى وأنت مش شايف انت بتعمل ايه اصلا ، نتيجة لده لازم تتعلم قاعده مهمة جدا هتغير نظرتك عن نفسك اولا وللاخرين ثانيا ( يبذل الناس اقصى الاختيارات فى حدود الامكانيات المتاحة اليهم ) علشان كده انسب قرار انت كنت خده فى اى خطا انت عملته كان انسب قرار ليك فى الوقت ده ، وعلى العكس لغيرك انسب قرار ليه فى الوقت ده كان القرار ده والسبب فى كده النظارة الكعب الكوباية اللى انت لابسها ده علشان كده حاول تصلح من نفسك واقلع النظارة احسن . الطريق الى الحل : ":استخدم مبدأ التغذية العكسية "1 عندما تتذكر الموقف المؤلم القديم، وجِّه لنفسك هذه الأسئلة: · كيف فعلت ذلك؟ ما هو سبب وقوعي في هذا الخطأ أو الفشل؟ · متى فعلت ذلك؟ هل التوقيت يشكل أهمية؟ · أين فعلت ذلك؟ هل المكان يشكل أهمية في هذا الصدد؟ وكل هذه أسئلة تساعدك على معرفة الموقف وتحليله، وتحديد أهم الأخطاء، حتى يتم تجنبها في الحياة القادمة . 2. إذا أردت أن تخوض أمرًا أو عملًا، تعلم كيف تتم أولًا، وخض تجارب عدة تعليمية وتطبيقية، حتى لا تتعرض لخطوات فشل كثيرة في العمل . 3. حدِّث نفسك دائمًا بلغة إيجابية؛ تقويك على ما تريد أن تفعله، اسألها دائمًا ما الذي أحتاجه؛ لكى أنجح في عمل ذلك؟ حدِّثها برغبة شديدة بلغة تجعل من شيء ما هدفًا لك تسعى لبلوغه، ولكي تساعد نفسك على حصول هذا الهدف، تعلم ما يكفيك كي تحققه، وقسِّم الهدف الواحد إلى مراحل، أمضِ قدمًا تجاه الهدف، سواء عن طريق المساندة الخارجية والتدريب، أم عن طريق تشجيع النفس والتدريب الذاتي، لذلك عليك الآتي : 1. استفد من كل المواقف وخذ منها ما يفيدك واترك ما يحبطك. 2. تعود على أن تخوض تجارب ومهام، نحو هدفك لكي تتمكن من تحقيقه. 3. قل لنفسك دائمًا: إني واثق وقادر على النجاح، والوصول إلى ما أريد إن شاء الله. يالا بااااااااااااااى بقولك ايه اقلع النظارة ههههههههههه

سلسلة الحياة فواكة ... 1- الموزة بتحب الموز ؟ هل انت من عشاق المووووووووووز ؟ هل تحب الشخصية الموازية !!! شايفك بتسال هو يعنى فى شخصية موزاية وفى شخصية مشمشاية وفى شخصية بطيخاية ؟ أقولك : أه انتا بتتكلم بجد والله ؟ تعالى اقولك الحكاية كلها زمااااااااااان قامت مدرسة التشريع فى بولاية كارولينا الشمالية فى الولايات المتحدة الامريكية بعمل تمرين تم اخذه من بحث كاتلين بوتلر بعنوان كل شئ بداخل عقلك المهم يعنى التمرين ده عبارة عن تحليل للشخصيتك ومن خلاله نشوف ايه الفاكهة اللى تشبهلك وبكده تبقى الحيااااااااااة فواكة . صفات الشخص الموز : بجد شخصية موز ... موز ... موززززززز غالبا تلاقية واقعى ، فى شئ من التنظيم ، عملى ودقيق ومنهجى ودائما يسعى للكمال وانسان جاد فى عمله ، يحب المظهر جدا ، شخصية حذرة شويتين ومنجز لاعماله . ايه رايك بقى ؟ ياترى انت فيك الصفات دى ؟ تعرف حد فيه الصفات دى طيب ؟ قدرات الشخص الموز : · التخطيط : شخصية دائمة التخطيط قبل اى عمل ، غالبا ما يأخذ وقت كبير فى تخطيط الاعمال والترتيبات حتى اذا لم ينفذ هذه الاعمال . · البحث عن الخقائق : ممكن تقولى ايه اللى حصل بالضبط ؟ هههههههه دائما يقولك كده وعاوز يعرف الحقائق بالتفاصيل الدقيقة والكاملة مش بحيبها ناقصة ابدأ ، حتى لما بيجى يحكى اى حكاية يحكيها بالتفاصيل . · التنظيم : ممكن تبص على مكتبك ؟ لو لقيت الاقلام مع بعض والكتب مع بعض وادواتك مع بعض ، أذن أنت شخصية موزاية ؟ لان التنظيم من صفاتة يحب تنظيم الاشياء والامور جدا جدا جدا · أتباع الارشادات : اذا قمت بتوجيه لمجموعه من الارشادات يتبعها وينفذها جيدا ، نتيجة للتنظيم والتخطيط ، والمتابعه شئ جيد لتخرج أحسن ما لدية . كيف تأخذ أفضل ما لدى الشخصية الموزاية : · كون له بيئة مرتبة · تكون لدية نتائج محددة لاى عمل · اعمل على ربط الثقة فيما بينة وبين الاخرين وخاصة فى العمل · خذ اراءه جيدا وخاصة فى المواقف التى يمكن ان يكون فيها تنبؤ بها عوائق تقف أمام الشخصية الموزاية : · فهم المشاعر : يعنى ممكن كده مش عنده تقدير للمشاعر بشكل كبير أو يعنى ايه ؟ مش بيعبر كتير عن مشاعره · التعامل مع المعارضة : له اسلوبة الصعب جدا مع المعارضين ، ويرفض راى الاخرين · الاجابة على أسئلة ماذا لو ؟ : الخيااااااااااال ، خيالة ضعيف شويةيحب الواقعية كيف يحسن من اسلوبة : · التعبير عن مشاعره الشخصية بشكل متزايد · الحصول على تفسيرات لوجهات نظر الاخرين · ان يكون أقل صرامة تمااااااااااااام يالا بااااااااااى واحب اقولكم انت وحشتونى كتير كتير كتير يا أجمل فوااكة فى الدنيا وانا اتارخت عليكوا من اخر مقالة كتبتها وتابعونى فى سلسلة الحياة فواكة وتابعوا كتاب قصتة فى العلبة دى ،، حملوا الكتتاب وعاوز رايكم فيه تمام http://www.4shared.com/document/TnBn_UwN/____.html

هذه المناقشة خاصة بالمذاكرة والامتحانات اى شخص عنده سؤال فى المذاكرة او الامتحانات يعرضة وحيتم الرد عليه فى اقل من 12 ساعه ان شاء الله محدش عنده اسئلة ولا ايه يا شباب

بسم الله الرحمن الرحيم نظراً لما أراه من قبول وإفاده من موضوعاتى المتواضعه لعدد كبير من أعضاء وزوار منتديات ياللا يا شباب يسعدنى أن أقدم لكم هذا العمل الذى حرصت أن يكون بإخراج ومحتوى مميزين ليساهم ولو بجزء بسيط فى مسيرة هذا المنتدى الغالى الذى يهدف بدوره لتنمية عقول وأفكار وسلوكيات شباب الوطن العربى وتغيير الشباب العربى للأفضل فتفضلوا بتحميل هذا الكتاب - (قصتك فى العلبة دى) - كتاب جديد ولون جديد فى التنمية البشرية وهو عبارة عن قواعد فى تطوير الذات البشرية .. حيث نتكلم عن الثقة بالنفس والإيجابية وإستخدام قدراتك وإمكاناتك على الوجه الأفضل لتحميل الكتاب من مكتبة التنمية البشرية الخاصة بموقعنا (مجموعة ياللا يا شباب) - تفضلوا بالتحميل من الرابط : Download لو أعجبك الكتاب ساهم بنشره إلى أكبر عدد من أصدقاؤك فى فيس بوك وغيره لتعم الفائده وبإنتظار رأيكم فى الكتاب بالطبع وجزاكم الله خيراً المدرب / حسام الدين محمد

يرجى اعادة شحن النظام الشعب يريد تغيير النظام ............ الشعب يريد تغيير النظام ايه اللى أنت بتقوله ده ... أسمها الشعب يريد إسقاط النظام مش تغيير طب ما أنا عارف انها إسقاط بس انا بتكلم على موضوع تانى غير اللى فى بالك ايه يا ترى ؟ أقولك بسؤال جديد ؟ أيه نظامك النهاردة ؟ حلاقيك ساكت شوية وبعد كده هتقولى النظام .. النظام فى العظام ههههههههه أيه فهمتنى كده ؟ ايوة غير نظامك شوية او أعمل نظام جديد لنفسك وبدل ما أنت كده قاعد ؟ النظام الذاتى بداية الطريق الصح : كل واحد فينا وليه نظام فى حياتة ، نظام فى تفكيرة فى ارائه الشخصية ، فى فكرة فى عمله فى نظرته لذاته أساسا ، وأكيد مفيش كلام أن الشباب بعد الثورة غير قبل الثورة حتى فى طريقة الكلام علشان كده مينفعش نعيش بنفس حياتنا قبل الثورة ولا ايه رايكم ؟؟؟ علشان كده فكرت فى فكرة شحن النظام من جديد ، ايوة شحن النظام زى شحن الرصيد كده بالضبط القصة ثابته فى حاجة اسمها رصيد وانت بتشحنة يعنى الرصيد ده قيمة ثابتة وانت بتدخل عليه قيمة الشحن اللى أنت عاوزها ، زى الانسان بالضبط فى نظام معين محتاجين نشحنه بافكار وحياة جديدة تساعده على التأقلم فى الحياة دى . قواعد شحن النظام الذتى : مش حقولك بقى لو عاوز شحن بقيمة 100 جنةي أضغط الرقم 1 هههههههه وكده يعنى ... لان شحن رصيدك الذاتى أنت بتضغط اه بس مش على أرقام أنت بتضغط على أفكار ومش حقولك اطلب على ال 14 رقم الموجودين على الكارت هههه علشان هما 7 قواعد بس لشحن رصيدك الذاتى وأول قاعده علشان تعمل نظام لذاتك جديد هى : * تعلم من الماضى : أنسى الماضى اللى يغيظ .. جملة جميلة جدا اتعلمتها من قاعدة الهاكونا ماطاطا لان هو من ناحية ان الماضى يغيظ فهو يغيظ بجد يعنى ، فحاول بدل أن تنسى الماضى كده على الفاضى تعالى نتعلم مع بعض ازاى نتعلم من الماضى . أسال نفسك : - ما الذى تعلمته من الماضى ؟ - ما هى أصعب الدروس التى تعلمتها من الماضى ؟ - ما الأشياء التى جذبت أنتباهك فى خلال الفترة السابق؟ - هل هناك فكرة تطل على بالك وتذكرك بماضى اليم ؟ وبكده نبقى اتعلمنا من الماضى بتاعنا لما اجاوب على الأسئلة دى تمام . * تعرف على المستقبل : أتعرف على المستقبل فالمستقبل ما هو الارؤية لحياتك ، أسال نفسك الاتى : - ما هى أسوا الأشياء التى ممكن أن تحدث لى ؟ - ما هى أفضل الأشياء التى يمكن أن تحدث لى ؟ * عيش الحاضر : البداية مفتاح الطريق الخطوة تيجب الف ميل المهم البداية وأسال نفسك : - كيف احقق ما اريده لمستقبلى ؟ - ما هى خطوة البداية ؟ * أصنع نموذج بشرى لك : ليكن لك نموذج بشرى أو قائد أو أى شخصية تكون قدوة لك وسير على تهجها وفكرها وأخطو على خطاها فتحقق ما حقق هذا النموذج من نجاح وهذه حقيقة فعلم البرمجة اللغوية العصبية يوكد ذلك من خلال أحدا افتراضاته ( إذا كان أى أنسان قدرا على فعل أى شئ فمن الممكن لأى شخص أخر أن يتعلمه ويفعله ويتفوق عليه ) وبكده اذا اى شخص أستطاع الوصول الى شئ يمكنك تحقيق ذلك من خلال أن تحقق بقية القواعد الاتية . * رغبة مشتعلة : ما قيمة تحقيق ما تريد بلا رغبة مشتعله ، فالرغبة القوية المشتعلة هي الواكسجين الذى تتنفسه الأهداف كى تحيا على أرض الواقع والأهداف بدون رغبة قوية اهداف خاملة ميته ليس فيها روح فلابد أن تكون رغبتك لتحقيق حلمك رغبة جياشة منطلقة لا يستطيع أحد ايقافها بل لا تستطيع نفسك لن توقفها وتسعى لتحقيق ما حققة النموذج القائد لها ولا شك بان العمل نقطة فاصلة فى ذلك أبدا بالعمل . * اعرف امكانياتك : يقول دكتور ابراهيم الفقى ( رتب ذخيرة مواهبك ، واعرف ما تمتلك وما تحتاج امتلاكه ولكل تغيير فى حياتك ادوات انظر ما تملك من أدوات لتحقيق هدفك وما تحتاج له اعرف نفسك جيدا واعمل على سد الخلل الناشئ فى ذخيرة مواهبك . * استخدم نظرية العشرة : ايه العشرة دى كمان !! افعل يوميا شئ يقربك الى هدفك والى مستقبلك بنجاح فقط 10 سنتميترات من هدفك ومع مرور الوقت ستجد انك قد حققت فعليان تقدما ملحوظا وبكده نبقى فعلا شحنا رصيدنا باول خط لينا جديد وانتظروا قريبا وسائل تانية من وسائل شحن الرصيد الذاتى وشكرا .. حسام الدين محمد ... مدرب تنمية بشرية

الزلزال الذاتي .. ممكن نتعرف أيه ده حسيت بالزلزال ؟ يااااااااااا زلزال ايه بالضبط كان فى زلزال فى مصر من شوية ؟ طيب عادى فيه ايه المشكلة يعنى ايه المشكلة ايه انت محسيتش ولا ايه ؟ طيب ما انا بقولك مفيش جديد زلزال ما كل يوم فى زلزال بيحصل !! ايه مالك مستغرب من الكلام ده ليه ؟ الكلام ده ليه معنى غير اللى بالك !! اذا كان للزلازل أنواع منها الانهيارية والاصطناعية و البركانية فى نوع جديد تم اكتشافة النهاردة بس وهو المقصود من المقالة دى وهو الزلزال الذاتى وده زلزال جديد خاص بكل واحد فينا أصل لكل واحد فينا زلزال معين بيحصله لما بيجى عنده بيكون هو أساس تحركة فى الحياة أما بالايجاب أو بالسلب . أسباب حدوث الزلزال الذاتى : يقول دكتور اشرف شاهين فى كاتب أكتشف ذاتك ( إن فى داخل أنفسنا كنوزا للقوة وكنوز للسعادة لكنها كنوز علاها التراب وأكل فيها الصدأ وليس علينا الان إلا أن نزيل التراب ونعالج الصدأ لنجد أنفسنا أقوى وأسعد مما كنا نعتقد أنه يمكننا أن نكون . وأكيد لما التراب يعلى على قدراتك وأمكانياتك ويغطيها ، يبقى محتاجين مجهود كبير علشان نخرج من المشكلة دى وعلى الاقل علشان تقدر قدراتك محتاج أكيد فى الاول هزة تهزك من جواك وتخرج المارد اللى جواك ويقولك شبيك لبيك حققلك كل اللى أنت عاوزة … فبيكون الزلزال الذاتى هو بداية ازالة التراب . واستكمال لكلام الدكتور اشرف شاهين يقول : واكاد اتخيل مدى حرص تلستوى عليك وعلى وهو يوجه نداء يكاد يصل الى درجة الرضا وهو يهتف بى وبك ويقول بالله عليك توقف لحظة واترك العمل الذي بيدك وانظر حولك ، هذا النداء التولستاوى – حلوة التولوستاوى دى ههههه- يعكس خبرات الرجل فى انه يجب أن تتوقف لحظات على تطوير ذاتك . ومفيش كلام ان الوقوف عند نفسك هى بداية زلزال ذاتك . مظاهر الزلزال الذاتى : فى مظاهر كتتتتتتتتير بدل على الزلزال الذاتى انه حدث معاك بس من أهمها : 1- الزالزال الذاتى الشخصى : انك كده تبقى قاعد فى مكان ؟ ومرة واحدة تفتكر هدفك وأنك نفسك تكون ايه ؟ بتحس باحساس جوة نفسك وتقول اه ، هى دى . زلزال شخصى يعنى هدف انت عايش ليه ؟ وبتحلم بيه ، ولما تنساه يجيلك الزلزال بتاعه يفكرك ويخليك تانى تفكر فيه ، ويخليك تتاثر وتعمل علشان تحققه وتؤمن بيه وتتحرك لاجله وتعيش وتنام علشان وكل ملامح حياتك تتوجه ليه … وبكده يبقى زلزال قوى أثر فيك وحركك صح 2- الزالزال الذاتى البشرى : أنك تشوف انسان رائع وعنده انجاز فى حياته وشخص مبدع ومفكر وناجح ، فتقول اه هو ده النموذج اللى عاوز ابقى زيه ، طب يا ترى هو عمل ايه علشان يوصل لكده ؟ ياترى فى يوم ممكن ابقى كده ؟ وتتاثر بيه لدرجة انك ممكن تقعد تفكر مع نفسك وتتزلزل من جواك وتقول يارتنى عملت حاجة من زمان بس ده زلزال سلبى عاوزك تفكر فيه ايجابى واتعلم من النموذج البشرى ده واعملزيه هتنجح زية واكتر منه فى قاعده فى علم البرمجة اللغوية العصبية بيتقول ايه ( اذا كان أى انسان قادر على فعل أى شئ فمن الممكن لاى اخر ان يتعلمه ويفعله ويحقق نفس النجاح بل ويتفوق عليه ) . 3- الزلزال العقلى : وده زلزال الافكار ، يعنى تكون قاعد كده تلاقى دماغك تنورت بفكرة جديدة ههههههه تقول اه هى دى اللى انا عازها وتبتدى تنفذها وتغير بيها فى الواقع وبكده تزيد انتاجيتك فى الواقع وتبقى عنصر فعال بسبب الزلزال …… شوفت بقى القصة طلعت كبيرة ازاى مش قضية زلزال حصل وخلاص زى ما مكتبوب على الفيس بوك يعنى يحصل زلزال الساعه 3.30 تلاقى كله عمل بيدجات الزلزال بتاع مصر. رابطه محبى زلزال 1 ابريل. كلنا زلزال واحد ابريل. فى بيتنا زلزال. الزلزال مازال فى بيتى. الشعب يريد اعاده الزلزال عشان محستش بيه هههههههههه ده كلام الزلزال دى رسالة من ربنا علشان نفتكر اننا عايشين فى ارضة وبنعبدة ونعمرها . يالا سلام

3 * صناعه المستقبل الأبتكارى ... سلسلة فوكيرة ( من الممكن أ نتوقع أحسن الأشياء لأنفسنا رغم الظروف السيئة ولكن الواقع المدهش هو أننا حين نبحث ونتوقع شيئا جيدا فإننا غالبا ما نجده !! ) نورمان فينسين كاتب ( التفكير الايجابى ) من الواضح والذى أتاكد منه يعتبر سبب وراء عدم استمتاع الاشخاص بحياتهم وحاضرهم هو عدم التفكر فى صناعه مستقبل أفضل ذو مضمون ابتكارى جديد يصنع النهضة البشرية نحو اصلاح المجتمع ولكن الكثير من الناس يفكر فى الماضى ويسترجع ألم الماضى مما يوثر على الحاضر ومما يبنى عليه الفرد مستقبله . ولا شك أن ثورة 25 يناير الشبابية قد غيرت أفكار كثيرة أثرت على فكر الشباب ، ومما يؤثر فى الحاضر على ابداعاتهم واظهار مواهبهم وتطويرها واخراجها فى أحسن صورة وغير ذلك هو إدارك الشباب قول عالم علم النفس ( يجب أن نهتم جميعا بالمستقبل لأننا سننتقل إليه في يوم من الايام ) فحياة الشباب الان ونظرتهم لمستقبلهم هى بالنسبة لهم مثل ورقة بيضاء وهم من يرسموها ، ويريدون ان يخرجوها باجمل صورة . فليك يصنع الثورة الابتكارية : ان الشباب الذين تابعوا فيلم كارتون حياة حشرة وبما فيها من مشاهد شبيها لواقعنا الماضى قبل الثورة ومن مظاهر تدل على أن الشخص المبتكر والمبدع ليس له اى واقع بل ويضطهده بعض الاخرين وانه ما يفعله المبتكر ما هو الاضياع للوقت ، ولا شك ان شخصية فيلك فى هذا الفيلم هو نموذج لهذا الشباب الذى لا عرف كيف يفعل ولكن ابتكاراته وافكاره هى التى صنعت النجاح والانتصار فى الواقع ، ولا شك أن نجاح وتطور المؤسسات والمجتمعات الغربية قد بنيت على افكار ابتكارية جديدة . موهبتك الصغيرة اساس لبناء حياتك الكبيرة : ينبغى أن تفكر فى الأسياء الكبيرة وأنت تفعل الأشياء الصغيرة حتى تسير هذه الاشياء الصغيرة في الأتجاه الصحيح . وهذه هى صناعة المستقبل الابتكارى من خلال بناء رؤية لحياتك القادمة الكبيرة من خلال موهبتك المستغلة الصغيرة ، فعندما تستخدمها الان فانت تتذكر لماذا تستخدمها وكيف تفيد بها مجالك وتفيد بها ذاتك ومجتمعك وغيرك . ماذا عليك الان : 1- اكتب جميع مواهبك 2- اكتب هدفك فى الحياة وكيف يمكن لهذه الموهبة ان تستخدمها فى صناعه هدفك 3- خصص كل يوم 10 دقائق أو أكثر للتعرف على توقعاتك لمستقبلك وما هى الافكار العبقرية والابتكارية التى يمكن ان تستخدمها . 4- فكر كل يوم فى فكرة جديد تطبقها فى الواقع تفيد بها غيرك .

/2فيشة العقل .... سلسلة فوكيرة أقسم ألا أفصل فيشة عقلى أبدا ما حييت ............ ( شعار مركز ساقية الصاوى 2008 ) يقال ان اديسون محترح المصباح الكهربائى لبذي أضاء العالم استد المرض على امه وقرر الطبيب أنها تحتاج لجراحه ولكن علها الانتظار إلى الصباح لأنه يحتاج إلى إضاءة قوية للعمل ، وكانت بمثابة لحظة حقيقية فى حياة ايدسون الذى عرف أن حياة أغلى الناس عليه فد تتوقف على شعلة نور فسطر ايسدون فى مفكرته أنه لابد من إبجاد وسيلة أقوى من الشموع للحصول على الضوء ليلا .... فصنع المصباح . كثيرا ما نسمع أن الحاجة هي أم الاختراع .... ولا شك أن لكى تخترع شئ يغطى حاجتك فانت تحتاج الى فيشة تضئ عقلك دائما بفكرة تسهل عليك تحديد فكرة ، واعلم ان هذه الفيشة لا تستمد طاقتها من الكهرباء ولكنها تستمد طاقتها وعملها من الحافز القوى فاذا كان الحافز القوى لحاجتك تعطيك افكار تعمل على تغطية حاجيتك . لذلك اسال نفسك دائما وحدد الأسباب القوية التى تدفعك لتحقيق الفكرة حتى يسهل عليك تحديد واخراج افكار جديدة من عقلك فصاحب الافكار الابداعية وكاماء إذا اشتد علية الحر تبخر الى السماء ثم عاد مرة ثانية ولكن فى صورة أخرى عاد على شكل قطرات تنفع الأرض وتغذيها لتطرح للعالم الخيروالنماء . المجتمع والابتكار : لا شك اننا نريد فى الفترة الحالية وخاصة بعد قيام ثورة الشباب الى مجهود كبير للاصلاح ةالتطوير ولعل افكار الشباب تكون بداية النهضة المنشودة فلا تستصغر عقلك وافكاره فقد ينتج لك فكرة فى الاصل هى صغيرة ولكن قد تكون فكرة من الممكن أن تغير لك العالم ولكى تحل هذه المشكلة اقنع عقلك بالجملة الاتية التى اختم بها لقائى معكم ( ينبغى أن تفكر بالاشياء الكبيرة وأنت تفعل الاشياء الصغيرة حتى تسير هذه الاشياء الصغيرة فى الاتجاه الصجيج ) اى ارسم رؤية تدفعك وتصنع لك حافز للعمل والاستمرار فى تنفيذ وتحقيق الافكار فالبمدع المتميز بلاحظ ويرى ما لايراه الاخرون . واستوتى فى اللقاء القادم وسلسلة فوكيرة

ليله القبض على فكرة .... سلسلة فوكيرة ( لا وجود لعبقرى حقيقى كامل وبالتالى فكل شئ يمكن تحقيقة وكل عمل يمكن التفوق عليه ) جملة رائعه نطق بيها دونى دويتش ذلك الشاب الذى لقب باسطورة الاعلانات وقد أخذ منها منفذ لتكون نموذج لللتحفيز الذاتى ... فأصبح الفكر دليله للوصول الى النجاح . وبعد مرور أيام من العمل أكد دونى دويتش انه لم يجبر عميلا من عملائة على قبول أى فكرة دعائية أو اعلانية قدمها له بل كانت اعماله من الابداع بمكان حتى أنها كانت تلقى القبول بشكل تلقائى . افكار ابداعية : ان سر نجاح وتغيير دونى دويتش اسطورة الاعلانات هو استخدامه افكار ابداعية وابتكارية تعمل على التجديد وليس التقليد فلذلك رحب بيه المجتمع وفتح له ذراعية لان الافكار الجديدة بداية تطوير مجتمع ولا شك اننا فى حاجة الى ذلك فى مجتمعتنا العربية والمصرية بشكل خاص . يقول ارنولد توينى : ( إن أى مجتمع لا يعطى الابداع الفرصة الكافية إنما هو مجتمع ميت ) لذلك إذا اردنا النهوض بمجتمعنا فعلينا مواجهه تحديات ومعوقات من اهمها كسر الحواجز الذهنية والتى من أهمها استغلال الفرص الفكرية والعقلية ... اقبض على الفكرة : الفكرة زائر خفيف لا يعترف بالمواعيد .. يأتى دون سابق إنذار أ موعد .. فإذا شعر الضيف بعد الترحيب يرحل دونما استئذان .. لذا ينبغى على الصياد الماهر أن يستثمر كل امكانيته وخبراته فى اصطياد الفكرة دون كسل أو ملل . يقول كونفشيوس ( أرخص انواع الحبر يدوم أطول من أقوى ذاكرة ) لذلك احسن من استغلال اى فكرة تمر بذهنك وسجلها بالشكل التالى : 1. اكتب ملخص للفكرة : مثلا مفكرة مواعيد ناطقة 2. اكتب تاريخ الفكرة 3. المستفيد من الفكرة : رجال الاعمال ... الشباب ... 4. ملاحظات : خطوات تنفيذ الفكرة واسمحولى ان انهى كلامى معكم بمقولة للدكتور عبد الكريم بكار ( أننا لا نستطيع أن نوجد مجتمعا أقوى من مجموع افراده ولذا فإن النهوض بالامة يقتضى على نحو ما أن ينهض كل واحد منا على صعيده الشخصى وما لم نفعل ذلك فإن الغد لن يكون أفضل من اليوم ) ولا شك اننا بعد ثورة 25 يناير نريد افكار وابداعات تساعدنا على ذلك التطوير ويالا استنونى وقاعدة جديدة من وقاعد فوكيرة ..... باااااااااااااى

اذا جاء نصر الله والفتح .. ثورة 25 يناير ( اذا جاء نصر الله والفتح ، ورايت الناس يدخلون فى دين الله افواجا ، فسبح بحمد ربك واستغفره إنه كان توابا ) سورة النصر ما أجمل أن ابدأ كلامى معكم بخطاب الله سبحانة وتعالى فى سورة النصر وخطابة للرسول صلى الله عليه وسلم فى فتح مكة وكلامه فى حالة النصر له دلائل ومعانى كثيرة تعيش معها فى كل العصور والزمان والانتصارات . ولعل ما نعيش به فى هذه الايام العظيمة وبعد ثورة 25 يناير ثورة الشباب الخالصة الناجحة بفضل الله اولا ، سبب عظيم وانتصار يجعلنا ننظر لهذه الكلمات الرائعه فعلا قد جاء نصر وجاء فتح وانتصار على ظلم قد عاش فيه الشباب بغير ذنب لهم وليس لهم اى ذنب فيه فقد ولدنا وجدنا حالنا على هذا الحال دون تغيير او اصلاح بل انحدار فى انحدار ، فكان للشباب ان ينتفض ويحاول محاولة هى تعتبر الاولى بهذا الشكل فكانت مثل الماس الكهربائى العالى فى الفولت اذا اقترب منه احد حرقة ، وذلك ما حدث لانه مكون من طاقات الشباب وقد سدد الله طريق الشباب فى العمل وفى اختياراتهم بفضله جاء النصر .. اليكم كلمات الايام القادمة : بعد النصر ، ماذا حالنا ؟ يقول الله اولا (فسبح بحمد ربك واستغفره إنه كان توابا ) الاستغفار ... فقبل الفرح والنظر الى الذات على انها عنصر نجاح وانها سبب فارجع الى ان الله هو السبب فى نجاحك ونجاح الشباب والاستغفار هى التوبة والرجوع عن كل ما تفعله يغضب الله وبالتالى ما يضر مجتمعك من اضرار لذلك يجب الرجوع عن الخطاء ... ولعل هذه الاخطاء عدم المسؤلية او السلبية أو عدم المبادرة أو الخوف من الفشل أو التفكير السلبى أشياء كثيرة يجب النظر عليها ترجع لذتك ... التسبيح .... وترجع نقطة التسبيح هى العمل والبداية نحو الاصلاح والتطوير والتخطيط وبداية النظر الى انه لا يوجد ما يؤهل للقعود عن العمل . توابا ... اى الجزاء والحصول على نتيجة التعب والعمل والانجاز وبداية العمل اذا كان صعب فتجد قول اخر من كتاب الله ايضا يدعمك فيقول لك ( ولا تهنوا ولا تحزنوا ) وليكن خطابنا فى لقاء قادم ............

حكايات بعد النوم .... ثورة 25 يناير كفاية كفاية كفاية كل ظالم له نهاية ................. كفاية كفاية كفاية كل ظالم له نهاية وتوتا توتا خلصت الحدوتة ، لكل قصة نهاية وعبرة وبعد كده تسمع توتا خلصت الحدوتة وتنام عادى واحلام سعيدة .. أشمعنى يعنى الحكايات بيتبقى قبل النوم ليه مش بعد النوم يعنى ههههههههههه ، طول حياتنا نعرف ونسمعها كده بس عمرنا ما بنسمع حكايات بعد النوم هههههههه اه بعد النوم واظن ده وقتها !! متستغربش ايوة بعد النوم العالم اتغير وخاصة مصر بعد ثورة 25 يانير . حكايات زمان وحكايات الان : زى ما قولت لكل قصة نهاية وعبرة وبتخلص على كده .. بس حكايتنا النهاردة هى البداية وعبرتها اننا نبدا من جديد بقوة وإرداة وتشجيع وحماس يبقى يالا نعمل بجد ونغير بجد ، علشان كده حاول ان تاخذ العبر والاستفادات الحقيقية من هذه الثورة العظيمة التى اثبتت للعالم كله بتحضر وثقافة الحرية والديمقراطية عند شباب المصريين او كما قال اوباما ( شعب مصر شعب يستحق الديمقراطية ) فحكايتنا لابد أن نستفاد منها بعد نوم كنا لم نعتقد أن نفوق منها الا من عند الله ، ولكن الحمد لله كانت ثورة قوية بايدى الشباب وقف كل من هو اكبر من ذلك الجيل نظرة اعجاب وخوف من انفسهم وحزن من انفسهم انهم لم يكونوا مشاركين او مؤسسين ولكن شكرا لهم ايضا فالثورة جاءت نتيجة اصلحهم من فترة بعيدة . فالاستفادة من هذه الثورة الاصرار . الاصرار : يقول توماس ايدسون : كثيرا من حالات الفشل كانت لأشخاص لم يدركوا كم هم كانوا قريبين من النجاح عندما أقدموا على الاستسلام ... فشبابنا لم يعترف بالاستسلام ولاخر لحظة ورغم التعب لم يهدا لحظة على مطالبه فبداخلة اصرار وعزيمة هو سر نجاح ، وبرغم تقديم الوعود والعهود التى كانت شبة كاذبة او صادقة ولكن لاثقة فيها الاصرار كان شعارنا . والان استفد من هذه الثورة : - حدد احد التحديات لك - دون خمس طرق لحل هذا التحدى - ابحث عن شخص يكون لك قائد وينال احترامك وخذ نصائحة - قم بتقييم جميع الحلول المعروضة - واخيرا وهى الخطوة الاصعب والاجمل لان فيها النجاح التزم وليكن لديك حماس واصرار فى تنفيذها لحل كل ما هو صعب واراكم قريبا فى نصر جديد ....... باااااااااااااااااااى

أنتفاضة ذات 2011 أنا شاب مصرى وليه دور فى الاصلاح ( انا لست مسؤول على تخلف العرب هذا تخلف انا ولدت فيه ، وهو تخلف عمره مئات السنين ، وانا بدورى احاول ان اصلح من نفسى واصلح من عائلتى واصلح من مجتمعى واتطلع لمستقبل افضل ) طارق سويدان وأنا اقول لشباب اليوم انتم لستم مسئولون على تخلف العرب اليوم ، ولا أحد له الحق ان يلوم شباب وشابات اليوم ، ولكن هم مسؤلون عن مسير الأمة بعد حوالى 25 سنة أى تحديد مسير جيل قادم . بهذه الكلمات العظيمة جدا والتى نطقها دكتور طارق سويدان والاستاذ أحمد الشقيرى ابدأ رسالتى لكم يا شباب ... الى كل من ساهم فى تطوير بلده ورفض الظلم وشارك فى مسيرات للحصول على تغيير وحرية وعدالة اجتماعية من تونس لمصر لليمن والمغرب ... شكرا لقد حققنا وحققتم نجاح حتى نتطلع لمستقبل أفضل . وماذا بعد : نتطلع فى الفترة القادمة على ايام مليئة بالتغيير والتطوير والاصلاح ، فلماذا لا تشارك فى الاصلاح والتطوير انت ايضا ، لماذا لا تكون بطل مثل الابطال الذين ساهموا فى التغيير والتطوير فالحل أنك تبدأ بذاتك أنت فهذه المرحلة تعتمد على ما يسمى بالمبالغه في التطوير اذا كنت لم تشارك من قبل فى التطوير والاصلاح فاليك فرصه عمرك لتساهم فى وضع لبنه فى البناء النهضوى للامة والبداية من ذاتك ، ولكن كيف اليك البداية ؟ يُحكى ان ابن ووالده كانا معاً في رحلة الى الجبال.. وفجاءة سقط الابن و اذى نفسه حينها صرخ " آآآآآآآآه" و تفاجأ حين سمع نفس الصوت يتكرر في مكان ما في الجبال "آآآآآآآآه" و بفضول صرخ : " من أنت؟" و كانت الاجابة: " من أنت؟" غضب من الرد و صرخ " جبــــان ! " و كانت الاجابة: "جبـــــــان ! " نظر الى والده و سأل: "ما الذي يحدث؟" ابتسم الوالد و قال : " يا بُني، انتبه " و بعدها صرخ للجبال قائلاً: "أنا مُعجب بك!" أجابه الصوت: " أنا معجب بك! " و صرخ الرجل مرة اخرى: " أنت بطل! فاجاب الصوت: " انت بطل! " كان الولد متفاجأ و لكنه لم يفهم فشرح له الوالد: يُسمي الناس هذا صدى , و لكنه في الحقيقة هو الحياة" فهو يُعيد إليك كل شيء تقوله او تفعله ، فحياتنا ببساطه انعكاس لأفعالنا.فاحذر الرسايل السلبية للذاتك . ماذا تقول لنفسك الان ؟ وكيف تخاطب ذاتك ؟ هل تقول لها مثلا انها لا تستطيع أن تتغير وان تحصل على اهدافها ؟ هل مثلا تتحدث معها بسلبيه ؟ لماذا تركز على التفكير السلبى مع ذاتك وقليلا ما تثق فى قدرات ذاتك . لماذا تستسلم لعاداتك السئية التى تعطلك على النجاح وخاصة العادات السلبية ...؟ هل سمعت العادة من قبل وهى تتكلم .... هل تعرف ماذا تقول : أنا رفيقتك الدائمة ............ سوف أدفعك نحو النجاح ، أو أجرك الى الفشل يسهل عليك إدارتى ، فقط إذا كنت حازما معى ... أرنى بالضبط كيف ترغب فى عمل شئ ما وبعد دروس قليلة سوف أفعله لك تلقائيا ......... إننى خادمة جميع العظماء وللأسف جميع الفاشلين أيضا .......... العظماء أنا من جعلتهم عظماء والفاشلون أنا كنت سبب فشلهم ........ يمكنك أن تستخدمنى لتحقيق نفع ويمكنك أن تستخدمنى فى التدمير ........... خذنى ، دربنى ، كم حازما معى وسوف أجلب لك العالم وأوضعد بين يديك ............ كن متساهلا معى وسوف أدمرك وهوده اللى حصل معانا فى التفكير السلبى ، اصبح التفكير السلبى عادة وحفرة فى طريقنا وانك متقدرش. نظرة إلى واقعك : - ما هى أهم النجاحات التى حققتها فى حياتك .. حتى لو صغيرة ؟ - ما هى اهم القدرات التى أظهرتها فى حياتك ؟ - ما هى أفضل المهارات والصفات التى تمتكلها ويثنى عليها الاخرون ؟ - ما اكتر المواقف الايجابية التى قمت بها فى حياتك وتشعر بالفخر بها ؟ - ما هى الاعمال التى لو قمت بها ترى أنك حققت نجاح كبيرا جدا ؟ ياااااااااااا شوفت انك فعلا لديك قدرات وامكانيات ومواهب وانجازات حققتها فى الفترة السابقة ، ليه متستغلش النجاح ده وتقدر تبنى عليه حياتك القادمة وتبتدى حياتك بانجاز لذاتك . كيف ابدأ بذاتى : اولا : المسؤلية الذاتية : من الرائع والجيد ان تعيش بمسؤليه ، وتصبح أنسان مسئول ويصبح لك دور فالمسؤوليه الذاتية هى شعور الشخص من تلقاء نفسه بالتزامه بفعل ما يحقق المصلحة نحو نفسه والمجتمع من حوله ، والمصلحة هى كل ما فيه تحصيل منفعه أو دفع مضرة . كن مسؤول مع ذاتك : - اهتم جدا بالجانب العلمى والثقافى فذلك الجانب ينشط قدراتك العقلية التى تعتبر من اهم جوانب حياتك والتى تدخل فى نطاق العمل وتطوير مجالك وخبراتك العملية الذى من خلاله ستصنع الحياة وتشارك فى نهضة امة فلابد أن تحدد بالضبط المجال الذي تحب أن تعمل وتتفوق فيه . - اهتم جدا بالجانب الايمانى وهو جانب مهم جدا وهو اهمهم على الاطلاق إذ عليه يتوقف نجاح الفرد وفاعليته فى بقية الجوانب وذلك لانه فوق أساس العلاقة مع الله . - لا تنسى ابدا الجانب الاجتماعى فلا يستطيع الانسان مهما أوتى من مهارات وقدرات أن ينجح نجاحا كاملا بمفرده لانه كائن اجتماعى بطبعه ، يحتاج للاحساس بالصداقة والالفة والقبول فى المجتمع . - كن مسؤل فى عملك وفى مجتمعك وتصرف بكل شئ يعمل على اصلاحه وتطويره وكن مسؤل فى اماكن الترفيه وحافظ على بيئتك ، ولا تنسى علاقاتك مع اقاربك واصدقائك وكيف توجهم للافضل. ثانيا : لماذا خلقت ؟ أسال نفسك : لماذا خلقت ؟ مش قصدى الاجابة المعروفة اننا نتفق اننا خلقنا لعبادة الله ، ولكن انت بالذات لماذا خلقت دونا على البشر لماذا خلقت ؟ خالد بن الوليد خلق للجهاد والمعارك وابوهريرة خلق لرواية الاحاديث بيل جتس خلق لاعادة هيكلة السوفت وير والبرمجيات انت بالذات لماذا خلقت على الارض ؟ اذا اكتشفت هذا الامر ستتغير حياتك 180درجة ، وستبدأ بداية مرحلة التغيير والانتفاضة . واستنونى فى اللقاء القادم لنستكمل انتفاضة ذات 2011 ورحلة مع المسؤولية .

سلسله كن ايجابيًا 2- مصارعه المبادرين .. كن مبادرا ( إنهم يشبهون الماءهزهم كما يحلو لك وانزع غطاء الإناء لايحدث شئ لافوران ولا فقاعات ولاضغط إنهمهادئون رابطون الجأش مسيطرون على أنفسهم وعلى انفعالاتهم ) شين كوفى بالكلمات الرائعه جداتحدث شين كوفى بها ليعبر على الشخصية المبادرة والتى شرحها فقال عنها إنهم يفكرون قبل انيتصرفوا ويدركون أنهم لا يمكنهم السيطرة على تصرفاتهم حيال هذا الذي يحدث لهمولكنهم يمكنهم السيطرة على تصرفاتهم حيال هذا الذي يحدث ... لماذا المبادرون كذلك؟ إن الشخصية المبادرةليست مثل الانفعالية إذا هزتها كما تهز إزازة المياة الغازية ورفعت الغطاء فتثيرما بداخلها ولكنه هو يفكر قبل أن يستخدم اى طريقة ليعبر عما يحدث له او يعبر علىاى اتجاه يقوم به لانه يستخدم عقله التفكيرى وإداركة العقلى وليس عقله الانفعالىالمشاعرى ان المبادر لا ينتظر من يوجهه بل يقوم بما يناسب كل موقف ولا تستطيع انتوقفه على شئ يكون فيه دور ايجابى وصعب ان توقفة بكلامك السلبى . لغه المبادر : دايما بيقول ( سوفافعل – يمكننى أداء افضل فى حياتى – سوف اختار أن افعل الافضل – لابد وأن هناكوسيلة استخدمها فى ما اريد .... ) عادة الايجابية : تنادى العادة فتقول (انا رفيقتك الدائمة ، انا مساعديك أو اثقل أعبائك سوف ادفعك الى النجاح او اجركالى الفشل ، أنا فى خدمتك تماما ، نصف الاشياء التى افعلها من اجلك يمكنك أنتعيدها الى مرة اخرى وسوف اكون قادرة على القيام بها بسرعه وبطريقة صحيحة ـ يسهلعليك إدارتى فقط إذا كنت حازما معى أرنى بالضبط كيف ترغب في عمل شئ ما وبعد دروسقليلة افعلها تلقائيا إننى خادمة العظماء واكون سبب فى جميع الفاشلين فخذنى ودربنىتاخذ من ما تريد ) كيف تصل الى ما وصلاليه المبادر : التدريب على المبادرة يعتبر اول طريق لك للوصولالى الايجابية لذلك اليك تمرين للوصول الى تدريب نفسك على الايجابية 1- قم بكتابه الأسباب الدافعه وراء اكتسابك لصفة المبادرة ، اكتب 5على الاقل . 2- قم بكتابه فوائد ستعود عليك اذا اكتسبت صفة المبادرة ،اكتب 5 على الاقل . 3- قم بكتابه الخسائر التى ستعود عليك إذا لم تكتسب صفةالمبادرة ، اكتب 5 على الاقل. 4- اكتب بعض الوسائل التى من وجهه نظرك اذا استخدمتها شعرتبالمبادرة وقم بتنفيذها. وإلى لقاء أخر فى سلسلة كن ايجابيا .... وما هىموانع ومشكلات المبادرة احداث على الواقع ... ان ما يحدث الان على واقعنا المعاصر من مشكلاتاجتماعية وسياسية راجعه الى عدم وجود ايجابية ومبادرة مننا كشباب فهيا الى طريقالمبادرة ... فارجو المتابعه

شكرا يا بسمة الاقصى وجزانا واياكم وتابعى الجزء التانى من المقالة وجعلك الله بسمة للاقصى ان شاء الله

سلسلة كن ايجابيا 1- في عروقي مياة غازية ( أنهم مثل عليهالصودا الغازية الفوارة إذا هزتهم الحياة قليلاً ينشأ الضغط فينفجرون فجاة ) شين كوفى بالكلمات العجيبة دىحابتدى كلامى معاكوا ... تعرف لما تروح تشترىإزازة حاجة ساقعه وتقعد تلعب بيها وتهزها كده جامد ومرة واحدة تفتح الغطاء تعرفايه اللى حيحصل ؟ أظن الاجابة بقىمفيهاش كلام ومش محتاج أنى اشرحها غير أنك لازم تروح تغسل وشك هههه طيب لو مسكت الازازةدى وهزتها نفس الهزة دى بس فتحتحا فى وش واحد صاحبك ايه اللى حيحصل ؟ اظن ان صاحبك حينفجرزى انفجار الازازة فى وشه صح ههههه طيب ، ده معناه ايه ؟ الناس ينقسمون فيحياتهم الى نمطين الاول مبادر والثانى مستجيب المستجيب هم أشخاص يوجههوناللوم للاخرين الاحداث هى التى تصعنهم وتؤثر فيهم اما المبادر هما اشخاصيتحلمون مسؤلية حياتهم وهم الذين يصنعون الاحداث ويؤثروا فيها ده تعريف بسيط لاشهرنمطين موجودين فى مجتمعنا واظن انت مش حابب تكون الاول المستجيب لكل ظرف ومش بيعرفيسيطر على ذاته ويصنعه قراراته غيربانفعال لغه الانفعالي : دايما بيقول ( سوفاحاول - هى دى طريقتى فى الحياة – معنديشحاجة اعملها تانى – مقدرش – يومى ضاع ) مشكلته أنه حاسس دايماانه ضحية للى بيحصل ، مش حابب انه يتغير ويكون له دور فى الحياة ينتظرون ما يجرىفى حياتهم من امور دائما دائم الشكوى يشعرون بالاهانة . عادة الانفعال : هى عادة زى المسرحيةبتتكون من خمس فصول فصلها الاول انت ماشى فى طريق فى حفرة يا خسارة وقعت فيهاوعلشن تطلع محتاج مجهود كبير اوى ، الفصل الثانى انت ماشى فى نفس الطريق والطريقفيه حفرة كبيرة بردوا وقعت فيها وحتاخد وقت ومجهود علشان تطلع ، الفصل الثالث انتماشى فى نفس الطريق والطريق فيه حفرة وانت شايفها بس وقعت فيها تانى علشان بقتعادة وانت محاولتش تبعد عنها وحتاخد وقت اكبرومجهود اكبر علشان تخرج ، الفصلالرابع انت ماشى فى طريق فى حفرة بس عديت من جنبها وموقعتش فيها ، الفصل الخامسمشيت من طرق تانى . كيف تكتشف الطريقالجديد للوصول الى المبادرة وترك الانفعالية : اكتشاف الطريق يعتمدفى تغيير إداركك عن ذاتك ، غير نظرتك على الحياة ولديك الان تمرين عملى للوصول الىتغيير إداركك : •1- فكر فى مشكلةسلبيه •2- اسال نفسك هذه الاسئلة: •ماهى المشكلة ؟ •لماذا لدي هذه المشكلة ؟ •كيف تحد هذه المشكلة منإمكانياتى ؟ •كيف تحول هذه المشكلة بينىوبين تحقيق ما أرغب فيه ؟ •من السبب فى وجود هذهالمشكلة لدى ؟ •ما هو أسوأ وقت عشت خلالههذه المشكلة ؟ •3 - اسأل نفسك أسئلةايجابيه وعن الادارك الايجابى : • ماذا اريد ؟ •أين ومتى أريد تحقيق ذلك ؟ومع من ؟ •بعد الحصول على ما أريدهما الذى سيتحسن في حياتى ؟ •ما هي أفضل طريقة لمواجهههذه التحديات ؟ •ما الذي يجب علي أن أبدابه للحصول على ما أريد ؟ •5- الان ما هو الشعور الذىبداخلك الان ؟ وإلى لقاء أخر فى سلسلة كن ايجابيا .... ومن هوالمبادر والايجابى احداث على الواقع ...واقعنا اليوم يحتاج الى مبادرة وايجابية وموقف يقفه كل فرد مع نفسه لا مجرد ان يقفيتفرج على ما يحدث فى الواقع ... فارجوا المتابعه

عشنا وشفنا شوفتوا أمبارح حصل أية صباح الخير أو مساء الخير زى ماتكونوا بسلم عليكوا واهلا بيكوا فى لقاء جديد وعشنا وشفنا فاكرين المرة اللى فاتت قلت ايه كنت سألت سؤال هو ايه اللى بيخلينا نبص على إمبارح وسايبين النهاردة ؟ وطبعا عنوان المقالة دى مش معناها إنى انا بكار يعنى وبدور على رشيدة ولا حاجة ههههههههه بس المهم انى عايز اعرف امبارح حصل ايه غير النهاردة ؟ يالا بينا نعرف مع بعض اولا كلمة إمبارح بتتكون من 6 حروف كل حرف ليه معنى كبير جدا مش موجود النهاردة كل معنى من دول ليه شى كبير عندنا أو نفسنا يبقى موجود ....... تعالوا بقى نعرف مع بعض المعانى دى أ – احسان م – مهارات وقدرات ب- بتثقف أ- انتصارات ر- راحة بال ح – حب الاحسان : شئ جميل تربى عليه الناس زمان أن يحسنوا فى أداء عملهم بشكل رائع رجل محسن فى نفسه ومحسن فى عمله وعلشان كده مثلا لو أنت عندك حاجة من زمان مثلا حتلاقيها كده ليه شكل معين ومش جديد وتحس كده انى تقيل كده من الصعب ان يتكرر زى ايه تلفزيون جدو اكيد عارفينوا لما تروح عند جدو حتلاقى عنده تلفزيون قديم بس ايه حاجة عاليه جدا حتى لو مش مشغله من المستحيل ان يفرض فيه ومش لازم تلفزيون يعنى فى حاجات تانية كتير زى مثلا راديو بتاع زمان اللى هو أبو لمبة ده أو التلفون القديم الاسود ده يااااااااا فكرتونى بأيام جميلة والله كل ده علشان كان فى احسان فى عمل الحاجات دى مهارات وقدرات : زماااااااااااان والله أعلم يعنى كانت المهارة والقدرة كانت مكتسبة أكتر من انها فطرية بقول كده ليه علشان كانت المهن متوالية على الاشخاص يعنى الاب النهاردة نجار ابنه يبقى بكرة نجار وكده يعنى فكان طبعا الابن بيكتسب مهارة وقدرة متميزة علشان بيبقى اتربى عليها من هو صغير غير بقى انه ممكن يطور شوية فى المهارة دى فيطلع منتج جديد ورائع مع وجود طبعا الثقافة المجتمعية وطبعا عمرنا ما حننسا فنون العمارة فى مصر الاسلامية وفى بلاد الاندلس والابداع المعمارى كل فرد بيكتسب مهارة بينتج وطبعا بيطور أكتر . أما المهارات الفطرية اللى كانت موجودة عند الاشخاص اقل حاجة يعنى كان بيطلع حاجة جديدة وانا مش محتاج اقول امثلة يعنى ليه مش حاقول علشان ده واجب عملى عليكوا كل واحد حيحكى قصة من اشخاص زمان اللى عملوا حاجة جديدة تمام . بتثقف : الثقافة هو احنا زمان مش كنا شعب مثقف بردوا على الأقل عصر الصحافة كان الواحد اللى شغال صحفى يبقى فعلا ليه دور فى تطوير البلد وازاى كان ليه دور مؤثر فيها وشوفوا كان فى كام جريدة زمان وازاى اثرت فى الشباب وفى البلد من أيام مصطفى كامل الى ايام محمد فريد مرور بسعد زغلول وثورة 19 الى ايام جمال عبد الناصر وثورة52 ومن الوفد الى الجمهورية الى الاهرام الى الاخبار كل دى جرايد اثرت فى ثقافة الشعب والبلد والشباب وكان من الصعب انك متقليش حد بيقرا جرايد علشان كانت هى مصدر ثقافتهم وكان الواحد منهم مش بيشترى بالجريدة والواحدة كان بيشترى بالاربعة علشان يعرف كل الكلام من كل الاتجاهات ههههه الله يرحمك يا جدى ....... غير ان زمان الكتب كانت فعلا رخيصة جدا وكان من السهل ان الشباب يقروا وكان زمان مصدر المعرفة عندهم واحد وهو الراديو ... وهنا القاهرة .... وإذاعة الشرق الاوسط ... فكان عندهم حب معرفة فكانت ثقافتهم واحدة وعلشان كده من الصعب ان تقعد مع حد زمان غير لما يحكيلك عن حاجات لو سالت عليها الغير حيقولك نفس الكلام ... يالا عليه العوض ..... فعلا الثقافة دى رزق من عند ربنا وعلى راى واحد صاحبى .... يافرج ابعت رزق ههههه انتصارات : زمان بردوا كان فى انتصارات وغالبا كانت انتصارات شخصية كمان يعنى على المستوى الشخصى والتطويرى والانتاجى وده كان بيدى الواحد منهم مكانة اجتماعية من افندى الى بيه الى باشا الى افندينا وانت طالع ليك وضع على قد تطويرك لذاتك حتى على مستوى الموظفين يقولك ايه انا موظف درجة تاسعة ههههه وكده يعنى فكان بيحاول كل الجهد انه بيترقى وطبعا كان العصر ده المكانة الاجتماعية فيه بالواسطة يعنى قوة السلطة هى اللى مسيطرة اللى تحته ناس هو اللى ليه مكانة وقوة فى البلد ممكن ناس تقولى بس ده غلط ومش صح اقولك ايوة صح بس لازم نبص للوضع فى العصر ده كان عامل ازاى بس .... راحة بال : ياااااا مكنش فى تعب ومكنش فى زعل ايوة كان العصر كان صعب فى مجملة بس الناس طيبة و البلد فيها خير كتير والوقت طويل كل ده وفى راحة بال كل الناس الكبيرة بيقولولى كده راحة البال زمان مكنش فى تعب وصعب الناس كانوا عايشين بالطول وبالعرض كانوا بيحوشوا طول السنة علشان يروحو المصيف وكانوا بيحاولوا يساعدوا اولادهم ويساعدوهم علشان راحة البال غير العلاقات مع الناس والجيران كان بيوفر لهم اكبر راحة بال يعنى لما يحصلك حاجة تلاقى ناس جنبك كل ده بيوفرلك راحة بالك لما يحصلك ظرف ومحتاج مساعدة او محتاج تتكلم انت حتلاقى اللى حيسمعك وكل دة راحة بال .... بقولكوا ايه ياشباب ما تيجوا نرجع بالزمن لوراء احسن ..ههههههه ..... حب : اه من الحب ..... افلام زمان تعبر على العصر ده وأظن مفهوم مش محتاج كلام يعنى هما زمان كانوا بيحبوا بعض بجد ولا زى دلوقتى بيهزروا على راى انيس منصور لكل زمان حب ولكل حب زمان كنا نقنع بالنظرة ونحلم بالقبلة ( ايه قله الادب دى انا بتكسف ههههه ) واليوم لا قبلة ولانظرة ولا امل فى ذلك . هو ده عصرنا يا عم انما زمان ..... احمممممممممممد ...... فتحيةةةةةةةةةة .. قصدى منىىىى كده يعنى .... ومتسبينيش انا من غيرك مش حعرف اعيش واغانى بقى والحاجات دى ودلوقتى الولد منهم يعلق البنت 8 سنين جنبه وفى الاخر بصراحة انتى تستهلى واحد احسن منى هههههه بعد 8 سنين ...... وعلى فكرة يبقى ليها مقدمات تتصل بيه يقولها معلش الموبايل فصل شحن وساعة الفراق يقولها والله انا عايز مصلحتك بس هو انتى مش حتستحملى العيشة معايا وعلشان اثبتلك حبى ليكى تعالى نتجوز دلوقتى وساعتها علشان تعرفى مدى صدقة قوليله يالا بينا ههههههههه وشوفى هو حيعمل ايه ابن الكدابة ده ..... بس يا شباب كفاية كده النهاردة والكلام ده مش يخلينى انى افكر فى ايام زمان ولا حاجة ولا اطالبكم انكوا تفكروا فى زمان بس انا بقولوا ليه الناس بتحب ايام زمان علشان فى معانى غايبة عننا كتير واستنونى فى المرة الجاية علشان اتكلم على النهاردة وايه الفرق مابين النهاردة وامبارح وبكرة وعشنا وشفنا ههههههه بس فى حاجة اللى عنده معنى شافه زمان او سمعه يقول عليه ونتناقش فيه على الجروب تمام سلااااااااام

سرقوا مهنتى انا اخصائى اجتماعى ايه ساكت ليه ؟ وانت ساكته ليه ؟ طب والدكتور والمحاضر ومشرف التدريب والعميد ساكتين ليه ؟ طب هو احنا بنعمل ايه ؟ ولا احنا مش واخدين بالنا ولا ايه ؟ طب هو فى ايه ؟ المشكلة طبعا اولا فى دى انك تسال هو فى ايه ؟ لما تنزل وتبص تلاقى انك بتتسرق اكيد مش حتسأل هو فى ايه ؟ لو أنت مثلا شغال دكتور وفى يوم من الأيام رحت شغلك لقيت واحد على مكتبك قاعد مكتوب على المكتب المهندس فلان الفلانى مكان وشغال شغلتك علشان فاهم شوية فى مهنتك ؟ حتعمل ايه ؟ لما تلاقى ان الغير فعلا واثق من المهندس ده اوى والناس بتقلولك ايوة هو دكتور وانت مش فاهم حاجة ؟ حتعمل ايه ؟ لما تكونى انت اللى بتذاكر طول السنين دى علشان انت عارف ان دى مهنتك وفى الاخر واحد غيرك يشتغلها ؟ حتعمل ايه ؟ ما هو الاصل فيك من الاول انت اللى غلطان ؟ ليه ببقى ما انت لو من الاول عارف المهنة دى ايه وازاى ممكن بتساعد فيها وبتخدم مكنش حد عمل كده ؟ لا وايه اللى يغيظك ازاى اللى فى الوضع ده قبل ؟ من الاخر يعنى محدش يزعل منى لما ناسى مدربين تنمية بشرية او خريجيين مش عارف منين سواء بقى هندسة او علوم او طب او اداب او اى كلية لما يكون مدرب تنمية ليه ميستخدمش ويطور فى مجاله هو اللى متخرج منه مليش دعوة بيحبة بقى ولا لا ؟ المشكلة ليه اشوفه فى مدارس بيطبق برنامج هو اساسا دورى كأخصائى اجتماعى ؟ ايه بتضحك ليه وانتى بتضحكى ليه ؟ ايوة اخصائى اجتماعى ؟ فيه ايه المفروض انى بتخرج من المعهد يعنى بشتغل اخصائى يعنى بس بجد احنا اللى غلطانين علشان مش الحكومة ولا الدولة هما مش غلط لما فتحوا المجال للجمعيات الخيرية علشان يشتغلوا اعمال تطوعية بس اللى غلط انى من الاول مش شركت مع انى المفروض الناس هى اللى تجرى عليك وعليه علشات تتم الاعمال دى . وانا اللى غلطان لما انا سكت على الناس لما تضحك عليه اكمى مش بحب خدمة اجتماعية وفى الاعلام يبظوا صورتى كمان فى الواقع ؟ انا اللى غلطان طالما كل الناس شيافة انها عايزة تعمل حاجة تبص على نفسها الاول وتشوف ليه مش شاركت فى مجالك وطورته .... كلمة اخيرة ليكوا انا عارف انكوا داخلتوا خدمة اجتماعية وانتوا مش حابين المجال وانا زيكوا تمام بس فين المبادرة بقى وفين العمل باللى اتعلمته وعلى فكرة كل الدراسة فى اى حته كده يعنى مفيش حد فى الدنيا مخطط انه عايز يدخل كليه علوم بيكون هدفه اما صيدلة او هندسة او طب بمشتقاتها طبعا بس مجموعه دخله كده ، فانت ليك دور كويس بس يا خسارة التراب غطاه كويس مش باين غير ان فعلا الناس اللى شغاله بيه مبقاش ليها لازمة انا عن نفسى مش حسكت وحكمل وانا عارف ازاى اطور من المجال ده علشان انا بطبق مبدأ كن استاذ فى مجال وتلميذ فى كل المجالات لازم اعرف كل المجالات بتتكلم فى ايه علشان اعرف اساعدها احنا والله الدراسة الوحية اللى بتدخل فى المجالات لو عايز تشارك معايا قولى انا معاك وانا بكرة حاقولك نعمل ايه ؟

يوميات عزوز فى الامتحان قبل الامتحانات بيوم عزوز : أه ... أه ... مش قادر ....... هى الساعة عندك كام يا فصيح فصيح : الساعة 10 ، هوب هوب 2،1 - هوب هوب 2،1 عزوز : انت بتعمل ايه بس على الصبح فصيح : انا باعمل تمارين الصباح اصلها بتفتح الدورة الدموية . عزوز : دورة طب ودى بيلعب فيها مين فصيح : بقولك الدورة الدموية مش الرمضانية عزوز : أه ه ه ه ، معلش انا اسف هههههه عزوز يبحث على الفطار الام : رايح فين يا عزوز عزوز: أنا نازل أجيب فطار ألام : يا بنى أقعد ذاكر ده الامتحان بكرة عزوز : بجد والله طب ما أنا عارف ، حاخطف نفسى بسرعة كده علشان الحق أذاكر عزوز فى طريقة الى الفرن عزوز : ايه ده كله ، ايه البشر دى ، هو فيه ايه النهاردة الطابور زحمة أوى لوسمحت يا اونكل ممككن اقف مكانك أجيب عيش علشان انا عندى امتحان بكرة . الرجل : ولا ولا مش نقاصاك انت كمان اقف زى ما احنا واقفين . وبعد ساعة فى الطابور عزوز : أخيراً فاضل واحد . أمام الشباك عزوز : لما اطلع الخمسين قرش الجديدة اللى بتخروش دى عارفنا طبعا لو سمحت يا عمو عايز عشرة . البائع : شطبنا ، طخ ويقفل الشباك فى وشه . عزوز : مش مشكلة خالص ، حاقضيها اى حاجة وخلاص عزوز بيذاكر عزوز : ماما ممكن تصحينى الساعة 3 بكرة علشان اقوم أراجع قبل الامتحان الام : ايه 3 ليه يابنى ، هو أنت فى الثانوية العامة عزوز : ثانوية عامة إيه ، أنا الحمد لله عديت من الثانوية العامية دى وجبت 51% والحمد لله دخلت معهد فنى صناعى قلت أعمل معادلة سنتين علشان ادخل الكلية اللى كان نفسى فيها من زمان ( كلية التجارة ) الاب : ايه تجارة ايه عزوز : هندسة ... هندسة يا بابا ( وفى نفس عزوز ) قال هندسة قال أنا أدخل هندسة ده أنا نفسى أخلص الامتحانات عشان أفتح مشروع حياتى ( بلاى استيشن عزوز ) ياااااااا حكسر الدنيا الاب : بتقول حاجة يا عزوز عزوز : لا لا لا ..... هو أنا أقدر اتكلم هو فى زى كليه الهندسة ( وفى نفسه ) ه ه ه ( بلا استيشن عزوز ) ويحلم عزوز ( يا معلم عزوز عايزين نلعب ... يا معلم عزوز ايه اخبارك ) ( الحق يا معلم المصنفااااااااااااااات .... ) ويصحى عزوز على نداء الوالدة ... اصحى يابنى خش نام جوة عزوز : المصنفاااات الام : بتقول حاجة ياعزوز عزوز : لا لا مبقلش حاجة خالص عزوز بيراجع قبل الامتحان عزوز : هاى ، اصحابى عاملين ايه ، كل سنة وانتوا طيبين ؟ ابراهيم : كل سنة واحنا طيبين على ايه بس على الامتحانات فكك يا عزوز عزوز : المهم يا هيما فين التوقعات اللى قلت حتجيبها معاك ؟ ابراهيم : اهم 10 اسئلة مش حيخرج عنهم الامتحان عزوز: تعرف يا هيما لو اللى فى بالى حصل حيحصلك ايه ابراهيم : اه ! زى كل سنة طبعا متخافش يا عزوز عزوز فى لجنة الامتحان عزوز : اهو هو ده الكرسى بتاعى ، الله جنب الحيطة و حاجة زى الفل على : ايه يا عزوز شكلك مبسوط كده ليه عزوز : طبعا لازم أفرح دى الامتحانات جات الامتحانات جااااااااااااااات المراقب : طخ ، المراقب يرمى ورقة الاسئلة على ترابيزة عزوز انت يا بنى اقعد ساكت شوية ... ومالك فرحان كده ليه عزوز : حاضر المراقب التانى : انت يالا يالى هناك مش عايز صوت اللى حيتكلم حسحب منه الورقة أه . عزوز : هى ناقصاك أنت كمان . وفجأة ......... عزوز : ايه ده ايه ده ، الله يخرب بيتك يا إبراهيم ويخربيت توقعاتك 10 اسئلة ميجيش منهم غير 2 ، لا ما اتفقناش على كده المراقب : ولا ... ولا ... اقعد ساكت عزوز :مش حينفع كده، اهدى شوية يا عزوز وركز على ..... علىىىىىى ، أه ماشى ياعم لما ننزل تحت ماشى على : عايز ايه ؟؟؟ عزوز : السؤال الرابع اجابتة ايه ؟ على : حرام ، حرااااااااااااااام عزوز : انا يتقالى حرام ماشى على ماشى ، طب السؤال الخامس طيب على : من غشنا فليس منا عزوز : شفت بقى انك مش عايز تغششنى ماشى انا حاوريك المراقب : يلا حنلم الورقة عزوز : ماشى يا استاذ وا انا اول واحد خلصت ، اه والله لضربكوا كلكوا تحت . بعد اللجنة عزوز : كده ياعلى ، كده متغششنيش على : والله غششتك عزوز : انت حتحورلى على : والله غششتك ، السؤال الرابع اجابته حرام والخامس كان عايز الدليل عزوز : وققلتش ليه بس ، مش مشكلة بقى ، نعوض فى اللى جاى بس المشكلة فى البيت مش عارف اقولهم ايه زمان فصيح روح وحل الامتحان كله طبعا يوم النتيجة الام : عملت ايه يا عزوز الاب : عملت ايه يابنى عزوز : المهم فصيح عمل ايه الاول ؟ فصيح : الحمد لله جيد جدا عزوز : ايه يعنى الام : يابنى عملت ايه عزوز : الا ترون على وجهى القبول ـ لقد حصلت على المقبول ههههههههههههههههههههههه هههههههههههههههه

شكرا اولا على ردك الرائع ده واتمنى تكون المقالة عجبتك وكان قصدى بس اننا نوضح الصورة مش اكتر واتمنى المتبعه ولو عاوز تعرف حل بجد للمشكلة دى ممكن تقرا مقالة حوش اللى وقع منك على المنتدى وجزانا واياكم