AMR DAWAM

بالنسبة لى فانا مش بلاقى لحد دلوقتى احلى من اللحظة اللى بشوف فيها نجاحى امامى فى اى شئ فى الدراسة او فى العمل او فى اى شئ آخر اشارك فيه وبالنسبة لأمة العزيز فعلا اللحظة اللى انتى ذكرتيها مفيش أحلى منها يارب اوعدنا بزيارة بيتك الحرام وزيارة قبر رسولك الكريم يارب العالمين

فعلا ثلاثيات رائعة ومفيدة حقا نحن ننتظر منكم المزيد من الموضوعات المفيدة والهادفة فبهذه الثلاثيات اصبح لدينا رباعيات جاهين وثلاثيات عاشقة الرحمن

الله الله على وصاياك يا أبو تسنيم بجد انا استفدت فعلا وهبدا اطبق على الطرق اللى ذكرتها جعلك الله عونا لاخوانك المسلمين دائما ووفقك الله

بارك الله فيك ياأخى يا ابوتسنيم وزادك من ذلك الذى فيه الخير لنا جميعا ولكل البشرية ان هذا الموضوع من أهم الموضوعات فى المنتدى . التنمية البشرية من الموضوعات الهامة فى هذه الأيام والتى يغفل عنها الكثير نحن نعلم انك مشغول عنا فى هذه الأيام فاننا ندعوا الله ان يعينك على كل ما يشغلك لكى تعود لنا وتفيدنا فى هذه الموضوع . نحن فى انتظارك .

السلام عليكم فى البداية احب اقول رأيى المتواضع بجانب هذا الكلام الجميل . فعلا موضوع غاية فى الجمال والواقعية وفعلا كل واحد فينا عنده نقطة او نقاط ضعف وانا مثلا كان عندى نقطة ضعف محيرانى جدا وممكن اقول كانت معقدانى وظهرت ليا وبدات انتبهلها من صغرى ؛ بس الحمد لله نفس القواعد اللى انت ذكرتها انا كنت بعملها ودلوقتى اصبحت نقطة ضعفى هذه شئ من الماضى . ولكن فى شئ انت ذكرته ان احنا من المفروض ما نعطيش الموضوع أكبر من حجمه بس انا بعتقد ان احنا لو كبرنا الموضوع وهولنا قدام انفسنا هنتوقع له كل شئ ونكون مستعدين لكل شئ يحدث ؛ وعلى العكس عندما نكون مطمئنين وفجأة تظهر امامنا نتائج لم نتوقع حدوثها . وفقك الله فى مثل هذه الموضوعات المفيدة

معلش يا كرنكل على الامتحانات وربنا يعديها على خير وتكون أزمة وعدت بس انت ليه بتقول ان تعلقك باصدقاءك شئ وحش بالعكس دا شئ من أسمى المبادئ فى الحياة , الصداقة دى أجمل شئ فى الوجود . انا مثلا من اجمل ايام حياتى اللى ما اعتقدش انى ممكن انساها هى سنة اولى فى كلية العلوم علشان اتعرفت من خلالها على اصدقاء من اجمل الشخصيات اللى قابلتها فى حياتى زيك انت وعمر وكتيييييييييير انا دلوقتى لما حولت من جامعة جنوب الوادى لجامعة بنها لحد دلوقتى مش لاقى حد يعوضنى عنكم يارب نرجع مع بعض تانى ويارب يوفقك فى الامتحانات وترجع منها للمنتدى ولينا مبسوط ان شاء الله .

ليه ياجماعة كل ده والله انا ماقصدتش اى زعل دى وجهة نظرى فقط بجد بجد ما تخيلتش ان الموضوع يكبر بالشكل ده وبالنسبة لعرابى انا ما قصدتش الطريقة اللى انتوا بتوصفوا فيها دى اما بالنسبة للأرياف انا حبيت اوضح شئ واقعى وحقيقى ده مش دفاع يا كرينكل من الظاهر ان حالة التوتر الموجودة بسبب الإمتحانات أثرت عليا وانا بكتب وبعدين انا تقريبا ما نظرتش من منظور الفكاهة لحظتها علشان انا جربته كتير فى المعمل وما كانتش النتائج بتكون دقيقة وانا احب الدقة وبعدين يا كرينكل انت هتدافع عنى فى البسيطة وتحملها عليا بجميلة لأ دانا هخليك للكبيرة يعنى مثلا angel_of_mercy عايزة تولع فى المنتدى حاضر من عينيا بس للأسف هنجيب الولاعة منين انا مش بدخن احنا هنولعة بطريقة تانية احنا نعمل حزبين ( حزب يؤيد الشدة والجدية أقصد بالعربى سى السيد ) ( وحزب شبابى مودرن يعنى يؤيد منظور الفكاهة فى رأيه ) بالطريقة دى تنشأ حرب ساخنة وتزيد الولعة لو استغلينا وجود كل طلبة الطب ( بيعرفوا يضربوا حقن يعنى ) بس ويولع المنتدى على راس كرينكل

هههههههههههههههههههه انا مش عارف اقول ايه اللى انا استفدته من الموضوع بالظبط لان كل كلمة كنت بحس ان لها فكرة تانية وبصراحة بهنيك انك استطعت انك تخلى عم عبده يقولنا معلومات مفيدة زى دى وسامحنى انا من شدة اعجابى بفكرة الموضوع اقتبسته منك وهنظمه لتأديته فى اسكتش مسرحى بسيط دى العبقرية بقى ازاى افرط فيها

بصراحة مش عارف اعبر عن اعجابى بالموضوع والفكرة باى طريقة لان كل جزء محتاج تعبير لوحده بس انا كان نفسى تستفيد من تجميعتك للدول العبرية فى عقد واحد فى شئ جاد عن كده وانا لا اقلل من شأن موضوعك ولكن انت فاجئتنا بطريقة النهاية وبعدين مامتك عندها حق : كرينكل ده ...... ....... منه للى كلت دراع جوزها

على فكرة التعليق اللى فات كان على الجزء الأخير من الموضوع اما التعليق ده فعلى الجزء الأول اصل احنا فى علوم اتعلمنا ان احنا نمشى الحياة بالمقلوب يعنى نبدأ من الآخر ونرجع للأول أو ممكن نكون أذكى من الناس وبنحب نجيب النهاية والمفيد باختصار بس انا دلوقتى تأكدت ان البداية بيكون لها تأثير آ خر المهم بجدبجد الموضوع جميل جدا بس نفسى اعرف اجابات لبعض أسئلة بتدور بداخلى أحب أسألهم ل(angel_of_mercy & نجمة الكتب ) هل اسلوبكم فى الكتابة ده لم يتغير منذ دخول الكلية ؟ أنا من رأيى ان الإجابة هتكون لأ أصل انتو لوبتشوفو امتحانات الشفوى بالطريقة دى وما اتغيرتوش ده يبقى انتوا عظماء تانى حاجة هل انتو من اللى كانوا عايزين يدخلوا اسنان فى الأول ولا ايه ؟ فى حاجة محيرانى ايه الفكرة فى ان تاسيس الكليات العملية الصعبة بيكون بالقرب من مشتشفى الأمراض النفسية والعصبية ......... يعنى احنا مثلا فى كلية العلوم فى بنها لونظرنا من احدى نوافذ المدرجات بنشاهد اللى هما فى نعيم زى ما بيقولوا وايه كلهم مواهب اللى بيزغرط واللى بيصوت واللى بيحكى قصة حياته والا بقى اللى بيغنى دا كله كوم واللى بيغنى كوم تانى خالص احنا بنكون موجودين ماديا فى المحاضرات ولكن كلنا آذان صاغية للى بيغنى ومع ذلك مش عارفين نترجم حاجة من كلامه المهم ياريت تتابعى يوميات وكثفى ولا تكتفى يدكى عن الكتابة

بجد بجد جميلة جدا كل هذه الموضوعات والأجمل من ذلك طريقة سرد الموضوع لأنها أول طريقة لجذب القراء انا يمكن بدأت أقرأ كتاباتك متأخرا ولكن اعذرينى لانشغالى بالامتحانات وياريت تدعولى كلكم حتى نعرد كلنا ونحيى المنتدى احياءة جديدة ونتقابل جميعا فى افكارنا . المهم أهنئك جدا لأنى أرى وأشعر بنجاح يومياتك وجذبها للقراء فى المنتدى كله. ولكن اسمحيلى بتعليق بسيط ممكن يكون أخى وحبيبى عاشق الصداقة أشار اليه وهو ألا تتحدثى عن موضوع الأولاد والبنات بهذه الطريقة وأنا لا أحذرك من قيام حرب لأن الحرب عندما تقوم تكون بين أطراف متكافئة تقريبا الى حد ما ولكن نحن نعلم اننا الرجال وأنتم النساء وأكتفى بأن أوضح لكى هذا السبب وان كان احد اعضاء المنتدى اقتنع بكلامك بهذه الطريقة ؛ فانا وانتى وكل الناس جميعا تعلم أن لكل قاعدة شواذ فأرجو أن تعتبريه (شاذ قاعدة الجال ). وفقكى الله فى يومياتك وعندى لكى نصيحة أخرى أرجو تقبلها وهى تتعلق بالموضوع الأخير وهو طب الريف أو طب الأرياف المهم المعنى المراد . وهو ان الريف به طب آخر غير الطب البديل طريقة متبعة منذ قديم الزمن واعتقد انها ليست موجودة الا فى الريف وهو تميز للأرياف وهو الهواء النقى أو بمعنى آخر المصفى لآخر ذرة فكفى ثم كفى ان تجلس فى الخضرة وتستنشق الهواء النقى يا له من احساس يشفى من كل الأمراض وخاصة أصعب الهموم ................ أما اذا زاد عنصر آخر على هذه العناصر (.......) فسوف يكون الوضع مختلفا طبعا كل واحد فكر فى العنصر ده على حسب هويته بس انا مش عايز حد يفهمنى غلط انا أقصد (الميــــــــاه النقيــــــــــة)

إخوانى وأحبائى فى هذا المنتدى الجميل بالنسبة لمحافظة قنا فهى حقاً أجمل وأحلى محافظات الصعيد ليس فقط كمكان ولكن أيضاً بأبنائها وأهلها وهم فعلا أطيب بشر وتعرفت فيها على أغلى أصدقاء فهى حقاً : باريس الصعيد كما قيل عنها

بجد لا تعليق فقد اتيتى بكل شئ بوضوح وكمان باختصار وضحتى أد ايه حياة البنى آدم معقدة بس فين البنى آدم وفيييييييييييييييييييين الحمار

جميلة جدا التوضيحات الموجودة بس اللى مش جميل وصف القاهرة بهذه الصفة وعيز اسألكم سؤال : ليه محمود مادخلش جامعة جنوب الوادى بدل ما ييجى القاهرة على الأقل أقرب له ؟

عن أسرة ياللاياشباب بكلية العلوم بجامعة بنها أولاً إلى أصدقائى وأحبابى بكلية العلوم بقنا جامعة جنوب الوادى الذين هم أصحاب هذه الفكرة العظيمة والجميلة أشكرهم جدا على اتاحة هذه الفرصة لنا لنشترك معا ونعمل على توسيع فكرة هذه الأسرة فى معظم جامعات مصر وتوفير الفرص لتقابل الأفكار بين هذه الأسر فى معظم جامعات مصر ونحن من هنا من جامعة بنها وخاصة كلية العلوم نعدكم على المشاركة البناءة دائما بإذن الله ثانياً : أصدقائى بكلية العلوم بجامعة بنها سنبدأ معاً بإذن الله مشوار كبير فى تاريخ نشاط كلية العلوم الذى لم يعلم به أحد وقريبا سوف نطرح لكم الأهداف التى بنيت وأقيمت من أجلها هذه الأسرة وأيضا الخطة التى سوف نسير عليها فى نشاطنا مستفيدين من أفكار مؤسسى فكرة الأسرة بالمنتــــــــــــدى (أصدقاء الأمس و الغد بإذن الله . حاملين معاً شعار ياللاياشبـــــــــــــــــــــــــــــــــــاب

كم جميلا منك أن تختار مثل هذه المواضيع المفيدة والتى كنا فى غفلة من التفكير فيها لأنها تنبهنا الى ان ننظر الى انفسنا اولا وبأى عين نرى الأشياء

أخى وحبيبى العزيز أبو تسنيم أشكرك كثيرا على مثل هذه المعلومات المفيدة والتى ستنفعنا باذن فى حياتنا وليس فى المنتدى فحسب

أخى وحبيبى أبو تسنيم لاأستطيع إخبارك بكل ماشعرت به عندما قرأت هذه الكلمات حقا إن لها تأثير فظيع بداخلى إن لها تأثير عظيم على كل من يقرأها إنها حقا هادفة وإنا لننتتظر منك كل هادف ومفيد بإذن الله نرجو منك سرعة العودة إلى المنتدى لأنك بجد وحشتنا

أخى وصديقى أبوتسنيم أشكرك كثيرا على هذه المعاونات فى هذا القسم وإلى الأمام دائما أعانك الله

أخى وحبيبى عاشق الصداقة أشكرك كثيرا على هذه الخدمات الجميلة وجعلك الله نفعا للناس دائما ووضع فيك الخير دائما ولكن يهمنا ويحزننا بعدك عنا لهذه الفترة الطويلة وتسعدنا عودتك لنا وفقك الله لما فيه الخير دائما نحن معك ووراءك نساعدك فى هذا القسم من المنتدى متمنين من الله التوفيق أخيك : عمرو حسين دوام

بسم الله الرحمن الرحيم اخوانى واحبابى فى الله كل القائمين على ادارة اسرة يالاياشباب نتمنى ان تقبلوننا اخوة وشركاء لكم فى تحقيق هذا الحلم الجميل ونحن من هنا من جامعة بنها نعدكم على ان نبذل قصارى جهدنا الى ان تصل اسرة يالاياشباب الى القمة ولكن لن تصل الى القمة الا بمشاركتنا فى افكارنا نتمنى من الله توفيقنا فى ذلك *************************

بسم الله الرحمن الرحيم إلى كل من ساهم فى تنمية هذه الفكرة ,إلى من قام على هذا العمل الجميل , وفقكم الله فى استكمال هذا العمل الجميل بداية من الجروب ثم المنتدى حتى يصبح اكبر منتدى فى العالم كما تمنى أخى( أبو تسنيم) ان شاء الله . الى الأسرة (يالا يا شباب) حتى تصبح الأسرة الأولى فى جامعات مصر بإذن الله . ونحن معكم على هذا العمل من أحدث جامعات مصر استقلالا وأتمنى لأخى كرينكل دوام التقدم ان شاء الله من جامعة بنها كلية العلوم أخيكم : عمرو حسين دوام

أبو تسنيم حبيب قلبى وفقك الله وأعانك على هذا العمل الجميل المفيد والمثمر بإذن الله تعالى فان الله تعالى معينك . ونحن معك ووراءك نساندك ونستفيد منك فإنك والله خير قائد وأخ كبير أخيك الصغير : عمرو حسين دوام