ابن عمى حب واحدة كان ابوها من الكبار
م اللى لما يعوزوا حاجة تيجى من تكة زرار
عندهم زى ابن عمى فى السراية خدامين
ابن عمى شاب إيمه بس ابوه م الفلاحين
إبن عمى جاللى قاللى ع الحكاية والرواية
بحب واحدة بس أية فى الجمال
قلتله مش دا السؤال ... المهم دى بنت مين
قاللى بنت الباشا سين
حاجة جامدة من الكبار
م اللى لما يعوزوا حاجة تيجى من تكة زرار
راح مأيف بدله فله وشال مجله واد مأصل وابن ناس
جرى ع الحلاق بتاعه قاله أيف ياللا ظبط
والنوبادى أبوس إيديك اوعى بمقصك تخبط
جنب راسى تجيبلى راس
قاله وإشمعنه النوبادى
قاله عادى والكلام بان فى العينين
كلمه من دا كلمه من دا جابو رغى الحلاقين
قاله هخطب قاله تخطب ؟بنت مين ؟
قاله بنت الباشا سين حاجه جامده من الكبار
م اللى لما يعوزوا حاجت تيجى من تكة زرار
الحلاق ضحك فى عبه الكلام ماكانش عاجبه
قال يجوز ... راح صاحبنا لاويله بوز
قاله ايه ماشبهش يعنى
قاله مين ! قال لا بجد دا انت تشبه اى حد
قام وثاير تانه ساير فكره حاير ماشى بيكلم فى نفسه
هو يعنى اكمنى هخطب بنت باشا خلاص كفرت ؟!
والشجاير ...... علبه فخمه بس فيها كام سيجاره شاريها فرط
راح لحد القصر خبط قال ياساتر فاكر ان القصر دار
لسه ماعرفش المغفل ان دا قصر الكبار
اللى لما يعوزوا حاجة تيجى من تكة زرار
بعد ما اتحايل أخينا دخلوه للباشا قصره
تقولشى متاخد رهينة ولا جاى يفك اسره
قاله وبحبة تناكه عايمه فى شوية شياكه
أيو أأمر ايه اللى جابك
قاله جاى اناسب جنابك
قاله تقصد يعنى بنتى قال حبيبتى
فجأه ثار ادريس تعالى نضف البيت م الزباله
قام صاحبنا اتشال وهيله هبه ع الارض اتحدف
بس لسعة ارض جامدة خلت المسطول عرف
من خرج من داره قل مقداره بايديه
واللى ينسى اصله يبقى حقه تتخزأ عينيه
مين اللى قاله يحب واحده كان ابوها من الكبار
م اللى لما يعوزوا حاجة تيجى من تكة زرار
********************
زجل اخى وصديقى الشاعر/ احمد حلمى / كلية العلوم جامعة بنها
إن أبغض الحلال عند الله الطلاق
وايضا الفيديو كليب بهذا الشكل حرام مطلق
ربنا يهدى الناس جميعا ويبعدنا عن الشبهات والمحرمات
شكرا لك اخى خلاد
********************************************
نحن الان فى رمضان الثانى لهذا المشروع
وبرغم عدم مشاركى هنا
الا اننى اتابع الواجبات اولا باول
شكرا ليك يا ابو تسنيم
وشكرا ليكى يا بنت مصرية
***************
يسعدنى ان اكون اول المشاركين
واتمنى ان ربنا يوفقنى وانى اخرج كل اللى جوايا فى الملف ويكون على قدر كافى من التنسيق والجمال
وان يوضح الهدف منه
شكرا ليكى بنت مصرية
وكل عام والجميع بخير
/*******************/