نهى جلال السيد

شكرا لاهتمامك وانا ان شاءالله هعمل كده

لر اجل ده هيجننى فعلا حياته كلهاكورة بياكل ويشرب ويتنفس كوره بيحب النادى الاهلى اكتر من اى شئ تانى اكلمه عن البيت والبنات يكلمنى عن احمد حسن وجوزيه اقوله النهاردة الدنيا حر قوى يقولى الاهلى هيعمل اعلانات كاس العالم لقطر يجى من الشغل يشغل الليثى وده مذيع على قناة الاهلى ثم الغندور وشوبير وبعديهم علاء صادق ونختم الليلة بالرايق مدحت شلبى مش عارفه اعمل معاه ايه دلووووووووووونى قلت الثورة قامت وهيلغو الدورى وفرحت رجعوه تانى لو الاهلى خسر ماتش لا قدر الله يبقى يوم مش فايت على البيت يزعل ويتضايق وممكن مايكلش ولو الاهلى كسب وياسلام لو كان ماتش مهم الهدايا والخروجات والهزار مش عارفه اعمل معاه ايه لقيت نفسي بفهم فى الكوره وليا ارائى وكل يوم فى موقع الاخبار اشوف اخبار الاهلى ايه واخبار الزمالك ايه ومين بيقول ايه على مين وانا مش عايزه كده عايزه ارجع لطبيعتى دلووووووووووونى اعمل ايه عايزه اغير اهتماماته اخليه يحب البرامج المسلسلات وخاصة التركى مش عارفه

هنبدا بالمقادير عدد وحدة فرخة وتكون مقطعة الى 8 قطع عدد 2 بصلة كبيرة عدد 10 فص ثوم 2 معلقة سمنة وياريييييييييييييييييييييييييييييت تكون سمن فلاحى 1 معلقة صويا صوص وده ضرووووووووورى وهى رخيصة مش غالية ان شاءالله نص معلقة خل ملح وفلفل اسمر وكزبرة ناشفه ولو فيه بهارات الفراخ ياريت بس ياستى الطريقه اهم شئ فى الشوى هو تتبيل الفراخ وهقولكم على طريقة علمتهانى حماتى ربنا يديها الصحة ويخليها ليا انت يااختى تطلعى الحاجة اللى هتشويها تانى يوم تطلعيها من بالليل يعنى على سبيل المثال الفرخة دى تطلعيها من بالليل وترشى عليها ملح كتيييييييييييييييييييييييييييييييييييييييير وتسيبها فيه للصبح ولازم تفتحيها من جوا وتحى الملح جوا وبره تانى يوم بقى تروحى ايه تعملى الخلطة اللى قولتلك عليها فوق دى فى الكبة وتفرميها خالص تخليها كانها زبادى كده وتخرمى الفرخه بعد ماتغسليها كويس من الملح وتقطعيها 8قطع او اربعه عادى وتحطى التتليله دى تحت جلد الفرخه ومن بره وتخرمى الفرخه بسن السكينه كويس وتحطيها فى الفرن من غير ميه خالص ولما تستوى تولعى الشوايه عشان تتحمر وبعد مايتحمر الوش اللى من فوق تقلبيهم عشان يتحمرو من تحت وبعدين تولعى على حتى فحمى وتحطيها فى صينية وتحطى الفراخ حواليها وتطفيها بشوية سمن وتغطيهم وكلى احلى فراخ فى الدنيا وابقى ادعيلى سلام

انا زعلانه من ادارة الاهلى عشان سابو احمد حسن اللاعب الخلوق والمجتهد اللى عنده روح ماشاءالله عليه لما بينزل الملعب بيحول الهزيمه لفوز احمد حسن لايقل اهميه ابدا عن ابو تريكة او بركات قدم للنادى الكثير والكثير وهو احد اهم اسباب حصول النادى الاهلى على الدورى حرام يحقق كل البطولات دى وفى النهاية يختم حياته برضه فى الزمالك زى حسام وابراهيم وغيرهم من ابناء االاهلى المهم يابخت الزمالك اللى عنده دلوقتى عميدى لعيبى العالم

والله حلوه خالص ربنا يرزقنا الخشوع فى الصلاة

على الرغم انى ضد المظاهرات والاعتصامات المستمرة واللى بتهد اكتر مابتبنى لكن احتراما لمشاعر اهالى الشهداء والواحد مقدر حرقة قلبهم فأنا مع جمعة القصاص ولا اجد اى علاقة بين طلبات اهالى الشهداء ورد عصام شرف يعنى ايه لما اضع حياة شخص ربما يكون هو كل شئ لاسرته فى كفة ووظيفة فى كفة اخرى الى هذه الدرجة احنا رخاص