عزيزى المواطن ....أحمد فؤاد نجم

[Elmasry 5]

بسم الله الرحمن الرحيم

السلام عليكم ورحمة الله وبركاته

 

عزيزى المواطن

 

أحمد فؤاد نجم

 

 

عزيزى المواطن بتاع النضال

يا راكب دماغك و غاوى الحلال

 

نصيحة يا صاحبى بلاش الخيال

 

و غمض عيونك و ربى العيال

 

 

 

بلاش المناكفة و لايم و عيش

 

هتتعب معانا و سهمك يطيش

 

نلفق للاهلك قضية حشيش

 

و تصبح حكاية و نكتة و مثال:

 

 

 

 

تعالى و هاودنا و عدى الامور

 

و عيش فى الطراوة و خش الطابور

 

لكن لو هتزعل و دمك يفور

 

هنشهد نهايتك فى بحر الرمال

 

 

 

هتصبح حرامى هتصبح امير

 

هتصبح حرامى و ندل و اجير

 

و نقدر نلخبط فى اصلك كتيير

 

 

 

هنحلف ان الحبايب شافوك

 

بتقبض يا خاين و تقتل اخوك

 

ساعتها مراتك هتلعن ابوك

 

و تلطم و تنعى احط الرجال

 

 

 

مالكش انت دعوة بأيه اللى ضاع

 

و مين اللى شارى و مين اللى باع

 

و مين اللى كيل و مين اللى شال

 

 

 

ف حب الحكومة و حب السلام

 

و علم ولادك يشدوا الحزام

 

علشان بكرة هياكلو الحمام

 

و ينسوا الاسية و ينسوا الهزال

 

 

 

فلازم يا صاحبى تغمض عنيك

 

و طنش علينا نطنش عليك

 

و اياك تشاور نقطع ايديك

 

و تصبح مواطن ما يسواش ريال

 

 

 

عزيزى المواطن بتاع النضال

 

يا راكب دماغك و غاوى الحلال

 

نصيحة يا صاحبى بلاش الخيال

 

 

تم تعديل April 4, 2010 بواسطه دفءُ الأٌنْــــــــسِ

[NADA 34]

مش عارفه اضحك ولا ابكى

بس جميل جدا يا مصرى

[AMR DAWAM 7]

هههههههههههههههههههههههههه

مش قادر امسك نفسى من الضحك

بس ليه كده ؟؟؟؟؟؟؟؟؟؟؟؟؟؟؟؟؟؟

000000000000000000000

*************************

[BLACKDREAM 5]

[asmaa 0]

شيء محزن للغايه

تعرف انت عملت ايه اخي الفاضل المصري

انت بتكشف الستار عن حقيقه الحياة الواهيه اللي بنعيشها في ايامنا الحاليه

[دعوه للجنه 457]

ربنا يصلح الحال

 

 

 

 

جزاك الله خيرا

تم تعديل February 5, 2011 بواسطه دعوه للجنـــــة