سبرتو 2 قام بنشر June 27, 2007 -------------------------------------------------------------------------------- ((((( يقال عنا هــذا )))) شباب هذه الأيام ما فيهم خير .. الزمان تغير ومو مثل أول يا ليت أيام زمان ترجع ... كانوا الناس إخوان ... وكل شي كان له طعم هذه المقولات وغيرها نسمعها كثيرا تتردد في مجالس كبار السن دوما وفي الغالبية يرون أن هذا الجيل لا يصلح لتحمل المسؤولية وأن زماننا في كل أطرافه زمان لا يصلح للمعيشة نسمعهم يتحسرون على أيامهم الماضية ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟ وهل هم دوما محقين فيما يذهبون إليه ؟ وهل يخلو عصرنا من كل شيء جميل لهذه الدرجة التي يرونها ؟؟؟ منقــــــــــــــــــــــول شارك هذه المشاركه رابط المشاركه شار ك علي موقع اخر
تقوى القلوب 12 قام بنشر June 27, 2007 السلام عليكم موضوعك مهم وجميل جدا ما شاء الله عليك وانا يشرفنى ارد على اسئلتك من وجهة نظرى انا الزمان عمره ما كان لا يصلح للحياة والا ربنا سبحانه وتعالى مكنش استخلفنا فيه االزمان ده مظلوم معانا فى كل حاجة لان عمر ما فى حد بيعمل حاجة خالصة لوجه الله وتعبان فيها وربنا مش بيكرمه العيب فينا احنا احنا مستنيين كل حاجة تيجى لينا جاهزة مفيش عقل يبدع ويفكر ويبحث ولو فى حتى بيكون فى ناس مهمتها فى الزمن ده هى افساد العقول وهدم الامال اللى الناس بتبنيها بيحطموا احلام الشباب اللى هدفه الاصلاح والتعمير بس علاج ده كله الصبر لازم يبقى فى ارادة مش نقعد نشتكى الزمان وبس من غير ما نعمل حاجة نصالحه بيها لاننا غلططنا فى حقه بكسلنا شارك هذه المشاركه رابط المشاركه شار ك علي موقع اخر
سبرتو 2 قام بنشر June 27, 2007 العيب فينا احنا احنا مستنيين كل حاجة تيجى لينا جاهزة مفيش عقل يبدع ويفكر ويبحث ولو فى حتى بيكون فى ناس مهمتها فى الزمن ده هى افساد العقول وهدم الامال اللى الناس بتبنيها بيحطموا احلام الشباب اللى هدفه الاصلاح والتعمير بس علاج ده كله الصبر يعنى بالخلاصة نعيب زماننا والعيب فينا وليس بزماننا عيب سوانا رد يوجد به الحكمة الممزوجة بفكر الشباب شكرا على الرد وعلى المرور شارك هذه المشاركه رابط المشاركه شار ك علي موقع اخر
AMR DAWAM 7 قام بنشر June 27, 2007 حبيبى محمد فعلا موضوع يستحق الاهتمام لاننا بالفعل فى حيرة من مثل هذا الكلام لكن انا لى وجهة نظر مجالس الكبار تتكلم فى مثل هذا الكلام ولكن الفعلة فعلتهم يعنى مثلا كل اب او جد تعب اوى زمان فى الزمن يتاعهم اللى هما بيزعموا انه مختلف تماما عن هذا الزمان المهم تعبه كان قاسى جدا عليه وطبعا بدافع الحب لابنه والخوف عليه من مقاسى الزمن اللى هو شافها بيحاول يعمله كل حاجة وهذا بالبساطة يجعل الابن غير مؤهل لتحمل المسئولية او اثبات الذات حبيبى محمد الدنيا لسة بخير والشباب فيه الخير كتيييييييييييييييييييييييييييييير قال تعالى "" ولا تلومن الدهر فانا الدهر "" اطمئن عزيزى الخير موجود طالما انت ومثيلك على وجه الحياة *************************************************** شارك هذه المشاركه رابط المشاركه شار ك علي موقع اخر
سبرتو 2 قام بنشر June 27, 2007 عزيزى عمرو اولا لا تلومو الدهر فانا الدهر حديث قدسى عن رب العزة حبيبى محمد الدنيا لسة بخير والشباب فيه الخير كتيييييييييييييييييييييييييييييير دى احلى جملة عاوز اسمعها فى المووضع شكرا بجد على ردك وعلى مرورك ############################## نسمعهم يتحسرون على أيامهم الماضية ويصفوننا ويصفون زماننا بأمور غريبة فهل نظرتهم صحيحة أم أنها جائرة ؟؟ وهل هم دوما محقين فيما يذهبون إليه ؟ وهل يخلو عصرنا من كل شيء جميل لهذه الدرجة التي يرونها ؟؟؟ شارك هذه المشاركه رابط المشاركه شار ك علي موقع اخر
سحر العيون 3 قام بنشر September 23, 2007 اولا احنا مش جيل فاشل بس احنا جيل هايف ايوه متستغربش من الكلمه بس الجيل بتاعنا دا كل همه يتفرج على الفيديو كليب دا البنت دى استايل الممثل دا والبنات هما شوف الممثله دى لابسه ايه حاطه ميك ازاى شعرها قصته ولونه ايه اخر هيافه فاضيين مش لاقيين اى حاجه يعملوها خلصو دراسه وقاعدين حاطين ايدهم على خدهم العيب بيرجع للبلد اللى مش موفره فرص عمل للشباب طيب بينادو بالتعليم ليه لما مش هيشغلونا علشان نقعد جمب ماما فى البيت ولا ايه اساسا انا حال البلد دى مش عاجبنى واجابتى على الاسئله فهل نظرتهم صحيحة أم أنها جائرة ؟؟ نظرتهم مش صحيحه من ناحيه الفشل فاحنا مش فشله كل واحد فينا فى كليه كويسه بس هما مش بيبصو ايامهم البلد كانت ازاى ودلوقتى بقيت ازاى زمان كان الواحد ياخد البكالويا يتعين انما دلوقتى لو اتخرج من كليه الطب برضو مش بيتعين وهل هم دوما محقين فيما يذهبون إليه ؟ مش دايما بس دى ناس عايشه بافكار زمان مش حاسين باللى احنا فيه مش حاسين بمعاناه الشباب وهل يخلو عصرنا من كل شيء جميل لهذه الدرجة التي يرونها ؟؟؟ لا مش كل حاجه طبعا وحشه وبعدين احنا لازم نرضى بالامر الواقه ونشكر ربنا على اى وضع موضوع مستفز جدا شكرا ليك على الموضوووووووع شارك هذه المشاركه رابط المشاركه شار ك علي موقع اخر
سبرتو 2 قام بنشر September 23, 2007 يعنى مستفز من جهة اية مش فاهم شكرا على الردود شارك هذه المشاركه رابط المشاركه شار ك علي موقع اخر
سحر العيون 3 قام بنشر September 23, 2007 مش انت اللى مستفز موضوع اننا جيل فاشل هو اللى مستفز لانو هيخرج كل اللى جوايا من عدم الرضا عن نظام البلد شارك هذه المشاركه رابط المشاركه شار ك علي موقع اخر
الرحال 1 قام بنشر September 23, 2007 (تعديل) عزيزى سبرتو احنا مش فشلين و الدليل انت و انا و كل الشباب اللى معانا فى المنتدى الجميل و اصدقائنا فى الحياة و الدليل ايضا قولى انت مقصر فى اية ناجح فى دراستك و الحمدلله هى دى المرحلة اللى انت فيها انت و معظم الموجودين فى المنتدى و منا الدكتور رمضان و انا اعوذ بالله من هذة الكلمة رغم سنى الصغير مدير فرع لشركة مرموقة فى دولة الامارات و سحر العيون تعرف الكلام دا كويس لانها تعرفنى من مدة يبقى فين التقصير اللى بينقال علينا و عموما الحياة فى النهاية مش مجرد مجهود و بس الجياة كمان توفيق من الله عز و جل و فى النهاية نحن لانملك الا الاجتهاد فى العبادة و العمل و الله الموفق تم تعديل September 23, 2007 بواسطه الرحال شارك هذه المشاركه رابط المشاركه شار ك علي موقع اخر
سحر العيون 3 قام بنشر September 24, 2007 اوك يارحال احنا فى داخلنا مش فشله انت لولا خروجك وسفرك بره مصر مكنتش وصلت للى انت فيه صح ووووولا لاء يبقى العيب فين بقا فينا ولا فى البلد ؟؟؟؟؟ ولا فى الفراغ اللة حوالينا شارك هذه المشاركه رابط المشاركه شار ك علي موقع اخر
الرحال 1 قام بنشر September 24, 2007 صوووووووووووووووووووح بس مع انى مابحبش كلمة لو لكن انا ساعات بقول انا لو ماخرجتش من مصر كان زمان وضعى احسن على الاقل كنت ساعدت والدى فى شغلة خصوصا وانتى عارفة انى وحيد اهلى و دمتم بود شارك هذه المشاركه رابط المشاركه شار ك علي موقع اخر
سبرتو 2 قام بنشر September 24, 2007 بس فى حاجة انتومش فهمينها كويس ان المشكلة مش مصر بس لا دة كمان على المستوى العربى بيقولو علينا ان احنا فشلة انهم هما اللى حاربو وهما اللى عهملو السد وهما الى حررو هما اه طريقهم كان كله شوك يمكن لانى ظروفهم كدة بس احنا كمان بنحارب حررب اقوى مننا حرب الثقافات الواردة علينا ودى حرب قوية واحنا بنحارب لوحدنا وما حدش بيساعدنا فيها وبعدين المشكلة مش فى البلد لاننا احنا البلد بس هى المشكلة فى الناس طيب مش احنا كلنا تقريبا من بلد واحدة بس الحمد لله فى عندنا توافق روحانى بيخلينا كلنا نقبل كلام بعض بس وبعدين فى حاجات تانى كتييييير احن نشأنا علينا اعتقادنا ان البلد كلها غلط انا مش مع الحكومة ولا ضدها بس انا مش برمى الحمخل على الحكومة لكن انا برمى الحكم على الافراد بعينهم وبعدين اية الكلام الغريب اللى بقولة دة شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر September 25, 2007 موضوع جميل عزيزى سبرتو .. وردود جميله اخوانى .. الموضوع لو تكلمت فيه ... مش هخلص .. بس بإختصار .. مش كل الشباب فاشل ومش كل الشباب تافه ومش كل الكلام صح ومش كله غلط والله فى نماذج لشباب تفخر مصر بوجودهم .. وفى نماذج لشباب فى الوطن العربى تفخر الأمه بهم وعلى الوجه الاخر .. يوجد شباب تافه .. فاشل .. واكثر .. وللأسف هؤلاء الأغلبيه .. وهذا ما يجعل كبار السن يتحدثون عنا هكذا ... لكن الفيصل فى الموضوع .. احنا عاوزين نكون ايه ؟؟ تيجوا نغير الفكر ده .. ونخللى الكل يشهد بتفوق وتميز ونجاح الشباب ؟؟ والله فى ايدينا .. وده اللى بنسعاله من خلال المنتدى .. وفقنا الله واياكم شارك هذه المشاركه رابط المشاركه شار ك علي موقع اخر
فراس فراس 0 قام بنشر September 26, 2007 (تعديل) بـــــكرة ييجى علينا الدور ونقعد مكان كبار السن ونقول على الجيل اللى بعدينا نفس الكلام اللى بيتقال علينا مش مصدقنى..؟؟على عموم بص السينما هى نافذة المجتمع اللى هى فيه أتفرج كدةعلى أفلام يوسف وهبى زمان هاتلاقيه دائما بيشتكى من الجيل اللى قبله ولا الواحد بيتفرج وخلاص فطبعاً نظرتهم جائرة وأحنا مش فاشلين ولاحاجة أو بمعنى اصح ده سؤال نرد عليه بنفسنا طيب ليه..؟؟ لأن أحنا مين ..؟؟ أحنا هو انا وانت وانتى وأنتم فالواحد فينا شايف نفسه أيه..فاشل ولا مش فاشل..؟؟ والفشل مش أنك تعمل حاجة وماتنجحشى لأ الفشل هو انى ماحاولشى انى اعمل حاجة انى ماتعلمشى أنى أستسلم للامر الواقع ان لو حد ماشجعنيش وهدم أمالى أقف واستسلم ليه ,فين الأرادة..؟؟فين التحدى..؟؟فين السعى للنجاح..؟؟فين عدم اليأس اللى اتعلمناه من نبينا محمد عليه الصلاة والسلام وأصحابه..؟؟ هو ده الفشل ومهما حد وقف فى طريقك سواء حكومة او افراد فالواحد فينا لو عمل بجد ربنا مش هايضيع ليه جهده وهايعوضوا عليه فى حاجة تانية ((لكل مجتهداً نصيب)) تانى حاجة ماحدش فينا نظرته دائماً صح سواء كبير او صغير كل أبن آدم خطاء آخر حاجة أيه اللى مش عجبهم فى زماننا,ولاأيه اللى مش عجبنا فى زماننا ياعم الحمد لله أحنا احسن من غيرنا ياعم عيش @@@عيش وكل عيش عيــــش@@@وحلى بجبنة قريش عيش واحلم ببكرة @@مالحلم مش ببلاش عيش وقرقش قراقيش عيش وفرفش فرافيش عيش زى ماأناعايش$$عايش مايهمنيش عيش وماتنسانيش ماهو الرسول عليه الصلاة والسلام قلنا كدة فيما معناه :اللى عايش بصحته ومعاه اللى يكفيه فى يومه فقد ملك الدنيا بما فيها ياعم عيش وقول الحمد لله الحمد لله تم تعديل September 26, 2007 بواسطه فراس فراس شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر September 26, 2007 اسمحوا لى ان ابدى اعجابى الشديد بهذا الموضوع لانه مهم جدا ومن الممكن ان يكون بداية كويسة لينا ولو كنا فاشلين فى نظر غيرنا نثبت العكس .. ايه رايكو لو بنتدى من المنتدى بتاعنا ده وبصراحة انا رايى من راى حبيبى عاشق الصداقة لانه بصراحة عجبنى اوى واللى بيقول فيه مش كل الشباب فاشل ومش كل الشباب تافه ومش كل الكلام صح ومش كله غلط والله فى نماذج لشباب تفخر مصر بوجودهم .. وفى نماذج لشباب فى الوطن العربى تفخر الأمه بهم وعلى الوجه الاخر .. يوجد شباب تافه .. فاشل .. واكثر .. وللأسف هؤلاء الأغلبيه .. وهذا ما يجعل كبار السن يتحدثون عنا هكذا ... لكن الفيصل فى الموضوع .. احنا عاوزين نكون ايه ؟؟ تيجوا نغير الفكر ده .. ونخللى الكل يشهد بتفوق وتميز ونجاح الشباب ؟؟ والله فى ايدينا .. وده اللى بنسعاله من خلال المنتدى .. وفقنا الله واياكم ياللا ياشباب نبتدى من هنا ومن دلوقتى نغير الفكرة اللى متاخدة عننا ومتحطوش الحومة فى دماغكو اللى عايز يعمل حاجة بيعملها ، بس يعملها بطريقة صح بدون التعرض لاشياء من الممكن ان تقف امامه كالسد ولا يقدر عليها وبلاش كل شوية نقول البلد والحكومة والسياسة انا مش بقول انه الكلام ده مش بيأثر علينا بس لازم نشتغل ونعمل حاجة .. واهو والحمد لله بدأنا انشروا ياللاياشباب فى جامعات مصر كلها دلوقتى اسرة ياللاياشباب فى :- - جامعة جنوب الوادى - جامعة بنها - جامعة الاسكندرية " هذا العام ان شاء الله " -جامعة المنصورة " هذا العام ان شاء الله " وفين كمان ياجماعة .. ياللا علشان نغير فكرة انو احنا شباب فاشل لا ناجح ومتفوق ومتميز ان شاء الله " مش كده ولا ايه ؟ " شارك هذه المشاركه رابط المشاركه شار ك علي موقع اخر
سبرتو 2 قام بنشر September 28, 2007 لأا تمام كدة وابو كدة شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر May 13, 2009 تيجوا نغير الفكر ده .. ونخللى الكل يشهد بتفوق وتميز ونجاح الشباب ؟؟ والله فى ايدينا .. وده اللى بنسعاله من خلال المنتدى .. وفقنا الله واياكم يارب اعنا موضوع جميل ويستحق التنشيط شارك هذه المشاركه رابط المشاركه شار ك علي موقع اخر
الرّام 173 قام بنشر May 14, 2009 شكرا اخي رجل من الصحراء على التنشيط و بارك الله فيك اخي سبرتو على الموضوع .... و راي ان هذا الجيل نصف نصف .... يعني فيه الكثير من الاشياء الهامة و تكنولوجيات و علم و تطور و ايجابيات و تقدم و في نفس الوقت تخلف و سلبيات و تراجع يعني الحل الي الى الآن الكثير ما قدروش يستوعبوه اننا المفروض نسعى و نجتهد في السعي لننهل من الايجابيات و نصفي (نغربل) السلبيات يعني ببساطة نستعمل غربال يكون جيد لتسقط السلبيات و تبقى فقط الايجابي من كل شيء شارك هذه المشاركه رابط المشاركه شار ك علي موقع اخر
