مشرفي الأقسام الجندى المجهول قام بنشر April 25, 2009 مشرفي الأقسام قام بنشر April 25, 2009 نؤيد سيادتك نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص ***** نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده ف ايده الخلاص ***** نبايع سيادته ولا حد غيره كفايا علينا نبرطع في خيره و نوم شعب مصر العظيمة و شخيره يقول للحرامي ما تسرق كمان ***** نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان ***** نبوس إيد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي نضيع ***** دي مصر بتاعتك و احنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر و احنا نطيع ***** في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر ***** لكن يعني ما دمنا شعب انتساب و دايما وأبدا ف حالة غياب متعملش لينا يا ريس حساب دي عزبة سيادتك و فيها انت حر ***** و دستور مدستورش مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش و ضارب جذوره ***** و ايه يعني تهري جتتنا البلاوي يوماتي كوارث فضايح رشاوي كفايا علينا القعاد في القهاوي بنستنى لما الوريث ييجي دوره
مشرفي الأقسام NADA قام بنشر April 26, 2009 مشرفي الأقسام قام بنشر April 26, 2009 أيون هو ده بقى بقى اللى احنا مستنينو خير يا رب إن شاء الله المهم يعنى يا جماعة محدش ينسى الفينو و الحلاوة أنا على فكرة بقى ماليش دعوة هو الكلام عاجبني آه بس بردو ربنا يصلح حالنا يارب شكراً ليييييك ,,,,,,,
مشرفي الأقسام رجل من الصحراء قام بنشر April 26, 2009 مشرفي الأقسام قام بنشر April 26, 2009 الله يانور يادمرداش احبسنا احبس ياعم احمد تحيا مصر ياباشا
الرّام قام بنشر April 26, 2009 قام بنشر April 26, 2009 اخي انا بصراحة موش عارفة ربي يهديك هاكا مانقولك *** اما زادا حتى احنا ربي يهدينا
«۞۩ أبو سليمان ۩۞» قام بنشر April 26, 2009 قام بنشر April 26, 2009 على فكرة كان لقبك الجندي المجهول بس غالبا هيتغير و يبقي الجندي المحبوس :lol: طب انت تحب عيش بحلاوة و لا اجيبلك مربّة احسن :lol: ربنا يستر
مشرفي الأقسام الجندى المجهول قام بنشر April 26, 2009 الكاتب مشرفي الأقسام قام بنشر April 26, 2009 شكرا على كل الردود الحماسيه ونسالكم الدعاء لاخوننا فى افغانستان
مشرفي الأقسام الجندى المجهول قام بنشر March 20, 2010 الكاتب مشرفي الأقسام قام بنشر March 20, 2010 حد عايز يشوف الموضوع ده
دعوه للجنه قام بنشر March 20, 2010 قام بنشر March 20, 2010 (تعديل) تسلم ايدك وانا معاك لو هيجيبوا عيش وحلاوه او مربى احسن يجبولى معاك... . ونأكد كلامنا كمان وكمان... ده ريسنا هو التمام والكمال... ويارب ديما ناصره ومعينه... ما هو الامير وعيْشين فى خيره... كل مرة اقول لحضرتك بعشق الرتم او الشعر العمودى جدا جدا وخصوصا بالهجة العامية دى... هات لينا تانى منه هات لينا تانى منه جزاك الله خيرا اخويا ربنا يوفقك تم تعديل March 20, 2010 بواسطه دفءُ الأٌنْــــــــسِ
مشرفي الأقسام سجده قام بنشر March 20, 2010 مشرفي الأقسام قام بنشر March 20, 2010 احم ، احم انا مش هنا
مشرفي الأقسام الجندى المجهول قام بنشر March 22, 2010 الكاتب مشرفي الأقسام قام بنشر March 22, 2010 اختى دف الانس بالله ردك اضف للموضوع نكه التميز جزاكى الله خيرا وجعل كل ماتكتبى فى ميزان حسناتك ومتنسوش تذودوا العيش والحلاوه الناس اللى بتهرب دى جزاكى الله خيرا اختى سجده ربنا يسعدك والجنه يبلغك
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥