تسريب امتحان اللغه العربية للصف الثالث الثانوي

[ali desoky 391]

الامتحان اتسرب يا رجاله

وزارة هنديك بالشبشب

أختبار اللغة العربية

ان شاء الله هنشوفك السنة الجاية يا باشا

وقت الاجابة : خلص نفسك و اجري

اسم الطالب : ناسي البطاقة في البيت يا معلم

نوع الطالب : علمي علمك

عدد الطلبات : طلب واحد شاي

عنوان المنزل : اول ناصيه على ايدك اليمين

تليفون المنزل : اتنين صفر و اربعه خضر

 

 

ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

 

ملاحظة: عجلة الجاذبية 9.8 ( في حالة انك حبيت تنط من الشباك )

 

يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

 

 

السؤال الأول (20 درجة )

قال الشاعر :

من طلــــب العلــــم نـــــــــــــام الليالــــــــــــــي

وتغطــــــــى باللحاف و قــــــــــــــــال مالــــــــــــــي

آخــــــــــــــــذ الصفـــــــــــــــر و لا أبالـــــــــــــــــــــي

فـــــــــــان الصفـــــــر مــــــــن شيـــــــم الرجــــــــــــال

دخلــــت الامتحــــــــــــان مـــــن غـــــــير تحضيـــــــــــر

فوجــــــــــــدت الســـــــــــــؤال الأول عسيــــــــــــــــــر

و الثاني لم اجد له تفسير و الثالث كاد عقلي أن يطيــــر

و دعـــــــــوت اللــــــــــه أن يقرب و رقة زميلي منــــــي

و يبعـــــــــــــد عيـــون المراقبيـــــــــــن عنـــــــــــــــي

اللهـــــــــــــــــــم عليـــــــــــك بدفـــــــــــن الدرجــــــات

و حـــــــــــــــــول الصفــــــــــــــر الى مئــــــــــــــــــات

الأسئلة

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)

لماذا أكد الشاعر على القصد الشريف و النية الصادقة ، و علام يدل قوله( يقرب و رقة زميلي منــــــي )) ؟ (3 درجات)

استخرج من البيت الاول محسن ابراهيم و محسن عبد الحميد مبيناً نوع كل محسن منهما . (3 درجات)

استخرج من البيت الثالث صورتين فوريتين مبينا نوع الكاميرا (3 درجات

مساحة خالية للإعلان- ت : واحد اتنين .. الجيش العربي فين

السؤال الثاني ( 8 درجات )

أعط أسباب ما يلي مع شرح وافي: :

(( ياعم كبر يا عم بص .. ده حتى بص ده الواد بيلظ ))

1- تم نقل السوق المالي إلى سوق السمك ؟ ( درجتين )

إقبال الناس الى شراء نوكيا 9990 و عدم شراء نوكيا 9900 ؟ (درجتين)

 

أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ ( درجتين ) 3- إغلاق شبكة الأخبار بعد زواج ام سحلول ؟ ( درجتين )

*** أخي الممتحن أقلب الصفحة: والله لتندم علي الساعة اللي دخلت فيها المدرسة

 

 

السؤال الثالث –اختياري- (5 درجات)

 

اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

( ورد ذكر اسم هذا الرجل في اكثر من مسلسل تليفزيوني )؟ (5 درجات)

 

فاصل إعلاني:

غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

 

السؤال الرابع (8 درجات)

ورد في قناة التفاهه " حماري " للمخرج سيد كارو و غناء سيد ابو حفيظه

اشرح العباره" كارو يا كارو "

الأسئلة

1- ماذا كان يريد ان يقول سيد ابو حفيظه ؟ (4 درجات)

 

2- ماا نوع الكنبة اللي كان قاعد عليها سيد في الاغنية , و ما إسم عامل السفنج في المصنع ( مع التوضيح ) ؟ ( درجتين) 3- ما اسم صبي الخياط بتاع ام بنت خالة سيد ؟ ( درجتين )

 

السؤال الخامس (20 درجة )

 

موضوع تعبير

 

قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "

أكتب نبذه عن حياة ابو حسن زعبوله (( الحاج زعبوله )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجة)

*** أخي الممتحن أقلب الصفحة أحسنلك (( اصلك مش عارف اللي فيها

 

السؤال السادس ( 19 درجة )

اجب عن أربعة فقط من الأسئلة التالية

ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)

 

مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو ))

من برأيك أقوى وأفضل بوكيمون - هل هو – بيكاتشو ؟؟؟ (5 درجات)

 

– اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد

في كأس العالم الأخيرة في ألمانيا 2006. (4 درجات))

 

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

سؤال المساعدة ( لرفع العلامة ) ( 20 درجة )

و ملهوش لازمة اساساً

أ – اذكر أسماء 3 من رؤساء بلدية لقرية يوكوز وهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

 

 

 

انتهت الاسئلة و نلقاكم في امتحان الدور التاني انشاء الله

ربنا يعينكم علينا

 

 

[على المرابط 13]

اخى الحبيب علي سميي

لا ادرى لمادا اخترت هدات المنتدى لتضع فيه هدا الموضوع الممتع والدى اعتبره انا ادب نقدى ساخر

واراك ظلمت موضوعك بوضعه فى منتدى الفكاهه والنكت ان سمحت لى اتمنى ان ينقل هدا الموضوع الى المنتدى الادبى بعد ادنك طبعا

جميل هدا الاسقاط الشامل والقاء الضوء على حياتنا ومسلسلاتنا وكل ما يمس حياتنا بهده السلاسه

واختزالها فى امتحان لغه عربيه وانو تسرب وهدا لوحده موضوع

نعم اخى انا اول ماشفت العنوان قلت فى نفسى كأننا لسن عرب

امتحان اللغه العربيه اتسرب

 

يقول نزار قبانى

اليهود لم يدخلو من حدودنا

لكنهم تسريوا كا النمل من عيوبنا

 

والتعليم ان لم يكن اكبرها فهوا احدى اكبر عيوبنا

لك كل الحب والاحترام امتعتنى واطحكتنى وعلمتنى

[رجل من الصحراء 36]

حبيبي على

جزاك الله خيرا اخي الحبيب

على هذه الفكاهة الجميلة والنقد الجميل

منور المنتدى ياعلوة

[«۞۩ أبو سليمان ۩۞» 179]

:cool: :hhhh:

 

خطيره بجد يا علي

 

ده بيفكرني بإمتحانات كلية العلوم كنت اقعد نص ساعة عشان افهم الاسئلة عايزة ايه بالضبط

 

:smile: :cool:

 

شكرا حبيبي

تم تعديل June 11, 2009 بواسطه Dr Abcarino

[الرّام 173]

شكرا يا خويا

 

 

و ربي يسهللنا امورنا

 

 

[نودي 41]

ع خيرة الله

 

مشكور كتير

 

 

 

تم تعديل June 12, 2009 بواسطه نودي

[ali desoky 391]

اخوتي

علي المرابط

رجل من الصحراء

د. عبقرينو

الرام

نودي

 

شكرا جزيلا لمروركم

وادعو الله ان يكرم ويوفق اخوتنا في امتحاناتهم

ثانويه عامه او في الجامعات

[ali desoky 391]

:ang:

[NADA 34]

ههههههههه

 

عجبني جداً الموضوع بصراحة .. سخرية أخر حاجة

 

بس أنا مش شايفة إن الموضوع وصلل للدرجة دي ..

 

أنا رأيي وعن جد وتجربة إن امتحانات الثانوية العامة للى فعلاً كانوا يستحقوا إنهم يدخلوها أصلاً

 

يعني شوف كام واحد بيدخل ثانوية عامة كل سنة ومجاميع عاملة ازاى ,, هما أصلاً مش مؤهلين

 

و ف ناس بتدخل كويسة وبعدين عادي بتتحول!!

 

امتحانات الثانوية للطالب اللى بيذاكر بجد ..

 

كفاية تعقيد ف الناس والرعب اللى راسمينه ده؟؟!!

 

شكراً لك يا أستاذ على,,

[ali desoky 391]

ههههههههه

 

عجبني جداً الموضوع بصراحة .. سخرية أخر حاجة

 

بس أنا مش شايفة إن الموضوع وصلل للدرجة دي ..

 

أنا رأيي وعن جد وتجربة إن امتحانات الثانوية العامة للى فعلاً كانوا يستحقوا إنهم يدخلوها أصلاً

 

يعني شوف كام واحد بيدخل ثانوية عامة كل سنة ومجاميع عاملة ازاى ,, هما أصلاً مش مؤهلين

 

و ف ناس بتدخل كويسة وبعدين عادي بتتحول!!

 

امتحانات الثانوية للطالب اللى بيذاكر بجد ..

 

كفاية تعقيد ف الناس والرعب اللى راسمينه ده؟؟!!

 

شكراً لك يا أستاذ على,,

 

 

 

 

 

 

والله الكلام ده خطر علي بالي انهردي وانا بشوف الطلبه وهي بتقدم تظلمات لاعادة التصحيح

اولياء الامور مضايقين من النتيجه وزعلانين

ويقسموا بالله ان اولادهم متفوقين وانهم حلوا الامتحان كله

طيب انا عايز افهم بس هو انت اللي حليت ولا ابنك

وايه اللي عرفك ان ابنك حل صح زي ما بتقول

لو كان كلامهم صح

يبقي كل الطلبه متفوقين ومفيش لزمه للامتحانات اساسا

 

 

اختي ندي اسعدني مرورك جدا

كما اسعدني ردك ورايك المتميز

بارك الله فيك

[ali desoky 391]

[نـــــــــــور 199]

جزاك الله كل خيرررر اخى

جعلة الله بميزان حسناتك

دمت فى حفظ وطاعة الرحمن

[لامار 94]