ياريت كل بنت تبقي كده واحسن

[ali desoky 391]

بسم الله الرحمن الرحيم

السلام عليكم و رحمة الله و بركاته

 

رسالة منه الى زوجته:

حبيتك لإلتزامك . ...... حبيتك لاحترامك

حبيت فيكي التواضع ...... والعزة اللي ف كلامك

مبسوط منك لأنك .......... إسلامك كل همك

أنا أصلي قابلت بابا . ...... واداني فكرة عنك

******

 

 

وسألته عن طباعك . . .... . إن كانت يعني هادية

فحكالي عن سماعك . . ... لكلامه وانت راضية

وازاي بتسلي نفسك . . . .. . بذكرك وانت فاضية

وحلاوة صوت تلاوتك . . . . وازاي بتكوني شادية

 

 

* * *

 

وسألته إن كنتي فاهمة . . . معنى كلمة زوجين

قالي هتكونوا ورقة . . . . . مطبوعة نسختين

غني كنت أو فقير . . . . .ليك عند بنتي دين

سرك هيكون في بير . . . . . معرفش مكانه فين

تفضل دايماً كبير . . ....... ..في نظرها حبتين

لو جيت بفلوس كتير . . . . .تطمن جت منين

 

 

 

* * *

هتكون دايماً معاها . . . . . سيرتك هتكون هواها

والشوق اللي ف خيالك . . . .تلقاه لحظة لقاها

لو جيت زعلان ف مرة . . . إرمي همومك وراها

ومهما شوفت بره . . . مش هتشوف مستواها

واطمن يابني خالص . . . . عقلها مافيهوش تفاهة

وزي ما هي بنتي . . .. . بنت حماتها وحماها

 

 

 

 

* * *

 

وسألته عن ولادي . . . . . . منك هيكونوا إيه؟

قاللي هيكونوا عادي . .. . . فسألته يعني إيه؟!

قاللي العادي إللي كان . . . . عند الناس من زمان

العادي بتاع سراقة .. . . . وحذيفة بن اليمان

العادي بتاع أسامة . . . . . . وابن الحكيم لقمان

ده العادي بتاعنا إحنا . . . . . بنربي عليه عشان

لو جينا ولا رحنا . ... .. . هنقابل الرحمن

عمرك ما تخاف عليهم . .. . . ولادك في الأمان

أنا بنتي هتربيهم . . . .. . . . ع السنة والقرآن

هتشوف ابنك بيصحى . . . . مادام سمع الأذان

ينزل في الفجر يقرا . . .. . بالسجدة والانسان

هتشوف في حجاب بناتك . . . . . العفة والإحسان

هتشوف إزاي مراتك .. . . . . هتعينك إنت كمان

 

* * *

وسألته عن حياتك . . . . . . من قبل الالتزام

قال أتذكر في ليلة . . . مش فاكر أنهي عام

أذان الفجر أذن . . . . . . . وقالتلي سيبني أنام

فدخلت الأوضه جوه . .. . . . . أجيب منها الحزام

وعبال ما رجعت تاني . . . كات رجعت ف الكلام

الله يجازي الشيطان . . . . . . خلاها تقول أنام

بس اطمن خلاص . . . . . . دلوقتي بقت تمام!

 

* * *

قدملي مكة كولا . . . . . قاللي اتفضل وسمي

أحسن من سكة كولا . . . صدقني وخدها مني

قلتله طيب ياعمي . . . . . . يسعدني أقولك إني

بطلب بنتك ونفسي . . . تناسبني وترضى عني

راح شادد فجأه لبسي . . . وقلب وشه وسألني

 

* * *

حافظ كم جزء يابني . . . . وقاري كم كتاب

احكيلي كده عن مؤته . . . . أوغزوة الأحزاب

وسمع كم حديث . . .. . في الأخذ بالأسباب

وكمان سمعلي آيه . .. . ذكرت فيها الدواب

ولو شايفها صعبة . . . . قللي بتاعة الذباب

واحكيلي حلم يوسف . .. . . . . وبراءة الذئاب

واخواته لما جولوه . . . دخلوا من أنهي باب

واديني فكرة برضه . . .. . . . بتقبض كم ثواب

وناوي ازاي تحسن......... أنا شايفك لسه شاب

* * *

وسأل نفسه وسألني . . . . هيعوز إيه يعني مني؟

لو عندي كل حاجه . .. . وديني مش شاغلني

أحسن لك تنسى بنتي . .. . . ومهرك مش لازمني

قلتله صبرك ياعمي . . . . وبراحتك امتحني

يبقى اما أسأل تجاوب . . . . خليك دايماً فاهمني

سألتك وانت ساكت . . . . . خليتني أظن ظني

وفضل يسأل واجاوب . . وعشان خاطرك عصرني

وظهرت النتيجة . . . . .وبفضل الله قبلني

 

* * *

قاللي مقبول في نظري . . . . مبروك عليك ياسيدي

لكن في نظرها هي . . . نجاحك مش بإيدي

وهي زمانها راجعة . .. . . . . من تمرين السويدي

خليك قاعد شوية .. . . . . . استنا لما تيجي

هعملك من إيديا . . . . . كباية شاي صعيدي

* * *

سابني وقعدت أفكر . . . . . . هل ممكن ترفضيني

طاب قولي حتى أفكر . .. . مش يمكن تفهميني

وفضل مخي يلاعبني . . . يجيبني ويوديني

وخايف م المقابلة . .. . . . . مرعوب بينك وبيني

ودق الباب في ثانية .. . . . . وشوفتك مرة تانية

مش قادر أنسى يومها . . . . وفاكر كل ثانية

 

* * *

ونده والدك عليكي . . . . . عشان أول لقاء

دخلتي وشوفت وشك . . . . . . عليه نور الحياء

نور والله فعلاً . . . مش نور بودرة وزواء

كان أول مرة أخاف . . . . من فتنة النساء

أخلاقك مش عادية . .. . . . وجمالك كان شفاء

 

* * *

قعدتي جنب والدك . . . . . . وسألتيني وجاوبتك

وفكل مرة أجاوب . . . . . . كنت باشوف ابتسامتك

ف أقول من جوه نفسي . . . .يارب أكون عجبتك

وبعد شوية قمتي . . . . . . ندهت عليكي مامتك

ورحتي دخلتي جوه . .. . . . وراح وراكي والدك

وانا قلت مش مروح . . . . .غير لما أكون خطبتك

* * *

وابوكي جاني تاني . . .. . . وقرب من وداني

لابس كرفته سوده . . . . . . وبدله لون فراني

المنظر يعني كله . . . . . ميدلش ع التهاني

قلتله مالك ياعمي . . . . . من فضلك قول عشاني

عرقي غرقلي كمي . . . . . . سايبني ليه أعاني

قاللي مستني إيه . . .. . . فين إيدك إديهاني

البنت مش موافقة . . . . . . تتجوز حد تاني

* * *

كان أول مرة أعرف . . . . . إزاي الناس بتفرح

سعادتي كات غريبة .. . مش ممكن هقدر أشرح

من كتر حبي ليكي . . . . . . نويت أضحي وادبح

رحت اشتريت خروف .. . . . وكان خروف بينطح

ده أخيراً هبقى جوزك .. . وشجرة صبري تطرح

تم تعديل July 28, 2009 بواسطه alidesoky

[الرّام 173]

ماشاء الله

 

 

جميلة جدا و غاية في الروعة

 

و معانيها بسيطة و واضحة

 

 

و توصّل الوصيّة بكل دقة

 

 

........

 

ربي يعطيك ما تتمنى ان شاء الله

 

و ربي يفتحها عليك و ينور دربك

[ali desoky 391]

ماشاء الله

 

 

جميلة جدا و غاية في الروعة

 

و معانيها بسيطة و واضحة

 

 

و توصّل الوصيّة بكل دقة

 

 

........

 

ربي يعطيك ما تتمنى ان شاء الله

 

و ربي يفتحها عليك و ينور دربك

 

 

اختي الغاليه (الرام)

 

شكرا لمرورك وردك الجميل

 

جزاك الله خيرا

 

ان شاء الله

[سلمى @ 0]

جميلة اوى و عجبتنى اوى اوى اوى

دى حلوة اوى

برافوووووووووووووووو

[الجندى المجهول 37]

بجد الله اكبر عليك

مشاء الله

يارب ازقنا العفاف والرضاء

الله يكرمك يبنى ويرزقك

[ali desoky 391]

جميلة اوى و عجبتنى اوى اوى اوى

دى حلوة اوى

برافوووووووووووووووو

 

شكرا لردك الجميل يا سلمي

جزاك الله خيرا

ان شاء الله

 

بجد الله اكبر عليك

مشاء الله

يارب ازقنا العفاف والرضاء

الله يكرمك يبنى ويرزقك

 

امين يا رب

 

اخي الحبيب بارك الله فيك

[حسين الخالدي 0]

الله الله الله

ان كان للعذوبة معنى وجدته

بكلماتك الجميلة

حياكم الله ودمت مبدع

[ali desoky 391]

الله الله الله

ان كان للعذوبة معنى وجدته

بكلماتك الجميلة

حياكم الله ودمت مبدع

 

اخي حسين

اولا اهلا بك معنا في منتدانا الغالي

شرفنا وجودك معنا

 

ثانيا اشكرك علي ذوقك وردك اتلجميل

جزاك الله خيرا

ان شاء الله

[ali desoky 391]

 

اللهم استر بنات الملسمين

واعز بنات المسلمين

اللهم امين