هما كلهم كده ولا ايه؟؟؟

[حياتى من اجل ربى 22]

احب اعضاء واحلى اخوه

 

 

جايه احيكلكم على موقف شوفتو انهارده

((زى ما انت عارفين بحب افضفض معاكم دايما((

واستوقفنى كثييييييييييرا

لاننى كثيرا جدا ما اراه

كنت انهارده فى مشوار

وانا ماشيه شوفت شاب حوالى 26سنه

ماشى بيكلم نفسه ويقول::

((حرام عليكى سيبينى فى حالى بقى جننتينى

انا مش عارف ايه اللى خلانى اتجوزك اصلا

حلى عنى بقى

ويوقف الناس

ويقولهم

ماشوها بقى ))

الناس بتضحك وتمشى

:

:

:

:

بعد مامشيت حبه كمان

لقيت واحد برضو لايتجاوز30سنه

وماشى برضو بيكلم نفسه

((هى اصلا مش عايزه غير كده

وكلام تانى مش مفهوم يعنى......))

وواحد تانى ماشى يقول ((انا هقتلهم كلهم اى واحده هلاقيها قدامى هقتلها ))

بصراحه انا خوفت على نفسى

بس لقيت الناس واخدين على كده وكرر الجمله دى كتير يعنى قدامهم

من كتر ماهما خدو عليه مش بقوا يهتموا ليه اصلا

فى الاول كان بيضحكوا

وبعدين بقو يطنشو

 

بجد الحاجات دى بقيت بشوفها كل يوم وفى كل مكان

وخصوصا عندنا فى القاهره

((الغريب بقى ان معظمهم شباب((

طيب((هى الناس كلها تجننت ولا ايه))!!!!!!!

طيب ولو افترضنى ان كلها اتجننت يبقى من ايه!!!!

من ولا ايه !!!!! صح

عارفه ان المشاكل كتير

بس هل ده حصل لتغير الزمن

ولا تغير البشر نفسهم

وتعاملهم بين بعض

ولا زى بيت الشعر

((نَعِيْـبُ زَمَانَنَـا وَالعَيْـبَ فِينَـا

وَمَـا لِزَمَانِنَـا عَيْـبٌ سِـوَانَا

 

وَنَهْجُـوا ذَا الزَّمَانِ بِغَيرِ ذَنْـبٍ

وَلَوْ نَطَـقَ الزَّمَـانُ لَنَا هَجَـانَا

 

وَلَيْـسَ الذِّئْبُ يَأْكُلُ لَحْمَ ذِئْـبٍ

وَيَأْكُـلُ بَعْضُـنَا بَعْضـاً عَيَـانَا

 

 

 

 

!!!!!!!!!!!!!!!!!!!!!!!

المهم يعنى

انا قولت اناقش معاكم المشكله دى

روحت انا سالت دكتوره فى مستشفى العباسيه((للامراض النفسيه))

ايه مصير المجانين اللى فى الشارع دول ؟؟؟

مافيش اى مكان ليهم ؟؟

ولا علاج ؟؟

ردت عليا وهى بتضحك اوووى

يا بنتى نص مصر مرضى نفسيين

والنص التانى مجانين

لو عايزين مكان يبقى مصر كلها تنفع

والعلاج غالى جدااااا

وعايز رعايه جااامده جداااا

علشان كده اللى فى المستشفى بس هما((المرضى اللى معاهم فلوس كتير--المرضى الخطرين))

بس

غير كده مافيش

انما بقى استثمار طاقات وعلاج

انتى مش عايشه فى اوروبا

انا اصلا ماتفاجئتش

انا كنت عارفه انى مش هطلع بحل

بس كنت عايزه اوصل لسبب ده

قالتلى السبب((غير يعنى الاكل الفاسد والمياه الملوثه والهباب اللى بنشموا))

ان الناس بقيت تعاملها مع بعض مش بالمشاعر

بالماديه اكثر

ومش بقى حد يراعى مشاعر حد

ده رائ دكتوره نفسيه

عايزه راى عقول شباب ياللاياشباب

عارفه انى حاطه الموضوع ده فى مكانه لانى واثقه جدااا فى عقولكم وتفكيركم

ونقاشكم الهادف

احبكم

والحمد لله على نعمه العقل

تم تعديل August 4, 2009 بواسطه حياتى من اجل ربى

[ali desoky 391]

أولا كده انتي كنتي ماشيه فين بالظبط؟؟

لان انا حسيت انك ماشيه بجد في بلد كلها مجانين!!

 

موضوع الناس اللي ماشيه في الشارع بتكلم نفسها ده كتر جدا اليومين دول

انا نفسي باقابل ناس كتير كده ممكن واحد يكلم نفسه .. وممكن واحد يخطف من ايدك حاجه ويجري

وواحد تاني يشتم الناس اللي ماشيه في الشارع

مش هاتكلم علي الاسباب لانها كتيره ومعروفه

بدايه من البطاله والفقر والجهل لغاية الظلم...!!

ايوه فيه ناس كتير بتكون اتظلمت واتجنت ..

انا قابلت واحد عجوز بيمشي في الشارع تايه خالص وينام في الشارع

ولقيت فيه ناس عارفه حكايته انه كان راجل مقتدر معاه 3 اولاد اخدوا كل فلوسه وسابوه في الشارع

 

وفيه حكايات كتير للناس اللي في الشارع ممكن نعمل عليها قصص وحكايات

 

لكن السؤال هو ايه الحل؟؟

هل وجود الناس دي في الشارع صح؟؟

هل هو خطر؟؟ ولا مفيش منهم مشكله؟؟

ولو حاولنا نعالجهم او ندخلهم مستشفي ينفع؟؟ ولا هما كتير زي ما قالت الدكتوره النفسيه؟؟

 

انا من رأيي ان الناس اللي في الشارع دي مجرد عينه.. لان فيه ناس كتير غيرهم

لكن من حسن حظهم انهم موجودين في بيوت بين اربع حيطان ومحدش شايفهم

او بيضحك عليهم .. ومحدش اصلا عارف انهم كده .. لان شكلهم مختلف شويه

 

 

اختي موضوعك جميل جدا

ومعلش انا نسيت نفسي وكتبت كتير

لان الموضوع بجد مهم جدا

وربنا يصلح الاحوال ان شاء الله

 

جزاك الله خيرا

تم تعديل August 4, 2009 بواسطه alidesoky

[رجل من الصحراء 36]

ليه بس يااختي الصغيرة

ده العالم كله عاقل انتي بس اللي يمكن كنتي تعبانة شوية

وبعدين الحمدلله البلد بخير ومفيهاش زحمة والمواصلات فاضية خالص والعيش متوفر والوظايف كتير ونفسنا نفسنا بجد نشوف البطالة اللي بيقولوا عليها دي بيقولوا انها حاجة وحشة بس مجربنهاش

ده غير رخص الاسعار واللحمة اللي رخصت خالص وبقت بتراب الفلوس والسكن ياسلام مش عارفين نودي الشقق اللي ببتوزع علينا منين ده لو الشقق بتتصدر كنا بعتنا شوية للبلاد الفقيرة

ومفيش اي تتحكمات ولا اي ضغوط وكله في السليم

ياريت تبقى تنامي كويس قبل ماتطلعي عشان متتهيالكيش حاجات زي كده

ياللا تصبحي على خير

قصدي جزاك الله خيرا

[«۞۩ أبو سليمان ۩۞» 179]

موضوع مهم جدا و متميز كما عودتينا اختي حياتي من اجل ربي

 

 

طب احنا دلوقتي قدام المشكلة الكبيرة دي ,,, هنحلها اذاي

 

المشكلة ليها شقين ... الاول : الناس اللي اتجننت خلاص هنعالجهم اذاي

 

الثاني : الشباب اللي لسه هيتجنن ( بإعتبار ما سيكون يعني )

 

عشان نحل المشكلة دي قدامنا حل من اتنين يا إمّا نخفف الضغوط النفسية على الناس ... و طبعا ده مستحيل يعني مش هنقدر نضحك على الناس و نقول ليهم ان مفيش مشاكل و ان الدنيا وردي ..

 

يبقى الحل التاني اننا اذاي نخلي الناس تستحمل الضغوط النفسية دي

فيه حل بسيط جدا ,,, اننا نعلّم الناس فضيلة التوكل على الله ,, فلو توكل الناس على الله حق توكله فموش ممكن يحصلهم جنان او اي ضغوط نفسية زايده ,,, ليه لأن اي ضغط نفسي او اي مشكله هتقابل اي فرد فينا هيتوكل على الله و يلقيها عن كتفيه

 

ذكر الترمذي في حديث حسنه أن الرسول صلى الله عليه وسلم، قال: {لو أنكم توكلتم على الله حق توكله لرزقكم كما يرزق الطير تغدوا خماصاً وتروح بطاناً }

 

و هذا لا ينطبق على الرزق فقط و لكن على كل امور حياتنا

 

الله يريدنا ان نتوكل عليه ,,, ليه نضيع الفرصة دي

 

فرصة ببلاش كده ,,, لأ و كمان هنؤجر علي توكلنا على الله

 

ياااااا الله

 

اللهم لك الحمد كما ينبغي لجلال و جهك و عظيم سلطانك

 

 

 

 

ربنا يبارك فيكي اختي ,,, ربنا يرزقك الستر و العفاف و الغنى و يرزقك جنات و نهر عند مليك مقتدر

 

جزاكي الله خيرا

[مي مادي 1]

والله انا مش عارفة انتي هتصدقيني ولا هتقولي عليا كذابة

انا فعلا النهاردة شوفت 3 اشخاص برده بيكلموا نفسهم

بس الغريب في الموضوع دة ان تقربا95%من المرضى من الرجال

ياترى لان الستات جننتهم ولا عشان هما يستهلوا من كتر ظلمهم للستات

خلينا في موضوعنا

((نَعِيْـبُ زَمَانَنَـا وَالعَيْـبَ فِينَـا وَمَـا لِزَمَانِنَـا عَيْـبٌ سِـوَانَا وَنَهْجُـوا ذَا الزَّمَانِ بِغَيرِ ذَنْـبٍ وَلَوْ نَطَـقَ الزَّمَـانُ لَنَا هَجَـانَا وَلَيْـسَ الذِّئْبُ يَأْكُلُ لَحْمَ ذِئْـبٍ وَيَأْكُـلُ بَعْضُـنَا بَعْضـاً عَيَـانَا

انا معك في هذا القول

واضيف قول الله عز وجل

﴿ ولو ان اهل القرى آمنوا واتقوا لفتحنا عليهم بركات من السماء ﴾

﴿ ومن يعرض عن ذكري فان له معيشة ضنكا ونحشره يوم القيامة اعمى قال ربي لما حشرتني اعمى وقد كنت بصيرا قال كذالك اتتك آياتنا فنسيتها وكذاللك اليوم تنسى ﴾

واخيرا 

الحمد لله الذي عافانا مما ابتلى به بعض من عباده

[NADA 34]

أنا الحمد لسه متجننتش زي الناس دي

 

 

إنت شكلك ناوية تجنني الناس اللى ف المنتدى يا حياتي

 

الناس قاعدين هنا ف أمان الله و إنت جايبة لهم المشاكل لحد عندهم ** دليفري**

 

هو فعلاً بكلم نفسي و أنا ماشية ف الشارع بس الحمد لله بكون بضحك

 

و الناس متغاظين مني علشان مش آخدين على كده طبعاً وبيضايقوا ,, بس مش مهم أكيد

 

عامة الحمد لله على كل شئ,,

 

شكراً يا قمر ,, وحشتنيىىى مواضيعك خاااالص كمان

[سلمى @ 0]

الحمد لله على نعمة العقل

جزاك الله خير اختى الغالية

موضوع مميز وجميل كالعادة

[ABOTASNEEM 116]

الحمد لله الذى شافانا وعافانا مما ابتلى به الآخرين

 

اللهم شافى وعافى كل مبتلى مسلم

 

---------------------------

 

اختى الكريمة .. حياتى من أجل ربى

 

موضوع منتشر جداً حقاً

 

وصراحةً لقد أعجبنى كثيراً رد أخى عبقرينو

 

السبب وراء ما يحدث بين أظهر الناس فى هذه الأيام

 

البعد عن الدين ومنهج الله وسنة رسول الله صلى الله عليه وسلم

 

----------------------------

 

وأرى أن أهم ما يجب علينا فعله هو

 

الإهتمام بالقادم .. وأقصد بذلك تربيتنا

 

سواء لأنفسنا أو لأولادنا وذوينا

 

فلابد أن نسعى جاهدين خلال الفترة القادمة لنا فى هذه الدنيا

 

لكى نربى أنفسنا أولاً وأولادنا ثانيا وكل من يهمنا

 

على كتاب الله وسنة رسول الله صلى الله عليه وسلم

 

فإن فيهما الفلاح والنجاح فى الدنيا والآخرة

 

"تركت فيكم ما إن تمسكتم به لن تضلوا بعدى أبداً .. كتاب الله وسنتى"

 

(أو كما قال صلى الله عليه وسلم)

[الجندى المجهول 37]

خلق الانسان فى كبد)

هى دى الحمكه اللى غايبه شويه

احنا مخلقوين نتعب ونشقى بس المهم زى مقال دكتور عبقرينو اننا نتوكل على الله حق التوكل

يمكن كتير من الناس تعبانه بس ده علشان انها بعيد عن ربنا شويه

ربنا يكرم اولادنا ويعشوا احسن مننا

واحنا مننساش ندعى كلكل مسلم بالخير وصلاح الحال

ربنا يكرمك ورمضان يبلغك وزياره الكعبه فى رمضان يرزقك

تم تعديل August 5, 2009 بواسطه الجندى المجهول

[حياتى من اجل ربى 22]

على دسوقى

 

اولا اخى ::يشرفنى ان تكون اول من رد على موضوعى

 

اما بالنسبه يعنى لانى كنت ماشيه فين

فانا كنت بعيد خالص عن العباسيه

فعلا كل مكان فى مصر بقى فيه كده مش فى مكان محدد

ربنايستر علينا يااااااارب

جزاك الله خيرا

واسال الله ان يبلغك رمضان ويرضى عنك ويهديك الى كل ما يحبه ويرضاه

ويحقق لك كل ما تتمنى

 

رجل من الصحراء

 

 

اخويا الكبير

دائما ردودك متميزه وراااائعه

اسال الله لك السعاده وراحه البال

وان يرزقك من حيث لاتحتسب

وان يحقق لك كل ما تتمنى

 

 

دكتور المنتدى

 

 

يااااه

فعلا رد فى غايه الروعه

جزاك الله خيرا وربنا يزيدك عقل ياااااااااااارب

دائما ما استفيد منك استاذى

اسال الله ان يهديك الى كل خير

وان يوفقك الى ما يحبه

وان يحقق لك كل ما تتمنى

ويبلغك رمضان وهو راض عنك

 

 

مى مادى

 

 

حبيبتى----

سعيييييييييييييده انك نورتى موضوعى

وفعلا عندك حق فى دى

(((فعلا معظم المجانين رجاله متجننين من الستات

او ستات مجانين من الرجاله ))

ربنا يستر علينا بجد

جزاك الله خيرا

ردك جمييييييييييل

اسال الله ان يفرج همك وان يهديك الى الخير

وان يحقق لك كل ماتتمنى

ويقر عينك باولادك يااااااااااااااارب

 

 

 

 

ندى

 

نونو رد على موضوعى

وحشااااااااااانى

وانا هجنن الناس

ماشى يا نونو

وربنا يتمملك بخير ياااااااااااارب

واشوفك قريب ياااااااارب

وربنا يبلغك رمضان ويحققلك كل ما تتمنى

 

 

سلمى

 

الموضوع تشرف بمرورك غاليتى

وزادنى شرفا ردك عليه

جزاك اله خيرا

واسال الله لك التوفيق

وان يحقق لك كل ما تتمنى

احبك فى الله

 

 

ابو تسنيم

 

جزاك الله خيرا اخى

انا معاك رد دكتور خالد غايه فى الروعه

وردك تفوق على الكل

فعلا ممتاز

ربنا يجعل كل ما تكتب فى ميزان حسناتك

ويهديك الى كل خير

وييسر لك ويحقق لك كل ما تتمنى

ويرزقك من حيث لاتحتسب

ويبلغك رمضان وهو راض عنك

 

 

 

الجندى المجهول

 

 

دعاء راااائع

جزاك الله خيرا اخى

ردك فعلا انار موضوعى

اسال الله ان يبلغك رمضان وهو راض عنك

وان يزيدك من فضله

ويرزقك من حيث لاتحتسب

احترامى وتقديرى

تم تعديل August 5, 2009 بواسطه حياتى من اجل ربى

[AMR DAWAM 7]

ياترى لان الستات جننتهم ولا عشان هما يستهلوا من كتر ظلمهم للستات

 

هو فعلا كده بالظبط

 

اختى حياتى موضوعك باين

 

هما الستات اللى جننوا الرجالة

***************************

[حياتى من اجل ربى 22]

والله هو ده اللى باين ياعمرو

عندك حق برضو الستات فعلا مفتريه

ربنا يستر ويهدى

ومرورك نور موضوعى

جزاك الله خيرا

وفرج همك ويسر امرك ورزقك من حيث لاتحتسب

وحقق لك كل ما تتمنى

وبلغك رمضان وهو راض عنك

امييييين