دكتور دة ؟ ولا.....حسبي الله ونعم الوكيل

[مي مادي 1]

الموقف دة حصلي من يومين

كنت مروحة وبعدين وقفتت تاكسي

وركبت لقيت السواق بتاع التاكسي مكشر قوي وعلى وجهه

حزن شديد

ومش بس كدة دة كمان كان هيخبط في عربيه تانيه

وبعدين قالي معلش انا أسف هفوت بس على المستشفى في دقيقة واحدة مش هأخرك

ولقيت الراجل عمال يتكلم من الي فيه الله يكون في عونه

الحكاية ان ابنه

عبد الرحمن 3 سنوات وشهرين

حصله انفجار في الشرايين وبيجيب دم من كل حته

والدكتور مش عاوز يعمل العمليه غير لما يمسك

1200

جن

يه في ايده والا مش هيعملها

 

والراجل غلبان قوي والتاكسي اصلا مش بتاعه

 

ومجمعش غير

800 جنيه

وصاحب التاكسي سلفه

100

جنيه

 

يعني كل الي معاه

900 جنيه

 

قولتله شوف دكتور تاني 

 

قالي دة ارحم واحد

 

 

الدكترة التنيين الي عاوز

3000 جنيه

والي عاوز

3800 جنيه

 

ودة ارحم واحد

 

طيب الطفل دة زمبه ايه

 

وهو دة اليمين الي الدكتور حلفه يوم التخرج

لما يشوف طفل بريئ بيموت ادام عنيه وباستطاعته مسعدته ويرفض 

عشان ايه

1200جنيه

حسبي الله ونعم الوكيل

قلولي انتم ايه رأيكم

تم تعديل August 7, 2009 بواسطه مي مادي

[«۞۩ أبو سليمان ۩۞» 179]

لا حول و لا قوة الا بالله العلي العظيم

 

موش عارف اقول ايه

 

الناس دي مبقيش همها غير في الفلوس .. الفلوس .. الفلوس

 

المفروض ان الفلوس دي وسيلة موش غاية ,, للأسف انها بقيت بالنسبة لناس كتير غاية

 

حسبي الله و نعم الوكيل

 

الناس دي موش خايفه من ربنا ,, موش خايفين من يوم الحساب

 

لا قدر الله لو الطفل ده اتوفى ,,, هيكون ذنبه في رقبة مين

 

مسمعوش قول الله تعالى

بسم الله الرحمن الرحيم : (الّذِينَ يَكْنِزُونَ الذّهَبَ وَالْفِضّةَ وَلاَ يُنفِقُونَهَا فِي سَبِيلِ اللّهِ فَبَشّرْهُمْ بِعَذَابٍ أَلِيمٍ * يَوْمَ يُحْمَىَ عَلَيْهَا فِي نَارِ جَهَنّمَ فَتُكْوَىَ بِهَا جِبَاهُهُمْ وَجُنوبُهُمْ وَظُهُورُهُمْ هَـَذَا مَا كَنَزْتُمْ لأنْفُسِكُمْ فَذُوقُواْ مَا كُنتُمْ تَكْنِزُونَ) [سورة: التوبة]

 

حسبي الله و نعم الوكيل

 

 

شكرا اختي مي على الموضوع

 

ربنا يكرمك و يوفقك و يبلغك رمضان و هو راض عنك و يرزقك جنات الفردوس و يجعلك من عتقاء النار في الشهر الكريم

 

جزاكي الله خيرا

تم تعديل August 7, 2009 بواسطه Dr Abcarino

[مي مادي 1]

عندك حق يا د. عبقرينوا

بس مين يسمع

وحتى لو سمعوا

مين بس يفهم

حسبي الله و نعم الوكيل

[حياتى من اجل ربى 22]

طبعا مافيش رد بعد كلام دكتور المنتدى

بس بجد يا مى انا جسمى اشعر لما قرات الموضوع ده

وده نموذج بسيط للقسوه اللى بقى فيها بنى البشر

زى مشكله يمنى قبل كده

مش عارفه اقول ايه

حسبى الله ونعم الوكيل

ربنا يفرج هم كل مهموم ويفرج كربه هذا الرجل ياااااااااااااارب

انا بجد هدعيله وانا بصلى ربنا يفتحها عليه ويشفى ابنه

يااااااااااااااارب

بجد اللى يعيش ياما يشوف

 

 

جزاك الله خيرا مى

ربنا يجعل كل ما تكتبين فى ميزان حسناتك

ويهديك الى الخير

ويقر عينك باولادك فى الدنيا والاخره

ويبلغك رمضان وهو راض عنك ياااااااااارب

احبك فى الله

تم تعديل August 7, 2009 بواسطه حياتى من اجل ربى

[مي مادي 1]

شكرا حبيبتي

كلك احساس عالي

يا عالم الطفل دة لسة عايش ولا مات

حسبي الله ونعم الوكيل

[بنت مصرية 65]

لاحول ولا قوة الا بالله العلي العظيم

وبعدين ايه الناس الي مش بتخاف ربنا دي

الوضع بقي مخزي

بس احنا كمان لازم يكون لينا دور علشان الوضع السلبي ده

بجد انا اتنرفزت اوي الناس دي فاكرة يعني انهم ايه

بس احنا الشعب المصري اساسا السبب

بندي الدكاترة دول اككتر من حقهم مع انهم مهنة عادية زي اي مهنة

دايما المظاهر عندنا اهم حاجة وعلشان كدا الكل بيشفوا نفسهم علي غيرهم

حاجة بجد تحزن

حسبي الله ونعم الوكيل حسبي الله ونعم الوكيل

[orgowan 0]

يبدو ان الرحمه

 

قد انتزعت من قلوب البعض

[ali desoky 391]

حسبنا الله ونعم الوكيل

 

ياجماعه الدنيا بقيت غابه

كل واحد عايز يخطف ويجري

مش مهم هو بيخطف ايه او من مين

اهم حاجه نفسه...

 

مش الدكاتره بس عشان مش نظلم كل الدكاتره

لان التعميم في الموقف ده حرام

 

بس فيه مهن كتير بقي فيها الاستغلال هو الطابع الاساسي

نبدأ من التاجر او البقال اللي بيزود في الاسعار بمزاجه كده

 

والمحامي اللي بيدافع عن اي حد المهم هيدفع كام

ولو بريء غلبان مش هيدفع يبقي ملهوش لازمه

 

والمدرس اللي كل همه هيعمل كام اخر الشهر من الدروس الخصوصيه

ومش مهم التلميذ فهم او مفهمش المهم هيدفع كام

 

و.. و... و

 

وناس كتير بقي الجشع والطمع هو كل مبتغاهم

زمش مهم هم عملوا ايه لاخرتهم

يوم ما يقابلوا ربهم ومعاهم ايه.....؟؟

شوية فلوس ملهاش لازمه

 

 

أختي مي

موضوع جميل جدا

جزاك الله خيرا

ان شاء الله

[MidooDj 11]

لا حول ولا قوة الا بالله العلى العظيم

[eng_alaa 114]

حسبي الله ونعم الوكيل ...

 

الناس دي يوم القيامة مش في حساباتها ولا إيه ...

 

وفي الحديث الصحيح عن أبي برزة رضي الله عنه قال: قال رسول الله صلى عليه وسلم:

 

{لا تزول قدما عبدٍ يوم القيامة حتى يسأل عن أربع: عن عمره فيما أفناه، وعن شبابه فيما أبلاه، وعن ماله من أين اكتسبه وفيما أنفقه، وعن علمه ماذا عمل به }

 

فحتي من يحجب علمه عن الناس سيسأل عنه يوم القيامة ..

 

موضوع مؤلم حقاً والحمد لله علي نعمة الستر ...

 

شكراً أختنا مي وجزاكي الله خيراً ...

[Dr.A7MD 130]

لا حول ولا قوة الا بالله

 

صحيح موقف سيىء للغاية ...... وفى مواقف أسوأ من كدا بكتير

 

بس برده بختلف مع الأخت بنت مصرية لما قالت وأشارت أن مهنة الطب زى أى مهنة تانية أو أننا بندى قيمة للدكاترة أكبر من حجمها

 

معلش يا أختى الكريمة ... لو كنتى فى مجال الطب ... كنتى هتعرفى يعنى ايه دكتور ياخد مرتب 200 جنيه فى الشهر وهو لسه مبتدىء

 

أنا مش بقول اللى بتعمله فئة من الدكاترة ده حلال ... لا طبعا .... بس احنا فينا حته أننا نسلط الضوء على السلبيات تسليط جامد

 

فى حين حاجات كتير خير بتتعمل ومحدش بيسمع عنها حاجة أو نقول لا مهو ده عادى

 

مهنة الطب يا جماعة معقدة جداً ..... ومش هقولك الدكاترة ملايكة ..... الدكاترة بشر زى كل البشر

 

بس قضية التعميم بجد قضية ظالمة جداُ ... ممكن تسألوا ناس دكاترة محترمة مش بتجرى ورا الفلوس

 

والله بتدفع للعيان مش بتاخد منه .... وربنا شاهد على كلامى

 

وبعدين منيجى نسأل نفسنا سؤال بعد أذنكم

 

مش فى مناطق برده فى مصر الدولة مهملاها خالص من ناحية الرعاية الصحية أو امكانيات المستشفيات الحكومية اللى فيها

 

حد سأل نفسه الدكاترة فى المناطق دى بتعمل ايه وبتتصرف ازاى ؟؟؟؟

 

حسبى الله ونعم الوكيل فى الدكتور اللى كان بيتكلم عنه السواق ده

 

وبرده تسلم ايد كل دكتور محدش يعلم عنه حاجة بيكافح زى العيان وأكتر مع مرضاه

 

شكراً ليكى أختى مى .... بارك الله فيكى

تم تعديل August 8, 2009 بواسطه Dr.A7md

[مي مادي 1]

حاجة بجد تحزن حسبي الله ونعم الوكيل حسبي الله ونعم الوكيل

 

شكرا لمرورك اختي بنت مصريه

 

 

يبدو ان الرحمه

 

قد انتزعت من قلوب البعض

 

اشكرك على مرورك الجميل اختي اورجوان

 

 

ياجماعه الدنيا بقيت غابه

كل واحد عايز يخطف ويجري

مش مهم هو بيخطف ايه او من مين

اهم حاجه نفسه...

 

ايوة والله عندك حق ياأخي

 

اشكر مرورك اخي علي الدسوقي

 

 

لا حول ولا قوة الا بالله العلى العظيم

 

 

شكرا  اخي ميدو واهلا بيك معانا

 

فحتي من يحجب علمه عن الناس سيسأل عنه يوم القيامة ..

 

فعلا يا بشمهندس 

 

بس مين يقولهم

[مي مادي 1]

لا حول ولا قوة الا بالله

صحيح موقف سيىء للغاية ...... وفى مواقف أسوأ من كدا بكتير

 

بس برده بختلف مع الأخت بنت مصرية لما قالت وأشارت أن مهنة الطب زى أى مهنة تانية أو أننا بندى قيمة للدكاترة أكبر من حجمها

 

معلش يا أختى الكريمة ... لو كنتى فى مجال الطب ... كنتى هتعرفى يعنى ايه دكتور ياخد مرتب 200 جنيه فى الشهر وهو لسه مبتدىء

 

أنا مش بقول اللى بتعمله فئة من الدكاترة ده حلال ... لا طبعا .... بس احنا فينا حته أننا نسلط الضوء على السلبيات تسليط جامد

 

فى حين حاجات كتير خير بتتعمل ومحدش بيسمع عنها حاجة أو نقول لا مهو ده عادى

 

مهنة الطب يا جماعة معقدة جداً ..... ومش هقولك الدكاترة ملايكة ..... الدكاترة بشر زى كل البشر

 

بس قضية التعميم بجد قضية ظالمة جداُ ... ممكن تسألوا ناس دكاترة محترمة مش بتجرى ورا الفلوس

 

والله بتدفع للعيان مش بتاخد منه .... وربنا شاهد على كلامى 

 

وبعدين منيجى نسأل نفسنا سؤال بعد أذنكم

 

مش فى مناطق برده فى مصر الدولة مهملاها خالص من ناحية الرعاية الصحية أو امكانيات المستشفيات الحكومية اللى فيها

 

حد سأل نفسه الدكاترة فى المناطق دى بتعمل ايه وبتتصرف ازاى ؟؟؟؟

 

حسبى الله ونعم الوكيل فى الدكتور اللى كان بيتكلم عنه السواق ده

 

وبرده تسلم ايد كل دكتور محدش يعلم عنه حاجة بيكافح زى العيان وأكتر مع مرضاه

 

شكراً ليكى أختى مى .... بارك الله فيكى

 

والله للحق ردك يا دكتور احمد عاوز يتعمله موضوع لوحده

 

 

انت عندك حق في دكاترة كتير بتخاف ربنه 

 

وتعتبر العلم الي اتعلمته نعمة من ربنا عشان يستعملها  للي يحتجها بجد

 

والله ردك اكثر من رائع

 

واحب اهني كل اعضاء المنتدى

 

على العضو الجديد الغير عادي

 

ربنا يكرمك ويحفظك 

 

تم تعديل August 8, 2009 بواسطه مي مادي