فاكر اخر مره حضنتها امتى؟؟تحب تحضنها تانى

[سحر العيون 3]

مـــــــــــــــــــــــاتت

 

 

النهــــــــــايـــــة

 

 

 

 

طــــب ايــــه كانت البداية عشـــــان أنـــا عقــــلي شـــــت خلاص

 

 

حـــاضــــر هحكيلكم استنـــوا عليـــا آخد نفسي

 

 

البدايــــــــــــــــــــــة

 

 

عنـــاصر القصـــــة

 

 

الطفــــل : وليكـــن محمــــد

 

الأم

 

الأب

 

الشاب : وده الطفـــل بعد ما كبـــر

 

 

 

 

 

أحداث ســــن الطفولــــة

 

 

 

جريت عليهــا وأنا ببكـــي وخدتنـــي في حضنهـــا

 

قسمــا بالله يا اخواننـــا أنــــا مش عــــارف حضـــن الأم ليه بيطمن أوي

 

قالتلى مالك يا ميدو

 

خايف من ايـــه

 

قلتلهـــا : خايف من الضلمة ياماما

 

قالتلـــي : حد يخاف برده من الضلمة

 

فيـــه بذمتك حد بيقرأ قرآن وعارف ان ربنــا بيحبه ويخاف من الضلمة

 

ميدو : طب بصي يا ماما سيبيني أنام في حضنك حبة ومش هخاف وأروح سريري تاني

 

 

الأب : ما تنام يا واد في سريرك ايه الرجالة دي

 

ميدو : يا بابا انا لســـة طفـــل ، ولسة مش بقيت راجـــل

 

الأم : تعالي يا حبيبي انا هاجي معاك وأقرالك قرآن لغاية ما تنام

 

ميدو : أيوة يا ماما لحسن خايف

 

الأم : لا متخافش يا حبيبي لما تسمع القران ربنا هيطمنك باذن الله

 

وقعدت أمي علي طرف السرير

 

وقعدت تقرأ من القرآن

 

ومش عارف ليه يا أخواننــــا

 

وأنا في حضــن أمـــي وبسمع للقرآن

 

الحاجتين دوول اللـــي ريحونـــــي جدا

 

ونمت

 

نمـــــت

 

نمــــــت بجد وأنــــا مرتـــــــــاح

 

وبقولهــــا بدون خجـــــــــل منكم

 

كنت خايـــف وبقيــــت مش خايــــف

 

 

 

أحداث ســـن الشبـــــاب

 

 

 

الأم : رايح فيـــن يا ميدو

 

ميدو : ما أكيـــد خارج يعنــــي ولا هقعد معاكي في البيت

 

الأم : طب يا ابنــــي ما تتأخرش وخلي بالك من نفســـك

 

الحاج ميدو : يييييييييييييييييي

 

اسطوانـــة كل يوم بقــــي

 

يا ستــــي خلاص

 

حفظتهــــــــــااااااااااااااااا

 

بصي إرحمينــــي منهــــــــــا حبـــة الله يستــــرك

 

وخرج ميدو

 

الأم بتكلم نفسهـــا : نسيت أقولك يا حبيبـــي اني بقيت أخاف من القعدة لوحدي

 

بعد أبوك الله يرحمــه ما مات

 

ونزلت دموعهـــــا

 

نسيت أقولك يا حبيبــــي انى معادش ليا بعد ربنا غيرك

 

ومحبكش تكلمني كده لأن قلبي بيتقطــــع

 

أنت عارف يا ميدو

 

ده أنت حتي معدتش بتســألني بتاخدي الدوا ولا لأ

 

مكسوفة أوي منك يا ميدو انى أطلب منك تنام في حضنـــي لحد ما أنام يا ابني

 

نسيت أقولك كمان

 

ان كل يوم لما بتعاملني كده

 

عمري ما دعيت عليك

 

وبدعيلك يا ابني

 

والأهم من ده كله

 

انا في سنــي ده معدتش بقدر أتحرك

 

بس بقوم يا ميدو عشان أجهزلك أكلك وشربك وهدومك

 

نسيت أقولك يا ابني انى نفسي مرة واحدة تاخدني في حضنك

 

ليه يا ميدو كده يا ابني

 

هو انا قصـــرت معاك

 

هو أنا عمري حرمتك من حناني

 

طب انا محتاجالك

 

وخايفة يا ميدو

 

من بعد والدك ما مات

 

معدتش بتكلم معاك لأنك دايمــا نايم

 

ولا عدت بكلم حد لاني مبقدرش أخرج ولا أنزل

 

محتاجالك أوي يا ميدو

 

وفجـــــأة

 

 

اشتد ألم القلب بهـــــا

 

فنـــــادي الباريء وديعتــــــه

 

فاشتـــــد نزعهــــــــــا

 

آخر حاجة عملتهـــــا مسكت التليفون

 

وكلمت ابنهـــــا

 

وكل اللى قالته

 

أشهـــد أن لا إله إلا الله

 

وأشهــد أن محمدا رسول الله

 

وخارت القوي

 

وصار الموت يجذبهـــــا من كل عرق

 

ففـــــاضت الروح إلي بارئهـــــا

 

واستردت المودع أمانته

 

واستقـــر جسدها علي الأرض

 

::::::::::::::::::::::::::::::::::::::::::::::::::

 

 

السؤال للأخـــوة المشاهدين

 

وخلف شاشات الكمبيوتر

 

آخــــر مرة عاملت أمك فيهــــا حلو كانت إمتــــــي ؟؟؟؟

 

آخــــر مرة وطيت علي ايد امك بوستها امتي

 

طب اخر مرة حضنتهـــا غير الاعياد والمواسم كانت امتى

 

يا اخواننـــــا

 

 

 

 

والله الحقوا

 

فى ايدينا نعمة كبيرة جدا

[طائر السكون 2]

و الله برافو على الاسلوب الادبى الراقى و انا كنت خلاص دقيقتين كمان و حتأثر بجد أصلى صعب عليا انى اقولها بس حقولها

الموضوع ده من شدته كان حيخلينى ابكى

برافو

[سحر العيون 3]

شكرا ليك ومرسيى على مرورك

نورت الموضوع

لا متعيطش خد منديل منى ياسيدى من علبه المناديل بتاعتى

ههههههه

زى ما انت بتقول عايز سجاره من علبه السجاير بتاعتى هههههه

 

شكرا على كلامك الجميل

[ABOTASNEEM 117]

اود ان اقول كلمة واحدة

 

اللهم اجعل يومى قبل يوم والداى

 

فانا احبهما كثيرا وربى يعلم

 

ومبستحملش عليهم اى حاجة

 

والحمد لله واخد رضاهم . . واسأل الله ان يديمها عليا نعمة

 

فالرسول محمد صلى الله عليه وسلم قال:

 

زغم انف عبد ادرك ابويه او احدهما .. ولم يدخل الجنة .

( او كما قال صلى الله عليسه وسلم )

 

فاللهم ارزقنا بر الوالدين

 

------------------------

 

اشكرك شكر خاص جدا على هذا الموضوع

 

لانى فعلا والله تأثرت به كثيراً

 

واسأل الله ان يجعله سببا فى هداية الشباب

[سحر العيون 3]

اللهم امين شكرا يا ابو تسنيم على مرورك

انا برضضضو بدعى نفس الدعوه بتاعتك

يارب يجعل يومى قبل يومهم

 

بس برجع اقول حرام قلب امى يتحرق عليا

دى الام لما ابنها بيموت بتعيش كانها مش عايشه

لما بفكر فى الموضوع دا ببقى هتجنن

ربنا يطول فى عمرهم وميحرمنيش منهم ابدا

[سبرتو 2]

الصراحة الموضوع دة اثر فيا قوى قوى لانى امى دايما تدعيلى ربنا يهنى ملبسك ويعلى مراتبك وتركز على حتة معينة يحبب فيك خلقة وانا اكون نازل ومتعصب لما تندة عليا وانا تحت تقولى نسيت اقولك تشترى معاك رز مثلا لانى مكسل اطلع الدورين دورين مكسل اطلعهم وهى بتقعد تدعيلى ربع ساعة الصراحة ولا واحد فينا بيقدر يوقف قد الام بس فى حاجة تانى الاستاذ عبد الواهاب مطاوع لما اتكلم عن دة قال ان الام مصدر الحنان لان دة من عند ربنا بس برضة والله الراجل مش بيستحمل اى شئ عن ابنة خاااااااااالص ايوة هى الام عاطفتها شوية زيادة بس برضة عاطفة الابوة لا ممكن تتعوض اكيد لاناس اللى معاهم اولياء امور رجالة شغالين برة او لا قدر الله ربنا مفتكرهم عارفين اولادة عايشين ازاى ودة اكيد فى ل عيلة لاننا داميا ننسى حق الراجل

 

بس ويجعلة عامر

[سحر العيون 3]

لا مش بننسى حق الراجل بس برضو الام هيا اللى بتسهر لمما الواحد يكون تعبان

حتى بعد مانكبر ونتجوز برضو بتقف جمب بنتها لما تكون حامل

وكدا يعنى

انا بشوف ان الام اهم من اب واحن من الاب

بس برضو الاب حنين بس فى حاجات الواحد بيقولها لمامته

ومش ممكن يقولها لباباه

وربنا يخليهملنا

وشكرا على مرورك

وزى ماانت بتقول يجعله عامر

بس قلى مين عامر دا واحد صحبك

[عاشق الصداقه 525]

لا حول ولا قوة الا بالله

 

كم نحن مقصرون فى حق امهاتنا ..

 

والله لقد اثر فى الموضوع لدرجه تقترب من البكاء ..

 

لأنى دائماً أشعر بتقصير تجاه والدى ووالدتى مهما فعلت لهما ان كنت افعل

 

فاللهم ارزقنى رضاهم عنى واللهم احفظهم لى واعطهم الصحة والعافيه

 

جزيل الشكر اختى سحر العيون على الموضوع الرائع

 

حدثنا أحمد بن إبراهيم الدورقي حدثنا ربعي بن إبراهيم عن عبد الرحمن بن إسحاق عن سعيد بن أبي سعيد عن أبي هريرة قال قال رسول الله r : رغم أنف رجل ذكرت عنده فلم يصل علي ورغم أنف رجل دخل عليه رمضان ثم انسلخ قبل أن يغفر له ورغم أنف رجل أدرك عنده أبواه الكبر فلم يدخلاه الجنة ...قال عبد الرحمن وأظنه قال : أو أحدهما

 

وبارك الله فيكى

[طائر السكون 2]

على فكرة يا سحر العيون برضه الراجل هو اللى بيشقى و يشتغل علشان يخلى الام ام

و الابن ابن

علشان الفلوس

هو اللى بنى البيت اللى هما ساكنين فيه

و كتر خيره الراجل

مهر و شقه و شبكه و مؤخر

عاوزين ايه تانى

و يكفى الرجال شرف و فخر

إن المرأة اللى تنام و زوجها غضبان عليها يلعنها الملائكه و يلعنها اللاعنون

[سحر العيون 3]

انت بقا زعن على المهر والشبكه والشقه والمؤخر

كل دى حاجات ملهاش اى لازمه المهم الحب

والرضا والامان والاستقرار

مش مهم الفلوس والمظاهر

وبعدين الواحد لما بيبتدى هو ومراته من الصفر بيحسوا بطعم الحاجه بيحسو بلزتها

وانا بالنسبالى اهم حاجه الحب والتفاهموالباقى يهون

وبعدين الام هيا اللى بتتعب وتكبر وتربى وتزرع القيم واالاخلاق

والمبادىء والاب هو اللى بيجيب فلوس يبقى مين اهم

القيم والمبادىء والاخلاق ولا الفلوس

؟

ربنا يرزقنى وابقى ام

ياااااااااااااااااااااارب

 

شكرا عاشق الصداقه على مرورك

شكرا طائر السكون

[سبرتو 2]

لا حضرتك كلامك مش مظبوط كلنا بنقول المهر والشبككة مش مشكلة بس يطلع فى الاخر مشكلة المشاكل

دة فى واحد صديقى هنا فى المنتدى كانت المشكلة اللى فشكلت علاقة زواجة المهر لانى ابن عمتها شغال برة وهى بتصرف اللى بيقبضة صحبى دةفى تلات اياام مع انة مبلغ كويس قوى قوى وكلنا اكيد مرينا بالتجربة دى واللى ما يشوفش من الغربال يبقى اعمى مين دلوقتى مش بيرضى ىيجوز بنتة بشبكة او بمهر غالى قوى عشان بنت خالتها اصلى اتجوزت بمبلغ كذا ولا بنت عمتهاشبكة بمبلغ كذا وكمان ماتنسيش المؤخر لا لازم يكون ميت الف جنية احنا لازم نضمن مستقبل البنت ميت الف جنية دى لو الشاب اشتغل صبح ليل لمدى 10 سنين يا دوب يجمعهم وفى الاخر نجيب العيب على الشباب انة مش عاوز يتجوز الموضوع خرج من مسارة احنا وصلنا لهنا ازاى

المهم انا بدعى ربنا يخليلى امى ياااارب وتبطل تبعتنى المشاوير الكتيييييييير قوى اللى بتبعتهاى وكل مرة تنسى حاجة وانزل اشترى من السوق مرة تانى

 

ويجعلة عامر

[سحر العيون 3]

الكلام اللى انتو بتقلوه دا كدا بيع وشرا مش جواز

انا عن نفسى لما جيت اتجوز بابا قال لجوزى الشبكه دى هديه من العريس لعروسته وبعدين كلو فى الاول والاخر هيكون فى بيتك

وبالنسبه للمهر احنا معندناش موضوع المهر دا

ولا مؤخر

لان المؤخر دا بيربط البنت مش بينفعها

ماهو ممكن ميكنش معاه المبلغ بتاع المؤخر وميرضاش يطلقها

ويطلع عينها

ودى بتختلف طبعا من بيت لبيت ومن تفكير لتفكير

بس انا بقلكم الى حصل معايا

والحمد لله جوزى جابلى احسن شبكه واحسن شقه

وعايشه عيشه الحمد لله زى العسل

[فراس فراس 0]

الله يذيدك كمان وكمان سحر وبجد موضوع جامد

 

بس أنا مش عارف مش عايز امى تحضنى ومحجبش انها تحضنى وده لأنى مبحبش أقرب لاى ست مهما كانت ومش عارف ليه بعتبر امى ست قبل ماأحس أنها امى والكلام ده من أول ماوعيت من وأنا عندى خمس سنين

 

ولا يمكن علشان سبتهم وسبت السعودية وانا عندى عشر سنين

وقاعدت فى بنها مع قرايب امى وبعيد عنهم تلات سنين على مارجعوا أسكندرية

 

بجد انا مش عارف

ويسأل نفسى هو انا بس ألى كدة ولا فى حد بارده بيعتبر امه ست وميحبش يقرب لها..؟؟

 

اما بالنسبة للجواز وحكاية المهر والشبكة

فيا سحر مش كل الناس زى اهلك

والغالبية العامة منهم اللى بيحكى عنهم سبرتو

والمفروض اللى أحنا نادر لما نشوفه أن أحنا نعمل بالحديث

اللى فيما معناه

من أتاكم ترضون دينه وخلقه فجوزوه وإلا ستكون فتنة فى الارض

 

وده اللى احنا عايشينه فعلاً الأيام دى

ويمكن والله أعلم الحكومة ليها دخل فى اللى أحنا فيه

علشان من اواخر التمانينات والحكومة بتعتبر أن ذيادة عدد السكان دى مشكلة

ويمكن بيعتبروها من المشاكل الرئيسية اللى فى البلد

ومادام الحكومة بتعتبرها مشكلة شوفوا بقى من حوالى عشرين سنة

يعنى أن هما بيشوفوا ليها حلول

 

وطبعاً الحلول بتاعتها أنتجت ثمارها وذيادة عن اللزوم كمان

 

وعشان الحجات غليت والله أعلم مين السبب......؟؟؟

مهو يمكن صحابنا اللى لسة متكلمين عنهم هما السبب

ويمكن ده هو الحل اللى عملوه لحل المشكلة

ماهو طبعاً السبب الرئيسى فى ذيادة النسل هو الجواز مبكراً

وهما لما يحطوا شوية عوائق قدام اللى بيسعى للجواز هايتاخر لما يتجوز وبكدة يدوبك الواحد يخلف ولد ولا أتنين ماهو على ماكون نفسه وعلى مايلاقى اللى يرضى بيه وعلى مايحوش تمن الشقة شوف بقى هايبقى عندوا كام سنة.....؟؟؟

 

بس طبعاً هنا بنشوف أكبر خطا فى التعامل مع الموارد واكبر خطا فى تحديد المشكلة وطريقة حلها

 

اول حاجة انهما أعتبروا ان ذيادة النمو السكانى ده مشكلة مش ثروة المفروض ننميها ونحافظ عليها

ومش هانقول ان الرسول عليه الصلاة والسلام قال تكاثروا فأنى مباهاً بكم يوم القيامة

لا احنا هانكلمهم ونقول ماهى الصين و الهند وهما من الدول النامية وظروفهم أوحش من مصر

ألا انهم أعتبروا أن الذيادة فى النمو السكانى دى ثروة ومورد مش مشكلة

وأهم الهند عنده سبعة واخدين جائزة نوبل واكبر بلد منتجة للبرمجيات

والصين ذى ماأحنا شايفين حولينا يعتبر أنها مسيطرة علينا أقتصادياً

 

ده حتى ياريت صحابنا حلوا المشكلة صح

لأ دول لما حلوها وعملوا اللى عملوه ذادت البطالة

أنحدر التعليم لأن المدرس بقى يلجئ لتحسين دخله بالدروس الخصوصية

وذاد البلطجية وذاد النصابين وذاد الشحاتين

ده غير حاجات كتير

 

بس نرجع ونقول ان احنا السبب

لاننا فى الآخر نسينا الرسول عليه الصلاة والسلام قلينا أيه

ماهو لو احنا كأهل لما لقينا اللى أرضتينا دينه وخلقه فرضينا بيه ماكناش عيشنا فى الفتنة اللى حنا فيها دلوقتى

ذى كتر الزنى

وكتر أولاد الليل والبيسة واللذى منه

 

ولو أحنا كفرد كنا صبرنا وخلينا نيتنا خالصة لربنا كان أكيد ربنا هايقف معانا

وكان هايعوضنا على صبرنا خير لا ليه اول ولا آخر

 

والسلام عليكم ورحمة الله وبركاته

[سحر العيون 3]

شكرا ليك يافراس

بس مش عارفه احساسك دا غريب لان مهما الواحد بعد عن اهله برضو جواه بيبقى فيه عاطفه ليه

وشكرا على ردك وشكرا على كلامك وليا تعليق تانى على كلامك

[فراس فراس 0]

بالعفو سحر

وأنا مش قصدى أنى مفيش عاطفة تجاه اهلى بس كل الحكاية أنى مابحبش ان أمى تلمسنى او انا المسها

يعنى مثلاً أنا كنت بحب جدتى اوى الله يرحمها بس كنت بتضايق لما تبوسنى

يعنى مش معنى أنى مابحبش انى اقرب منهم ,يبقى كدة انا مش بحبهم

[ABOTASNEEM 117]

ياجماعة احنا ليه بنتكهرب لما يتفتح موضوع يخص الرجال والنساء

وبنعتبرهم فريقين وداخلين حرب وكل واحد بيطلع التانى غلطان ويلقى عليه اللوم

ياجماعــــــة

الاب والام .. هما الاتنين مكملين

علاقة كل واحد بالاخر علاقة تكاملية وليست علاقة تفاضلية

يعنى الاب مش عليه انو يجيب فلوس وبس .. لا طبعا

عليه دور كبير فى التوجيه والتربية

والام

مش تربى وبس ..

لا كمان ممكن هى كمان تساعد فى مصاريف الشغل ان استطاعت العمل

 

ياجماعة مش حرب

 

------------------

 

وبصراحة مش مهم قوى انك تتباس يافراس

بس .. خلى بالك من التعامل انه لازم يكون زى ما بيقول ربنا ورسوله

 

وياسيدى لو مش عايز تتباس

خلاص .. سهلة قوى

 

انزل انت على ايديها وبوسها

ولا دى كمان مشكلة

وعلى فكرة ده الافضل

 

ربنا يرزقنا جميعاً بر الوالدين

[سحر العيون 3]

انا عن نفسى عمرى مابست ايد امى

ببوسا عادى فى خدها

بس موضوع ابوس ايدها دى بحسها صعبه اووووووووووووى

مش عارفه ليه

يافراس انت مكن مش بتحب حد يبوسك لانك مش متعود

ان حد يبوسك ا ممكن تكون مستغرب الموضوع

زى ا انا برضو مبحبش ابوس حد لما اسلم عليه

غير اخويا وبابا وماما واختى

وبرضو مش بحب ابوسه فى كل وقت يعنى فى مناسبه

وانا جايه من السفر بس

غير كدا لالالالالالالالالالالا

شكرا يا ابو تسنيم على مرورك

[سمسمة 0]

الله موضوع جميل أوى ماما وحشتنى قوى ووحشنى حضنها أوى هى سافرت العمرة ومش هترجع الا بعد العيد نفسى ابوس ايدها اوى قبل ما انام زى زمان وهى كمان بتعقد تبوس ايديا وتحكيلى حكاية قبل النوم ومبتسبنيش الا لما انام انا بحبها موووووووت ويارب ترجع بقى

انا مش عارفه اعيش من غيرها

شكرا يا سحر العيون

[طائر السكون 2]

اولا شكرا لدعمك اخويا سبرتو و ارجو ان الفكرة تكون وضحت لسحر و بالنسبه لفراس فليا قعده معاه لوحدنا

ة شكرا جدا لمداخلتك البناءه فى تقويم الموضوع ابو تسنيم

و اهلا بيكى اخت سمسمه

و نتمنى منك النشط الظاهر ده من اول يوم يستمر كده على طول

[سحر العيون 3]

شكرا ليكم كلكم بس اظن ان سمسمه دا ولد مش بنت

 

طائر السكون صوره ايه اللى وضحت اللى انت بتتكلم عليه

موضوع سبرتو دا كان فى موضوع تانى خاااااااااااالص

 

وعامتاشكله الصيامبس ماثر عليك

على العموم الف شكر

وشكراسمسه على المرور ونورتى المنتدى

او نورت المنتدى

[الرحال 1]

السلام عليكم و رحمة الله و بركاتة

 

يااااااااااااااااااااااااة امى وحشتنى اووووى

 

تخيلو ياجماعة ان كل واحد فيكو بعيد عن امة و ابوة

 

لمدة سنة او على الاقل 11 شهر يااااااااة مدة طويلة

 

مش كدة عموما انا عن نفسى لما بسلم على امى ببوس خدها

 

و ابوس راسها من فوق او جبهتها بمعنى اصح لانها بترفض

 

انى ابوس ايديها و بتزعل منى و انا مقدرش ازعلها

 

و مش هاقول غير ربنا مايحرمكو منهم ابداااااااا

 

 

لان الانسان ما بيحسش بالحاجة المهمة اللى فى حياتة غير

 

لما لا قدر الله تروح منة

 

و لكم كل الود

[سحر العيون 3]

مرسيى على مرورك الجميل

وربنا يرجعك بالسلامه

ويخليلك باباك وماتك وميحرمكش منهم ابدااااااااا

دى طنط وعمو دول حبايب قلبى

وبعدين متقلقش دول فى عنياااااااااااا

وانت عارف والقمر الصغير طبعا اللى واحشنى موت

وربنا يارب يرجعك بالف مليون سلامه

[فتى الاحلام 5]

امى

ثم امى لحد اخر يوم فى عمرى

 

حضن من اول حياتى وهمو همى

 

اللى كتر خيرها دا خيرها فى دمى وعايش ليه

 

لو هعملك ايه تستاهلى ميه الف عيد على اللى عملتيه

 

لو هعملك ايه مين فى تعبى سهر منمشى

 

من فى اول مره اخطى سندت عليه

 

هعملها تمثال اللى طيب قلبها فوق الخيال

 

هعملها تمثال اللى تعبت واللى ربت واللى سهرت

 

واللى شالت حمل جبااااااااااااااال

 

والله الام اغلى حاجه فى الجود

 

بس بقا الظروف هيا اللى بتحكم ان الواحد يبعد عنها

 

بس سحر العيون بقا هيا امى واختى

 

وربا ميحرمنيش لامن امى ولامنها

[فتى الاحلام 5]

امى

ثم امى لحد اخر يوم فى عمرى

 

حضن من اول حياتى وهمو همى

 

اللى كتر خيرها دا خيرها فى دمى وعايش ليه

 

لو هعملك ايه تستاهلى ميه الف عيد على اللى عملتيه

 

لو هعملك ايه مين فى تعبى سهر منمشى

 

من فى اول مره اخطى سندت عليه

 

هعملها تمثال اللى طيب قلبها فوق الخيال

 

هعملها تمثال اللى تعبت واللى ربت واللى سهرت

 

واللى شالت حمل جبااااااااااااااال

 

والله الام اغلى حاجه فى الوجود

 

بس بقا الظروف هيا اللى بتحكم ان الواحد يبعد عنها

 

بس سحر العيون بقا هيا امى واختى

 

وربا ميحرمنيش لامن امى ولامنها

[رجل من الصحراء 36]

شكرا للموضوع الجميل