نور اقوى من نار جهنم

[فراس فراس 0]

أبداً الموضوع بسيط جداً وده هايبان فى القصص اللى هاقولها ليكم دلوقتى ونبدء بالحجاج بن يوسف الثقفى

 

وده كان راجل شديد قوى وماكنشى يهمه حد واللى يقع تحت ايده خلاص يبقى مات ماهو اللى قال

لما سمع عن بعض الثوار :أرى رؤساً قد أينعت فقد حان وقت قطفها

 

يعنى بالنسبة له القتل ده حاجة بسيطة جداً والحل الجذرى لاى مشكلة يعنى بشكل أبسط اى حد عامل مشكلة أنا ليه أتعب نفسى واحكمه وبعدين يدخل السجن ويطلع وممكن يعمل مشكلة تانى لأ انا اريح دماغى واقتله

 

وهو اللى كان ماسك العراق فى عهد عبد الملك بن مروان ومن كتر قسوته قالوا عليه :انه لما اتولد مرضاش يرضع من امه ألا بعد ماشرب دم جدى والله اعلم بصحة الحكاية دى

 

يعنى راجل عايش من اول ماتولد على الدم المهم أن رغم شدته دى ألا انه فى راجل خلاص الحجاج كان هايقتله ألا انه سأله سؤال قبل ان يفعل

 

أيه هو السؤال ده....؟؟

 

قال له :انت صليت الفجر اليوم فرد عليه الرجل :فقال نعم صليته فى جماعة فسابه الحجاج ومعملهوش حاجة

 

ولما سالوه : أنت سبته ليه...؟؟

قال اصل أنا سمعت عن أبى : أنه قال انه سمع الرسول صلى الله عليه وسلم قال : أنه من صلى الفجر فى جماعة أصبح فى ذمة الله ومن تعدى على ذمة الله أنكب على وجهه فى النار وجر فيها

 

فانت بقى لو عايز تبقى فى ذمة الله يبقى أنزل وصلى الفجر فى جماعة

 

فيالا بينا نروح نصلى الفجر فى جماعة ولا فى حد فينا مش عايز يبقى فى ذمة الله

 

انتم عارفين فى حاجة كمان فقد قال الرسول صلى الله عليه وسلم فيما معناه

 

أن اللى بيروح يصلى الفجر ربنا بيعطي له نور وفى يوم القيامة لما نيجى نعرض على النار واحنا ماشيين على الصراط المستقيم

 

تخيلوا النار هاتقل الناس اللى بتروح تصلى الفجر ايه.......؟؟؟

 

النار هاتتكلم وتقول : اسرع يا عبد الله فان نورك كاد ان يطفئ نارى

 

يعنى كان اللى بيروح يصلى الفجر من كتر النور اللى ربنا هايعطيه ليه هايطفى نار جهنم يعنى كأنه خلاص ضمن الجنة باذن الله

 

فيالا بينا نروح نصلى الفجر علشان ندخل الجنة باذن الله

تم تعديل September 15, 2007 بواسطه فراس فراس

[ABOTASNEEM 117]

اعلنت " جولدامائير رئيسة اسرائيل السابقة " ان المسلمين لن يستطيعوا ان يهزموا اليهود الا عندما يكون عدد المصلين فى صلاة الفجر مثل عددهم فى صلاة الجمعة وهى بذلك قد اخبرتنا بالحل ، فـــــــــابدأ بنفسك .

 

وهذا أمر غاية فى السهولة وخصوصا فى مثل هذه الايام من ايام رمضان المباركة حيث الروحانيات العالية بين كل الناس ، وبالتعود يصبح الامر سهلا وبسيطا حيث انه اثبتت التجارب العملية على ان اى تصرف يقوم به الانسان يتحول الى عادة فى ظرف (21 يوم ) يعنى ثلاثة اسابيع فقط ، فتخيل انه فى ظرف ثلاث اسابيع فقط تصبح من رواد المسجد فى صلة الفجر ، واكيد طبعا فى باقى الصلوات .

 

ولقد بشرنا الحبيب المصطفى صلى الله عليه وسلم حيث قال :-

 

" بشر المشائين فى الظلم الى المساجد بالنور التام يوم القيامة "

والمقصود بهم مصلين الفجر فى المسجد

 

وقال ايضا " من صلى البردين دخل الجنة "

والبردين هما الفجر والعصر

 

وقال ايضا " ركعتا الفجر خير من الدنيا وما فيها "

 

ملحوظة هامة :-

 

هناك فرق بين صلاة الفجر وصلاة الصبح حيث :-

صلاة الفجر هى ركعتين سنة صلاة الصبح

 

فمن معنا لتحقيق ما قالته " جولدا مائير " .. انت معانا وانتى معانا .. ولا ؟؟

[فراس فراس 0]

شــــكراً جزيلاً أبو تسنيم على الأضافات الجميلة اللى انت اضفتها

 

ووضحت بيها الموضوع اكتر

 

وذى ماقلت أهم الأسرائيليين بيعترفوا

وعشان كدة مدخلينا الوصلات والانترنت علشان يلهونا والمواقع اللى مالهاش لزمة

 

أنتم عارفين ان المواقع دى عملوا فيها أحصائية وشافوا مين اكتر ناس بيدخلوها مش هاتصدقوا......

 

المركز الأول خدته السعودية

 

المركز التانى أيران

 

المركز التالت البحرين وقطر

 

المركز الرابع مصر

 

والصين اللى فيها أكتر تعداد سكانى واخدة المركز العاشر

 

يعنى من الآخر فى حرب علينا علشان ماننزلشى ونصلى الفجر

 

ماهو طبعاً هو فى حد هايفضل سهران على الشوتايم ولا اوربت ولا على موقع من المواقع اياها ويروح يصلى الفجر

 

فبصوا ياجماعة مفيش الا حل واحد يا اما تصوموا يا اماتتجوزوا

 

ويالا بينا نصلى الفجر ونهزم أسرائيل ولا فى حد مش عايز يحرر فلسطين,,,,,,,,؟؟؟؟؟؟؟؟؟؟؟

[ABOTASNEEM 117]

انا اللى بشكرك اخى فراس

 

على موضوعك الرائع .. وقضية مهمة حقاً

 

انت دائما صاحب السبق