تشرب ولا ...تقتل ....ولا تزنى...؟؟

[فراس فراس]

أقرب واحد من الشيطان أنت عارفين مين.........؟؟؟؟

 

انتم عارفين ان الشيطان من الجن وليه اتباع شياطين بس مين اكتر واحد قريب منه فيهم و......وليه....؟؟

 

يروى ان الشيطان بيجتمع مع أتباعه ويسأل كل واحد فيهم ماذا فعلت

فالليقولوا أنا خليت واحد يقتل واللى يقولوا انا خليت واحد يسرق واللى يقولوا انا خليت واحد يزنى

فلا يهتم باحد منهم الا أن يأتى واحد ويقول انا جعلت واحد يطلق

 

وهنا يقربه الشيطان له ويرقيه

 

طيب ليـــــــــــــــه.............؟؟؟

 

بقى معقولة ان الشيطان اللى بيوسوس فى طلاق احسن من اللى خلا الأنسان يقتل او يسرق أو يزنى ........معقولة...؟؟

 

أه طبعاً لان الزواج ذى ماحنا عارفين نصف الدين

إذ أن الرسول صلى الله عليه وسلم جعل من الزواج نصف الدين فقال: " إذا تزوج العبد فقد استكمل نصف الدين. فليتق الله في النصف الباقي " رواه البيهقي

 

لان الواحد لما بيتزوج بيحمى نفسه من حاجات كتير قوى قد تؤدى به الى كبائر عظيمة

 

فدلوقتى أذا كان حد متجوز وفاتح بيت البيت ده لو اتقفل هايحصل مشاكل كتيرة قوى

 

لبــــــــــه......؟؟

 

لان كلا الطرفين بيبقى حالتهم سيئة جداً بعد الموضوع ده

وطبعاً لما يكون الواحد متضايق او حالته النفسية وحشة بيبقى سهل قوى انه يتجر للغلط

وده لو ماأتوضاش وصلى ركعتين زى مالرسول عليه الصلاة والسلام علمنا علشان يهدى النار اللى جواه

 

فمثلاً أنا دلوقتى متضايق و واحد من صحابى بيدخن وعزم علية بيسجارة

ساعتها هاخدها منه بدون ماافكر

لــــيه....؟؟

لان الغضب مسيطر على عقلى وساعتها الواحد بيكون على دماغه ذى غيوم اللى هى الغضب

وساعتها مش هايعرف يميز الصح من غلط

وحسب الناس اللى حوليه وحسب مالشيطان هايوحى ليه هايعمل غلط

سواء بقى يشرب خمرا او يحشش أو يزنى

والموضوع سيان للراجل أو للمراة

يعنى فى الطلاق ماحدش من الطرفين كسبان

ويمكن بسبب الطلاق احد المطلاقين يعمل أكتر من ذنب ماهو بقى مش حاسس بنفسه

 

اما القتل بيبقى فيه ساعتها مقتول و المقتول كدة والله اعلم هايخش الجنة وده الشيطان مش عايزه

 

وكذلك الامر بالنسبة للسرقة هايبقى فى مسروق والمسروق طبعاً هاياخد حسنات انشاء الله أذا صبر وده بارده الشيطان مش عايزه

 

اما بالنسبة للزنى فكفاية انى اقول أن الزوجة يمكن تقبل ان الزوج يزنى بس ماتقبلشى انه يتجوز عليها

علشان الشيطان بيقتعها أن الزنى اهى ليلة وبتعدى اما الزوج لما يتجوز عليها كل ماهتشوف مراته التانية هاتتخنق وتحس أن هى ماعرفتشى تملى حياة جوزها يعنى هاتحس بالنقص

ولون الزنى حرام والجواز حلال

 

كمان بارده الزنى ده بالنسبة للشيطان ليلة وبتعدى يعنى مالوش أثر بالشر بعد كدة ويمكن اللى زنى ده هايتوب بعد كدة يعنى كأن الشيطان بارده

ماعملشى أى حاجة

 

والقصة دى هاتوضح اكتر ......

كان فى ست معجبة براجل كتير قوى فالمهم حاولت توقعه فى حبها وتخليه يزنى بيها

حاولت معاه بكل الطرق بس ماعرفيتشى

 

لحد مامرة أستدرجته لبيتها بحجة ان تستشيره فى بعض المسائل الخاصة اللتى لاينفع ان تستشيره فيها أمام العامة

 

فالراجل راح معاها بسلامة نية

 

بس ايه اللى حصل ..؟؟

 

راحت الست قفلت عليهم الباب وقالت له لو عايز تخرج قدامك حاجة من تلاتة....

 

يااما تزنى بيا...

 

ياأما تقتل الطفل ...

 

يا أما تشرب خمرا...

 

ولو ماعملتش حاجة من دولت وحاولت تهرب هافضحك بين الناس واقول أنك اتهجمت عليا

 

أنا مش هاكمل القصة دلوقتى وهاستنى كل واحد فينا يشوف ويحط نفسه مكان الراجل ده ويختار ويقول ليه أختار كدة

 

وانا متأكد أن كل واحد فينا قد يكون مر بموقف قريب من ده ولو مامرش يبقى هايمر والله أعلم

 

يالا ياشباب قولوا لى ايش هاتسوا......؟؟؟؟؟؟

[الرحال]

اختيار صعب جدااااااااا

 

انا الحمدلله ما مرتش بالموقف دا و ادعو الله انى ما اشفوش خالص

 

بس عموما انا هاعمل زى العيال و اطلع اجررررررررى و الفضيحة

 

ارحم حاجة فيهم

 

دومت بود

[فراس فراس]

أولاً مرحب بيك يارحال

 

واتمنى أن رحلتك تدوم فى المنتدى وتكون رحلة سعيدة

 

ثانياً

لو تخيلنا أنك دلوقتى فى الموقف ده فعلاً وانا الشيطان وهاقولك

 

أزاى هاتستحمل العيشة بين الناس

 

أزاى هاتستحمل نظارتهم القاسية عليك

 

أزاى هاتستحمل ان كل ماتعدى يتوشوشوا عليك

 

ياترى فى حد هايقبلك عريس لبنته

 

هاتستحمل انك تعيش من غير جواز

 

هاتستحمل العلقة اللى الناس هايدوهالك لما الست دى تفضحك

 

فكر كويس قبل ماتختار وراجع نفسك لسة مافاتشى الاوان

[الرحال]

اخى العزيز الغالى

 

اولا اشكرك على ترحيبك الجميل و الراقى

 

ثانيا كل اللى اقدر اقولة

 

بسم الله الرحمن الرحيم

 

(( من يتقى الله يجعل لة مخرجا ))

 

صدق الله العظيم

[فراس فراس]

مية مية يارحال

 

الايمان بالله والخوف منه هو اللى هايطلعنى من موقف ذى ده

 

بس يالا ياجماعة كل واحد يفكر فى فكرة أو اختيار ممكن يطلع بيه من الموقف ده

وكمان مش بس الولاد اللى ممكن يتعرضوا للموقف ده كمان البنات ممكن تتعرض ليه

 

يالا ياشباب مستنيين ردودكم

[سحر العيون]

انا عن نفسى ما اتعرضتش برضو للموقف دا

 

بس لو لاقدر الله وحصل

 

ايه بس الموضوع دا انا مش عارفه اختار الاختيار صعب

 

بس اموت نفسى وارتاح

 

ربنا اكيد هيسامحنى لانو عارف الوضع اللى انا فيه

[فراس فراس]

المرة دى أنا هاتكلم بصوت العقل واقول

حياة الأنسان عبارة عن اختيارات واحنا كمسلمين خيار الموت بأيدينا ده مش موجود

 

 

وبعدين أرجع تانى واتكلم بصوت الشيطان واقول

أختيار رائع انتى عايزة ايه من دنيتك هى الدنيا فيها حاجة فعلاً

يالا موتى فالموت هو الحل الوحيد

واحنا هانعيش ليه فى دنيا غدارة مليانة ناس غدارين

يالا ماتستنيش

[سحر العيون]

انت بتتريق يافراس ولا ايه

 

اصل قلى كدا ايه الحل

 

ازنى حرااااااااااااااااااام

 

اقتل طفل ولا تقتلو النفس التى حرم الله الا بالحق

 

اشرب خمره ربنا حرم علينا الميسر والدم والخمره ولحم الخنزير

 

يبقى ايه الحل ولو هربت هتفضح طول عمرى

 

بس طبعا لو الناس تعرف عنى انى كويسه

 

مش هتصدق الكلام عنى

 

بس احنا فى زمن الوحوش ولو هربت وطلع عليا الكلام دا فبقى فريسه لكل واحد

وكل من هب ودب هيحاول ويفكر انو يعمل كدا معايا

ماهيا خلاص بقا ساايبه

[فراس فراس]

ماهوربنا قال بارده

 

‏‏{وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيماً @ وَمَن يَفْعَلْ ذَلِكَ عُدْوَاناً وَظُلْماً فَسَوْفَ نُصْلِيهِ نَاراً وَكَانَ ذَلِكَ عَلَى اللّهِ يَسِيراً}

الآية29 من سورة النساء

 

 

‏‏

[سحر العيون]

طيب ما انا مش لاقيه حل بصراحه اجيلا يمين اجيلها شمال مفيش

 

قلى انت كدا انا اعمل ايييييييييييه

[فراس فراس]

أصبرى شوية لما نشوف بقيت الأعضاء هاتعمل أيه وأيه رأيهم

 

ووعــد بكرة انشاء الله بعد ماجى من الشغل هاكمل القصة واقول ايه الــحل

[سحر العيون]

يااااااااااااااااااه

 

بكرررررررررررررررررررررررررررررررررررررررره

 

ددا انا دماغى هتتفرتك نفسى اعرف ايه الحل

 

وعاتا مضطره استنى لبكره

[فراس فراس]

اهو زى ماوعدتك ياسحر

 

الأول نكمل القصة

الراجل احتار مش عارف يعمل ايه ..؟؟

 

فقال انا لوزنيت يبقى انا هتكت عرض

 

ولو قتلت الطفل يبقى انا قتلت نفس

 

انما لو شربت الخمرا مش هائذى حد

 

فالمهم شرب الخمرا وبعد ماشرب قتل الطفل وزنى بالمراة

 

يعنى العبرة من القصة ان الخمرا أم الخبائث(الشر)

 

يعنى لما شرب الخمرا مستهون بذنبها عمل التلت ذنوب

 

ويمكن لو كان قتل أو زنى يبقى هايكون عمل ذنب واحد ماكنشى عمل التلت ذنوب

 

اما الحل..........

هى القصة اللى فاتت دى حصلت لواحد من بنى أسرائيل

 

والحل هنا فى قصة أحد التابعين

كان طيب الريح رغم انه لم يكن يطع الطيب او العطر

 

فلما سألوه ماهو السبب..؟؟أنت ريحتك حلوة قوى كدة ليه رغم ان أحنا عارفين أنك مش بتجيب ريحة ولا عطور بتجيب الريحة دى منين..؟؟

 

فقلهم ايه هو السبب..؟؟

بارده اتحبس وقالتله يااما تزنى ياأما تتفضح ومانتش خارج من هنا غير لما تزنى بيا.

 

فالمهم الراجل استخار الله وخايف يعمل حاجة تغضب ربنا

 

فألهمه الله بالذهاب ألى المرحاض(دورة المياه)قائلاً لها أأذنى لى بتجهيز نفسى

 

فالمهم دخل وبهدل نفسه وخلى ريحته لاتطاق

 

وبعدين طلعلها فضبعاً هى مش عارفة تقرب منه لانها مش طايقة ريحته فاتقرفت منه وخرجته برة بيتها

 

فابدله الله ريح المسك والعنبر بدل هذه الريحة المقرفة وذلك لخلاص نيته لله

 

وفى رواية تانية عن امرأة من بنى اسرائيل

ان اولادها مش لاقيين يكلوا وجعانين وهى مش عارفة تجبلهم اكل منين

فراحت لاحد أقارهم المتيسرين مادياً فطليت منه المال فلم يرضى ألا بشرط وهو ان يزنى بها

فلم ترضى

 

ألا انها لما ذهبت ألا البيت اشتد صراخ اولادها فلم يتحمل قلبها

فذهبت رغماً عنها الا الرجل وعندما اتى ليهم بها

قالت له انت متاكد أنك قفلت الأبواب والنوافذ

قال لها نعم

يعنى متاكد ان مفيش حد شايفنا

قالها نعم

ثم وجدها تنتفض وتبكى بكاءً غزير فقال لها مابك

قالت له أنى اخاف الله فانه يرانا ولايمنعه باب اوشباك

فانتفض الرجل فأعضاها المال وقال لها أدعو لى

فدعت له قائلة :اللهم لا تؤذه بنار الدنيا اوالأخرة

ومن يومها هذا الرجل مهم تعرض لنار لم يصب بأذى

 

يعنى العبرة ذى ماقال الرحال:من يتقى الله يجعل له مخرجا

ده من الناحية الأيمانية

فعل أد خوفهم من ربنا على قد ماربنا نجاهم

 

وفى حاجة تانية وهى دى بقى اللى انا اتعرض ليها فعلاً

ليه تخلى اللى قدامك يفرض عليك اختياراته

 

ليه الواحد فينا مايفكرشى فى بدائل تانية

وده اللى عجبنى فى رد سحر انها شافت بدائل تانية وهى الموت رغم ان هو مش الحل الصح

بس اهم حاجة انها ماوضعتشى نفسها قدام تلت اختيارات وخلاص

 

ليه لما يقلك ياتعمل كذا او كذا او كذا يبقى انت لازم تعمل حاجة منهم

لأ الواحد حر نفسه ومش غيره بيحط له الاختيارات هو بيشوف البدائل بتاعته بنفسه

ويعمل اللى يعمله

ماهو انا عملت اللى يرضى ربنا يبقى ربنا مش هايسبنى مهما حصل لى

وان حصل لى حاجة وصبرت يبقى ربنا هايعوضنى يأاما فى الدنيا ياأما فى الآخرة يااما فى الدنيا والآخرة

 

ساعات عدم الاختيار يبقى هو الحل وده لما تكون الاختيارات كلها غلط

 

 

 

والسلام عليكم ورحمة الله وبركاته

[سحر العيون]

بس دا يا فراس كرم من عند ربنا

 

ربنا هو اللى ساعده وبدل ريحته بريحه كريهه

 

انما لو احنا فى مكانه انت تضمن ان التفكير يجيلك

 

تضمن ان عقلك هيفكر ازاى فى الوقت دا؟؟؟؟؟؟

 

وعامتا قصه جميله واناكنت منتظره نهايتها

 

لانى كنت عايزه اعرف ايه الحل

 

مجهود رائع لك منى ارق التحيه

 

وانحنى لك احترام وقديرا

 

فتقبل تحياتى ومرورى

[فراس فراس]

شـكراً ياسحر على ردك الجميل

 

بس انا كنت عايز اوضح حاجة ان الراجل دخل دورة المياه ومش عايز اقول ازاى خلى ريحته وحشة

علشان هو عمل حاجة يمكن ماحدش فينا عنده الجراة انه يعملها

 

وتانى حاجة هما تلت قصص مش قصة واحدة

1-قصة المشكلة بتاع بنو اسرائيل

 

2-قصة الحل للتابعى

 

3-قصة مرأة بنو أسرائيل

 

وبجد ردك ده كتير عليا وشــــكرا ليكى

[سحر العيون]

شكرا ليك انت على التوضيح

 

بس قلى انت لو مكانه كنت هتفكر ازااااااااااى

 

انت لحد دلوقتى مقلتليش

 

وشكرا على 3 قصص بجد انا اتعلمت منهم

 

حاجات كتيررررررررررر

 

بس برضو عايزاك تقلى انت كنت هتعمل ايه

[الرحال]

انا متاكد انة كان هايطلع يجرى

 

زى حلاتى مش بيقولو الجرى نصف الجدعنة

 

بس فى الحالة دى الجرى كل الجدعنة

 

 

 

و دومتم بود ههههههههههههه

[einour]

اخي فراس بحب اتشكرك بالاول على الموضوع المفيد والرائع

 

سرعة البديهة واستحضار الحلول بسرعه والوقت المناسب هيي نعمه من عند ربنا ممكن ما تكون موجوده بكل الناس

وخصوصا في موقف متل هاد احكي بصراحه ما رح يجي على عقلي اعمل زي الرجل ولا رح اقدر اموت بنفسي متل اختي سحر العيون

 

انا بموقف متل هاد موقف مرعب ما رح اقدر اشوف الا التلت اختيارت ورح اختار واحد منهن اكيد

 

القتل ما بختاره عشان اللي بيقتل شخص من غي ذنب كانه قتل الناس كلهن كما اخبرنا عليه الصلاه والسلام فما بالك اذا كان اللي سيقتل طفل صغير

 

اما خيار الزنى كمان ما رح اختاره عشان فضيحته

 

انا ممكن اختار الشرب بنية اني اتوب امو ممكن استفرغ اللي شربته بعد ما اطلع

 

والله عارف بالنوايا وبالاسباب

 

وانا على حد علمي انو الرسول ص سمح للمسلمين بالنطق بالكفر لما اشتد عليهن عذاب الكفار

والله اعلم

جزاك الله كل خير اخي

[فراس فراس]

شـــكراً أخوانى على الردود

 

انا دايما ياسحر بابنى قراراتى على المعلومات المتاحة لياعلشان كدة بحب قوى أحضر دروس السيرة (يعنى حياة الرسول عليه الصلاة والسلام والصحابة والتابعين)

 

بحب اتعلم منهم بحب انى احاول اتصرف زيهم

 

بحب اشوف سيد ولد آدم(سيدناونبينا محمد بن عبدالله عليه الصلاة والسلام ) اللى عمل حضارة واسس امة من كام نفر حواليه

 

بحب أشوف اد ايه صبر واد أيه بيعلمنا لحد دلوقتى واد ايه بيحب الناس واد أيه هو طيب ومابيحبش ياذى حد مهما عمل ليه

ولو حد احتاج له بيلاقيه جنبه ولو حد اذاه بيزوره وبيسال عليه فى مرضه

يااااه حاجات كتيييييييير قوى

كل حاجة حلوة يبقى دى كانت فى حبيبى محمد صلى الله عليه وسلم

بحبك قووووى ياربنا ....وبحبك قوووى يانبينا

 

بحب الصحابة لما اشوفهم اد ايه بيحبوا ربنا واد ايه بيحبوا الرسول عليه الصلاة والسلام واد ايه بيحبوا بعض

واد ايه هما اخوات مع بعض مايربطهمشى مجرد علاقة نسب او قرابة

لا ده بيربطهم كلمة واحدة وهى

التوحيد

اشهد ان لااله الا الله واشهد ان محمد رسول الله

 

بحب التابعين لما اشوفهم عايزين يعملوا اى حاجة للاسلام لرفع قدر وشان المسلمين

 

معلشى انا سرحت شوية

نرجع للموضوع

انا بجد ياسحر مش عارف هاعمل أيه لو مش عارف قصة التابعى

بس هو اول حاجة بعملها لما تقابلنى مشكلة

انى بأتجه لربنا واقوله يارب مش عايز اعمل اى حاجة تزعلك منى

والحمد لله ربنا بيسهل لى الحال وبيطلعنى من المشكلة

 

وتانى حاجة انا مابحبش الهروب وده مش معناه انى ارمى نفسى فى المشاكل

لأ

دائما بحاول انى ابعد عنها

بس لو وقعت فى مشكلة لازم اواجهها

 

وهنا لازم نحدد طبيعة المشكلة علشان نعرف نجيب حلها

وهنا طبيعة المشكلة بالبلدى مش عايز اعمل حاجة تغضب ربنا

 

يبقى الحل انى ماعملشى حاجة

 

يعنى كنت هاقلها مش هاعمل اى حاجة من اللى انت بتقوليه

 

وهو ده اللى هاعمله انى لاهزنى ولا هشرب ولاهاقتل ومش هاهرب

[سحر العيون]

شكرا على ردك يافراس بجد الواحد لما بيكون

 

حصل قامه موقف مشابه بيتعلم منه

 

شكرا ليك

[فراس فراس]

بالعفو سحر

 

واعذرينى اينور لانى لم ارد عليكى لان صلاة المغرب اذنت على ولم الحق اكمل

 

الخمرا دى آخر حاجة افكر فيها لان ده اللى استفادناه من القصة الأولى

 

الراجل احتار مش عارف يعمل ايه ..؟؟

 

فقال انا لوزنيت يبقى انا هتكت عرض

 

ولو قتلت الطفل يبقى انا قتلت نفس

 

انما لو شربت الخمرا مش هائذى حد

 

فالمهم شرب الخمرا وبعد ماشرب قتل الطفل وزنى بالمراة

 

يعنى العبرة من القصة ان الخمرا أم الخبائث(الشر)

 

يعنى لما شرب الخمرا مستهون بذنبها عمل التلت ذنوب

 

ويمكن لو كان قتل أو زنى يبقى هايكون عمل ذنب واحد ماكنشى عمل التلت ذنوب

وده فى الرد 13

 

طيب وليه لما شرب الخمرا قتل وزنى كمان..؟؟

 

لأن عقله راح وأعصابه سابت ومبقاش فى حدود عملها ليه قلبه او عقله

 

يعنى الخمرا خليته مش متحكم بنفسه خلت نفسه هى اللى متحكمة بيه

 

انما لو كان لابد حل من التلت الاختيارات فانا هاقتل بس مش هاقتل الطفل لأ انا هاقتلها هية وده دفاع عن الطفل اللى هية عايزة تقتله

 

المهم اهم حاجة انى مااشربشى خامرا لأنها أم الخبائث والله اعلم أيه اللى هايحصل والا أيه اللى هاعمله لما عقلى يروح منى