المحمدي 0 قام بنشر September 30, 2009 THIS IS THE LOVE هو ده الحب الحب : الله على الكلمة دى .!! جميلة ... رقيقة ... حساسة ... صادقة ... بريئة ... ما حدش قدر يعرف الحب إلا أنه" حب " - اذا كنت عاوز تعرف يعنى ايه حب تعالا نعمل التجربة البسيطة دى مع بعض اسرح شوية !! كمان .. كمان .. شوية كمان .. بس كده كفاية استحضر صورة واحد انت بتحبه قوى ، فكر فيه .. مثلاً مثلاً .. واحد صاحبك بتفضفضله مشاكلك وهمومك .. بتحس انك لما تكلمه بترتاح بعد ما تكون حاسس ان الدنيا كلها فوق دماغك .. يعنى بتخرجوا مع بعض .. بتاكلوا مع بعض .. عارف أهله وعارفينك .. جدع جداً معاك . - السؤال بقى : إذا غاب عنك كام يوم بعد ما كنت بتشوفه كل يوم .. هتحس بإيه !! وحشك قوى .. مش كده ؟!!.. ( هو ده الحب ) ها أدينى سهلتها عليك .. جرب لوحدك المرة دى .. اقعد وافتكر لما كنت تعبان .. نايم فى السرير .. سخن وبتكح وحالتك صعبة وبتقول آه آه . آه آه . آه آه ... مفيش حد جانبك غير أمك .. قاعدة بتقول ( يا رب آشفيلى ابنى ) ، نفسك تقول ايه ساعتها !! ( هو ده الحب ) - معلش جرب تانى ... وانت بتقلب فى التليفزيون ...لقيت واحد نازل بيشتم فى دينك ونبيك وبيقول .. كذا كذا!! وانت عارف انه كداب .. نفسك تعمل ايه وقتها ؟ ! تاكله مش كده !! ...عشان بتغير على دينك أو ... بتحبه ( هو ده الحب ) هو ماشى فى الشارع ... لقيت واحد فى الأرض بيدور على حاجة ياكلها ... صعب عليك المنظر... قمت حطت إيدك فى جيبك وأديته اللى تقدر عليه وطيبت خاطره بكلمة حلوه... بتحب تعمل خير والحمد لله... ( هو ده الحب ) - بتحب أمك ، بتحب أبوك ، بتحب أختك وأخوك ، بتحب بيتك ، بتحب الشارع بتاعك ، بتحب بلدك رغم كل حاجة ونفسك أنها تتصلح وتبقى أحسن بلد فى الدنيا !!... ( هو ده الحب ) وطبعاً طبعاً ، وقبل كل ده بتحب ربك ، وبتحب رسولك " صلى الله عليه وسلم" وهو ده الحب الأكبر!! - معرفناش تكتب له تعريف !! ... إلا إنه حاجة متتكتبش !! الحب إحساس جميل ... ما يتوصفش " هتسألنى طبعاً : بعد الكلام الحلو إللى قلته ، أمال الحب اللى الناس كلها بتتكلم عليه ده يبقى إيه ؟ للأسف أكثر كلمة أهينت وأُهينت معناها السامى هى كلمة الحب ، بإختصار إللى بنشوفه فى الأفلام والمسلسلات وللأسف فى الجامعة والشارع مش حب أبداً ده بالعربى كده إستظراف – تسلية – تضييع وقت – ضحك على بنات الناس ... أى حاجة زى كده غير أنه ما يتسماش حب أبداً . معظم هذه الحالات التى يحسب أصحابها أنهم يحبون لاتنتهى بالزواج وده معناه تأثير نفسى كبير على الطرفين وللأسف التأثير ده بيتسمى حتى بعدما كل واحد من الطرفين يتجوز . أخى الحبيب : الحب كلمة عظيمة طاهرة ... الحب غريزة لا نستطيع إلاستغناء عنها ولذلك شرع الله لنا الحب الحلال وعدد أنواعه ومنها بالتاكيد حب الرجل للمرأة والمرأة للرجل ولكن الكثيرين منا لا يوزع عواطفه بالطريقة الصحيحة ولا يراعى الحدود التى أمر بها الله تعالى فى المعاملة بين الجنسين وزع عواطفك وإملا قلبك بألوان من الحب " تكون أسعد إنسان" ... واجعل حب الله أول أكبر وأعظم حب . اقتباس شارك هذه المشاركه رابط المشاركه شار ك علي موقع اخر
ABOTASNEEM 116 قام بنشر September 30, 2009 أخونا الكريم المحمدى بدايةً .. دعنى أعبر لك عن إعجابى الشديد باسمك الجميل والذى يحمل الصلة المباشرة بحبيب قلوبنا .. محمد صلى الله عليه وسلم ثانياً .. أرحب بك معنا فى بيتك الأول على الإنترنت منتديات ياللاياشباب معاً .. من أجل شباب عربى أفضل ثالثاً .. جزيت خيراً على هذا الموضوع الجميل الراقى والذى يصف لنا الحب ويذكر أسمى أنواع الحب والذى نتمنى جميعاً أن نكون من أهله (بحق) ألا وهو حب الله ورسوله صلى الله عليه وسلم رابعاً .. نتمنى رؤية المزيد من مشاركاتك المتميزة فلا تحرمنا الفائدة .. وتحرم نفسك الثواب جزيت خيراً .. ورزقك الله الفردوس الأعلى رفيقاً للحبيب المصطفى صلى الله عليه وسلم اقتباس شارك هذه المشاركه رابط المشاركه شار ك علي موقع اخر
الرّام 173 قام بنشر October 1, 2009 إملا قلبك بألوان من الحب " تكون أسعد إنسان" ... واجعل حب الله أول أكبر وأعظم حب . (((( ذكّر فانّ الذكرى تنفع المؤمنين)))) أخي الكريم .. أهلا و سهلا بيك معانا و مرحبا بيك بيناتنا بارك الله فيك على هذا الموضوع الجميل في مراميه و السامي بمعانيه .. و السلس في تدرجه ربي يجزيك بالخير و البركة ان شاء الله و ربي ينعم عليك . اقتباس شارك هذه المشاركه رابط المشاركه شار ك علي موقع اخر
