فرمت قلبك .............

[مي مادي 1]

فكرت تفرمت قلبك قبل كده ؟؟

 

أفرمت قلبي ؟!

 

آه ..

 

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه

بس أنا لما جبته مكنش فاضي ..

 

يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة

طيب ده الجهاز .. قلبي ماله بقى؟؟!

 

بردو أحنا قلوبنا محتاجة تتفرمت

 

خليك صادق مع نفسك

 

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..

 

 

طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟

 

 

مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..

 

لما صاحبتك ترن عليك عشان تنزلها

.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟

 

 

طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

 

طيب أنت سعيد بحياتك ؟؟

 

سعيد باصحابك وصحباتك والخروجات والفسح و الأغني و...

 

طيب حتى لو عشت اللحظة وقضيت وقت جميل .. بعدها بيكون حالك إيه ؟؟

ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)

 

مش بتحس بخنقة وكآبة وأي حد يكلمك تتعصب عليه ؟؟

 

مش اللي بتبات فيه بتصحى فيه ؟؟

 

ومشاكل كتير مع أهلك ومع الناس مش لاقي لها حل ..

خايف من المستقبل ..

   وهتتجوز ازاي ؟؟

 

وهتصرف منين ؟؟

 

هي دي عيشة ؟؟!

 

هي دي حياة ؟؟!

 

إيه اللي مصبرك على الوضع ده ؟؟

 

مفكرتش تغير حياتك ؟؟

 

مفكرتش تعيشها صح ؟؟

 

مفكرتش تعيشها لله ؟؟    

بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..

 

تفتكر إيه اللي ممكن يصبر الملتزمين على عيشتهم لو كانت لا تطاق

 

.. هما لو مش لقيوا السعادة في طريق ربنا أكيد كانوا تركوه من زمان !!

 

يعني هو ايه اللي يخليه ميسمعش أغاني ؟؟

 

أكيد وجد الأجمل منها

 

ليه ترك الحب الحرام ؟؟((مش الحب الحقيقى الحب الحرام ))

أكيد وجد حب الله

 

ياااه حب الله .. جربت قبل كده تفرمت قلبك ومتحملش عليه غير حب الله

 

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

 

تصحى من النوم مفيش على لسانك غير ذكر الله

 

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

 

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

 

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

 

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني ..

 

مش هيقبلك !

ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ)

مش بس يرحمك .. وكمان يدافع عنك

 

 

ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..

 

 

أنا ؟!

 

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟

 

ممكن تخاف من حد وأنتا مع الله ؟!

 

 

ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..

 

 

افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)

 

 

فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

 

ياربي جاب الثقة دي منين ؟!

 

شوف الآية اللي بعدها بيقول إيه: (اني توكلت على الله ربي وربكم)

 

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..

توكل على الملك الذي بيده كل شيء ..

 

بيده عربيات الدنيا وقصورها وبترولها ..

 

بيده قلوب الناس .. قادر انه يخلي طوب الأرض يحبك

 

 

ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره

 

وبردوا كنا اجتهدنا فى عملنا ووفقنا فيه ويرفعنا فيه 

 

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم

صور فرمت قلبك

 

مش هطول عليك بس هقولك :

 

أنت دلوئتي قدامك الفرصة .. باب التوبة مفتوح

 

لكن لو مت وقلت رَبِّ ارْجِعُونِ .. هيقولك كَلَّا

..

ليه دايما كلنا كده نقول لسه بدرى علينا  يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم:

 

انت شايف كده فعلا 

 

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى

 

واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

 

ولو زودت كرمك او تقرأ ولو 3 صفحات قران على الاقل 

 

بدل قعادك على النت وبتقرأ ب 10000000 صفحه وبفرحه كمان

 

وبتسمع الاغانى وبتحفظها لو حبيت كمان

 

ياريت الكل يفرمط قلبه ويكون صافى من جواه وصدقنى لو مشيت

 

ورا ربك هو الى هينفعك فى الدنيا والاخره كمان

واخيرا لابد ان تضع هذه المقولة 

دائما امامك

تم تعديل October 17, 2009 بواسطه مي مادي

[الرّام 173]

يعني حقيقة .. يا اختي .. من غير تعليق

 

 

بالحق .. بعد كل كلمة و بعد كل نصيحة و بعد كل ارشاد .. ما عنديش تعليق او رد على ما كتبتي غير .. ربي يرزقك بالخير و ينعم عليك ان شاء الله

 

ربي ينوّر دربك .. و يسهّلك في كل ما هو صعيب

 

بارك الله فيك

 

بارك الله فيك

 

بارك الله فيك

 

لو مشيت ورا ربك هو الى هينفعك فى الدنيا والاخره كمان

 

 

(وَرَحْمَتِى وَسِعَتْ كُلَّ شَيءٍ)

 

 

الحمد لله حمدا كثيرا

 

 

.

[ali desoky 391]

 

 

اختي مي مادي

موضوعك جميل جدا

 

 

نعم جميعنا يحتاج ان يمسح كل ذنوبه

او يعمل فورمات شامل لقلبه

وان امكن لابد له من اعادة تقسيمه من جديد

 

 

 

بارك الله فيكي اختاه

وجزاك كل خير

ان شاء الله

 

[نودي 41]

جزاكي الله كل خير حبيبتي مي ع هذا الموضوع الشيق

فعلا كل واحد لازم يجيله وقت ويراجع حساباته وانا حاليا في المرحلة دي بجد عجبني اوي

 

 

 

 

بارك الله فيكي ياقمر وتقبلي فائق احترامي وتقديري

[مي مادي 1]

الرام

يعني حقيقة .. يا اختي .. من غير تعليق

 

 

بالحق .. بعد كل كلمة و بعد كل نصيحة و بعد كل ارشاد .. ما عنديش تعليق او رد على ما كتبتي غير .. ربي يرزقك بالخير و ينعم عليك ان شاء الله

 

ربي ينوّر دربك .. و يسهّلك في كل ما هو صعيب

 

تسلميلى حبيبتى ربى يخليكى ليا

 

 

اخى على

اختي مي مادي

موضوعك جميل جدا

 

 

نعم جميعنا يحتاج ان يمسح كل ذنوبه

او يعمل فورمات شامل لقلبه

وان امكن لابد له من اعادة تقسيمه من جديد

 

اسعدنى مرورك كثيرا

 

يارب كل الشباب تفرمت قلوبها عشان ربنا يرزقنا من حيث لا نحتسب

 

 

 

اختى وحبيبة قلبى نودى

 

جزاكي الله كل خير حبيبتي مي ع هذا الموضوع الشيق

فعلا كل واحد لازم يجيله وقت ويراجع حساباته وانا حاليا في المرحلة دي بجد عجبني اوي

 

جبيبتى بجد انتى الى قمر ومنورة موضوعي

 

تسلمى ها الطلة الجميلة

 

 

[دعوه للجنه 457]

تسلم ايـــــــــــــــــــــــــــــــــــــــــــــــــدك يا مى

موضوع أكثر من رااااااااااااااااااااااااااائع

فعلا كلنا محتاجـــــــــــــــــــــــن نفرمت قلوبنا

مش علشان حب ربنا مش فيها وليعوذ بالله

لا لا الحمد لله حب ربنا فيها وموجود ويشغل الحمدلله حيزا لا يُعادله حيز

ولكن فعلا في قلوبنا كتير اكتسبناه مش جشع الناس وغدرهم

وانانيتهم وللاسف بدأنا نطبقوا

الحمد لله

ربنا يريح بالك ويسعدك ويوفقك

فى اى مكان حللتى وباى ارض نزلتى

[سجده 45]

السلام عليكــم ورحمـة الله وبركاتــة ،،

 

بسم الله ما شاء الله موضوع رائع

و أسلوب عرضه جميل

ربنا يجعله في ميزان حسنانك

وأنا رأيي

 

أنظر لقلبك تعرف أخرتك

 

تقبلي مروري ياقمر

والسلام عليكــم ورحمـة الله وبركاتــة ،،

[ممدوح 5]

يا سبحان الله

بعد كل اللى اتقال ده

مش عارف اقول ايه بصراحه

بس الموضوع جااااااااااااااامد بجد

وبارك الله فيكى اختى مى

وفعلا كل واحد بيجيلو وقت بيراجع نفسه فيه

وبيحتاج يفرمت قلبه

وباذن الله ربنا يرحمنا برحمته

بارك الله فيكى

تقبلى مرورى

تم تعديل December 22, 2009 بواسطه ممدوح

[mona ahmed 19]

والله الموضوع جميل جدا جزاك الله خيرا من جمال الموضوع مش عارفة اشكرك ازاى ربنا يثقل بيه ميزان حسناتك

[system 0]

جزاك الله خيراً

 

نحن نسأل الله أن يثبتنا على الحق ، ويثبت قوبنا.

[بنت النيل 0]

موضووووووووووووع جااااااااااااامد

 

متشكرررررررررررة ياعسل...

 

أضيف عبارة بسيطة,,

 

((((((من وجد الله فماذا فقد؟؟ ومن فقد الله فماذا وجد؟؟)))))))

 

ربنا يسعدك ياااارب.. ويجزاك خير الجزاء..

[تاجى حجابى\\\ 0]

جزاكى الله خيرا

تفتكر إيه اللي ممكن يصبر الملتزمين على عيشتهم لو كانت لا تطاق

 

 

.. هما لو مش لقيوا السعادة في طريق ربنا أكيد كانوا تركوه من زمان !!

 

يعني هو ايه اللي يخليه ميسمعش أغاني ؟؟

 

أكيد وجد الأجمل منها

[مي مادي 1]

تسلمو يارب اخوانى الاعضاء

 

اسعدنى مروركم كثيرااااا

 

جزاكم الله خيرا

 

[الحياه 20]

بجد أنا زعلانه جدا

عشان أنا مدخلتش من بدري ورديت عليكي

بجد موضوع أكثر من رائع

ربنا يكرمك

ربنا يزيدك ويهدينا

[dreaming journalist 0]

ياااااااااااه موضوع اكتر من رائع وجميل ومفيد جدا جدا

يارب يجعله فى ميزان حسناتك يارب

عارفة احنا مشكلتنا ايه زى ما قولتى بالظبط اننا بناجل كل حاجة فى حياتنا .... مش قادرين ناخد القرار السريع والسليم فى نفس الوقت ودا اللى مضيعنا .... بجد يمكن اكون انا بعمل حاجات حلوة كتير فى حياتى وناس كتير بتقول انى طيبة وبحب الخير لكل الناس بس لما بقعد مع نفسى بحس انى برضه مقصرة فى حاجات كتير تفتكرى ايه الحل يا مي .... يارب يبقى قلبنا كله لربنا مش بس جزء منه ..... ياريت ننفذ مش يبقى كلام وبس

بجد بحيكى على الموضوع الجميل ده

وجزاكى الله كل خير

...........

[مي مادي 1]

بجد أنا زعلانه جدا

عشان أنا مدخلتش من بدري ورديت عليكي

بجد موضوع أكثر من رائع

ربنا يكرمك

ربنا يزيدك ويهدينا

 

 

الحياه

 

حبيبتى ولا يهمك انتى كانك اول واحدة ترد عليا

وبجد سعيدة لمرورك

 

حاجات كتير تفتكرى ايه الحل يا مي .... يارب يبقى قلبنا كله لربنا مش بس جزء منه ..... ياريت ننفذ مش يبقى كلام وبس

بجد بحيكى على الموضوع الجميل ده

وجزاكى الله كل خير

 

 

dreaming journalist

 

اختى وحبيبتى احبك فى الله

اسعدنى مرورك

وعلى فكرة مدام انتى بتحاسبى نفسك

فدى حاجة كويسة جدا

واعتقد ان كدة كفاية قوى لان محاسبة النفس دى عامل كبير جدا

فى التغيير للاحسن

شكرا حبيبتى لمرورك

[!!قلب غزة!! 1]

بارك الله فيكي

 

ويعطيكي العافيه

[happy dreams 0]

جزيتم الجنة

[فخورة بنقابي 30]

موضوع رائع وأسلوب أكثر من رائع أبهرني الاسلوب والموضوع بجد جزاك الله خيرا أختي مي علي هذا الموضوع الجميل ووفقك الله لما يحب ويرضي

[moham3ed 0]

تسلم ايـــــــــــــــــــــــــــــــــــــــــــــــــدك يا مى

موضوع أكثر من رااااااااااااااااااااااااااائع

فعلا كلنا محتاجـــــــــــــــــــــــن نفرمت قلوبنا

مش علشان حب ربنا مش فيها وليعوذ بالله

لا لا الحمد لله حب ربنا فيها وموجود ويشغل الحمدلله حيزا لا يُعادله حيز

ولكن فعلا في قلوبنا كتير اكتسبناه مش جشع الناس وغدرهم

وانانيتهم وللاسف بدأنا نطبقوا

الحمد لله

ربنا يريح بالك ويسعدك ويوفقك

فى اى مكان حللتى وباى ارض نزلتى

[Darin 0]

ماشاء الله موضوع رووووووووووووووووووووووعة ... بارك الله فيكى

[القلب الطيب22 0]

بارك الله في من كتب هذا الكلام

[هاكونا مطاطا 0]

فكرت تفرمت قلبك قبل كده ؟؟

 

أفرمت قلبي ؟!

 

آه ..

جزاك الله خيرا

مش لما يكون في مشكلة في الجهاز بتفرمته وبيرجع تاني فاضي زي أول يوم جبته فيه

بس أنا لما جبته مكنش فاضي ..

 

يا رايق .. عوزين نتكلم بجد .. يعني مكنش فيه فيروسات .. ولا ملفات تتقله ولا برامج مبتستخدمهاش ولا أي حاجة ملهاش لازمة

طيب ده الجهاز .. قلبي ماله بقى؟؟!

 

بردو أحنا قلوبنا محتاجة تتفرمت

 

خليك صادق مع نفسك

 

.. قلبك في كام حاجة ملهاش لزمة .. بل فيه كام حاجة متقلاه .. فيه كام أغنية , فيه كام فيلم . فيه كام بنت , فيه كام موقع , فيه كام ..

 

 

طيب قلب بالشكل ده هل ممكن نلاقي فيه مساحة فاضيه عشان نحط فيها حب الله؟؟

حب الله ؟! حب الله نحطه في المساحة الفاضية ؟؟! انتا بتقول إيه ؟؟

 

 

مش قلنا خليك صادق .. مش هو ده الواقع .. مش انتا اللي وصلت قلبك للحاله دي ..

 

لما صاحبتك ترن عليك عشان تنزلها

.. وفي نفس الوقت لما المؤذن يقول حي على الصلاة عشان تقابل ربك .. بتستجيب لمين ؟؟

 

 

طيب لو بيلموا تبرعات للمسجد وانتا ممعكش غير حق تذكرة السينما .. بتدفعها فين ؟؟

 

طيب أنت سعيد بحياتك ؟؟

 

سعيد باصحابك وصحباتك والخروجات والفسح و الأغني و...

 

طيب حتى لو عشت اللحظة وقضيت وقت جميل .. بعدها بيكون حالك إيه ؟؟

ربنا قال (وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا)

 

مش بتحس بخنقة وكآبة وأي حد يكلمك تتعصب عليه ؟؟

 

مش اللي بتبات فيه بتصحى فيه ؟؟

 

ومشاكل كتير مع أهلك ومع الناس مش لاقي لها حل ..

خايف من المستقبل ..

وهتتجوز ازاي ؟؟

 

وهتصرف منين ؟؟

 

هي دي عيشة ؟؟!

 

هي دي حياة ؟؟!

 

إيه اللي مصبرك على الوضع ده ؟؟

 

مفكرتش تغير حياتك ؟؟

 

مفكرتش تعيشها صح ؟؟

 

مفكرتش تعيشها لله ؟؟

بس .. دي مش سكتي .. مقدرش أعيش من غير أغاني ؟؟ ازاي أسيب أصحابي ؟؟ ازاي ..

 

تفتكر إيه اللي ممكن يصبر الملتزمين على عيشتهم لو كانت لا تطاق

 

.. هما لو مش لقيوا السعادة في طريق ربنا أكيد كانوا تركوه من زمان !!

 

يعني هو ايه اللي يخليه ميسمعش أغاني ؟؟

 

أكيد وجد الأجمل منها

 

ليه ترك الحب الحرام ؟؟((مش الحب الحقيقى الحب الحرام ))

أكيد وجد حب الله

 

ياااه حب الله .. جربت قبل كده تفرمت قلبك ومتحملش عليه غير حب الله

 

.. جربت ان قلبك ميكنش فيه غير حب الله .. مفيش حب دنيا ولا ناس ولا أي حاجة غير حب الله ..

 

تصحى من النوم مفيش على لسانك غير ذكر الله

 

.. تجري على المسجد عشان تقابل حبيبك .. الإمام يسلم تقوم بسرعة تصلي السنة .. تخلص

 

صلاة تجري تدور على أي مصحف عشان تقرأ كلام حبيبك .. مش عاوز تخلص عاوز تختمه في

 

قاعده واحده .. مبقتش عاوز تسمع كلام غير كلام الله .. مش عاوز تكلم حد غير ربنا .. في كل

 

مكان حاسس ان ربنا قريب منك

.. والله نفسي بس .. أنا حاسس ان ربنا مش هيقبلني ..

 

مش هيقبلك !

ربنا .. أزاي تقول كده .. هو في حد أرحم بك منه .. صحيح زنوبنا كبيرة .. لاكن رحمته أكبر هو القائل (وَرَحْمَتِى وَسِعَتْ كُلَّ شَيءٍ)

مش بس يرحمك .. وكمان يدافع عنك

 

 

ربنا قال في الحديث القدسي : (من عادى لي وليا فقد آذنته بالحرب) عارف يعني إيه .. يعني ربنا هو اللي هيدافع عنك ..

 

 

أنا ؟!

 

آه عنك أنتا لو رجعتله بجد وكنت من أوليائه .. ياااه تخيل لما ربنا يدافع عنك .. مين يقدر يقف في طريقك ؟؟

 

ممكن تخاف من حد وأنتا مع الله ؟!

 

 

ده أنتا لو في حماية مسؤل ولا ملك من ملوك الدنيا هتمشي كده بقلب جامد ومحدش يقدر يكلمك .. فما بالك لو كنت في حماية الله .. ايه اللي ممكن تخاف منه ..

 

 

افتح معايا المصحف على سورة هود (الآية 55) شوف سيدنا هود من ثقته في الله بيقول للكفار إيه (فكيدوني جميعا ثم لا تنظرون)

 

 

فكيدوني ؟؟! بالسهوله دي .. ده حتى مقلش فكدني .. ده قال فكيدوني جميعا .. وبعدين خلي بالك .. دول كفار وممكن يعملوا فيه أي حاجة ..

 

ياربي جاب الثقة دي منين ؟!

 

شوف الآية اللي بعدها بيقول إيه: (اني توكلت على الله ربي وربكم)

 

هي دي .. لما توكل على حد توكل على الله ربه وربهم ورب كل شيء .. توكل على القوي القادر على انه ينصروا عليهم وعلى الدنيا كلها ..

توكل على الملك الذي بيده كل شيء ..

 

بيده عربيات الدنيا وقصورها وبترولها ..

 

بيده قلوب الناس .. قادر انه يخلي طوب الأرض يحبك

 

 

ياااه لو عرفناه وعرفنا قدرته .. مكناش خرجنا من بيته .. مكناش سبنا كتابة .. لساننا مكنش سكت لحظة عن ذكره

 

وبردوا كنا اجتهدنا فى عملنا ووفقنا فيه ويرفعنا فيه

 

كنا سعتها عرفنا ليه الصحابة كانوا عوزين يعيشوها صلاة وصوم لولا إن رسول الله عليه الصلاة والسلام نهاهم

صور فرمت قلبك

 

مش هطول عليك بس هقولك :

 

أنت دلوئتي قدامك الفرصة .. باب التوبة مفتوح

 

لكن لو مت وقلت رَبِّ ارْجِعُونِ .. هيقولك كَلَّا

..

ليه دايما كلنا كده نقول لسه بدرى علينا يا سيدى لسه بدرى لما نحب ونصيع حبتين فى شبابنا ولما نعجز نبقى نصلى ونصوم:

 

انت شايف كده فعلا

 

ولما تموت نقول ياريت الى جرى ماكان بس لو ربنا يرجعنا هدنى اصلى واصوم طول عمرى

 

واحنا التوبه مفتحولنا وكل شى بايدينا وربنا مش طالب منك غير صلاه يعنى 5 دقايق ولا 3 دقايق من وقتك كل ساعه وهما 5 صلاوات فى اليوم

 

ولو زودت كرمك او تقرأ ولو 3 صفحات قران على الاقل

 

بدل قعادك على النت وبتقرأ ب 10000000 صفحه وبفرحه كمان

 

وبتسمع الاغانى وبتحفظها لو حبيت كمان

 

ياريت الكل يفرمط قلبه ويكون صافى من جواه وصدقنى لو مشيت

 

ورا ربك هو الى هينفعك فى الدنيا والاخره كمان

واخيرا لابد ان تضع هذه المقولة

دائما امامك

[م/مصطفى جمعة 1]

الموضوع أكثر من رائع

بس فى هاردات مش بترضى تتفرمت وتحتاج الى تبديلها بهارد جديد فاضى تماما

بس يتملى صح بعد كدة

وفى ناس لما تقرا الكلام ده ترجع لربنا شوية وبعدينا كما كنت وده مع معظم الناس إلا من رحم ربى فياريت يبقى فى برنامج فى الهارد يذكر دائما كعمل يومى وقليل دائم خير من كثير منقطع ويارب يهدينا جميعا ونداوم على الطاعة امين امين امين

[asha 0]

تسلم الايادى , موضــــــــــــــــــــوع جميل