فزوره سهله اوي

[MOSTAFA_SHA3RAWY 0]

انا جايبلكم النهارده فزوره والله سهله جدا انا قلت بدل كل فزوره تيجي صعبه اجيب حاجه الناس تعرف تحلها الي حد ما بسهوله علشان محدش يجيله احبااااااااااااااااط

 

الفزوره

3 اشخاص ذهبوا ليشتروا كاسيت وقال لهم عامل المحل السعر 30 جنيه فدفع كل منهم 10 جنيهات وعندما اتي صاحب المحل قص له العامل ما حدث فقال له ان الكاسيت ب 25 جنيه فقط اذهب ورد لهم ال 5 جنيهات فذهب العامل ولكنه طمع وقال في نفسه انهم ارتضوا بالمبلغ

فقرر ان يعيد لهم 3 جنيهات وياخد له 2 جنيه

اذن كل شخص دفه 10 جنيه ثم استرد جنيه مره اخري اذك كل شخص دفع 9 جنيه

و 9*3= 27 صح ؟ والعامل معاه 2 جنيه يبقي 27+2=29 اذن راح فين بقي الجنيه اللي ناقص ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[تقوى القلوب 12]

يمكن العامل دفعه مواصلات؟؟؟؟؟؟؟؟؟؟؟

ايه الفزورة اللى اتعقد دى

حاسة انى فى موجة غباء نزلت عليا معرفش هبطت منين دى

 

[MOSTAFA_SHA3RAWY 0]

ينهار ابيض والله دي قمه في السهوله وانا اللي بقول عليكي زكيه

والله لو ركزتي شويه هتجيبيها

[MOSTAFA_SHA3RAWY 0]

ايه يا بشر فين الناس الذكيه وانا اللي كنت فاكر انها هتتحل من اول يوم وفي اول رد ويكون شكلي وحش ييييييييييييييييييييييييييييه

[حنان القلب 1]

يمكن الجنيه سف في الكاسيت او وقع انت لازم تحرجنا كده احنا ناقصينك انت مبتشفش فوازير التلفزيون اللي بتقولك ام منى معاها اربع بنات موزه وخوخه وبرقوقه يبقى بنتها الرابعه اللي هي منى تبقى مين وبرضه محدش بيعرف يحلها

يابني اتعلموها بقى

[AMR DAWAM 7]

بصراحة يا مصطفى الفزورة فكريا وتحليليا لايمكن حلها او حل السؤال الذى طرحته بهذه الطريقة

 

هى بالضبط مثل فزورة تقسم ال17 جمل

لو كنت تعلمها

*****************************

اتمنى تجيبلنا فوازير رياصية منطقية واحنا نوريك الزكاء

[MOSTAFA_SHA3RAWY 0]

بصراحه يا عمرو انا كنت متوقع ان انك انته الوحيد اللي ممكن تعرف تحلها بس يا خساره خزلتني

اما نشوف مين هيعرف يحلها بقي والحل هينزل قريب يعني علي اول السنه الجديده كده بقي وعليكم خير

[AMR DAWAM 7]

بصراحة يا مصطفى انت كده احرجتنى

بس بجد انا اعرفها من زمان الفزورة دى

 

ومش لقيت لها حل حسابيا

 

بس لو تعرف لها حل رياضى فعلا يستدعى كل هذا التشويق ياريت بسرعة لانى شغوف بمعرفة هذا الحل

****************************************

[MOSTAFA_SHA3RAWY 0]

ههههههههههههه لا يا سيدي هي ملهاش حل حسابيا لانها ملهاش حل اصلا والفزوره في اني قلتها بصنعة لطافه زي مبيقولوا والحظ خدمني ان ناتج الجمع فرق جنيه واحد بس علشان اسالك عنه

انته لو حسبتها بالراحه هما دفعوا 30 وبعدين الراجل رجع 5 جنيه

يبقي المبلغ اللي اتدفع 25 جنيه و2 جنيه مع العامل و3 جنيه اللي خدوهم تاني يبقي 25+2+3 = 30 جنيه بس يا سيدي

انا متوقع دلوقتي انك بتعيط من الصدمه

ههههههههههههههههههههههههه تعيش وتاخد غيرها يا عمووووووووووووور

[EL3aref 5]

لاء الغلطه فى الفزوره نفسها .. فى غلطه فى سرد الموضوع .. لام نفس التضارب موجود

[bassant 2]

عيزين تعرفا الحل روحوا وسألوا الشاعر اصدى الكاتب لان المغزى فى بطن الشاعر

والحل هو ان مفيش حل يأدر يحل التعقيد الى فى دماغنا

[جمانة المصرية 0]

الفزورة اصلالغويا مش حسابيا

بس حلوة السهل الممتنع

[«۞۩ أبو سليمان ۩۞» 179]

يا جماعة الفزورة دي مش محتاجة تفكير

لأن كل اللي قرأها اتأثر بالكلام اللغوي بس

هي بيسيطة خالص مش محتاجة تعقيد

هي بس عاوزة الواحد يحلها بطريقته مش

بالطريقة اللي بتسردها الفزورة

مش كده و لا ايه

 

فزورة ظريفة مصطفي