ديدو قام بنشر December 3, 2007 قام بنشر December 3, 2007 ياجماعة انا لاحظت ان مفيش حديث بين الطلبة اليومين دول الا علي الامتحانات وهيعمل اية فيها والناس اللى ذكرت واللى لسة مذكرتش واللى خايف من الامتحانات واللى متفرقش معاة الامتحانات واللى منفض خالص ياريت الناس تشارك معانا وكل واحد يفول اية هى طقوس الامتحانات عندة وهو عامل اية قبل الامتحانات وياترى بداء مذكرة ولا لسة وخصوصا ان الامتحانات علي الابواب ..... الحياة قابل وفارق والحكم فيها القدر ( كابتن ديدو )
ديدو قام بنشر December 3, 2007 الكاتب قام بنشر December 3, 2007 الامتحانات على الابواب ...........هههههههههههههههههههههههههههههههه
فراس فراس قام بنشر December 4, 2007 قام بنشر December 4, 2007 والله زمان الامتحانات كانت ايام وخصوصاً الشهر اللى قبلها بالظبط بالظبط لما ييجى دكتور ويقولنا أنه هايعمل امتحان ميت تيرم وكان صحابى بييجوا عندى وبنروح لهم نقعد نذاكر ونفرتك الكتب والمحاضرات وبعد الامتحانات ماشوفشى وش حد فيهم وكنا نقعد من الساعة خمسة ستة لحد الساعة حداشر ونص اتناشر ونص يدوبك ننزل نروح نصلى ومش عارف كان دايماً يوم راس السنة بالذات بنقعد فيه لحد الساعة اتنين والناس قاعدة تهيص واحنا ياعينى قاعدين نذاكر انا فاكر يوم كان فى ماتش الاهلى والزمالك وكنت جايب صحابى يقعدوا عندى علشان نذاكر ابويا قالنى : انت لاقيتهم فين دول كل الناس بيتفرجوا على ماتش الاهلى والزمالك حتى اللى مابيتفارجشى على كورة وانتم قاعدين تذاكروا كانت من احلى أيامى لما اكون مقعد صحابى حوليا وقاعد اشرح لهم ومرتب هانذاكر ايه ومش هانذاكر أيه ونذاكر ده امتى وازاى وهانذاكره فى قد ايه والحمد لله ماكنشى فى حد يذاكر معاية ويطلع بمادة لقدر الله انا فاكر مرة واحد صاحبى بيقول لواحد صاحبنا يابختك عز قاعد جنبك اكيد بتقفل الأمتحان التانى يرد عليه ده انا بخاف منه اكتر مابخاف من المراقب يالا بقى هو حظه كدة ده حتى كره اسمه بسببى علشان كان اسمه عزالدين زيى وبسبب اسمه كان بيقعد جنبى كانت أيام ليا فيها ذكريات كتييييييييير..
BLACKDREAM قام بنشر December 4, 2007 قام بنشر December 4, 2007 صداقه الدراسه دايما بتكون احسن صداقه لاني انا لحد دلوقتي محتفظ باصدقاء من ايام الدراسه و هم بالفعل احسن اصدقاء . . . .
ديدو قام بنشر December 14, 2007 الكاتب قام بنشر December 14, 2007 انا بقى عايز اذاكر مش عارف ازاى ابدا ياجماعة حد يقولى احسن هتجنن واذاكر عايز اذاكر واتحدى الملل اخي العزيز اعتزر منك لحزف رابط الصور و ذلك للاسباب التاليه : ان الصور تؤدي الى عنوان موقع تاني بمجرد الضغط عليها1- لوجود صور لمراه و اعتقد انها مش كويسه يعني 2- و تقبل تحياتي - -BLACKDREAM
AMR DAWAM قام بنشر December 14, 2007 قام بنشر December 14, 2007 عاوز تتحدى الملل يا ديدو خلاص انا هتنازل وهخليك تتصل بيا واديك محاضرة فى كسر الملل وهخليك تذاكر بس بلاش تذاكر قدامى عملى اصل انا عارفك شرااااااااااانى ههههههههههههههههههه بجد والله انا بحب جو الامتحانات هو فعلا جو خاااااااص جدا جدا بس مش بحبه لانه بينتهى وتيجى الاجازة بقى والبيت ومش بنتلم انا وزمايلى زى الدراسة ****************************************
MOSTAFA_SHA3RAWY قام بنشر December 15, 2007 قام بنشر December 15, 2007 الامتحانات دي حاجه حلوه خالص والله وانا بحب ادرس جدا والمذاكره دي امتع شيئ بس لما بتكون دماغ الواحد رايقه بجد بيبقي احسن احساس وانته دماغك رايقه وقاعد تذاكر
BLACKDREAM قام بنشر December 15, 2007 قام بنشر December 15, 2007 و اللهي انا كنت ماحبش المزاكره خالص و كنت بقضيها نوم و لعب و قبل الامتحانات بيوم او يوميين اعد ازاكر بس الحمد لله اديني نجحت و ما رسبتش و لا سنه الحمد لله
فراس فراس قام بنشر December 16, 2007 قام بنشر December 16, 2007 بص ياصاحبى أستعن بالله دى اول حاجة بنصحك بيها يعنى مثلاً بسم الله ليها مفعول غريب علشان الواحد يعمل حاجة وبتقويك على الحاجة الى انت ناوى تعملها ولو حسيت أن مفيش مخرج قول لاحول ولاقوة إلا بالله وكررها على قد ماتقدر هاينفتح لك ألف طريق أنشاء الله واوعى تسمع كلام حبيبى يامن احنا مش عايزينك تنجح وخلاص وبالتوفيق انشاء الله
تقوى القلوب قام بنشر December 18, 2007 قام بنشر December 18, 2007 انا بقى محدش ياخد رايى احسن انا كان مالى ومالى الدبلومة ماكنت ما صدقت خلصت انا اللى جبت ده كله لنفسى محدش يسالنى عن المذاكرة الا اخر السنة لما تيجى امتحاناتى معنديش ترم
AMR DAWAM قام بنشر December 18, 2007 قام بنشر December 18, 2007 ربنا يوفق الجميع فى الامتحانات وننسى بقى المذاكرة لمدة 48 ساعة بس فى العيد *************************************
ديدو قام بنشر December 18, 2007 الكاتب قام بنشر December 18, 2007 مشكور اخى فراس على النصائح الجميلة دى يابختك ياتقوى معندكيش امتحانات اليومين دول الدور والباقى عليا بس فكرة جميلة واللة فكرة الدبلومة دى دا انا مع كرهى للمذكرة بس بفكر ان شاء الله لما اخلص ادخل ماجستيير بس كلامك خوفنى حبيبى عمورر انا ناسى الامتحانات طول السنة ومفتكرتهاش الا اليومين دول وعايز انساها على رايك فى العيد بس وانا هعمل كدة
BLACKDREAM قام بنشر December 20, 2007 قام بنشر December 20, 2007 و انا كمان خلصت دبلوم تجاري و كنت فيهم زي الفراشه ياه عل الايام الخوالي لو ترجع و الله كانت اروع سنين العمر
بنت مصرية قام بنشر December 24, 2007 قام بنشر December 24, 2007 انا بقي كنت بحب المذاكرة اوي ايام الثانوي تخيلوا لان كانت المذاكره ليها جو تاني يعني اذاكر واقعد احل واجاوب علي الأسئله وكانت متعتي الرياضة بس دلوقتي ياخسارة الجامعه حاجه تاني ومذكرتها حفظ في حفظ وده بكرهوا وكمان ظلم مالوش حدود لكن الحمد لله انا بتفق مع فراس فراس لما بيقول انوا احنا نبدا ياسم الله الرحمن الرحيم لان فعلا ليها مفعول غريب وكمان نركز في الي احنا بنذكروا ويكون عندنا ايمان بربنا كبير لانوا فعلا ربنا عمروا ماهيشوفنا صادقين في حاجه بنعملها وميكافئناش عليها والحمد لله علي كل حال وربنا يوفق الجميع
ABOTASNEEM قام بنشر December 25, 2007 قام بنشر December 25, 2007 اسمحوا لى بقى اشارك بحاجة عملية تساعدنا كلنا على المذارة (على فكرة انا خلصت كلية.. بس ده ميمنعنش اننا كلنا بنذاكر) شوفو الموضوع اللى موجود على اللينك ده http://forums.yallagroup.net/index.php?showtopic=418
BLACKDREAM قام بنشر December 25, 2007 قام بنشر December 25, 2007 الله عليك يا ابو تنسيم الله عليك بس ربنا يبارك فيك ويزيدك من علمه بجد
ديدو قام بنشر January 20, 2008 الكاتب قام بنشر January 20, 2008 انا بقى خلصت امتحااااااانات الترم ومنفكرش فى المذكرة الا الترم التانى بقى وعليكم خير
Shetos قام بنشر January 21, 2008 قام بنشر January 21, 2008 الله يسهلك ياعم ديدو انا لسه قدامى لـــــــــــحــــــــــــــــــــــــــــد اخر الشهر ...أما بالنسبة لموضوع الامتحانات فطبعا هو أسوء وقت فى السنة الدراسية .. الواحد يبتدى يذاكر رغم ان الكتب نزلت قبل الامتحانات ب10 ايام ....يعنى مضغوطين جدا بس اهو ... بتعدى وهانت وربنا معانا كلنا يكتب لنا النجاح المتحانات السنة دى وحشة اوى ... ربنا يوفقنا :)
ديدو قام بنشر January 21, 2008 الكاتب قام بنشر January 21, 2008 هتخلص امتحانات اخر الشهر لية ياشيتوس الكلية عندكم متاخر كدة انت مش تربية رياضية زى ولا اية دا كل كليات التربية الرياضية خلصت علشان هنتجمع كلنا فى حلوان اتحاد طلبة كليات تربية رياضية فى مصر وعلى العموم ربنا يوفقك ياريس مع انى معرفش انت فى الفرقة الكام اوتخصص اية
Shetos قام بنشر January 21, 2008 قام بنشر January 21, 2008 (تعديل) يا كابتن ديدو اصلى احنا اللائحة التعليمية بتاعتنا منيلة بستين هباب اسف على اللفظ..بس هى دى الحقيقه..احنا هنخلص يوم 25 يناير بالظبط...وفعلا فى فربق من عندنا فى معظم الالعاب مسافر اسبوع الشباب...وطبعا العبد لله مش فيه عشان اتصبت باصابة جامدة شوية فى احد مباريات منتخب الكلية مع فريق تجارة.... أنا لسه فاضلى سنة فى المولد ده انا فى الفرقه التالتة... تخصصى طبعا كرة قدم بس المشكلة ان كادر الاساتذة حدث ولا حرج ...أى كلام بيتقال يا عم الحج..عشان كده كل الطلاب الى فى دفعتى نفسهم يخلصو دراسة انهارده قبل بكرة..بس طبعا اللائحة اتغيرت مع الطلاب اللى داخلين اولى السنة ديا.. وخدين نفس لائحة حلوان بتاعتكم..يعنى بمعنى اصح احنا اسوء دفعة هتخرج فى كل كليات التربية الرياضية على مستوى اى حاجه فى الرياضة مش بس الكليات ....دعواتك ربنا يفك اسرنا...يا راجل ده ساعات فى بعض المحاضرات ساعات أنا اللى بشرح المحاضرات لطلاب اولى وتانية ..فى اضمحلال فى المستوى التعليمى اكتر من كده أحكم أنت بقى :) تم تعديل January 21, 2008 بواسطه Shetos
ديدو قام بنشر January 22, 2008 الكاتب قام بنشر January 22, 2008 ألف سلامة على اصابتك ياشيتوس أولا والله كان نفسى أشوفك فى حلوان وأتعرف عليك بس تتعوض ان شاء الله وعلى فكرة انا فى تربية رياضية بنها واللائحة بتاعتنا غير بتاع حلوان خالص بس الحمد لله هى يعنى لاحلوة ولا وحشة لان عندنا برضة بيعتمدوا على المعيدين الصغار كتيير بس أهو لازم نتكيف مع المواضيع دى بس ناصيحة متعتمد على الكلية فى كل حاجة لازم تحصل معلوماتك من كل المصادر المتاحة ليك ولازم تاخد دورات كتيير وفى كل حاجة سواء تدريب أوادارة أوترويح أوتدليك أى شىء علشالن تعرف تلاقى فرصة شغل وربنا يوفقنا ويوفقك ويوفق الجميع باذن الله
Shetos قام بنشر January 23, 2008 قام بنشر January 23, 2008 (تعديل) الله يسلمك يا ديدو والله انا برده كان نفسى اشوفك بس ...<انت تريد وهو يريد ويفعل الله عز وجل ما يريد>...طبعا انا ناوى فعلا احصل على دورات كتير بس اعتقد انى هشوف الموضوع ده اثناء تحضيريى للدكتوراه..بعد الدراسه ان كان ليا عمر..وطبعا انا مش معتمد على الكلية فى ولا حاجه ده هما اساسا محتاجين اللى يعتمدوا عليه ربنا يعينهم ويعينا ..شكرا يا ديدو على ردك الجميل ..عايزكم ترفعوا راسنا فى اسبوع الشباب ... ربنا معاك تم تعديل January 23, 2008 بواسطه Shetos
ديدو قام بنشر February 6, 2008 الكاتب قام بنشر February 6, 2008 انا بقى الحمد لله امتحنت نص السنة والنتيجة ظهرت ونجحت والحمد لله وعقبال باقى الاعضاء ان شاء الله , وربنا يسهل بالترم اللى فاضل كمان ان شاء الله
ديدو قام بنشر May 3, 2008 الكاتب قام بنشر May 3, 2008 ورجعنا تانى للامتحانات والمذكرة والسهر يلا ياجماعة اللى عندة امتحانات يقولنا هو بدأ ولا لسة وهيعمل اية فى المذاكرة أوخطتة اية للمذكرة ممكن نتعلم من بعض وربنا ينجحنا كلنا
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥