صناع الحياه 14 قام بنشر November 3, 2006 (تعديل) كاميرا اربعه ادخلي بالكادر شويه الكل مستعد استاذه هدي جاهزه للتصوير اوعي تنسي يا استاذ خالد سقراط لازم يكون كايب في المشهد الموسيقه التصويريه جاهزه عايز موسيقه حزايني خالص تبكي المتفرجين استاذه هدي هتقولي المشهد ده كانك بتلخصي كل المدارس الفلسفيه اللي مريتي بيها في الفيلم استاذ خالد هتسمعها وانت متعجب من كلامها بدون اي رد سيبها تخلص كلامها كلاكيت اول مره اخر مشهد من فيلم فلاسفه في حسائي للمخرج احمد خالد توفيق اكشن هدي :- "لا شئ في الواقع ...... عندما جات الي نادي الفلسفه اردت ان ابحث عن اجابه لسؤال طالما حيرني كيف انتصر علي الالم؟ وجدت "افلاطون" يطالبني بان انغمس في الهندسه وحساب المثلثات كي انسي ووجدت" ديوجين" يطالبني بان اعيش في برميل واعوي كالكلب فالكلب يعيش كما يريد حرا طليقا سعيدا ووجدت" ابيقور" يطالبني بان اشرب الخمر والهو قدر الامكان فالسعاده عنده هي تلبية نداء الحيوان الداخلي مهما تكن وفي اي وقت و"ارسطو" اقترح ان انتظر واصبر الي ان تصعد روحي وتعيش بين النجوم و"كامو" اقترح ان انتحر "الحياه عبثيه نحاول ان نجملها بالفن والدين والحب" و"سارتر" يطالبني بتحمل مسؤولياتي و"هيجل" يريد ان امزج ين الطريحه والنقيضه وان انضم لجمعية ما ليكون لحياتي معني فالحقيقه عنده تنشا من الطريحه والنقيضه وناتج الجمع ينهما و"كانط "يطالبني بالتجريب ان اخضع كل حياتي للتجريب " نيتشه" و"شوبنهاور" يريان اني كائن حقير لانفع له الا خديعة الرجل "فيثاغورث" يري ان الموسيقي هي الحل خاصة لو اغرقت الامي في رقم عشره " .عزيزي سقراط "الفلسفه كما رايتها هي فن اضاعة الحقيقه البحث عن الشمس بينما هي تملا الافق الفيلسوف هو شخص فشل ان يفهم الحياه كما هي. فشل ان يمارسها كما تمارسها قطة سعيده راضيه . الايمان بالله هبه ظفر بها البسطاء بينما حرم منها اكثر فلاسفتكم . تعتقدون ان الطعام وجد لكي لا ناكله والشراب وجد لكي لانشربه " ستوب ممتاز خالص فركش تم تعديل June 16, 2008 بواسطه عاشق الصداقه تم إعادة الموضوع بعد حذفه شارك هذه المشاركه رابط المشاركه شار ك علي موقع اخر
نجمة الكتب 5 قام بنشر November 6, 2006 كالعادة اسلوب شيق جدا اخى العزيز فى عرض الفكرة والفكرة المرادى عميقة جدا ومحتاجة منتدى مخصوص لمناقشتها لكن اسمح لى انى اقول وجهة نظري البسيطة باختصار: انا شايفة ان الفرق بين الفيلسوف وبين الانسان العادى ان الفيلسوف بيحاول يمنطق الحياة على حسب فهمه وبيحاول يلاقى اجابات لاسئلة كتيرة بتواجهه فى بحر الحياة الواسع اللامتناهى فى عشوائيته ، اسئلة مقدرش يجاوب عليها( من وجهة نظره)لا الدين ولا العلم .... ، وبيحاول يرسم طريق للانسانية ومنهج يتبعوه البشر. اما بقى الانسان العادى فهو ببساطة بيعيش الحياة من غير مايدور لها على مغزى ولا على تفسيرات . وفى الحقيقة مش عارفة مين الافضل: فيلسوف ممكن يضيع عمره كله وهو بيحاول يوصل للحقيقة ولا انسان عادى عاش حياته مين غير ما يتعب عقله فى محاولات فهم اسرار الكون رغم ان الانسان العادى ده ممكن اعتباره وصل قمة الفلسفة زيه زي القطة السعيدة الراضية اللى اتكلمت عنها هدى بطلة المشهد. وحيث ان الفلسفة مبنية على اجتهادات فلاسفة وهما بشر، فبتلاقى فى كلامهم تناقضات واختلافات بالضبط زى اختلاف البشر فى الالوان والطباع وزى ما النظرية النسبية جت وغيرت مفاهيم اخدوها البشر سنين طويلة على انها مسلمات، بتيجى نظرية فلسفية وتثبت خطأ النظريات اللى قبلها و فيلسوف الشعب صلاح جاهين قال في رباعياته: الفيلسوف قاعد يفكر سيبوه لا تعملوه سلطان ولا تصلبوه ماتعرفوش إن الفلاسفة ياهو اللى يقولوه بيرجعوا يكدبوه؟ عجبى وانا شايفة اننا المفروض نسلك طريق الوسطية زى ما دينا علمنا، يعنى نعيش الحياة ببساطة وفى نفس الوقت نحاول نفهم ونحاول نوصل للحقيقة لأن ده اكيد هيدى لحياتنا طعم احلى اما فلسفتى الخاصة -إن جاز ان اقول عليها فلسفة - كلها موجودة فى اية قرآنية واحدة: (( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ )) صدق الله العظيم لان فيها مغزى ومنهج للحياة والله اعلم. شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر November 6, 2006 بسم الله الرحمن الرحيم مش عارف أرد أقول ايه يا عرابى والله انت مشكله من مشاكل الزمن .. يخرب بيت أسلوبك بجد موضوع جامد جداً ... ما شاء الله عليك وعجبنى جداً رد أختى نجمة الكتب وخصوصاً فى الكلمه اللى تعتبر منهجى فى الحياه المفروض نسلك طريق الوسطية زى ما دينا علمنا، بجد رد جميل جداً .. ربنا يوفقكم ويزيدكم من علمه شارك هذه المشاركه رابط المشاركه شار ك علي موقع اخر
Shetos 2 قام بنشر May 2, 2008 (تعديل) الرحلة رائعة كالعادة.. "الفلسفه كما رايتها هي فن اضاعة الحقيقه البحث عن الشمس بينما هي تملا الافق الفيلسوف هو شخص فشل ان يفهم الحياه كما هي. فشل ان يمارسها كما تمارسها قطة سعيده راضيه . الايمان بالله هبه ظفر بها البسطاء بينما حرم منها اكثر فلاسفتكم . تعتقدون ان الطعام وجد لكي لا ناكله والشراب وجد لكي لانشربه " أتفق معك يا عرابى.. وأتفق تماماً مع أختى نجمة الكتب وانا شايفة اننا المفروض نسلك طريق الوسطية زى ما دينا علمنا، يعنى نعيش الحياة ببساطةوفى نفس الوقت نحاول نفهم ونحاول نوصل للحقيقة لأن ده اكيد هيدى لحياتنا طعم احلى اما فلسفتى الخاصة -إن جاز ان اقول عليها فلسفة - كلها موجودة فى اية قرآنية واحدة: (( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ )) صدق الله العظيم لان فيها مغزى ومنهج للحياة والله اعلم. أعتقد أنها كانت رحلة لتلاقى الافكار و الثقافات ... والفلسفة شكراً ً أيها المبدع صناع الحياة تم تعديل May 2, 2008 بواسطه Shetos شارك هذه المشاركه رابط المشاركه شار ك علي موقع اخر
