انت بتضحك ليه

[حيسو 0]

انت بتضحك ليه

بعد أنشغال الرأى العام بالقضية رقم 1 فى الفترة الحالية

حيث تم القبض على مواطن يمشى فى الشارع مبتسم

ذهب المذيع المشهور سوبر هنيدى إلى السجن ليستعلم

عن هذه القضية وأجرى حوار مع المهتم :

المذيع سوبر هنيدى : بعد ما أتقبض عليك وأنت ماشى بتضحك فى الشارع

أنت كنت بتضحك ليه ؟ انت أتنجننت ولا أيه الناس كلها ماشية مكشرة.

المتهم : يا فندم أنا مواطن وبحب بلدى ومن يوم ما أتولدت وأنا مكشر زيي زى أى واحد عايش من الناس ، بس أنا كنت خلاص حانفجر.

المذيع سوبر هنيدى : يعنى أيه ؟ هو أى حد يزهق يخون بلده ؟

المتهم : ليه هو أنا أتمسكت فى شقة مفروشة مع بلد تانية ؟

أنت مذيع أوفر أوى .

المذيع سوبر هنيدى : أنا مش فاهم وكمان ليك نفس تهزر هو أنت مش مكسوف من نفسك ؟ حتقول أيه لوالدك ولجيرانك ؟

المتهم : والله الظروف هى اللى خلتنى أنزل من البيت بضحك وبقول للعيال سامحونى ، أنا مش كده أنا أساسا راجل كئيب والناس فى الحته عارفين كده كويس بس الشيطان بقى .

المذيع سوبر هنيدى : أهو أنتوا كده ، المهم تحب تسمع حاجه معانا .

المتهم : أحب أسمع أغنية أنا مش حاضحك تانى خلاص .