تفاحة أدم وجنة حواء

[:: نبـ القلم ــض :: 8]

حواء تسأل وآدم يجيب

 

آدم يسال وحواء تجيب

 

نصفي هذه الحياة ينقسمان ويلتقيان وبجعبتي كلاً منهم سؤال للاخر

 

فرغم انهما يعيشان معاً الا انهما مازالا يجهلان اشياء كثيرة عن بعضهما

 

تدور في فلك كل واحد منهما عدة أسئلة واستفسارات عن الطرف الآخر

 

قد تكون هناك خفايا لانعلمها في شخصية الرجل والعكس صحيح

 

/

\

/

\

وهنا أخترت لكم هذه المساحة الشاسعة

 

ليجلس هنا آدم وتجلس هنا حواء

ويتبادلان الاسئله

 

0

0

أعلم ان آدم أهتمامك الاول ومصدر الأمان لكِ

 

فلا تتراجعي ابداً في ان تسأليه عن أي شيء

 

 

 

0

0

أعلم ان حواء هي قرارك واستقرارك في هذه الحياة

 

فلاتتردد بان تسأل حواء عن أي شيء تجهله و تحب معرفته

 

/

\

/

أخواتى وأخوانى أعضاء يلا يا شباب

 

هنا فقط لكم الحرية في طرح السؤال لطرف الاخر وهو يجيب

 

دعوة لآصحاب الفكر الراقى ولكل من يريد ان يعيش حياة هادئه ممتلئه بالسلام متقبلا الطرف الاخر كما هو بعيوبه

 

ومميزاته ... وارجو طرح الاسئلة بكل احترام وتقدير وعدم احداث اى شغب ليكون نقطة تحول فى فكر كلا من ادم وحواء

 

وعدم تحيز اى شخص لجنسه ... نحن فقط نريد ان تتحقق رساله الله فى ارضه لندخل سويا الجنه

 

 

{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }الروم21

 

؛

؛

 

فقط أعجبنى فنقلته اليكم ..لنتحاور سويا بكل هدوء

 

وسـ أبدأ باول سؤال لآدم

 

0

0

ماذا تريد ان تفعل حواء لتتلاشى غضبك ؟؟

[عاشق الصداقه 525]

موضوع أكثر من رائع اختى الغاليه نبض القلم ..

 

والاروع ظهورك فى المنتدى بعد انقطاع قصير .. والله لقد سعدت بذلك كثيراً

لأنى اعتبرك أفضل اقلام المنتدى .. بارك الله فيكى اختنا ومشرفتنا الغاليه .. وننتظر اجابة حواء

[Shetos 2]

ماذا تريد ان تفعل حواء لتتلاشى غضبك ؟؟

 

 

اكيد انها متعملش الحاجات اللى هو قالها انها بتدايقة

 

والسؤال لحواء برده ماذا يفعل اّدم لتلاشى غضب حواء؟؟

تم تعديل January 16, 2008 بواسطه Shetos

[:: نبـ القلم ــض :: 8]

التفاهم وروح الحوار ... وده هيتطلب من البدايه انهم يكونوا متفقين انهم يصفوا اى شئ ما بينهم اول باول

 

وعدم تراكم المشاكل فوق بعضها ... حتى لا يؤدى بهم الى الانفجار فى النهايه

 

والسؤال لآدم ..

 

هل ادم يحب ان تكون حواء ذكيه ام يخاف من ذكاءها ويرفضه؟؟؟؟؟؟

 

كيف يقيم ادم حواء الذكيه؟؟؟؟؟؟؟؟؟؟؟؟؟؟؟

 

 

من اين تنبع نقاط ذكاؤهاااا بنظر ادم؟؟؟؟؟؟؟؟؟؟

 

ياترى ادم هيعرف يرد على هذه الاسئله ... ام سيمر عليها مر الكرام

 

هذا ما سنعرفه فى الرد التالى ...

[memo 0]

حواء ... وذكية .. يصعب اجتماعهم ....

ههههههههههه بضحك معاكم ..

 

أتوقع ذكاء المرأة ... في طريقة تعاملها مع من حولها ...

ومعرفة طرق تفكيرهم نحوها ...

واستشفاف رغباتهم من التقرب اليها ...

ولا نغفل جانب الذكاء (العبقرية) في طريقة ايجاد الحلول .. للمسائل الاخرى .. سواء اجتماعية او حسابية..

 

وانا شخصيا احب زوجتى لانها زكيه .. وبتعرف تتعامل معايا ومع مشاكلى الخاصه بى

 

وكتير من الازواج لا يحبون جانب العقل فى حواء ... ولكنى اعتقد ان هذا الاعتقاد سبب تعاستهم

 

اختر الاجابة الصحيحة ....

 

اكثر ما يجذب حواء نحو ادم ؟؟؟؟؟؟؟؟

1- وسامته

2- جيبه

3- اخلاقه وصفاته الروحية

 

أرجو ذكر ما ترينه سائداً ... وايضا ذكر رأيك الشخصي ؟؟؟

( بالله ما يذكركم السؤال هذا بأسئلة علم الاجتماع في ثالث ثانوي ادبي ؟؟؟ ).... هههههههههههههههه

 

شكرا لكى نبض القلم موضوع اكثر من رائع ... وفى انتظار رد حواء

[سمر 1]

السلام عليكم ورحمة الله وبركاته

 

اولا بارك الله فيكى اختي على الموضوع

 

ثانيا حواء زكيه وبتعرف كيف تتعامل مع ادم بطرقها الخاصه

[شمووخ 0]

السلام عليكم

انا عن نفسى اختار اخلاقه وصفاته الروحيه طبعا ؛حواء هتعمل ايه بالوسامه اذا ما كنش اخلاقه كويسه

 

، والحمد لله خطيبى به كل هذه الصفات الحمد لله , شكرا على هذا الموضوع

 

وسؤالى

 

هل معنى الغيرة والشك عند ادم ليهم معنى واحد ؟؟؟؟ ام دائما يختلط عليه الامر فيهم ؟؟

[عاشق الصداقه 525]

هل معنى الغيرة والشك عند ادم ليهم معنى واحد ؟؟؟؟ ام دائما يختلط عليه الامر فيهم ؟؟

 

الغيره والشك يختلفات اختلاف تام عند ادم (الا القليل ممن حياتهم جحيم) ..

الغيره تأتى من الحب المفرط .. حيث فى بعض الاحيان (وعايشت ذلك بنفسى) يغير ادم على حواء من والدها حتى واخوها .. يريد ان تكون له فقط

اما الشك فهو عدم ثقه فى غالب الاحيان .. واحيانا يختلط الامر حيث فى بعض الاناس يغيرون لأنهم يشكون لأن ليس لديهم ثقه كافيه فى الطرف الاخر

 

موضوع اقل ما يقال عنه انه رائع (ليس هذا غريبا على نبض القلم : ) .. واجمل ما فيه المناقشه بين الجميع

 

 

سؤالى لحواء :

 

ما وجهة نظر حواء فى الرجال (فمن ال حواء من يفكرون ان جميع ال ادم خائنون) .. نرجو ابداء الرأى فى ذلك

[تقوى القلوب 12]

ما وجهة نظر حواء فى الرجال (فمن ال حواء من يفكرون ان جميع ال ادم خائنون) .. نرجو ابداء الرأى فى ذلك

 

انا مش بفكر بالطريقة دى

بس اللى فعلا مقتنعه بيه

انه فى لحظت ضعف ممكن اى واحد يجرح اى بنت مهما كانت قريبه ليه

 

 

سؤالى لادم

"من انت؟" لانى مش قادرة افهمك بجد

[شمووخ 0]

منتظرين اجابه ادم .......

 

بس ليا بعض الاضافات بجانب ردودكم الجميله بجد ومن واقع تجربتى احب افيدكم بيها

 

بالنسبه للشك والغيرة .. فعلا دا بيحصل معايا فى بدايه خطوبتى .. خطيبى كان بيغير مووووووت لدرجه ان ماكنش فيه تفاهم مابينا وكل حاجه كانت لاء حتى بدون ما يسمعنى ... بس بعد ما بدا يعرفنى كويس واعرفه كويس من كتر المواقف اللى مرينا بيها سويا بدا يثق فيا الحمد لله .. والامور بدات تتحول الى ثقه متبادله الحمد لله رب العالمين ... لذلك احب اقول لكل فتاه مقبله على الخطوبه لاتنزعجى من هذا الموضوع فى بدايه الامر

كل الحكايه انه لسه مايعرفكيش كويس ... لكن كل ما عليكى ان تعطى له الامان والثقه حتى يبدا التفاهم يعم على العلاقه زكل ما تعرفوا عن بعض اكتر كل ما الشك يقل .. والغيرة المقبوله لابد منها وحاجه لازم تكون موجوده فى ادم .. دى وجهه نظرى

 

ومنتظرين اجابه ادم على سؤال تقوى القلوب ... من انت

[عاشق الصداقه 525]

شكراً لاجابة حواء

"من انت؟" لانى مش قادرة افهمك بجد

 

سؤال تحتاج اجابته لصفحات فى حالة حواء

وتحتاج لسطر واحد فى حالة ادم .. والحمد لله الذى جعلنى ادم والسؤال موجه لنا

 

انا كائن يريد حياه سعيده بحب واستقرار وطاعه لله وان تتقى حواء الله فى تعاملها معى (وفى حالتى استطيع زيادة .. اننى كائن اريد ان أكل وانترنت وسيبونى فى حالى)

 

السؤال لحواء بالمثل :

 

من انتى ؟؟؟؟؟

[:: نبـ القلم ــض :: 8]

ردود أكثر من رائعه .. حقيقى ابدعتم

 

من أنتى بالنسبه لجنس النساء عموما ستختلف بختلاف امرأه لاخرى .. وباختلاف اهدافها وطريقه تفكيرها

 

ولكن من انتى بالنسبه لحواء نفسها .. لن أقول غير ما قاله الحبيب خلقت حواء من ضلع اعوج من ادم .. فهى مخلوق ضعيف ومهما علت فى المناصب والتفكير فهى تحتاج دائما الى ادم لتشاركه ويشاركها وتقاسمه معه حياته

 

فرفقا بالقوارير ...رفقا بالقوارير يا أدم

 

وسؤالى الى ادم

 

هل تحب حواء الناجحه فى عملها ..بجانب واجبها كربة منزل .. هل تحب ان تترك لها الفرصه لتثبت نفسها مثلك.. ام لا تطيق تحمل ذلك؟؟؟

[memo 0]

والله ما دامت جديرة فى شغلها كربة منزل فلما لا .. أما اذا كان هذه على حساب عملها ووظيفتها الاساسيه

فى البيت وتربية الاطفال فقطعا لن اطيق تحمل ذلك ..

 

وسؤالى الى حواء

 

ما هو الشئ الذى لا تستطيعين مغفرته لادم ؟؟؟؟

[فراس فراس 0]

موضوع رائــــــــع

 

كنت عايز أضيف شوية حاجات على الأسئلة اللى فاتت

 

بالنسبة لغضب الرجل

 

فى حاجات كتير ممكن تضايقه وده حسب طبيعته

 

بس فى تلت أوقات ياريت حواء ماتزعجشى آدم فيهم

 

لأنه غضبه بيبقى أشد فى الأوقات دى عن أى وقت تانى

 

1/ لما يكون لسة قايم من النوم ولسة مفطرشى

 

2/ لما يروح الشغل

 

3/ لما يكون لسة راجع من الشغل ولسة ماتغداش

 

4/ لما ياكل

 

5/ لما ييجى ينام

 

ياريت المرأة تسيب آدم فى حاله ومتضايقهوش فى الأوقات دى بالذات

وياريت لما يبص لها دايماً يحس انها مبسوطة وفرحانة بيه وراضية معاه

 

أما بالنسبة للذكاء

 

فلازم او يفضل ان تكون حواء ذكية

 

أو مش ذكية بمعنى ذكية على الأقل بتفهم وبتعرف تتعامل مع الناس

 

مش تقعد تتكلم مع دى ودى وتوقع الدنيا فى بعضها

 

لأنها او ماكنتشى كدة هاتجيب مشاكل كتير

 

أما الواحد يخلى مراته ذكية فدى مش سهلة

 

لأن غالباً هى بتكون من صغرها كدة

 

فصعب الواحد يغير حاجة فيها هى فيها من صغرها

 

أما نقاط ذكائها فده من خلال

أنها مش بتعمل مشاكل

بتعرف تقدر الظروف

مش بتصرف الفلوس لما يكون فى فلوس وماتعملشى حساب لبكرة

وبعدين تيجى بكرة تشتكى

 

الغيرة والشك

الغيرة بتنبع من الحب الشديد

 

أما الشك بينبع من أنها تكذب عليك ولو مرة

 

مايجذب المرأة للرجل

البنات مختلفة فى الموضوع ده

بس فى الآخر اللى معاه فلوس بيدوس ولا يهمه

فالمال يطمس كل العيوب والتناقضات

فللأسف كتير من البنات بتنسى كل حاجة بتدور عليها لو لقت اللى معاه فلوس ويعيشها أحسن

وان مكنشى منها فبيكون من اهلها

 

الرجالة خائنة

ده لأن البنات حساسة ذيادة عن اللزوم

وبتحب الراجل يقولها كلام حلو وبتضايق منه قوى لو قلها كلمة ضايقتها حتى ولو مكنشى قصده

ولو حست أنها بتتكلم وهو ولا فى دماغه ولونه يمكن بيكون تعبان مش فايق ولا رايق

ويمكن كمان أن فى كتير للرجالة طفسة مابيكفهوش واحدة بيتهئ له انه لما يعرف أكتر من واحدة يبقى هو كدة راجل وأشبع رجولته

وكمان بارده للأسف فى بنات كدة تحب تعرف ده وده علشان تحس بأنوثتها وترضى غرورها وبعدين تفكر تتجوز فى آخر لحظة وساعات بيفتهم القطر فاكرة ان شببها بيدوم

 

من أنت

فكل واحد ولونه والسؤال ده أجابته مختلفة من راجل للتانى ومن أمرأة لأخرى ومن زمن لآخر

 

حواء فى عملها

بارده بتختلف من واحدة للتانية وبتختلف فى حالة وجود أولاد أم لا

ففى اللى أحسن لها تقعد فى البيت

وفى اللى أحسن لها تشتغل

يعنى مثلاً للى هما من طبعيتهم العكننة على الرجالة

ودى عادة للأسف موجودة فى كتير من النساء

فالأحسن لها انها تشتغل

لأنها هاترجع من الشغل مهدودة ويدوبك تجهز الأكل

فلما يرجع من شغله هيكون مالهاش حيل انها تتخانق معاه

غير لما تكون فضية طول النهار ومستحلفة له لما يرجع من شغله

 

ومستنيين الرد على ميمو

[Shetos 2]

أولا أعتذر بالرد نيابة عن حواء ولكن أكيد هو شئ يتفق عليه الجميع وهو

 

الخيانة

 

 

صعب اوى غفرانها والتسامح فيها

اعتذر مرة أخرى للرد نيابة عن حواء ولكن ردى جاء من واقع تجربة شوفتها بعينى وعايشتها

 

موضوع رائع أختى الغالية

[فراس فراس 0]

الخيانة ومين يقدر يغفر لواحد خاين عموماً سواء راجل أو ست

 

بس أنا عايز أوجه السؤال لناحية تانية

 

ليه كتير من الستات ممكن يرضوا أن الراجل يخنها مع واحدة مرة على أنه يتجوز عليها

رغم أن ده حلال وده حرام

[فراس فراس 0]

أنا عارف أن سؤالى صعب يترد عليه

 

بس أنا عموماً مابسأل السؤال هذا علشان معرفة بل لهدف تانى

 

لأنى عارف الأجابة

 

وهى أن ذى ما الراجل بيحب أن المرأة تكون ليه لوحده

 

المرأة أيضاً لا تحب أن يشاركها فى الرجل أحد

 

فطبعاً بالنسبة لها أن واحدة تشاركها فيه مرة او يوم

 

أحسن من أن تشاركها فيه العمر كله

 

وفى بنات بتنظر للموضوع للأسف بطريقة تانية

 

على أنه لو خنها تقدر تخونه

 

أما لو أتجوز عليها ماتقدارشى تتجوز عليه

 

على العموم أتمنى أنى تكون رسالتى وصلت

 

ولون ساعات كتير مابحدش بيقرى الكلام اللى وراء الكلام

[:: نبـ القلم ــض :: 8]

أولا بشكرا يافراس فراس على هذا التحليل الذى اذهلنى واسعدنى فى نفس الوقت

 

وسعادتى جاءت من ان منتدنا يلا يا شباب يحتوى على شباب مفكر.. واعى يستطيع تحليل الامور ولا ينظر الى المواضيع بسطحيه

 

ردودك اكتر من راااااااااااااااائعه .. زادك الله علما وحكمه وهدى يارب العالمين اخى الكريم فراس فراس

 

واشكرك يا شيتوس على ردك الذى لا تختلف فيه حواء التى تعيش بفطرة سليمه .. بجد نورتوا الموضوع وفعلا اثبتوا انها كانت دعوة لاصحاب الفكر

 

الراقى

 

وسؤالنا لادم ...

 

هل تحب ان تلعب دور سى السيد بجميع الاوقات .. عن دور الزوج والاب المشارك .. حتى تتجنب المجادله وتعب كثر الآراء .. لتريح نفسك؟؟

 

لما فى يدك من رخصه انك قائد البيت ...

 

واذا وجدت من تستطيع ولديها القدرة على المشاركه وصائبه فى الامور .. ستتنازل عن هذا الحق .. اما فى جميع الاحوال ستلعب هذا الدور

 

ولن تتنازل عنه مهما كانت حواء التى امامك..

[Shetos 2]

هل تحب ان تلعب دور سى السيد بجميع الاوقات .. عن دور الزوج والاب المشارك .. حتى تتجنب المجادله وتعب كثر الآراء .. لتريح نفسك؟؟

 

لما فى يدك من رخصه انك قائد البيت ...

 

واذا وجدت من تستطيع ولديها القدرة على المشاركه وصائبه فى الامور .. ستتنازل عن هذا الحق .. اما فى جميع الاحوال ستلعب هذا الدور

 

ولن تتنازل عنه مهما كانت حواء التى امامك..

 

 

 

أعتقد ان دور سى السيد مرفوض شكلا وموضوعا لان الزمان إختلف وثقافة حواء أصبحت حدث ولا حرج ما شاء الله على أفضل ما يكون

الزواج مشاركة وحب ولابد من إستشارة حواء فى جميع المستجدات فى حياتهم

وطبعا المجادله لما تبقى فى سياق المنطق والموضوعية مستحيل اى اشخص عاقل يتجنبها ولكن ادم بيتخنق من المجادله عمال على بطال فى مواضيع غير هامه

وطبعا انا سأتزوج حواء بإذن الله عشان انتظر منها المشاركة الصائبة فى امور حياتنا

تم تعديل February 14, 2008 بواسطه Shetos

[حنان القلب 1]

شيتوس انت مسألتش في دورك

انا معجبه جدا بفكرة الموضوع ودا طبعا مش غريب على قلم قوي زي نبض

لانه بيعلمنا نتحاور سويا بفكر اخلاقي واعي وكمان بردود فراس لانها بتيجي في الصميم وبتجيب من الاخر

واخيرا وليس اخرا يبقى سؤالي لادم:-

هل تقبل ان تتزوج من حواء اكبر منك سننا؟؟؟ مع ذكر المبرر في كلتا الحالتين

ومعلش سؤال كمان للجنسين معا:-

من وجهة نظركم من اكثر نضجا حواء ام ادم؟؟؟

[Shetos 2]

من وجهة نظركم من اكثر نضجا حواء ام ادم؟؟؟

 

الموضوع ده بيحكمه أكتر من حاجه ... زى الثقافه والتعليم والبيئة اللى تمت فيها عملية التنشئه والاصدقاء ده اللى بيحدد عملية النضج وطبعا طبيعة الشخصية نفسها

 

وأعتذر انى مسالتش المرة اللى فاتت

 

سؤالى لحواء

ليه دايما حواء مش بتصارح آدم بحقيقة شعورها ناحيته رغم انها بتكون متأكده من حقيقة شعوره ناحيتها؟؟؟؟

تم تعديل February 28, 2008 بواسطه Shetos

[EL3aref 5]

كلام مظبوط يا شيتوس وموضوع جميل جداً

[حنان القلب 1]

برضه مجاوبتش عالسؤال الاول يا شيتوس

والذي له علاقه بالسؤال التاني لانه في اغلب الاحيان لابد ان يكون ادم اكبر من حواء بفارق عمري حتى يرتبط بها ولم تتغير هذه القاعده منذ زمن اللا الان شذت قليلا فهل لهذا الفارق علاقه بالنضج الفكري والعقلي؟؟؟

اما بالنسبه لسؤالك اعتقد وبل متاكده ان السبب يرجع الى الخجل والحياء والذي يجب ان يكون في كل فتاه وخاصه في الامور العاطفيه مهما بلغت جراتها

ويرجع ذلك الى طبيعة المجتمع الشرقي الذي تربت فيه حواء وهذا لا يمنع ان ادم لابد وان يتمتع بنسبه من الحياء ولو قليله ولكنها ضروريه بالنسبه للفتاه حتى وان كانت جريئه فالجراه ليست في كل شيء هذا في حالة انها متاكده من انه يحبها

اما في حالات اخرى تخشى ان يكون هذا الشعور من طرف واحد واحيانا يستطيع ادم بذكاءه ان يكسر الحواجز الموجوده بينه وبين حواء ويحصل على هذا الاعتراف ولكن بعد عناء.

[Shetos 2]

هل تقبل ان تتزوج من حواء اكبر منك سننا؟؟؟ مع ذكر المبرر في كلتا الحالتين

 

أنا هرد على سؤالك يا حنان عشان المرة الجاية شكلك هتولعى فيا هههههههههه

 

طبعاًمفيش أى مشكلة انى اتزوج حواؤ وهى أكبر منى سنناً إذا كان أشرف الخلق سيدنا محمد عليه الصلاة والسلام عملها يبقى إحنا مش هنعمها

وطبعاًانا بتكلم عن نفسى ممكن آدم غيرى ميكونش بيوافقنى الرأى بس انا معنديش أى مانع من انى ارتبط ببنت أكبر منى فى السن

ولعلمك يا حنان اعتقد انى الافضل انها تكون أكبر عشان تكون ناضجه البنات معظمهم مع احتارمى الشديد ليهم بقت اهتمامتهم تافه نسبياً بالنسبة لسنهم وطبعاًبرده مش كلهم ولكن السواد ألاعظم

وسؤالى لحواء إيه أسوء حاجه بتكرهها حواء فى آدم؟؟؟؟

[bassant 2]

وسؤالى لحواء إيه أسوء حاجه بتكرهها حواء فى آدم؟؟؟؟

 

اولا : الموضوع فوق الرائع

ثانيا: لسؤالك اخى العزيز اعتقد ان اسوء حاجه هى الكدب وانا عارفه ان مفيش حد مبيكدبش بس فى مواضيع بين الرجل والمرأه لابد له فيها بالصراحه معها حتى لايقوم بتضليلها

وسؤالى التالى للادم

ليه لما بتحب بتخاف تتكلم؟؟وليه لما تتكلم تحاول ابعادها عنك؟؟؟