تفاحة أدم وجنة حواء

[Shetos 2]

وسؤالى التالى للادم

ليه لما بتحب بتخاف تتكلم؟؟وليه لما تتكلم تحاول ابعادها عنك؟؟؟

 

أولاً : آدم اول ما بيحب بيصرح علطول خوفاً من أن حواء تضيع منه بسبب إخفائه لشعوره ناحيتها

 

وثانياً: أكيد انا لو بكن مشاعر لحواء هتكون أسعد لحظات حياتى وهى قريبة منى ..وطبعاً هعمل اى حاجه تقربها منى حتى لو خطوة

 

 

سؤالى لحواء

 

ليه دائما حواء بتسبق بسوء النية ناحية آدم رغم انها لم تتعامل معاه من قبل وبتبنى فكرة من مظهره فقط ؟؟؟؟

تم تعديل March 7, 2008 بواسطه Shetos

[فراس فراس 0]

شكراً نبض على الموضوع مرة تانية وأذا كانت ردودى حلوة وده علشان موضوعك أحلى

 

أسمحولى بقى أشارك برئيى فى شوية المواضيع اللى فاتت

 

سى السيد

 

أنا بيتهيئلى أن فى دلوقتى ستى سيدة

 

قل جداً جداً جداً حكاية سى السيد ويمكن مابقاش موجود اساساً

 

ولو الراجل حب يعمل فيها سى السيد

 

يبقى نهاره مايعلم بيه غير ربنا

 

دى الست تتخانق معاه وتعكنن عليه بكل حاجة تقدر تعكنن عليه بيها

 

ولكن ... أيه هو سبب ظهور سى السيد...؟؟

 

أول حاجة الستات زمان ماكنتشى لا بتتعلم ولا بتشتغل

 

وكانت من بيت أبوها لبيت جوزها

 

يعنى جوزها ده كل حياتها وكل ماليها

 

ومفيش حد ليها فى الدنيا غيره

 

فبتسعى انها ترضيه بكل قوتها

 

ولأنها ماتعلمتش ومابتشتغلشى ومابتخرجشى تقريباً من البيت ولاحتى كان فيه تلفيزيون بتتعلم منه

 

فطبيعى الراجل كان ليه الكلمة الأولى والأخيرة وكان هو الآمر الناهى

 

أما دلوقتى

 

بتروح الجامعة وبتشوف ده وده

 

وتعجب بده شوية وده يعجب بيها شوية

 

وشافت المرأة الغربية وتأثرت بها

 

وقلدتها ونست عادتها الشرقية

 

وتقعد تتكلم كتير مع صحباتها

 

وصحباتها تكون متضايقة شوية مع جوزها ولا حاجة فتغير منها فتوقع بينها وبين جوزها

 

وبتسمع تامر حسنى وعمرو دياب

 

وانا مش بقصد هنا الكل أنا بقصد فى كتير كدة

 

فيكون هناك أكتر من سبب أنها لا تجعل الرجل هو سيد حياتها

 

ومن اولها أنها نست حديث الرسول صلى اللله عليه وسلم: أنه من باتت وزوجها غاضب عليها لعنتها الملائكه حتى تصبح

 

بس بارده بصراحة آدم كان ساعات بيسؤ فيها ونسى هو كمان

قول الله تعالى: وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً

 

وقول الرسول : { استوصوا بالنساء خيراً، فإن المرأة خُلقت من ضلع، وإن أعوج ما في الضلع أعلاه، فإن ذهبت تُقيمه كسرته، وإن تركته لم يزل أعوج، فاستوصوا بالنساء } [متفق عليه]. وعنه أنه قال: { اللهم إني أحرج حق الضعيفين: اليتيم، والمرأة } [رواه أحمد].

 

فعن معاوية بن حيدة قال: قلت: يا رسول الله، ما حق زوجة أحدنا عليه؟ فقال عليه الصلاة والسلام: { أن يطعمها إذا طعم، ويكسوها إذا اكتسى، ولا يضرب الوجه، ولا يقبح، ولا يهجر إلا في البيت } [رواه أحمد]

 

هو نسى وهى نست وشافت غيرها وغارت وسمعت الكلام الحلو اللى مش بيقلهولها جوزها فطهقت

 

وفى الآخر مابقاش فى سى السيد وظهرت الست سيدة

 

لأنها هى اللى بتشتغل وبتصرف على البيت وجوزها يعينى عاطل بياخد المصروف منها

 

انا عن نفسى أنشاء الله لما أتجوز هاشركها فى آرائى وهاخد برأيها لو شفته صح يعنى المفروض الواحد يسمع لها يمكن هى بصت للموضوع من ناحية تانية ان مش شايفها ويكون رأيها أصح من رأيى

 

الزواج من اكبر منى فى السن

السن مش اهم حاجة

 

أهم حاجة

 

أظفر بذات الدين كما وصانا الرسول عليه الصلاة والسلام

 

بس من ناحية العلوم الأجتماعية

 

دائماً اللى بيتجوز من اكبر منه فى السن بيكون بسبب نقص

 

أما فى المال أو فى حنان الأم

 

بس بارده بأرجع واقول أظفر بذات الدين

 

أما من اكثر نضجاً

 

هو المفروض آدم

 

ففي صحيح البخاري عن أبي سعيد الخدري قال:خرج رسول الله صلى الله عليه وسلم في أضحى أو فطر؛ إلى المصلى، فمر على النساء فقال: يا معشر النساء تصدقن فإني رأيتكن أكثر أهل النار، فقلن: وبم يا رسول الله قال: تكثرن اللعن وتكفرن العشير، ما رأيت منناقصات عقل ودين أذهب للب الرجل الحازم من إحداكن، قلن وما نقصان ديننا وعقلنا يارسول الله؟ قال أليس شهادة المرأة مثل نصف شهادة الرجل قلن: بلى: قال فذلك من نقصان عقلها، أليس إذا حاضت لم تصل ولم تصم؟ قلن: بلى، قال:فذلك من نقصان دينها

 

يعنى مما يوحى الحديث أن الرجل أكثر عقلاً وحزماً من المرآة

 

بس مش كل الرجالة

 

ساعات ومش قليل تلاقى الست هى اللى شايلة البيت وبتتصرف أحسن من الراجل

 

اما ليه حواء مش بتصارح آدم بحقيقة شعورها

 

ده مش بيبقى فى كل الحالات

 

ساعات لما يكون غنى أو وسيم شكله حلو مابتستناش بتقوله علطول علشان خايفة انه يطير منها لأن البنات اللى عايزينه كتير

 

 

أيه أكتر حاجة بتكرهها حواء فى آدم

 

بيتهايئلى هى أنها تحس ان فى واحدة تانية مشاركاه فيه

 

وانا بقول كدة لأن ده دائماً بيجيب مشاكل كتير

 

ليه لما تحب تخاف تتكلم ولما تتكلم بتحاول تبعدها عنك

 

دول ناس من طبيعة خاصة جداً اللى من النوع ده

 

وده بسبب أنه خايف يتكلم لأنه خايف يفتح معاها الباب وفى الآخر تقفله فى وشه

 

ولو كانت بتحبه بيخاف انه يتعلق بيها أكتر وفى الآخر تطير منه ويتجرح لأنه ممعهوش

 

وانا مش هاسأل لأنى لسة ماحدش رد على شيتوس

[حنان القلب 1]

انا من رأيي انه فعلا حواء بتسبق بسوء النيه

بس دا بسبب الايام اللي ما يعلم بيها اللا ربنا اللي احنا عايشين فيها كله بيضحك على كله وكله بيشتغل كله يعني الموضوع حرص وحذر مش اكتر

 

لانها خايفه على نفسها انها تكون ضحيه او مجرد فريسه لادم

 

وبتحكم على ادم بمجرد النظر فدا في كلا الجنسين ادم وحواء الناس عموما ليها المظاهر وبتحكم من خلالها الا قله قليله ودي وجهة نظر سطحيه جدا للي بيستخدمها

وعموما فيه مثل بيقول اللي اتلسع من الشربه ينفخ في الزبادي عشان كده الثقه بين ادم وحواء نزلت شويه لو قدر ادم يرجعها لمعدلها الطبيعي الامور حتمشي تمام وحيفهموا نية بعض بدون الحاجه حتى للكلام او الحوار. وسؤالي:-

ايه اكتر عاطفه محتاجها ادم من حواء غير الحب لانه دا لازم من الطرفين؟

[Shetos 2]

ايه اكتر عاطفه محتاجها ادم من حواء غير الحب لانه دا لازم من الطرفين؟

 

 

آدم بينتظر كالكثير من المشاعر من جانب حواء نظراً لانها كائن عاطفى ويتميز بالرقه

 

وفى رآى الشخصى ان آدم محتاج إن حواء متكونش فقط زوجته...لا

 

ده تكون امه وحبيبته واخته وصاحبته وجميع الشخصيات اللى بينتظر منها المشاعر الصادقه الدافئه

 

 

وسؤالى لحواء

 

ليه ثقافة حواء أصبحت سطحية شوية ؟؟؟؟

 

وأعتذر طبعاً لان مش كل الناس زى بعضها وان كانت أغلبية البنات إهتمامتها سطحية

تم تعديل March 21, 2008 بواسطه Shetos

[bassant 2]

ليه ثقافة حواء أصبحت سطحية شوية ؟؟؟؟

 

وأعتذر طبعاً لان مش كل الناس زى بعضها وان كانت أغلبية البنات إهتمامتها سطحية

عندك حق اليومين دول صعب للبنت تلاقى واحده عاقله من بنى جنسها بس ده يعود على ان البنات خلاص اتجننت من اللى بيعمله ادم فيها ههههههههههههههه

بس ارد عليك بموضوعيه اعتقد ان اهتمام الشباب اغلبيتها ثقافيه لان معندهمش حاجه تشغلهم لا مطبخ ولا بيت ولا عيال ولا جوز مطلع عنيها ودلوقتى الست تأوم منن النوم على تحضير الفطار ثم الشغل وبعد الظهر الاكل والعيال واخر الليل النوم

اولى بأه فين الوقت الى تأعد فيه تشاهد البرامج الثقافيه

سؤالى لادم

ليه كل لما تذنق فى الكلام معانا تغير الموضوع او تألبها علينا ونطلع احنا فى النهايه غلطانين؟

[Shetos 2]

سؤالى لادم

ليه كل لما تذنق فى الكلام معانا تغير الموضوع او تألبها علينا ونطلع احنا فى النهايه غلطانين؟

 

 

والله دى بعتبرها ذكاء فى التصرف فى المواقف المحرجه و ده لا ينطبق على آدم فقط بل على كل البشر

 

اما موضوع انه يطلعها غلطانه دى قمة الذكاء

 

وسؤالى لحواء

 

ليه دايما حواء بتعتبر آدم مجرد فرصة..بمجرد انها تلاقى فرصه أفضل بـــــ....... ؟؟؟؟

[bassant 2]

والله دى بعتبرها ذكاء فى التصرف فى المواقف المحرجه و ده لا ينطبق على آدم فقط بل على كل البشر

 

اما موضوع انه يطلعها غلطانه دى قمة الذكاء

بئة كده طيب احنا وراكوا والزمن طويل لما نشوف مين الاذكى

 

وسؤالى لحواء

 

ليه دايما حواء بتعتبر آدم مجرد فرصة..بمجرد انها تلاقى فرصه أفضل بـــــ....... ؟؟؟؟

وبتأول عليكوا ازكياء انا بعتبر ده منها منتها الذكاء ههههههههههههههههههههههههه

وسؤالى هو

ليه فاكر انك اذكى المخلوقات مع ان العكس صحيح ؟

 

 

[Shetos 2]

وسؤالى هو

ليه فاكر انك اذكى المخلوقات مع ان العكس صحيح ؟

 

 

من يصف نفسه بالذكاء هو ابعد ما يكون عن ذلك....

 

أما موضوع العكس صحيح ...فالذكاء هبة من الخالق عز وجل وتتفوت من شخص لاخر.. والكلام ده لاينطبق على آدم فقط بل على حواء أيضاً

 

 

سؤالى لحواء

 

ليه مع أول غلطه لآدم مع حواء بتنسى أى حاجه كويسه أو حلوة عملها عشانها؟؟؟؟؟

[جنة 0]

سؤالى لحواء

 

ليه مع أول غلطه لآدم مع حواء بتنسى أى حاجه كويسه أو حلوة عملها عشانها؟؟؟؟؟

 

 

مش كل الناس زى بعضها يا شيتوس وإن كان البنات بطبعهم هوائيين شوية

 

ومشاعرهم متقلبة نسبياً

 

 

وسؤالى لآدم

 

 

هتعمل إيه فى حالة حواء أهانتك مادياً أو معنوياً؟؟؟