وليد المصري 3 قام بنشر November 7, 2006 بسم الله الرحمن الرحيم لقد ارسل الي صديقي احمد " عاشق الصداقة" انني مقل في كتاباتي ولكن انا اعترف ولكن لان مقالاتي لا تلقي استحسان عند جمهور القراء لديكم مع كل احترامي لهم مصر للبيه انه مقالي لي نشرته في موقعنا عن هوجة الخصخصة في التي اصابت اصحاب المصالح وانا عارف انه مش هيعجبكم لان اهتماماتكم بعيدة تام عن اهتماماتنا فرصة تاريخية ...مصر للبيع **************** اسرع ايها الباحث عن مكسب خرافي..يامن تريد القفز بسرعة الي اصحاب المليارات ..باي مبلغ تستطيع ان تشتري جزأ من جسم مصر الغالية..الا اونا.. الادي..الاتري انا اسف ليته كان مزادا بل هو مناقصة ..مصر معروضة للبيع بالكامل . والدفع باي عملة وفي اي وقت وليس مهما من تكون وماذا تملك .. البيع يتم لمن يدفع اقل.. لا من يدفع اكثر مثل اي صفقة في الدنيا .. نحن بالذات نعرض مصر بارخص الاسعار ..هيا المطلوب منك فقط ان تنشن علي اي مصنع او شركة او ارض او ميدان او حتي قرافة كل ما بنته مصر علي مدي ما يزيدمن مائة عام من دم ابنائها .. كل ما تم انشاؤه بعرق واموال وعذابات الشعب الان يجري اسالته وتحويله الي ارصده في بنوك رجال الاعمال العرب والاجانب والمصريين . حالة غريبة تستولي علي الحكومة منذ ان بدا الانفتاح . وقفت الحكومة والي جانبها " ام الدنيا"مصر في شكل سيدة مزينة بملابسها وجمالها وذهبها وكل ما تملك . بينما ينادي رجال الحكومة في تعجل واندفاع من يريد شراء حلق ام الدنيا وعقدها ثم حذائها وجواربها والبلوزة والخاتم ووحقيبةاليد. وقف المنادون يشترون العار مقابل ملاليم.وليذهب الكل الي الجحيم.. وقف المنادون وقد خلعوا عن وجوههمالكرامة والشرف والفكر والضمير يشترون المهانة ويبيعون كل ما سطرته قرائح المصريين وما حفرته سنوات كفاحهم ويدسون ما يقبضون في خزائن الحكومة المثقوبة والتي يملك البعض مفاتيحها. انها فرصة تاريخية تتواصل والكل يتفرج علي ما يجري.. فرصة تاريخية سوف يعلن عنها قريبا. اسرعوا قبل نفاد الكمية وانتهاء المناقصة ... تحركوا ايها المثقفون لاستنقاذ ما يمكن انقاذه تحركوا قبل ان تتعري السيدة الفاضلة "ام الدنيا" تماما .. ان اصحاب القرار يعرضون اعضاءها وسمعتها وكل ما تملك ..فهل ترضون ان تفقد أمنا كل ما تملك ليشبع الناهبون الذين لن يشبعوا؟ ان مصر في هذه الايام التعسة تعيش اسوأ عهودها وهي بحاجة ماسةللاغاثة والحماية .. انها تتحلل من الداخل والاستنزاف لا يتم من عدو ولكنه يجري لها في شكل منظم ودقيق وعنيد .تتوالي الحكومات ويتغير رجالها لكن السحب يجري والشفط يتم علي قد وساق. الارض تتحرك من تحت اقدامنا وبعد سنوات لن تجد ارضا ولا سماء ..كل ما حولنا وما تركه الاباء والاجداد يبيعه الابناء والاحفاد الذين يقبضون بقوة علي خيوط اللعبة ومنضدة الروليت واخيرا تاملوا من جديد تمثال نهضة مصر للفنان "مختار "..مصر سيدة تتطلع للمستقبل وتعتمد علي اسد.. وبعد اقل من مائة عام.. ها هي مصر الجميلة منكسرة تعتمد علي حكومة تمسك بميكروفون وتنادي المشترين . مصر ام الدنيا تباع في سوق النخاسة كجارية .وعلي المشترين طبعا ان يفتشوا فيها ويعبثوا كما شاءوا . ايها المثقفون حراس الكرامة .. جردوا الحسام من غمده فليس له بعد ان يغمدا. بقلم وليد المصري شارك هذه المشاركه رابط المشاركه شار ك علي موقع اخر
تقوى القلوب 12 قام بنشر November 2, 2007 مصر تباع كجارية فى سوق النخاسة لان فرسانها مكتوفى الايدى خائرى القوى عزل شارك هذه المشاركه رابط المشاركه شار ك علي موقع اخر
فراس فراس 0 قام بنشر November 2, 2007 بجد انا مستغرب موضوع مثير للجدل ذى ده بقاله سنة وماحدش رد عليه مشكورة تقوى على احياء المواضيع اما انا رايى فهاتستغربه منه بس بجد انا مش متعود انى ابص لاى موضوع من الناحية اللى عايز بص منها بس انا رايي ان اللى جه بالساهل بيروح بالساهل يعنى تعالوا نشوف أيه اصل الموضوع الموضوع بدأ بالتاميم فلقد اراد عبدالناصر ان يخرج قدم الرئس ماليين والتودد للشيوعيين وذلك بتاميم الشركات والمصانع وقانون الاصلاح الزراعى يعنى مابقاش فى مصانع ولاشركات خاصة كلها أتخدت من صحابها ومن غير مقابل وقال ايه راحت للعمال يعنى صاحب المصنع ولا الشركة يتعب ويبنى وفى الآخر تعبه يروح هدر ويابختك ياعامل دلوقتى ماحدش ليه كلمة عليك فأشتغل ذى ما انت عايز وانا كمستثمر هابنى ليه ولا هاتعب نفسى ليه ..؟؟ علشان تتأمم وتتاخد منى بكل بساطة نعم فى شركات اتاممت كانت ناجحة جداً بس ياعينى المدير اللى كان بيتعب ويكبرها وعطى لها من عمره ومن وقته فى الآخر يطلع معاش وكانه ماعملشى حاجة وييجى واحد تانى بعته ويبص على قبله ويقول أهو رغم اللى عمله للشركة فى الأخر الشركة ماعطتوش اللى يستحقه ومعايشاه على معاش فين وفين لما بيزيد والحياة عمالة تذيد وتزيد فياجى اللى بعته ويسرق ويمد ايده وده طبعاً غلط (بس انا حبيت اقول موضوع السرقة بييجى أزاى)و ولا راجل فلاح وبسيط فجأة لقى نفسه عنده ارض جاتله من الهواء أهو دلوقتى بيقلبها أرض مبانى ويبيعها ويسافر للمدينة ماهى هانت عليه ... طبعاً ماهى جياله بالساهل يعنى من الآخر القطاع العام كان فى سنة من السنين كان جايب لمصر ايراد فعلى كام جنيه تخيلوا كام جنيه وده شئ طبيعى لانه مال سايب ومالوش صاحب ولو كان الناس خدت بالها من شغلها وخلت ضميرها صاحى علطول ماكنتشى الشركات دى حصل لها اللى حصل بس للاسف ماكنشى ده لوحده كفاية يعنى النظام الأدارى كان معقد جداَ وكان الهيكل التنظيمى الأدارى كان طويل قوى يعنى مفيهوش علاقة informal يعنى بالبلدى ماينفعشى عامل يوصل للراس الكبيرة فى الشركة بسهولة وده لعدت اسباب منها ان فى اكتر من راس وكل راس ماتحبش الراس التانية تمشى كلامها يعنى لو فى شركة خاصة لو واحد عايز يطور ولا يعمل حاجة للشركة هايريح دماغه ويروح لصاحب الشركة اما فى القطاع العام مين صاحب الشركة..؟؟؟ ولو فى رئيس مجلس ادارة عمره ماهيفكر فى مصلحة الشركة كل اللى بيفكر فيه المعاش اللى هايطلع عليه بعد كام سنة ماتتحرق الشركة ولا تولع هى بتعتى ماانا خلاص كلها يومين واسيبها يعنى من الآخر الخصخصة دى كانت حل قدام الحكومة لم تلجئ أليه غير لم تجد أمل فى القطاع العام الخسران دائماً بس للأسف لسؤ الهيكل التنظيمى فى الأدارة ماتطابقشى الحل صح أتطبق بطريقة قاسية شوية بس هانقول أيه ماهو اللى جه بالساهل هايروح بالساهل شارك هذه المشاركه رابط المشاركه شار ك علي موقع اخر
EL3aref 5 قام بنشر November 5, 2007 فعلاً موضوع حيوى ومهم جداً ومجدش خد باله منه شكراً اختى تقوى القلوب لتنشيط الموضوع واحيائه من جديد وشكراًاخى المصرى على الموضوع اللى بيفكر الواحد بحاجات تفور الدم جميل ردك يا فراس ومنظم شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر November 7, 2007 موضوع جميل جدا اخي وليد المصري طبعا احسن ما في الموضوع أختلاف وجهات النظر عشان الواحد يعرف الموضوع من اكثر من ناحية طبعا اخي فراس انا احترم وجهة نظرك بس انا ليا راي اخر طبعا احنا عارفين ان السبب الرئيسي في خسارة الشركات دي هو الاهمال مفيش شك بس الاهمال جه من فين طبعا من عدم الرقابة يبقي اصل الموضوع هو عدم الرقابة علي الرغم من ان مصر فيها عدد لاحصر له من الجهات الرقابية بس ذي قلتها لأنها منظر و بس ,. بس لو الجهات دي اتفعلت صح و اشتغلت صح هيكون كل شيء تمام و كل اللي يخطأ ياخد جزاءه و كل اللي يعمل حاجه صح يتكرم عليها و هو ده الفرق بين القطاع العام و الخاص و اكبر دليل علي كده ان الشركات الخسرانة دي كانت هي اللي جايبة للبلد فلوس قبل كده و كانت كسبانة طبعاطب ايه اللي حصل . الرقابة انعدمت ده هو السبب طبعا موضوع الرقابه ده يمكن التحكم فيه بسهولةيعني مش عاوز مجهود جبار ذي الناس ما فاكره و طبعا الحكومة عاوزة تريح دماغها و مش عاوزة تتعب فقالت ابيع و ده هو السبب الرئيسي وده طبعا بقوله علي اساس خبرتي البسيطة في العمل في القطاع الخاص طبعا ده رأيي شارك هذه المشاركه رابط المشاركه شار ك علي موقع اخر
فراس فراس 0 قام بنشر November 23, 2007 بحييك على رأيك عبقرينو بس انا عايز اقولك حاجة مين اللى بيراقب على الناس اللى بتراقب..؟؟؟؟ ومين اللى هايراقب على الناس اللى بتراقب على اللى بتراقب الموضوع كبييييييييييييييييير يعنى عندك بتوع التموين فى ناس منهم محترمين جداً بس فى ناس منهم مايعلم بيهم إلا ربنا يعنى لازم يفوتوا على كل فرن الصبح وياخدوا التسعيرة بتاعتهم مش عارف حوالى عشرة جنيه ولا عشرين فى اليوم ولو مادفعشى صاحب الفرن ولا المحل يبقى بتاع التموين هايقرفوا و كل شئ قانونى ولا مثلاً فى بعض المستشفيات الحكومى المفروض أن هما بيوفروا الدواء لأ مايوفرهوش ولا التبرعات اللى بتروح للمستشفى ساعات مدير المستشفى وبتاع الخازنة يقاسموها بينهم وبين بعضهم أنت عايز أكتر من مدير بيقول أنا حرامى حد ليه عندى حاجة واللى عايز يشتكى يشتكى ويكتب مذكرة ولما يتشجع حد ويكتب مذكرة و يشتكى المدير بالكتير ياخد خصم ولا كلمتين ولا لفت نظر يعنى حاجة كدة اى كلام ويمكن مايتعاملهوش حاجة وده لان اللى بيراقبه ساعات بيقسم معاه والله أعلم وبعدين ياعينى اللى يشتكى وخايف على حق الناس يتخصم له ويتنقل ويتبهدل وكل حاجة ماشية قانونى مين هايراقب على اللى بيراقب ومين هايراقب على اللى بيراقب اللى بيراقب ومين هايراقب على اللى بيراقب اللى بيراقب اللى بيراقب...... الموضوع كبييييييييييير شارك هذه المشاركه رابط المشاركه شار ك علي موقع اخر
