شرح بالصور لطريقة رفع الملفات على مواقع الرفع

[Dr.A7MD 130]

 

 

 

 

أهلا بيكم أعضاء وزوار منتديات ياللا يا شباب

 

الموضوع ده اتعمل عشان يساعد كل من يريد أن يرفع ملفاته على الإنترنت

 

طبعاً شريحة كبيرة مننا ليها باع وخبرة طويلة فى مجال الرفع ... لكن احنا بنخاطب الناس اللى لسه بتبدأ أول خطواتها فى مجال الأبلود ونفسهم يبقوا من الأبلودرز Aploaders اللى ليهم خبرة فى المجال ده

 

الموضوع بعون الله هيكون ممتد ... بمعنى أننا لما هنلاقى موقع جديد أو أى حاجات جديدة هنحاول نشرحها بأسلوب بسيط بحيث أكبر عدد من الناس تستفاد ويبقى الموضوع بيجاوب على كتير من أسئلة الأعضاء واستفساراتها وطلباتها

 

أغلب الملفات المرفوعة على الشبكة العنكبوتية أما بتكون بصيغها الطبيعية زى ملفات الفيديو والصوت والأوفيس والـ pdf ... إلخ

 

وكل الأنواع دى احنا بنفضل أننا نضغطها قبل رفعها على النت بحيث أنها تطلع بصيغة الملفات المضغوطة ... rar,zip,.... إلخ

 

ده غير الصور والملفات الفلاشية اللى بصيغة swf واللى ليها مواقع خاصة تترفع عليها

 

كل اللى هنعمله بعون الله أننا هنحاول نشرح طريقة رفع جميع صيغ الملفات دى على أفضل مواقع الرفع ... مش كل المواقع

 

يرجى ترك الموضوع فترة بسيطة لكى يكتمل تحميل جميع الصور

 

تم تصغير جميع أبعاد الصور الموضوعة فى الموضوع

لمن تواجهه مشاكل فى تحميل صور الشرح أو من يريد الإحتفاظ بها فليحملها من الرابط التالى [ الصور بأبعادها الأصلية ]

 

 

 

مقدمة بسيطة

 

فى البداية لازم نعرف كام حاجة مهمة

 

أولاً :- أغلب مواقع الرفع ممكن ترفع عليها بدون تسجيل أو انك تعمل أكونت [ عضوية ] عليها

 

ثانياً :- المواقع اللى بتشترط عليك أنك تعمل أكونت عليها .... يا اما يكون اكونت مجانى أو مدفوع وطبعاً بيكون فى فرق بين المجانى والمدفوع من حيث المساحة المتاحة ليك ترفع عليها وحاجات تانية

 

ثالثاً :- مواقع التسجيل فيها اختيارى .. يعنى ممكن ترفع عليها بدون ما تسجل أو ترفع وأنت مسجل وعامل اكونت عليها .... فايدة التسجيل بيكون فى أنك بتتحكم فى ملفاتك بامكانيات الحذف وانك تخليها متاحة للعامة أو لا وحاجات تانية ... وبيكون فى امكانية أنك تشوف احصائيات الملفات اللى رفعتها من حيث عدد مرات التحميل ورفعتها امتى واحصائية خاصة بتخليك تشوف عدد التحميل فى الدول اللى الناس فيها حملت ملفك

 

رابعاً :- مواقع بترفع على أكتر من سيرفر ودى بتخدم ناس كتير بحيث أنها تتيح لك أنك تحمل من السيرفر اللى تحبه

 

 

احنا هنا هنجيب من الآخر [ الخلاصة يعنى ] عشان نركز فى حاجات معينة ونحاول نبسط على الجميع

 

 

Multiupload.com

 

من أفضل المواقع اللى بترفع على أكثر من سيرفر

 

هنشرح بالصور عشان نختصر الوقت ومحدش يزهق من كتر الكلام

 

 

 

 

 

 

كيفية التسجيل فى الموقع

 

 

 

 

 

مثال على رفع الموقع

 

http://www.multiupload.com/1BVDY9CUI6

 

 

Mediafire

 

موقع جميل والتحميل منه رائع ويدعم الاستكمال فى حالة استخدام برنامج IDM

 

عيبه الوحيد أنه عند رفع الأجزاء المضغوطة المقسمة بتحصل مشاكل عند فك ضغط الملفات [ ممكن يكون فى تلف لبعض الملفات ]

 

عشان كدا مش بحب أرفع عليه إلا لما بيكون ملف وحيد مضغوط أو متكونش مضغوطة من الأصل

 

لكن الموقع جميل وفيه امكانيات جميلة

 

نتابع الشرح

 

 

 

 

 

 

طريقة التسجيل فى الموقع

 

 

 

 

 

مثال للرفع على الموقع

 

http://www.mediafire.com/?vdvuwi1ldnd

 

 

Megaupload

 

موقع جميل جداً فى الرفع وعند التحميل يدعم الاستكمال فى حالة استخدام برنامج الــ IDM

 

نتابع الشرح المصور

 

 

 

طريقة التسجيل فى الموقع

 

 

 

 

مثال للرفع على الموقع

 

http://www.megaupload.com/?d=0NUIA8GS

 

 

Hotfile

 

موقع جميل اشتهر فى الآونة الأخيرة التى عم فيها السخط على موقع الرابدشير الألمانى

 

وتجد أغلب المواقع الأجنبية والمنتديات تفضل الرفع على هذا الموقع

 

توجد به خاصية الـ Remote upload [ والتى سوف نتطرق لها فيما بعد ] وأيضا به خاصية تعديل أسماء الملفات بعد رفعها

 

نتابع الشرح

 

 

 

طريقة التسجيل فى الموقع

 

 

 

 

 

مثال للرفع على الموقع

 

اضغط هنا

 

 

وأخيراً

 

4shared

 

موقع يرفع عليه الكثيرون ويمتاز بأنه يتيح لك التسجيل المجانى بمساحة معينة

 

نتابع الشرح

 

 

 

 

مثال للرفع على الموقع

 

اضغط هنا

 

 

رفع ملفات الفلاش .. ملفات الامتداد [ swf ]

 

طبعاً فى مواقع خاصة برفع ملفات الفلاش وتاخد اللينك وتحطه فى المنتدى ويشتغل من خلال منتداك

 

بعد البحث لمدة طويلة والمقارنة بين أكثر من موقع لرفع هذه الملفات اخترت هذا الموقع

 

http://www.swfcabin.com/

 

شرح استعمال الموقع

 

 

 

بعد كدا هيطلعلك اللينك بالشكل ده

 

http://www.swfcabin.com/open/1268560392

 

اللينك ده أول لما هتفتح صفحة متصفح جديدة وتحطه فيها هيشتغل الفلاش معاك طبيعى

 

أما بقى لو عاوزه يشتغل فى المنتدى بتاعك هتعمل حاجة بسيطة

 

خلى بالك من اللينك اللى من فوق وخلى بالك من اللينك اللى جاى

 

http://www.swfcabin.com/swf-files/*********.swf

 

مكان كلمة open اللى فى اللينك اللى فوق هتحط مكانها كلمة

 

swf-files

 

وفى نهاية اللينك الاولانى هتكتب .swf

 

طبعاً النجوم اللى فى اللينك التحتانى هى مكان 1268560392 اللى فى الفوقانى

 

وعشان نعرف نضيف الفلاش للمنتدى هنتابع الموضوع ده

 

شرح كتابة موضوع جديد فى المنتدى

 

 

كيفية رفع الصور على الإنترنت

 

قلنا فوق أن فى مواقع خاصة برفع الصور بكافة امتداداتها المعروفة

 

وهنختار من المواقع ده أحسن موقع [ من وجهة نظرى ]

 

Imageshack

 

والحمد لله الموقع بيتيح لك برنامج تحمله على جهازك ومن خلاله ترفع ما تشاء من الصور فى أقل وقت ممكن

 

ولتحميل هذا البرنامج وتعلم استخدامه يرجى الدخول لهذا الموضوع

 

 

عملاق رفع الصور ImageShack Uploader

 

 

الحمد لله خلصنا أول بداية وفاتحة للموضوع

 

زى ما قلنا هنتابع من وقت لوقت المواقع وهنشوف أنهى الأفضل ونحاول نبلغكم بيها

 

لم نتطرق لشرح كيفية الرفع على مواقع كثيرة ومشهورة وذلك لأننا فضلنا الشرح على أفضل المواقع المجربة ولمن أراد استعمال المواقع الأخرى فلا توجد مشكلة فى كيفية الرفع ولا التسجيل وهى كما شرحناها فى المواقع السابقة

 

تتبقى لنا إضافات بسيطة للموضوع سوف يتم إضافاتها فيما بعد لنفاذ الوقت والجهد حالياً

 

شكر خاص للعارف وعاشق الصداقه للمساعدة فى تصميم اللوجو الخاص بالموقع والذى تم حفظ شرح الصور به

 

جميع الحقوق محفوظة لمنتديات ياللا يا شباب

 

أخوكم Dr.A7md

 

[ خادم ياللا يا شباب ]

 

 

مواقع الرفع شرح مواقع الرفع شرح بالصور لكيفية رفع الملفات طريقة رفع الملفات رفع الملفات رفع ملفات الفلاش رفع الصور مواقع الرفع على أكثر من سيرفر

 

تم تعديل August 7, 2010 بواسطه Dr.A7MD

[عاشق الصداقه 525]

ما شاء الله - ولا قوة إلا بالله

 

والله أنا ليا الشرف إنى أكون اول حد يرد على موضوع زى ده

 

بجد بجد يا حبيب قلبى ربنا يكرمك ويباركلك ويوفقك لكل ما يحب ويرضى

 

ويجعل الموضوع ده وكل الموضوعات الرائعه اللى أفدتنا بيها وبتفيدنا بيها فى ميزان حسناتك

 

كل يوم بتفاجئنا بمجهودات خرافيه - بارك الله فيك

 

أحبك فى الله

[بسمة الاقصى 78]

[الرّام 173]

بالحق بالحق بالحق .. يعطيك الصحة يا خويا

 

بالرسمي مجهود تشكر عليه

 

و ربي ان شاء الله يجعله في ميزان حسناتك باذن الله

 

و ربي يرزقك بكل خير على قد نيتك و سعيك للافادة

[Dr.A7MD 130]

ما شاء الله - ولا قوة إلا بالله

 

والله أنا ليا الشرف إنى أكون اول حد يرد على موضوع زى ده

 

بجد بجد يا حبيب قلبى ربنا يكرمك ويباركلك ويوفقك لكل ما يحب ويرضى

 

ويجعل الموضوع ده وكل الموضوعات الرائعه اللى أفدتنا بيها وبتفيدنا بيها فى ميزان حسناتك

 

كل يوم بتفاجئنا بمجهودات خرافيه - بارك الله فيك

 

أحبك فى الله

 

ربنا يبارك فيك يا أحمد على مرورك الجميل وردك الأجمل

 

والله أنا ليا الشرف إنى أكون اول حد يرد على موضوع زى ده

 

هنبقى نوزع فراخ وصاية للى يرد أول واحد فى الموضوعات بعد كدا .... والحساب عند عاشق الصداقه يا جماعة

 

ربنا يخليك يا حبى على مجاملتك الغالية دى

 

واحشنى بجد

 

 

 

نورتى أختى بسمة الأقصى

 

يارب يكون الموضوع أفادك ولو بالقليل

 

 

بالحق بالحق بالحق .. يعطيك الصحة يا خويا

 

بالرسمي مجهود تشكر عليه

 

و ربي ان شاء الله يجعله في ميزان حسناتك باذن الله

 

و ربي يرزقك بكل خير على قد نيتك و سعيك للافادة

 

ربنا يعطينا ويعطيكى العافية والصحة يا الرام

 

دعواتك فى الصميم دايماً [ بلغة الكورة فى الجووووووول علطول ]

 

ربنا يخليكى ويبارك فيكى على مرورك الجميل وردك المشجع والمحفز

 

تحياتى ليكى

 

---------------------------

 

* تم عمل تحديث للموضوع *

 

تصغير حجم الصور وتقليل مساحتها حتى تأخد وقت أقل فى التحميل

 

إضافة لينك تحميل لجميع الصور المشروحة بالموضوع بأبعادها الأصلية لمن يواجه مشاكل فى تحميل الصور أو يود الإحتفاظ بها

 

دمتم ودام منتداكم بكل خير

 

تحياتى ليكم

 

تم تعديل March 21, 2010 بواسطه Dr.A7md

[سجده 45]

بسم الله ما شاء الله ولاقوه الا بالله

 

اللهم لا حسد مجهود رائع

 

سلمت يمناك دكتور احمد

 

جزاك الله أخي عنا كل الخير و جعله في ميزان حسناتك ياااارب

[رحمتك رجائي 1]

[Dr.A7MD 130]

بسم الله ما شاء الله ولاقوه الا بالله

 

اللهم لا حسد مجهود رائع

 

سلمت يمناك دكتور احمد

 

جزاك الله أخي عنا كل الخير و جعله في ميزان حسناتك ياااارب

 

ربنا يبارك فيكى أختى سجده

 

شكراً على مرورك وكلامك الطيب

 

يارب يكون الموضوع أفادك ولو بالقليل

 

 

 

شكراً ليكى ريحانة الجنة

[emyly 0]

[ بسم الله الرحمن الرحيم

السلام عليكم ورحمة الله وبركاته،،

شكراً لك اخي الكريم

وبارك الله فيك موضوع جميل جدا وانا استفادت منه جدا لانو ما كنت بعرف فىه شى من قبل باكرر شكرى لك وللقائمين على المنتدى

[Dr.A7MD 130]

[ بسم الله الرحمن الرحيم

السلام عليكم ورحمة الله وبركاته،،

شكراً لك اخي الكريم

وبارك الله فيك موضوع جميل جدا وانا استفادت منه جدا لانو ما كنت بعرف فىه شى من قبل باكرر شكرى لك وللقائمين على المنتدى

 

نورتى الموضوع أختى الكريمة

 

الحمد لله أن الموضوع أفادك ولو بالقدر اليسير

 

تحياتى ليكى