Dr.A7MD 130 قام بنشر April 6, 2010 (تعديل) غريب أنا .... بحتفل بحاجات محدش يحتفل بيها أو تيجى على دماغه أو مش بيهتم بيها اوى بس أعمل ايه ... هفضل أنا هو أنا ... أحمد غريب الأطوار النهارده وأنا قاعد فى السيبر بعد ما خلصت الشغل ... طقت فى دماغى فكرة قلت أشوف حصاد رحلتى مع ياللا يا شباب وصلت لفين مسكت ماوس وكيبورد وفتحت الملفات والمجلدات القديمة وأشوف اللى ليا واللى عليا كنت مركز اوى على الحاجات اللى عاملها بايدى ورفعتها باسم منتديات ياللا يا شباب واللى ريحنى فى المسألة دى أنى من فترة طويلة عامل مجلد فى الكمبيوتر خاص بيالا يا شباب اسمه YallaGroup المهم هات من الشمال وهات من اليمين وحط ده على دهو وهات كدا على كداك لحد لما خلصت حساب لقيت الملخص التالى لقيت مساحة الملف فوق الجيجا ..... قلت فى نفسى [ ياد ده أنت عديت أول جيجا رفع للمنتدى !! مش كفياك كدا ] واسترجعت فى بالى رحلتى مع الويب ورحلتى مع المنتديات وياللا يا شباب بوجه خاص فحابب أعرض بشكل سريع ذكرياتى وأوثقها فى ياللا يا شباب رحلتى مع الويب سنة 2001 ... أولى طب ... جامعة أسيوط يدوبك كنا نعرف حاجة اسمها نت وسيبرات فى أسيوط ... والسيبر اللى كان واخد خط ربط 512 كان يبقى حوت النت ولا فى حد زيه ولا كانت السيبرات دخلت فى سوهاج وكان كل شغل الناس فى النت عن طريق المودم وخطوط التليفون كانوا فى الجامعة يطلبوا مننا أبحاث بشكل دورى ودى كانت الحاجة الوحيدة اللى عشانها بندخل سيبرات بعد شوية الواحد فقد وبقى من حين للتانى لما المذاكرة تطلع عينه يروح ياخدله ساعة نت يخرج كبت المذاكرة ويرجع وكنا من الجامعة للمدينة ومن المدينة للجامعة ويوم أو اتنين فى الأسبوع نروح ندخل نت كنا لسه غلابة ... اميلات ومواقع أخبار ومواقع طبية ... فضل ورضا من ربنا مكناش نعرف يعنى ايه منتديات ولا أى حاجة من دى مرة على مرة بدأت الحكاية توسع ... وبدأت المنتديات الطبية تكبر وتاخد اهتمام معظم طلبة الطب شوية شوية عرفنا يعنى ايه منتدى ويعنى ايه تسجيل وكنا نعمل عضويات خاملة بس عشان نخلص شغلنا وكمان شويتين شويتين استهوانى الموضوع وعشان أنا فقرى حبتين بدأ موضوع الكمبيوتر والنت ده يستهوينى وبحكم أن ليا أخ فى كلية حاسبات ومعلومات ... فعملنا مؤامرة فى البيت أننا لازم يكون عندنا جهاز فى البيت وده مطلوب بحكم دراسة أخوى إنما الحقيقة مكنش لازم اوى .... كنا عاوزين نلعب ونهيص ويكون لينا جهاز فى البيت والحمد لله ... الجهاز جه وكنت كل أسبوع لما ارجع البيت اقعد عليه واطلع القديم والجديد فيه رحلتى مع المنتديات أخدت أول 3 سنين فى أسيوط ... بعدها حولت وجيت آخد الفترة الإكلينيكية فى جامعة جنوب الوادى [ سوهاج حالياً ] كانت ساعتها السيبرات دخلت فى سوهاج بس لسه حكاية وصلات النت فى البيوت كانت قليلة المهم فى ليلة طقت فى دماغى فكرة ... قلت لأخوى محمود ... ايه رأيك ياد نجيب وصلة نت فى البيت ؟؟ قالى اه والله فكرة كويسة ... هو فى سيبر تحتنا بس هل يرضى يوصلنا !!!! قلتله والله شكلك واكل كوسة بالليل .... قصدى خط لينا لوحدنا يا خفيف المهم ساعتها طلعونى مجنون ومحدش رضى يمشى معاى فى الموضوع من تحت لتحت كالعادة كنت بستفسر عن أحسن الشركات اللى شغاله فى سوهاج كانت ايجى شغالة وراية شغال وكانت أسعارهم غالية [ الـ 256 كانت ب 125 جنيه فى الشهر ] وكانت لسه هتدخل شركة اسمها TE Data فى سوهاج وكان ليها توكيل لسه بيظبط أموره مع السنترال من هنا ومن هناك وبأسلوب المسكنة ... جبت راوتر من مصر وصبرت مع تى ايه داتا لحد لما وصلت وكنت من أول 10 أشخاص يوصلوا منها فى سوهاج كنت فى رابعة طب ساعتها ... وزى ما بيقولوا فى طب [ رابعه قهاوى ] .... فكنت لازق فى الكمبيوتر والنت وكملت خبرتى اللى كانت لسه بادئة فى أسيوط ويوم ورا يوم كنت بتعلم حاجة زيادة يوم من الأيام لقيت إعلان فى صفحة نت عن منتديات أحلى منتدى قعدت يوم واتنين وتلاته احاول واجرب وأشوف ايه نظام المنتديات وشغالة ازاى وكل ده اشتركت وعملت منتدى كدا تجربة والحمد لله لخبطت فيه وطلعت كل عقدى فيه لحد لما زهق منى وباظ بعدها دورت فى أحلى منتدى ولقيت ناس عاملين منتدى اسلامى فقلت اشترك معاهم كعضو وأبدا من الصفر مر الوقت بقيت شغال فى المنتدى الاسلامى وشغال بصفة شخصية على منتدى خاص بيا بجرب فيه كل حاجة لحد لما شربت نظام أحلى منتدى كله وعرفت كل حاجة لقيت نفسى زهقت وعاوز اجرب حاجة جديدة .... ربنا كرمنى بشخصية عرفتنى على ياللا يا شباب فى بداياته المهم سجلت بعضوية وقعدت أقلب فيه وفى الأول حسيت بزحمة وتوهان وعينيا قعدت تروح وتيجى كتبت موضوع او اتنين وكام رد وبعدين قلت لا مش ناوى اكمل وسبت عالم الكمبيوتر والنت فترة وكان همى الشاغل دراستى وبقى النت ده تسالى من فترة للتانية وصلت 5 طب وهى هى نفس الشخصية دى عرفتنى على منتدى لسه يدوب بيقول يا هادى الحقيقة المنتدى ده كان لسه ماشى على قده ... أعضاء قليلين وموضوعات أقل ... كان نايم بالمعنى الأصح ... كان تحت اسم منتديات شباب مصر بدأت تاتا حابا أكتب فيه .... واللى شجعنى أن الناس اللى عاملينه كانوا طب وهندسة وكدا فكان فكرنا قريب من بعض حبيت نظام المنتديات وبدأ يكون ليا أسلوب معين وواضح وخاص بيا والحمد لله شعبية كبيرة مسكت مراقب عام وبعدها مشرف للمنتدى الطبى ووصلت مشاركاتى فيه لحوالى 1200 مشاركة وكمقارنة للمشاركات التانية فكانت حاجة حلوة جداً خصوصاً أنى مش بحب نقل الموضوعات ... بحب اكتب بايدى ومحبش أخد مجهود حد يوم ورا يوم والخبرة الحمد لله بتزيد ... والحاجة اللى ممكن الناس تاخد فيها أيام عشان تتعلمها بتعلمها فى يوم واحد وده من فضل ربنا عليا وكالمعتاد لما بتكون بتجرى بسرعة ده مش ذنبك ولا ذنب اللى ماشى بطىء وراك ... بس بالنسبة للى وراك بيشوفوا ان ده ذنبك خلاف فى وجهات النظر .... حاجات مش بتتعمل .... اهمال إدارى .... سبت المنتدى وكان ده السبب الرئيسى لأنى أتعمق أكتر فى شغل المنتديات قلت فى بالى مرة ... وهم الناس دول يعنى زيادة عنى فى ايه ومن ساعتها وأنا بدأت اتعلم كل حاجة فى عالم المنتديات مسكت الخيط من أوله ... يعنى ايه استضافه ويعنى ايه سيرفر وايه أنواع المنتديات وايه هى نسخ المنتديات وازاى نسخة منتدى تتسطب وايه الفرق بينهم وايه هى محررات المنتديات وايه هى الاستايلات وايه هو السيرفر الشخصى .... إلخ بدأت فى شباب مصر ومن خلاله عرفت برنامج snagIt ولما خرجت منه عرفت كل الحاجات اللى فوق دى مكنتش بطيق حاجة اسمها فوتوشوب ..... دورت على كل حاجة فى عالم التصميم والجرافيك ما عدا الفوتوشوب مرة واحدة حلفت يمين وقلت يا أنا يا هو بعدها الفوتوشوب جاب وراه الفلاش جاب وراه السويش ماكس جاب وراه منتجات الادوب جاب وراه الكابتيفيت جاب وراه كامتسيا جاب وراه حاجات كتيرة وأثناء كل ده كنت عضو فى ياللا يا شباب رحلتى مع ياللا يا شباب قررت أرجع لياللا يا شباب من تانى بعد لما خبرتى أختلفت خالص وبدأت أفهم كل حاجة ماشية ازاى حبيت أنشط عضويتى بتاعى زمان بس قلت أبدا من أول وجديد عملت عضوية جديدة وبدأت مشوارى مكنتش أعرف نظام ياللا يا شباب اوى ... أول موضوع أكتبه فى المنتدى اتحول للأرشيف وأول احتكاك ليا مع حد من الفريق الإدارى كانت بنت مصرية يوم ورا يوم بدأت أفهم وأعرف النظام ماشى ازاى كنت حابب أبدا بالحاجات اللى اتعلمتها بمجهود شخصى منى ولا حد علمهانى ... فبدأت بدورة التميز والإبداع فى عالم المنتديات بعدها سبت المنتدى لفترة وعلى ما أظن كانت الفترة دى فى رمضان اللى فات اتغير تفكيرى كتير وقررت أرجع المنتدى تانى وقررت أنه لازم يبقالى أسلوب معين خاص بيا فى كل موضوعاتى وكل ما اتعلم حاجة يبقى لياللا يا شباب نصيب منها تعبت كتير لأنى مش بحب أنقل مواضيع نقل مسطرة ... ومش عيب نقل المواضيع ... بس ده طبع فيا الموضوعات اللى مفهاش لمسة شخصية منى بتبقى من منتديات ومواقع أجنبية لأنى زبون دايم فيها تعبت أكتر فى رفع الملفات بسبب الحركات القرعة للنت والشبكة لما تفصل وتطلع عينى والحمد لله ... دى نتيجة رفع الملفات باسم ياللا يا شباب ... بهديها لعاشق الصداقه دلوقتى ليا 3 محطات فى عالم النت 1- منتديات أحلى منتدى 2- منتديات شباب مصر 3 - منتديات ياللا يا شباب فهل هتكون فى محطة رابعة [ محطة احترافية ] ... ولا هفضل فى الدورى المحلى لياللا يا شباب ده اللى إن شاء الله هنعرفه فى الشهور الجاية بعون الله هاااااااااااا ... حد فهم حاجة !!! .... نصيحتى لكل واحد فيكم .... محدش يفكر يمشى مشوارى كل جيجا وأنتم طيبين تم تعديل April 6, 2010 بواسطه Dr.A7md شارك هذه المشاركه رابط المشاركه شار ك علي موقع اخر
الدرة المصونة 3 قام بنشر April 6, 2010 (تعديل) ربنا يزيدك ويوفقك إلى مايحبه ويرضاه .... ورحلاتك جميلة . ............ بس المرة الجاية خدنا معاك .......علشان الواحد زهقان من القعدة في البيت ....... وربنا يسعدك ويسعد أيامك وشكرا........وكل جيجا وميجا وأنت طيب يأحسن دكتور تم تعديل April 6, 2010 بواسطه سوسو سكرت مصر شارك هذه المشاركه رابط المشاركه شار ك علي موقع اخر
بنت مصرية 65 قام بنشر April 6, 2010 والله مش عارفة اقول ايه بصراحة الموضوع ده جميل جدا جدا فكرتني بالادمن بتاعنا لما يحب يحكي هنا في المنتدي رحلات كفاحه بس بجد اسلوب رائع انا عشت مع الرحلة دي وكأني كنت عايشة فيها بنفسي وبجد رحلة جميلة جدا جدا يادكتور.. بالنسبة لاني كنت اول واحدة احتكيت بيها من الفريق الإداري ضحكتني وفكرتني بمشهد الكاوبويز وهما بيستعدوا لمعركة بينهم يبقي الواحد ماشي كدا وفجاة يطلع واحد يضربه عيار او لعبة ويكون البطل ماشي وفجاة يطلعله احد الاشرار :present: :present: معلش بقي يادكتور بس شغلنا بقي وفكرتني بنفسي في موضوع الفوتوشوب انا ماكنتش بطيقه ولكن صممت وراه لحد اما اتعلمته والحمد لله انا كمان اشتراكي في ياللا شباب غيرني كتير وعلمني حجات واجبرني اني ابقي احسن والحمد لله بالنسبة لمحطتك الرابعة مهما كانت نظرتك ليها ربنا يوفقك فيها بس تعرف ان انا النت بكل اللي فيه كوم وياللا شباب كوم تاني خالص انا شايفة ان اي انجاز او احساس بالفخر ممكن احققه هيكون هنا وفعلا باذن الله هيتحقق وعد الادمن لينا ان يجي اليوم اللي نشعر بالفخر لاننا من اعضاء المنتدي والحمد لله انا بعر بده من دلوقت ياللا ياشباب مش مجرد منتدي عادي اعتقد انك ممكن تكون لاحظت ده بس احب اشكر الشخصية اللي عرفتك بالمنتدي بعد الله سبحانه وتعالي وانتهزها فرصة لشكرك علي كل جهودك اللي فعلا هي ليها بصمة واضحة في المنتدي شكرا ليك كمان لان يمكن دي اول مشاركة غير ادارية ليا في المنتدي من فترة كبيرة اراح الله باك واكرمك بخير الدنيا والآخرة جزاك الله كل خير وتقبل مروري شارك هذه المشاركه رابط المشاركه شار ك علي موقع اخر
سجده 45 قام بنشر April 7, 2010 مبروووووووووك يا دكتور و ادعيلنا بقي معاك شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر April 7, 2010 الف مبرووووووك ومن نجاح الى نجاح يارب وربنا يجعل كل ما تفعل فى ميزان حسناتك ويزيدك من فضله ويعينك ياااااااااااارب فى كل حاجه بتعملها يااااااارب شارك هذه المشاركه رابط المشاركه شار ك علي موقع اخر
الرّام 173 قام بنشر April 7, 2010 رحلة مرورك بكل هذا .. امر رائع و حلوّ و مشوّق و ان شاء الله الى الافضل ديما باذن الله ربي يرزقك بكل خير و يزيدك من فضله و ينعم عليك و كل جيجا و انت بالف خير ان شاء الله شارك هذه المشاركه رابط المشاركه شار ك علي موقع اخر
Dr.A7MD 130 قام بنشر April 7, 2010 ربنا يزيدك ويوفقك إلى مايحبه ويرضاه .... ورحلاتك جميلة . ............ بس المرة الجاية خدنا معاك .......علشان الواحد زهقان من القعدة في البيت ....... وربنا يسعدك ويسعد أيامك وشكرا........وكل جيجا وميجا وأنت طيب يأحسن دكتور نورتى الرحلة أختى سوسو سكرت مصر ... شكراً وربنا يبارك فيكى والله مش عارفة اقول ايه بصراحة الموضوع ده جميل جدا جدا فكرتني بالادمن بتاعنا لما يحب يحكي هنا في المنتدي رحلات كفاحه بس بجد اسلوب رائع انا عشت مع الرحلة دي وكأني كنت عايشة فيها بنفسي وبجد رحلة جميلة جدا جدا يادكتور.. بالنسبة لاني كنت اول واحدة احتكيت بيها من الفريق الإداري ضحكتني وفكرتني بمشهد الكاوبويز وهما بيستعدوا لمعركة بينهم يبقي الواحد ماشي كدا وفجاة يطلع واحد يضربه عيار او لعبة ويكون البطل ماشي وفجاة يطلعله احد الاشرار معلش بقي يادكتور بس شغلنا بقي وفكرتني بنفسي في موضوع الفوتوشوب انا ماكنتش بطيقه ولكن صممت وراه لحد اما اتعلمته والحمد لله انا كمان اشتراكي في ياللا شباب غيرني كتير وعلمني حجات واجبرني اني ابقي احسن والحمد لله بالنسبة لمحطتك الرابعة مهما كانت نظرتك ليها ربنا يوفقك فيها بس تعرف ان انا النت بكل اللي فيه كوم وياللا شباب كوم تاني خالص انا شايفة ان اي انجاز او احساس بالفخر ممكن احققه هيكون هنا وفعلا باذن الله هيتحقق وعد الادمن لينا ان يجي اليوم اللي نشعر بالفخر لاننا من اعضاء المنتدي والحمد لله انا بعر بده من دلوقت ياللا ياشباب مش مجرد منتدي عادي اعتقد انك ممكن تكون لاحظت ده بس احب اشكر الشخصية اللي عرفتك بالمنتدي بعد الله سبحانه وتعالي وانتهزها فرصة لشكرك علي كل جهودك اللي فعلا هي ليها بصمة واضحة في المنتدي شكرا ليك كمان لان يمكن دي اول مشاركة غير ادارية ليا في المنتدي من فترة كبيرة اراح الله باك واكرمك بخير الدنيا والآخرة جزاك الله كل خير وتقبل مروري شكراً بنت مصرية على المرور والرد الجميل الطويل ده ربنا يبارك فيكى ويكرمك تحياتى ليكى مبروووووووووك يا دكتور و ادعيلنا بقي معاك أختى سجدة .... نورتى الموضوع وربنا يباركلك ويباركلنا كلنا تحياتى ليكى الف مبرووووووك ومن نجاح الى نجاح يارب وربنا يجعل كل ما تفعل فى ميزان حسناتك ويزيدك من فضله ويعينك ياااااااااااارب فى كل حاجه بتعملها يااااااارب أختى حياتى من أجل ربى دعواتك دايماً جميلة وفى الصميم ربنا يبارك فيكى ويعينك ونسمع عنك كل خير تحياتى ليكى رحلة مرورك بكل هذا .. امر رائع و حلوّ و مشوّق و ان شاء الله الى الافضل ديما باذن الله ربي يرزقك بكل خير و يزيدك من فضله و ينعم عليك و كل جيجا و انت بالف خير ان شاء الله أختى الرام .... متشكر اوى اوى لمرورك وردك ودعائك الجميل اللى بحتاجله دايماً ربنا يباركلك ويوفقك فى كل أمور حياتك تحياتى وتقديرى شارك هذه المشاركه رابط المشاركه شار ك علي موقع اخر
