M.elho 0 قام بنشر May 1, 2010 وح اعمل م القلم عكاز *********** صحيت تاني على دا الحال.....؟ ترد الباب على نفسك... تبص لسقف متعلق وكام حيطه بتضحكلك وتسمع من بعيد أوهام.. ونفس الصوت بيندهلك يشدَّك تُدخل المتهات..! يزينلك ف منتديات ومؤتمرات..! ولسه يا واد بتستنى صدى صوتك.. بلون الزرع يرجعلك وقولة..آه..! كمان... الله...! نسيت جرحك...؟ يا راجل فوووق ده عمرك فات ومش راجع.. أدي مِرَيِّــتك وخصلة شعرك ابيضَّـت بتحسبلك فضلك كام..؟؟ ومن دلوقتي ف الشارع كإني الناس بتتجمع عشان طالعين.. لمين طالعين .؟؟ منعرفشي لكن قاعدين... أقوله كده..يقول: أيوه رميت الزهر طول عمري على الخِللان.. حلف بالله ليكرمني.. يخليني ف يوم الجد أنا الكسبان.. فمهما الشوك جرح صوتي وعذبني منيش ندمان.. وحفضل أرمي بإديه.. مادام رجليه شيلاني... ويوم م اعجز وتطلع م اللسان ألغاز... حضُم ف صدري أوراقي... وح اعمل م القلم عكاز... ووصي عيالي من بعدي.. يقيدوا النار ف كراستي.. ويحتفلوا بيوم موتي... بقلم ياسر الحـــو شارك هذه المشاركه رابط المشاركه شار ك علي موقع اخر
الجندى المجهول 37 قام بنشر May 1, 2010 صدى صوتك..بلون الزرع يرجعلك التعبير دا رائع بجد الله اكبر كلمات الاستاذ ياسر رائعه رغم الحز اللى فى القصيده الا انى التعبرات جميله جدا لمسه حاجات كتيره عندى ربنا يجزيك عنا كل خير يا محمد جعل الله كل ما تكتب فى ميزان حسناتك ننتظر المذيد شارك هذه المشاركه رابط المشاركه شار ك علي موقع اخر
M.elho 0 قام بنشر May 4, 2010 شكرا ليك صديقي على مرورك الكريم ربنا يكرمك يارب شارك هذه المشاركه رابط المشاركه شار ك علي موقع اخر
