مالك يا دنيا واقفه فى سكتى !!!

[:: نبـ القلم ــض :: 8]

مالك يا دنيا

واقفه فى سكتى

 

اجى افرح ..

تفكرينى بدمعتى!!

 

.....................

 

لا فرحى

عجبك..

 

ولا حزنى

عجبك..

 

ايه اللى بينى وبينك

شبكك!!

 

..........................

 

مالهم ناسك

عاملين أزمة!!

 

بياكلوا فى بعض

زى اللحمه !!

 

...............................

 

ماسكين فيكى

قوى

كده ليه؟!

 

بيحبوكى!!

وعشان ايه؟!

 

..........................

 

وقت الغلط

يقولوا معلش!!

 

ووقت الحق

يقولوا محصلش!!

 

......................

 

على صوتك

وقولى ياناس

 

 

أنا دنيا

بس خلاص

 

......................

 

روحت وجيت

اسمى فانيه !!

 

وممكن اغدر بيكوا

فى ثانيه!!

 

.........................

 

دوام حالى من

محالى!

 

ومعنديش رخيص

أو غالى!

 

..........................

 

لدغتى

تودى القبر

 

 

تحتاج منكم

شويه صبر

 

...........................

 

وأه وأه

من ابتسامتى

 

محدش ييأس

من عتامتى

 

...........................

 

فوقوا ..

فوقوا..

 

خليكوا

جدعان

 

وافتكروا

انكوا اخوان

 

ايد واحده

فى كل مكان

 

على كل ظالم

او عدوان

 

.....................

[Shetos 2]

رائــــــــــــــــــــــــــــــع جداً

 

شكراً على الموضوع الرائع

دوام حالى من

محالى!

 

فعلاً

[:: نبـ القلم ــض :: 8]

شكراااااااااااااااااااا يا تشيتوس دايما رافع معنوياتى كدهون

 

ربنا يكرمك يارب ... الحمد لله انها نالت اعجابكم

 

بس محدش يفتكر ان انا من الاغنياء عشان جبت سيرة اللحمه

 

وخصوصا اخوانا فى موضوع التشريد .. اللى بياكلوا فول وطعميه كل يوم

 

انتوا عارفين ان كل حاجه غلت اليومين دوول

 

دمتم بكل ود

[EL3aref 5]

فوقوا ..

فوقوا..

 

خليكوا

جدعان

 

 

اه لو حصل ده الدنيا هتبقى جميلة خالص

 

والله الموفق .. شكراً اختى نبض .. وبخصوص تشريد الموضوع ده نزل غلطة وجارى العمل على حذفه

[:: نبـ القلم ــض :: 8]

شكرااااااااااااااا على مرورك الكريم أخى العارف

 

ويارب يارب ... امتى نكون بقى جدعان ؟؟!!!!!!

 

نفسى اشوف الدنيا الجميله خالص دى قبل ما اموت ولو مرة واحده

 

وبالنسبه للتشريد .... شكلنا فعلا هدينا النفووووووووس خالص

 

ربنا يارب دايما يجمعكوا على الخير ويحميكوا من العين واخدين بالكم طبعا

[عاشق الصداقه 525]

كلمات جميله كالعاده اختى نبض القلم

 

كنت انتظر عودتك وكتاباتك الجميله .. وقد حظينا بذلك والحمد لله

 

لا اسكت الله صرير قلمك

[:: نبـ القلم ــض :: 8]

شكرااااااااااااااااااا يا عاشق الصداقه ... ربنا ما يحرمنيش من ردودك الجميله دى يارب

 

ويارب يارب دايما اكون عند حسن ظنكم جميعا

 

دمتم بود اخوتى الاعزاء

[صناع الحياه 14]

موضوع ".............." حطي اي لفظ اطراء يعجبك وثقي تماما ان الموضوع يستاهل اكبر من اللفظ ده

[EL3aref 5]

صح يا عبد الله ودى مش مجامله دى حقيقة .. وبالنسبة لموضوع التشريد هو مخلصش ده الهدوء الذى يسبق العاصفة :wink_smile:

[memo 0]

ههههههههههههههههههههههههههههههههه حلو قوى موضوع اللحمه ده

 

بسم الله ما شاء الله عليكى يا نبض قدرتى تجسدى الواقع بكلمات عامية بسيطه وانا موافق صناع الحياة والعارف فى الرأى شكرا لكى

تم تعديل March 11, 2008 بواسطه memo