وقل اعملوا - اجر مضاعف بدون ساعات إضافية - 1

[El-Saher Fantasy]

بسم الله الرحمن الرحيم

اجر مضاعف دون ساعات عمل اضافية

أولاً اسمحولي ارحب بيكم في أول حلقة من سلسلتنا "وقل اعملوا" وانصح كل اللي ماقراش

التعريف انه يقراها، وفيها توضيح للهدف من السلسلة وطريقة عرضها والغرض منها، وكمان هيتم فيها اضافة كل موضوع جديد للسلسة ان شاء الله.

بعد السلام والترحيبات اتفضلوا على مكاتبكم

استرخوا وافتحوا عقولكم فصل العمل صفحة 1 واكتبوا في نص السطر

"الأجر مضاعف دون ساعات عمل إضافية"

ها؟ خطر على بالكم سؤال: ازاي يعني؟؟

هي الحداية بترمي كتاكيت؟

صح، الحداية مش بترمي كتاكيت، علشان كده احنا مش هنتكلم عن الحداية

خلونا الأول نعرف يعني ايه أجر؟

الأجر هو هو كل ما يحصل عليه العامل الخاضع لقواعد أو قانون العمل بغض النظر إلى طبيعة و مدة علاقة العمل

و مهما كانت طبيعة صاحب العمل سواء كان شخص طبيعي أو معنوي .

أو بمعنى تاني

يمكن تعريف الأجر بصفة عامة على أنه المقابل المالي الذي يدفع للعامل مقابل العمل المؤدي الذي قدمه لصاحب العمل ، و هو يشمل كافة العناصر المالية ، النقدية و العينية التي يقدمها صاحب العمل للعامل لقاء ما يقدمه هذا الأخير من جهد و وقت وما يحققه له من نتائج و أهداف.

يعني خلاصة القول الأجر هو اللي بياخده العامل مقابل وقته وجهده وانتاجه.

تمام، كده عرفنا الأجر، يعني ايه بقى ساعات إضافية؟

قيام العامل بعمل إضافي غير متفق عليه، أو في خارج أوقات العمل العادي.

حلو كده، يعني علشان احصل على اجر اضافي لازم اشتغل ساعات عمل اضافية، فما بالك بقى بأجر مضاعف؟

لا مين قال انك لازم تشتغل وقت اضافي علشان تاخد اجر مضاعف؟

ماحنا متفقين ان الحداية مش بترمي كتاكيت ... أيوة ماحنا كمان متفقين اننا مش هنتكلم عن الحداية

خليني أوضحلك قصدي

لما قريت مقدمة السلسلة بعد ما نزلتها استوقفتني جملة انا كتبتها عن أعمال الدنيا بتقول

 

بالطبع سنؤاخذ عليها والصالحات تحسب لنا والسيئات - اللهم ارزقنا التوبة عنها - ستحسب علينا.

يعني فعلاً انا اثناء ساعات العمل العادية باخد ثواب وحسنات غير الأجر النقدي اللي باخده من صاحب العمل "الحداية" يبقى احنا فعلا مش هنتكلم عن الحداية، احنا هنتكلم عن اجري وثوابي مع ربنا سبحانه وتعالى واللي بيعملوا كده دول هم اللي بيتاجروا صح، بيتاجروا تجارة لن تبور، وطالما هي تجارة يبقى ليها قواعد وشروط ومواصفات معينة، وهنا نسأل ايه شروط الربح في التجارة مع الله أثناء ساعات العمل؟

القواعد سهلة جدا وبسيطة جدا جدا

 

1- الشغل لازم يكون حـــــــلال:

يعني مش أروح اشتغل في الخمر مثلاً واقول ما ده شغل وماحدش لاقي و.. و.. و.. من المبررات اللي بنبرر بيها العمل الحرام، روي الإمام الطبراني في الكبير عن ابن عباس رضي الله عنهما ان النبي "صلي الله عليه وسلم" قال لسيدنا سعد بن أبي وقاص "ياسعد أطب مطعمك تكن مستجاب الدعوة. والذي نفس محمد بيده إن العبد ليقذف اللقمة الحرام في جوفه ما يتقبل منه عمل أربعين يوما. وأيما عبد نبت لحمه من سحت فالنار أولي به". اللهم اغننا بفضلك عمن سواك واكفنا بحلالك عن حرامك.

 

2- التوكـــــــــــل على الله:

مش كفاية انك تكون متعلم، وعارف شغلتك كويس، وفاهم المطلوب منك وعارف كل حاجة، فرويد يعني من الاخر ومقطع السمكة وديلها في الشغلانة دي ، لازم تكون متوكل على الله وساعتها بس تقدر تقول ان ربنا يرزقك لان الرسول صلى الله عليه وسلم يقول: "لو توكلتم على الله حق توكله لرزقكم كما يرزق الطير تغدو خماصًا وتروح بطانًا" ، الطيور من غير ماتعرف هتلاقي اكلها فين ولا هتجيبه ازاي بتاكل كل يوم بتوكلها على الله.

 

3- الإخـــــــــــــــلاص:

لازم لازم لازم يكون العمل باخلاص، شوفوا القصة دي

كان هناك نجارتقدم به العمر وطلب من رئيسه في العمل وصاحب المؤسسة أن يحيله على التقاعد ليعيش بقية عمره مع زوجته وأولاده. رفض صاحب العمل طلب النجار ورغبه بــزيادة مرتبه إلا أن النجار أصر على طلبه، فقال له صاحب العمل: إن لي عندك رجاء أخير وهو أن تبني منزلا أخيرا وأخبره أنه لن يكلفه بعمل آخر ثم يحال للتقاعد فوافق النجار على مضض.

وبدأ النجار العمل ولعلمه أن هذا البيت الأخير فلم يحسن الصنعة وأستخدم مواد رديئة الصنع وأسرع في الإنجازدون الجودة المطلوبة. وكانت الطريقة التي أدى بها العمل نهاية غير سليمة لعمر طويل من الإنجاز والتميز والإبداع، وعندما أنتهى النجار العجوز من البناء سلم صاحب العمل مفاتيح المنزل الجديد وطلب السماح له بالرحيل، إلا أن صاحب العمل أستوقفه وقال له: إن هذا المنزل هو هديتي لك نظير سنين عملك مع المؤسسة فآمل أن تقبله مني فصعق النجار من المفآجأه لأنه لو علم أنه يبني منزل العمر لما توانى في الإخلاص في الآداء والإتقان في العمل.

ورسول الله صلى الله عليه وسلم بيقول: "إن الله يحب إذا عمل أحدكم عملاً أن يتقنه"، وانت عايز ايه اكتر من ان ربنا يحبك

، هو اللي هيكافأك

وللحديث بقية عن قواعد الحصول على

اجر مضاعف بدون ساعات عمل إضافية - 2

يتبع....

تم تعديل May 24, 2010 بواسطه El-Saher Fantasy

[عاشقة الفردوس]

]كان هناك نجارتقدم به العمر وطلب من رئيسه في العمل وصاحب المؤسسة أن يحيله على التقاعد ليعيش بقية عمره مع زوجته وأولاده. رفض صاحب العمل طلب النجار ورغبه بــزيادة مرتبه إلا أن النجار أصر على طلبه، فقال له صاحب العمل: إن لي عندك رجاء أخير وهو أن تبني منزلا أخيرا وأخبره أنه لن يكلفه بعمل آخر ثم يحال للتقاعد فوافق النجار على مضض.

 

وبدأ النجار العمل ولعلمه أن هذا البيت الأخير فلم يحسن الصنعة وأستخدم مواد رديئة الصنع وأسرع في الإنجازدون الجودة المطلوبة. وكانت الطريقة التي أدى بها العمل نهاية غير سليمة لعمر طويل من الإنجاز والتميز والإبداع، وعندما أنتهى النجار العجوز من البناء سلم صاحب العمل مفاتيح المنزل الجديد وطلب السماح له بالرحيل، إلا أن صاحب العمل أستوقفه وقال له: إن هذا المنزل هو هديتي لك نظير سنين عملك مع المؤسسة فآمل أن تقبله مني فصعق النجار من المفآجأه لأنه لو علم أنه يبني منزل العمر لما توانى في الإخلاص في الآداء والإتقان في العمل.

 

الله ..يا ساهر الله القصة رائعة

 

أتصور أن أي واحد من الذين لا يخلصون في عملهم يقرأ هذه القصة ستكون بمثابة الصفعة التي توقض فيه الضمير

 

طبعا لو كان عندو ضمير، ولا يوجد أروع من الإخلاص في النية والعمل ولو كان ذلك آخر إنجاز في حياته

 

رزقنا الله وإياكم الإخلاص في النية والعمل

[الدرة المصونة]

السلام عليكــم ورحمـة الله وبركاتــه

 

 

 

 

بجد فعلا كل يوم نتعلم ومنكم نستفيد

 

 

بجد إن شاء الله هتكون سلسة رائعة جدا ومفيدة ومنها سنتعلم المزيد والمزيد

 

ربنا يكرمك أخي الكريم الساهر ويجزيك خيرا ويزيدك من فضله ونعيمه المخلد الباقي يارب

 

 

وليتنا نتوكل على الله حق توكل ...أياليتنا كنا مثل الطيور

[«۞۩ أبو سليمان ۩۞»]

جزاك الله خيرا حبيبي الساهر على الموضوع الرائع بسم الله ما شاء الله

 

بارك الله فيك أخي الحبيب و اعزك و اكرمك

 

جعله الله في ميزان حسناتك

 

متابع ان شاء الله معك

 

جزاك الله الفردوس الاعلى بغير حساب و لا سابقة عذاب

[M.elho]

في البدايه اهنيك على بدئك للسلسله

واتمنا ان تحقق لك اهدافك وتساب عليها ان شاء الله

عندي سؤال

ايه رأيك في واحد موظف في هيئه خدميه مشتغله بخدمة الجمهور

(وظيفة حلال - القاعدة الاولى)

يصلي ويصوم ومعفي اللحيه وقارء جيد للفقه والتفسير والعلوم الدينة

ومشتغل بالتجارة ايضا ودائم ذكر التوكل على الله

(توكل على الله - القاعدة الثانية)

لايعطي للوظيفه ادنى اهتمام إلا أنها ساعات تمضي لكي يلحق بعمله الاخر - التجارة -

على استعداد ان لا يذهب إلى الوظيفه إذا تعارضت مع ظروف التجارة وفي نفس الوقت

دون ان يغيب رسميا. واخر الشهر يحصل على الراتب ذيه ذي اي حد مدعوك في العمل

(الاخلاص - القاعدة الثالثه - غابت للاسف).

يترى الراتب ده حلال ولا لأ

فالوظيفه حلال وهو دايم ذكر الله والتعلم (بلاش التعلم نقول القراءة) في العلوم الدينيه المختلفه.

اسف على الإطاله..

[El-Saher Fantasy]

طبعا لو كان عندو ضمير، ولا يوجد أروع من الإخلاص في النية والعمل ولو كان ذلك آخر إنجاز في حياته

 

رزقنا الله وإياكم الإخلاص في النية والعمل

 

حقاً أمي ... فكم من عامل لا يعطي للضمير وزناً في العمل

اللهم ارزقنا الإخلاص في النية والقول والعمل

 

جزيتِ خيراً أمي امرورك وتحفيزك

 

وليتنا نتوكل على الله حق توكل ...أياليتنا كنا مثل الطيور

لا تقولي ذلك أختي

نحن أفضل من الطيور، فنحن من اختارنا الله لعمارة الأرض

ويبقى لنا أن نطبق منهج الله لعمارة أرضه

شرفني مرورك وأتمنى أن تتابعي

 

متابع ان شاء الله معك

يشرفني متابعتك اخي واستاذي دكتور عبقرينو

اللهم ارزقنا حسن القول والعمل

 

ايه رأيك في واحد موظف في هيئه خدميه مشتغله بخدمة الجمهور

(وظيفة حلال - القاعدة الاولى)

يصلي ويصوم ومعفي اللحيه وقارء جيد للفقه والتفسير والعلوم الدينة

ومشتغل بالتجارة ايضا ودائم ذكر التوكل على الله

(توكل على الله - القاعدة الثانية)

لايعطي للوظيفه ادنى اهتمام إلا أنها ساعات تمضي لكي يلحق بعمله الاخر - التجارة -

على استعداد ان لا يذهب إلى الوظيفه إذا تعارضت مع ظروف التجارة وفي نفس الوقت

دون ان يغيب رسميا. واخر الشهر يحصل على الراتب ذيه ذي اي حد مدعوك في العمل

(الاخلاص - القاعدة الثالثه - غابت للاسف).

يترى الراتب ده حلال ولا لأ

 

حبيبي، أولاً أهنيك للمشاركة الفعالة

هو ده الكلام اللي انا مستنيه

بس يا صديقي انا مش من اللي يقولوا حلال وحرام

مش سلطتي، ولكن دعنا ندرس الموقف ...

أولاً يجب احترام وتطبيق الثلاث قواعد الأولى، بالإضافة للآتي في الجزء الثاني من الموضوع

 

هل يستحق أن يحصل على هذا الأجر؟

اعتقد أن الإجابة لا، وبالتالي فهو يأخذ ما ليس له بحق

 

انا مش معترض انه يسيب اعمل الحكومي للتجارة

بس لو غاب عن العمل الرسمي يحسب له اليوم غياب أو اجازة ولا يأخذ مقابله

 

اللهم ارزقنا الإخلاص

وباعد بيننا وبين الحرام كما باعدت بين المشرق والمغرب

جزيت خيراً صديقي الحو لمرورك

وأتمنى أن تكون الاجابة وصلت

[دعوه للجنه]

بسم الله لا قوة الا بالله

 

أسلوب أكثر من رائع.

 

 

ربنا يوفقك ويباركلك فى وقتك وعملك وعلمك.

 

شكرًا لك وجزاك الله خيرا ..

 

 

تحياتى وتقديرى.

[حورية الجنة]

موضوع حميل حقا جزاك الله خيرا وجعله فى ميوان حساناتك