رحله الي القاهره

[صناع الحياه 14]

الحمد لله يا ماي

انا نزلت من الجطر

مصر واسعه جوي يا ماي

شوفتي رمسيس يا ماي ................ مشي وساب البلد

جال ايه مش عاجبه الحال

بيني مبينك يا ماي كتر خيره...... ازاي كان مستحمل الدوشه دي

اكيد اتخنق من مسورة الناس اللي ضربت هنا .............او شكله مضايق عشان صفر المونديال اللي اخدناه بسبب محطته وقلة التنظيم اللي فيها.

عارفه يا ماي

روحت مصر الجديمه

شوفت الازهر يا ماي والحسين وصليت في السيده زينب

اتغيرت كل حاجه هنا دلوجتي بجت الجوامع دي زي المتاحف الحريم الاجانب الخالعين روسهم ماللين الا ماكن دي وزي الرز .

هناك شوفتلك في مشيخة الازهر فرح اولاد زوات هناك يا ماي اصلهم جلبوا الازهر دار مناسبات للناس يعني خلاص هكتب كتابي علي بهانه بنت عمي في الازهر يعني في جلب المحروسه بنت المعز بدل مكتبه في خيمة خالي العمده.

اسكتي يا ماي دخلت الجامعه

بنات مصر حلوين جوي يا ماي

بس انا عرفت ليه اصلهم بياكلو فول زي العسل هنا..... مفهوش سوس زي الفول بتاعنا

ان شاء الله هجيب البت بهانه معاي المره الجايه عشان تعرف كيف تطبخ الفول كويس

اياكي يا ماي تصدجي الكلام اللي بنشوفه في تلفزيون عمي العمده

مصر يا ماي مش كباري حلوه وعربيات بي ام دبليو

ولا عماير كبيره علي الكورنيش

ولا حتي دره وسميط وفنادج عايمه علي النيل

لا ياماي مصر دي ناس في جوامع بتصلي بخشوع

ناس في المترو بتجره قران

مصر يا ماي كتب في الاسبكيه وعلي الرصيف

مصر يا ماي زحمة مواصلات وبنات بتبيع في الجهاوي عطور ومشاط

علي فكره يا ماي

شوفتي المكتبات بتاعة الفجاله

كلها اتحولت لمطاعم ومحلات بجاله كبيره وجال ايه بيسموها " مول" علي النعمه يا ماي دكان عمي اسماعيل احسن منهم علي الاجل بيدينا علي النوته لما نكون مزنوقين

علي العموم يا ماي انا مش هتاخر

هحضر المحاضره للدكتور ابراهيم واجي علي طول

مش عايزه حاجه من مصر اجيبهالك معاي

علي العموم سلميلي علي اختي هنادي وجوليلها اخوكي هيشتريلك الشبشب اللي انتي عايزاه من العتبه وجولي لحسين ابن عمتي عدد المحمول هنا كتير هيجبله واحده معايا من شارع عبد العزيز اهي كلها عدد مسروجه وسعرها رخيص جوي

هسيبك دلوجتي يا ماي

عشان انا عايز اركب كوبري جصر النيل وشوف الاسدين وتمثال سعد زغلول حبيبي اصل صورته علي غلاف الكتاب بتاع رابعه ابتدائي لسه محفوره في دماغي ولازم اشوفه علي الطبيعه

سلام يا ماي

ولدك الفرادي محمود

[AMR DAWAM 7]

جميلة جدا التوضيحات الموجودة بس اللى مش جميل وصف القاهرة بهذه الصفة

وعيز اسألكم سؤال : ليه محمود مادخلش جامعة جنوب الوادى بدل ما ييجى القاهرة على الأقل أقرب له ؟

[einour 3]

مع اني لقيت صعوبه شوي بالقراءه بس الموضوع كتير حلو وانا صرت كاني زرت القاهره

[عاشق الصداقه 525]

يخرب بيتكك يا محمود .. قصدى يا عرابى ... إيه الإجرام ده يا واد

بجد موضوع خطييييييييييييييير .. وترجع بألف سلامه لأمك ولهنادى ولحبيبك كرينكل

[NADA 34]

كلها اتحولت لمطاعم ومحلات بجاله كبيره وجال ايه بيسموها " مول" علي النعمه يا ماي دكان عمي اسماعيل احسن منهم علي الاجل بيدينا علي النوته لما نكون مزنوقين

 

اسمها مزنوجين ,,

 

بصراحة مالوش حل و عنديك حج

 

القاهرة بجت دوشة و زحمة خالص ,, لكن بردو بحبها ﭽـداً ﭽـداً ﭽـداًَ

 

لكن دي القاهرة بردو ,, ﭽـميلة الـﭽـميلات و أحلى ما ف الدنيا

 

حتى زحمتها حلوة ,,, و نورها و ليلها تحفة

 

عامة ترﭽــع بالسلامة يا وٍلد بس اوعاك تنسى ميعاد الجطر أصله مش بيستنى حد

 

رااااااااائع و عايزة من ده كتيييييييير

تم تعديل May 12, 2009 بواسطه NADA

[الجندى المجهول 37]

هنا القاهرة الساحرة الآسِرة الهادرة الساهرة الساترة

 

 

هنا القاهرة الزاهرة العاطرة الشاعرة النيّرة الخيّرة الطاهرة

 

 

هنا القاهرة الساخرة القادرة الصابرة المنذرة الثائرة الظافرة

 

[/color]

 

صدى الهمس في الزحمة و الشوشرة

 

 

أسى الوحدة في اللمة و النتورة

 

 

هنا الحب و الكدب و المنظرة

 

 

نشا الغش في الوش و الإفترا

 

 

هنا القرش و الرش و القش و السمسرة

 

 

هنا الحب و الحق و الرحمة و المغفرة

 

 

 

و انا ف قلب دوامتك الدايرة بينا

 

 

بصرّخ بحبّك يا أجمل مدينة

 

 

يا ضحكة حزينة .. يا طايشة و رزينة

 

 

بحبّك و اعفّر جبيني في ترابك

 

 

و اعيش في رحابِك و أقف جنب بابك

 

 

جنايني أروي بالدم وردة شبابك

 

 

يا زينة جنينة حياتنا اللعينة

 

 

بحبّك يا بنت اللذين

[AMR DAWAM 7]

الموضوع دا والرحلة دى خاصة جميلة جدا

 

 

مشاركة اكثر من رائعة اخى الجندى المجهول

***********************************

[الرّام 173]

و الله يعطيكم الصحة

 

 

بالرسمي ما تعرفوش قداش يعجبني كلامهم اكثر من المصري متاع القاهرة

 

 

كيما احني .. تلقو في الجنوب الكلام مختلف على كلام الشمال

 

 

ديما تحس الي الجنوب هو الاصل

 

 

...

 

بالرسمي يعطيكم الصحة