صناع الحياه 14 قام بنشر May 22, 2010 توفي الي رحمة الله تعالي السيد عبد الله عبد المطلب كمال الدين وسوف يقام سرادق العزاء بديوان العائله في مدينة قوص وعلي من يرغب بالعزاء تلغرافيا علي العنون التالي قنا - قوص- جراجوس عبد الله اتوفي يا محمود ايه رايك نروح نعزي خلاص تعالي نلم صحابه ونروح نعزي مع بعض طيب مين صحابه ممكن يرضي يروح معاك صحابه شويه رحلات كان كاتبهم وشويه زمايل في الشغل وفي بلده يتعدوا علي الصوابع واصحابه علي المنتدي وفي ياللا نجاح لا اطمن معاه صحاب كتير ياللا بينا نلحق نعزي وندفنه ونواسي اهله " مشهد الاهل بيبكوا واصحابه بيبصوا عليه والمكفن بيكفنه وبيلفه في القماش الابيض" وولا واحد تجرا انه يلمسه او حتي يطول نظره فيه ثواني ايه اللي بيحصل ده شريط عمره كله بيتكر قدام كل واحد فيهم اللحظات اللي عاشها معاهم ضحكهم وبكاهم زعلهم وحزنهم فرحهم المهم جوعهم واكلهم املهم وياسهم كلهم مصدومين فين ده كله هيتبخر كله خلاص معدش هيحصل تاني حملوه علي الخشبه شالوه فوق كتافهم محمود بيبص ويضحك والباقي بيبكي وفيه منهم مش مصدق ومصدوم ومش عارف يعمل ايه مشيت الجنازه اتفتح القبر والتراب بيتشال عشان يدخلوا جسمه كويس الكل بيبصوا علي جسمه قبل ميحطوا عليه التراب يااااااااااااااااااه معقول دي اخر مره هيشوفوه محمود برده بيضحك وراسم ابتسامه مستفزه محمود بينسلخ منه محمود تاني واحد نط بسرعه مع عبد الله في القبر قبل ما يتقفل والتاني بيدعي لعبد الله مع صحابه والابتسامه لسه مش مفارقه شفايفه خلص الدعا محمود بيتكسر الايد والرجل والجسم والدماغ والكل حاجه فيه بتتكسر كل واحد اخد حته من اصحابه ومسكها وروح بيها الكل بيقول اهي حاجه من ريحته سابوك يا عبد الله في الضلمه سابوك في ضمة القبر سابوك في ساعه الحساب سابوك في المشي علي السراط سابوك عند الميزان سابوك عند الوقوف عند ربك سابوك والشمس فوق راسك سابوك ومحدش غير محمود اللي بقي معاك كلهم مشغولين فوق في الدنيا كرينكل بيكتب موضوع جديد في المنتدي وعمر ومحمد ومحمود بيناقشوا ميزانيه اداره البيئه في الفين واحداشر والساهر واحمد وباقي ياللا نجاح مشغولين في تدريب صناعة القائد في جميعه بلدنا وصحابك في البلد اللي في ارضه واللي في مصنعه واللي بيدفع قسط اوضة نومه واللي بيشتري ساندوتش طعميه قبل ميروح حصته في المدرسه وانت يا ماسكين مفيش غير محمود معاك بتتسال وتبصله ويحاول يساعدك في الاجابه هاه عمرك راح فين فلوسك جبتها منين وصرفتها في ايه كلامك كان عن ايه رجلك مشيت فين ايدك مسكت ايه عينك بصت علي ايه ودنك سمعت ايه هاه رد يا استاذ ولا فالح لسانك طويل في الكتابه ومحدش يغلبك في الدنيا يا تري القرءان والصلا والصوم والذكا فين في حياتك بكيت مره في خشوع عاملت اهلك واللي حواليك بما يرضي الله فينك من قافله الدعوه في سبيل ربنا هاه مالك فين لسانك متبصش لمحمود لو لاقي حاجه هيساعدك بيها ولا اقولك الحق قوم ساعد محمود انه يلاقي حاجه يساعدك هو بيها في الموقف ده قوم قدامك فرصه مس متامنش ان الفرصه تدوم جايز يكون نهايتها قربت سلام يا عبده شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر May 22, 2010 يااااااااااااااااااااااااااااااربى ايه الموضوع ده ربنا يرزقنا جمييييييييعا حسن العمل وحسن الخاتمه بس بلاش كده بجد اقشر جسدى ربنا يسترنا جميعا ويرزقنا عمل كل ما يحبه اه الحياه كلها ولا حاجه واه اذا اردت ان ترى الحياه بعدك فانظر لها بعد غيرك... ربنا يوفقنا نعيشها صح ونصنع حياه خالده جزاك الله خيرا على الرحله المؤلمه شارك هذه المشاركه رابط المشاركه شار ك علي موقع اخر
صناع الحياه 14 قام بنشر May 22, 2010 لن امل طرق بابك وسابتغي دوما وصالك فانت نهاية كل المسالك شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر May 23, 2010 سبحان من له الدوام ولكن يا صديقي لا تنسى الوسائل المساعدة فاصدقائك وإن لم يدخلوا معك ... فلن ينسوك بالدعاء واهلك وإن لم يدخلوا معك ... فلن ينسواك بالزكاة والصدقة ومحمود وإن دخل معك ... لن يفيدك إلا بما فعلتموه معاً أطال الله لنا مرك ... ورزقك حسن العمل والخاتمة شارك هذه المشاركه رابط المشاركه شار ك علي موقع اخر
صناع الحياه 14 قام بنشر May 23, 2010 (تعديل) شاهد هذا الفيديو شوفوا معايا بداية القصه تم تعديل May 24, 2010 بواسطه صناع الحياه شارك هذه المشاركه رابط المشاركه شار ك علي موقع اخر
M.elho 0 قام بنشر May 23, 2010 اول مره تهزني في رحلاتك كانت رحله صعبه بجد بس مظنش أن (محمود) ينساك يوم السؤال وأن كنت خايف أنه ينساك دعمة أكتر بطاعة الله ومد يد العون لكل من حولك اما اصحابك أكيد مش حيبخلوا عليك بالدعاء وذكرك بكل خير مدام كان ليهم نصيب من (محمود). جزاك الله كل خير ووفقك وإيانا إلى حسن الاعمال وحسن الاخرة. شارك هذه المشاركه رابط المشاركه شار ك علي موقع اخر
الجندى المجهول 37 قام بنشر May 24, 2010 صناع الحياه فعلا صناع الحياه شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر May 25, 2010 رائعة رائعة رائعة تلك الرحلة بكل المقاييس وبها الكثير من العبر والعظات حقاً وأقول لك باختصار شديد "عرفت .. فالزم" ربنا يوفقنا جميعاً لما يحبه ويرضاه ودائماً "قول يارب" جزاك الله خيراً شارك هذه المشاركه رابط المشاركه شار ك علي موقع اخر
عاشقة الفردوس 161 قام بنشر May 25, 2010 اللهم أحسن خاتمتنا في الأمور كلها الموضوع فعلا رائع جازاك الله خيرا صناع الحياه شارك هذه المشاركه رابط المشاركه شار ك علي موقع اخر
