نكته على السريع " موضوع متجدد "

[عاشق الصداقه 525]

فكره أعجبتنى فى كل منتديات ياللا يا شباب وخاصة فى منتدى الشعر وأردت تطبيقها هنا أيضاً

كل عضو يدخل يضيف نكته حلوه .. وحيكون فيه تقييم لأفضل نكت كل شهر عندما أخبركم بذلك ... أرجو من الجميع المشاركه

 

وسأبدأ بنكته ظريفه ..

 

 

 

واحدة حامل فى ثلاث توائم يوم الولادة الدكتور بيطلع العيل الاول لقاه نايم وساكت قعد يضريه على وشه

حتى صرخ الطفل ركنه على جنب وطلع الطفل الثانى لقاه زى اخوه قعد يضربه لما فاق وركنه ...

..!! جه الدكتور يدور على الطفل الثالث مش لاقيه راح ماشى وقال للممرضة كملى لانهم اثنين

: بس الممرضة جت تكمل لقت الطفل الثالث طالع براسه بالراحة وبيسألها ...

!!؟ هو الراجل اللى بيضرب العيال مشى ولا لسة

[نورين عبد السلام 1]

ههههههههههههههه

انا ناوية اطلع دكتورة نساء

ان شاء الله

[:: عاشقة الرحمن :: 2]

واحد بيقول لخطيبته لما ازمرلك تنزلى .

فقلتله ليه انت جبت عربية

قالها لا جبت زمارة

 

 

مره واحد صعيدى قابل واحده اجنبيه

سالها : انتى منين

قالتله: وات ؟ what ?

قالها: اجدع ناس الوتاوته

 

 

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

 

 

واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك

 

 

فى مره واحد صعيدى زغزغ ابنو خرم بطنو

 

 

ازاى نصطاد الفيل الازرق!!!!!!!؟؟

بالسهم الازرق

 

 

طب ازاى نصطاد الفيل الاحمر !!!!!!!؟؟

ننزل فيه ضرب لغاية ما يزرق و نصطادة بالسهم الازرق.....

 

طب ازاى بقة نصطاد الفيل الابيض !!!!!؟؟

نحطة في موقف محرج يقوم يحمر من الخجل نقوم نزلين فيه ضرب احد ما يزرق و نصطاده بالسهم الازرق

 

 

كان في مسابقه بين واحد صعيدى وواحد امريكى وواحد فرنسى المسابقه على اللى يدخل الغابه ويجيب اكبر قطه

الامريكى دخل الغابه ورجع بعد عشر ساعات وجاب قطه وزنها عشره كيلو

الفرنسى دخل الغابه ورجع بعد خمست عشر ساعه وجاب قطه وزنها خمسة عشر كيلو

الصعيدى دخل الغابه يوم اتنين تلاته اسبوع اسبوعين لجنة التحكيم

قلقو عليه

نزلو الغابه يدورو عليه لقوه جايب نمر ورابطه في شجره وماسك عصايه وبيقوله هتنونو يعنى هتنونو

 

 

 

مره اتنيين مساطيل مااشيين على شريط القطر فواحد بيقول للتاني

يآخي السلم ده طويل بشكل....

رد التاني عليه الي مضايقنى ان الدربزيين واطي أوي....

 

 

 

التلميذ : بحبك يا أبله و عاوز أجوزك... المدرسه: بس أنا مبحبش الأولاد

الصغيرين... التلميذ: وأنا مش مستعجل على الأولاد

 

 

 

بيقولك مرة فار ماشى مع خطيبته فى الغابة وفجاة لاقى الاسد ,

فحب يعمل راجل قدام خطيبته فراح للاسد قاله : انت حيوان ..

الاسد رد قاله: انت بتشتمنى انا ؟؟ رد الفار وقاله: ايوة بقلك انت ..

و مشى الفار وراح وصل خطيبته لبيتها..

وهو راجع قابله الاسد قالوا : انت كنت بتشتمنى انا يا فار؟؟

قالوا: لا والله دا انت ملك الغابة هو حد يقدر يشتمك ؟؟

انا اسف وهات راسك ابوسها..

طلع الفار على راسوا عشان يبوسها فلقى خطيبتوا معديه..

فقال للاسد: ادوس على دماغ امك دلوقتى؟؟؟

[صناع الحياه 14]

علي الرغم من اني صعيدي بس مش زعلان لاني فعلا مت من الضحك

" اضحك الله سنك"

[عاشق الصداقه 525]

بجد خطيييييييييييييييييييييييييييييره يا عاشقة الرحمن ...

بس أن ليا طلب عند العرابى ونورين .. إنتوا قريتوا الموضوع ومضفتوش حاجه ..

إنتوا مش عاوزين تضحكونا ولا إيه .. ده إتفاقنا إكتب لو نكته واحده .. عاوزين نطلع بأكبر كمية نكت فى الموضوع ده ..

علشان بعد كده تهدى رابط الموضوع إهداء لصديق ليك أو لعدو ليك وعاوزه يموووووووووووت " من الضحك " .. منتظر باقى النكت من الأعضاء .. ياريت الكل يشارك ..

[صناع الحياه 14]

مره واحد حب يعلم ابنه الحلاقه

قاله بص علي كويس وانا بحلق للزبون ده

عشان الزبون الجاي هتحلقله انت

بعد مخلص حلاقه للزبون قال لابنه يللا همتك مع الزبون الجاي ويا ويلك لو عورت الراجل هضربك بالجزمه

فعلا ................جه الزبون والواد اشتغل في راسه وعوره

الاب راح يضرب الواد لكن الواد طلع ناصح بعد بسرعه الجزمه جات في الزبون

قاله لو غلطت تاني هضربك بالشومه

وفعلا الواد عور الزبون المرادي جامد

الاب مسك الشومه وباكبر قوته نزلها علي الواد

لكن الواد طلع اسرع وبعد

جات الضربه في الزبون المسكين

الاب قاله لو عملتها تاني

هضربك بالنار

واثناء مبيحلق الواد للزبون قطعله ودنه

الزبون مسك ودنه وقال للواد بالراحه

ابوك شافك

الواد قاله لا مشافنيش

قالوا ارميها بسرعه

[عاشق الصداقه 525]

يخرب بيت عقلك يا عرابى

يا جملعه ياريت الكل يشارك الموضوع بجد جميل جداً ...

إكتب ولو نكته واحده ... بس متقراش وتمشى كده

[المتحدية 1]

مرة واحد بيقول للبت بتاعته :

حياتي من غيرك مالهاش طعم ، الثانية بدونك ما تتحسبش من عمري ، انا مستعد اضحي بروحي عشانك .....

 

هي : يعني افهم من كدة انك بتحبني و هتتجوزني ؟؟؟

 

رد عليها :

 

 

 

انا مش عارف ليه ديما تحبي تغيري الموضوع..

 

مرة واحد حشاش بيقول لصاحبه : احنا عايزين نشوفلنا عقد عمل في القطب الشمالي ..

 

قاله :ليه يعني ايشمعنى ؟؟؟؟

 

 

 

 

 

 

 

 

 

 

 

 

قاله :

 

ما اصل هناك الليل بيبقى 6 شهور وحيحلالنا السهر هناك يا جمييييل

[NADA 34]

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

 

 

مرة خمسة صعايدة دخلو الجامع علشان يصلو و فى وسط الصلاة قام واحد منهم عطس فردعليه اللى جامبه وقال له يرحمكم الله

فقالهم التالت ماتتكلموش فى الصلاة وقلهم الرابع على فكرة صلاتكم انتم التلاتة باطلة قام الخامس قال "الحمد لله انا ما تكلمتش"

 

واحد صعيدي اتخانق مع مراتة قال للسواق وديني اخر الدنيا مشي السواق في الصحراء وبعدين قالو ده اخر الدنيا نزل ومشي شويه

قابل واحد بيقلوا اناحران من الشمس ردالصعيدي قالواانا هريدي من الارض

 

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا

كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح

برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه

 

مره واحد بخيل جاب3تفاحات فتح الاولي لاقاها معفنه رماها فتح الثانيه لاقاها معفنه رماها قام يقفل النور واكل الثالثه

[عاشق الصداقه 525]

ههههههههههههههههههههههه

جميل جدا اختى ندا واختى المتحديه ... اشكر مشاركتكم فى الموضوع ..

وياريت الكل يشارك ... عاوزين اكبر قدر من النكت فى الموضوع ده ..

[المتحدية 1]

مرة واحد صحي من النوم دخل الاحمام الاصفر وبعد كدة طلع ...

 

لبس البدلة الصفرا والكرافيتة الصفرا والشراب الاصفر و الجزمة الصفرا ....

 

 

وركب العربية الصفرا و راح شركته الصفرا ودخل مكتبه الاصفر ...

 

 

لقي واحد لابس بدلة زرقا تفتكروا قاله ايه ؟؟

 

 

 

 

 

 

 

 

 

 

ايه دا هو انت مش تبع النكتة ؟؟؟؟؟ ؟؟؟

[love 0]

بنت صعيدية بتقول لابوها عاوزة فيتراك يا بابا

قلها لا مفيش غير واد عمك

قالتله فيتراك دة مربي يا بابا

قلها واد عمك عسل

قالتله فيتراك دة برطمان

قالها واد عمك بلاص ...............

[s0nA 0]

ههههههههههههههههههههههههههههههههههههههههه

 

بتفكروني بالعيال الصغيره اللي مش عارفه تقول نكت( مع احترامي للجميع)

 

مره واحد بلدياتنا طلعلوا المصباح السحري دعكه لحد ما العفريت جاله تسلخات

 

و شكراّ

[عاشق الصداقه 525]

بتفكروني بالعيال الصغيره اللي مش عارفه تقول نكت( مع احترامي للجميع)

وهذا اجمل ما فى الموصوع .... أشكر مرورك .

وأرجو من الجميع المشاركه

[NADA 34]

كان فى تلاته صحاب اوى التلاته كانو اندال جدا

حبوا يعرفو مين اندل واحد فيهم

كانوا ماشيين مع بعض ف الشارع وهما بيعدو الطريق لقوا واحد كبير جدا ف السن ومش عارف يعدى

جه الاول مسك ايده وسابه ف نص الطريق

والتانى داس عليه بالعربيه لحد ما الراجل ياعينى كان خلاص

لقوا التالت واقف الناحيه التانيه وعمال يضحك

سالوه بتضحك ليه قالهم اصل الراجل ده يبقى ابويا

[sraj-monee 0]

كبابجى يوم جوازه فرش سريره بقدونس

*****************************************************

واحد صعيدى راح السفاره الامريكيه علشان يسافر امريكا فقالوا لة انتا معاك لغه فقلهم لغة اه الحكايه كلها عملية فهلوه فسفروه فعدى من ادام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اى دونت نو! فعدى تانى بعدها بيوم فلقى جنازه كبيره قوى فى نفس المكان فسال واحد خواجه (هو مين اللى مات) فقال لة اى دونت نو! فقال لة : لاحول ولا قوة الا بالله دة كان لسه فرحه امبارح

*************************************************

واحد اهبل وواحد احول فتحوا مطعم, فلافل الأحول يرمى القرص على الأرض و الأهبل يقول : تش تش تش

************************************************

مره واحد معفن اتجوز واحده معفنه خلفوا عيل رموه فى الزباله

************************************************

اتنين بيحششوا واحد منهم قال للتانى هو محرم فؤاد أخوا بور فؤاد قاله لأ يا غبى بور فؤاد بلد ومحرم فؤاد بلد تانية خالص ************************

[طائر السكون 2]

الصعايدة من كتر النكت اللى طلعت عليهم جمعوا النكت كلها فى شريط و رموه فى البحر

السمك طلع يضحك

[عاشق الصداقه 525]

جامد يا سراج .. وأهلاً بيك فى المنتدى ..

مستنيين نكت تانيه .. ياللا شدوا حيلكم ..

محشش قطع راس اخوه وهو نايم ..

وقعد يضحك ويقول : هيتجنن لما يصحى وميلقهاش

[المتحدية 1]

ايه ماحدش بقي بيضحك له فترة كدة ليه .... حد ماتلكم ولا ايه ؟؟؟

 

 

 

مرة واحد صعيدي دخل الحمام لقي المساحة راح قال : واه يا بوي كل دي مكنة حلاقة ؟؟

 

 

 

مرة البيبسي حب يلعب مع الميرندا والسفن اب ... ما رضيوش وقالوا مش بنلعب مع سود .........

 

 

 

كان في MACH بين النمل وكان بينهم صرصار ليييييييييييييه ؟؟؟

 

 

 

 

لاعب اجنبي

 

هههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههه

[عاشق الصداقه 525]

واحد شغل عربيته وسابها دايره ومشى .. جه بعد شويه لقيها

 

 

 

 

 

 

 

 

 

 

 

 

 

 

 

مربع

 

 

 

بايخه جداً بس قلت اخف من حدة الضحك شويه للناس تموت من الضحك

[NADA 34]

انا فعلا ماشفتش ارخم من كده اصلى مش بصيت ف المرايه انهارده

[«۞۩ أبو سليمان ۩۞» 179]

 

هههههههههههههههههههههههههههههه

آخر رخامة

 

تم تعديل November 9, 2007 بواسطه Dr Abcarino

[Shetos 2]

موظف حكومى راح يشترى لحمه الجزار قاله الكيلو ب 50 جنية طلع من المحل بيقول حسبى الله ونعم الوكيل فيك يا محسن

راح لمحل الفراخ الفرارجى قاله الفرخه ب30 جنية طلع وقال حسبى الله ونعم الوكيل فيك يا محسن

راح لمحل الخضار وسال على الطماطم بكام قاله الخضرى ب 6 جنيه طلع وقال حسبى الله ونعم الوكيل فيك يا محسن

المرة دى سمعه عسكرى راح قبض عليه ووداه القسم فالظابط بيسال العسكرى ده تهمته ايه ده يا ابنى

قاله العسكرى يا باشا مش عارف اسم الريس

:)

تم تعديل January 13, 2008 بواسطه Shetos

[EL3aref 5]

هههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههه

 

لما اخلص ضحك ابقى اقولكم نكته .. الله يخرب بيتك يا شيتوس يعنى لما المنتدى خد بيج رانك عالى هتقفله خلاص

[Shetos 2]

اتنين مساطيل واحد بيقول للتانى هو عادل امام يبقى اخو احمد زكى فرد التانى وقال لا ده تشابه اسماء

شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟

 

 

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

 

بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا

 

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش

مرة واحد نزل بسين طلع بصاد --- مرة واحد راح عزة رجع سلوى

 

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

 

صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون

 

 

 

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

 

كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

 

 

ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل

 

 

 

الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا

 

 

 

 

واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر

 

 

 

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر

 

 

 

ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش

 

 

 

 

 

مره واحد مسطول بيجري ورا برص .....ليه؟ فاكره بوكيمون

 

 

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

 

 

 

 

مدير شركه سجائر مستورده قابل مدير شركه سجائر محليه فقال له ، انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟

 

 

 

واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله

 

 

 

مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!

 

 

سواق تاكسى ركبت معاة واحدة حلوة قال لها تعرفى تسوقى قالت لة لا .. قال لها انا تسوقى

 

واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر