bassant 2 قام بنشر April 11, 2008 (تعديل) اليوم سوف احكى لكم عن يوم تكلم فيه المسئول انا عارفه ان الموضوع طويل شويه بس معلش العبره منه لسه جايه قيل ان المسئول الفلانى سيظهر على شاشة التلفاز ليزيع خبر عاجل فترقب الناس موعد ظهوره ليروا ماذا سيقول وخرجت المزيعه تعلن على وصول السيد المسئول على التلفزيون فسم الله ثم قال: ايها المواطنون جئتكم فى سلام فهلل الناس وسقفوا ثم قال : بلغنى من مصادرى انكم لكم حاجه عندى ولا تستطيعوا توصيل شكواكم لى لذلك اعلن رقم تلفونى الشخصى لعل وعسى اجد لكم الحلول الازمه وشكرا لم يستطيع الناس تصديق ما سمعوا ولكن تهافتوا على ارقام التلفونات ليتصلوا به ........................................ الناس مكنتش مصدقه ازاى يدينا رقم الموبيل اكيد الحكايه فيها ان واخواتها وبدأت المكالمات تصل لسعادته والناس مش مصدقه تعالوا نعرف حصل اه فى بعض المكالمات ..................................................... المكالمه الاولى - ألو .... - أيون .. - المسئول معايا شخصيا -اول يا مواطن شكواك خلصنى اوام - انا ياباشا دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي لغاية ما قفايا ورم ونظري ضعف ... يرضيك كده يا سعادة المسئول وأنا ولا مجرم ولا حاجة أنا رايح أشتكي وأعمل محضر في الجيران - بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن - شكرا يا باشا ربنا يخليك لنا ويخليك للوطن ................................................. المكالمه التانيه -الو - أيون - المسئول معايا شخصياً - أيون ... قول يا مواطن ... إيه مشكلتك ... - أنا ياباشا وغيري ملايين ساكنين في المقابر وتحت الكباري وفي عشش في ال ... - أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي .....!!! - فاهم فاهم ... - كمل يا مواطن ... - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون... - واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة .. إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ... وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !! - طب ما تيجي ياباشا تتعظ عندنا شوية ... - إخرس ... يا ..(....) وتم غلق الخط ... ...................................................... المكالمة الثالثة : - ألو .... - أيون - المسئول حبيبنا معانا .... - أيون أيوه كده ....إيه مشكلتك يا حبيبي ...؟؟ - أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ... - أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج وساعتها تعرف إن جلوسك علي القهوة كان مصلحة ... - ياباشا عايز أكون نفسي ... - ما تكونها يا حبيبي حد حايشك ...؟!! - أكونها إزاي من غير شغل ..؟؟ - إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... ...وتم غلق الخط .... .................................................................. المكالمة الارابعة ... - ألو ..صباح الخير ياحبيبنا يا جميل ... - ألوووووووووو.صوت ناعم ايوه احلوت..صباح الجمال ... أيوه يا قمر.. إيه مشكلتك وأنا أحلها لكي في فمتو ثانية ... - أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما .... - هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده احسن وادينا بنتكلم ياجميل .... - ياباشا... نفسي أحب وأتحب .... - يا حلوة ... حب الوطن كفاية عليكي .... - يعني أتجوز الوطن وأجيب منه عيال ..!!! - يوووه ... إنت مش عجبك كلامي طيب ... وإنتهت المكالمة ................................. دلوقتى تأدروا تقولولى لو تليفون الباشا المسئول معاك حتأله اه _______________________________________________________ للامانه منقول مع بعض التعديلات الضروريه وربنا يسترها معانا تم تعديل April 11, 2008 بواسطه bassant شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر April 11, 2008 ههههههههههههههههههههههههههههههههههههههه للامانه منقول مع بعض التعديلات الضروريهوربنا يسترها معانا على كده ؟؟؟؟؟؟؟؟؟؟؟؟ ده احنا كده وربنا يسترها معانا لو معايا الرقم .. أكيد هقول للسيد المسئول : ارحموا من فى الارض ... يرحمكم من فى السماء .. وحسبنا الله ونعم الوكيل شارك هذه المشاركه رابط المشاركه شار ك علي موقع اخر
Shetos 2 قام بنشر April 11, 2008 دلوقتى تأدروا تقولولى لو تليفون الباشا المسئول معاك حتأله ايه؟؟ نفسى أقابلك فى الشارع أوى ...لأنى مشاعرى لن تصفها الكلمات حسبى الله ونعم الوكيل موضوع خطير يا بسنت.. شارك هذه المشاركه رابط المشاركه شار ك علي موقع اخر
bassant 2 قام بنشر April 11, 2008 ارحموا من فى الارض ... يرحمكم من فى السماء .. وحسبنا الله ونعم الوكيل معك فى كل كلمه قلتها نفسى أقابلك فى الشارع أوى ...لأنى مشاعرى لن تصفها الكلمات لما تأبله الى علشان اجى اتفرج ده حيبأه الضرب فيك للركب ههههههههه شكرا لمروركم شارك هذه المشاركه رابط المشاركه شار ك علي موقع اخر
