....... مايك المنتدى ........

[Mr Hamdy Ahmad 36]

 

 

 

.......... مايك المنتدى .............

 

 

 

فكرة رائعة وجدتها فأردت أن نستفيد منها

"لكل عضو صوت .. .. لابد أن يسمع ..ونحن كأخوة ..

 

 

هنا من واجبنا .. أن نستمع لبعضنا ..! ومن هذا المنطلق برزت فكرة

 

مايك المنتدى

 

 

لذا .. سيحق .. في كل يوم ... لعضو واحد فقط أن يتملك المايك .. ويفصح من خلاله .. عما

يريد قوله

وتقوم فكرة هذا الموضوع على التالي:

 

 

يعطى المايك لأحد الأعضاء كل يوم له مطلق الحرية في وضع

ما يريد بالموضوع ممكن يكون رأيه في حاجة بالمنتدى

 

أو يقولنا بيتين شعر كده من خياله"

 

أو فكرة حلوة "

 

أو قضية مهمة بيحس انه ممكن يعرضها لزيادة الخبرات للاعضاء

طبعا بشرط أنه لا يخالف سياسة المنتدى "

وأظن ده ميزعلش حد

 

 

 

قواعد المايك

 

للعضو * صاحب المايك

 

لك أن تقول ما يحلو لك

 

مقال... خاطرة ...قصيدة... تعرف بذاتك ....

ولك أن تجمعهم كلهم ..

 

فشعارنا هنا ..

 

من قدك المايك بيدك

 

 

للأعضاء

 

عدم مقاطعة العضو بالردود

 

" يعني ..

 

ممنوع أي أحد يرد .. على الموضوع .. قبل مايقول

العضو اللي معه المايك ..انتهيت

 

ومن بعدة الكل يقول رايه

وذلك لإعطاء حريةأكبرللعضو .. في قول مايريد وبدون بلبلة .. أو دوشه

 

 

 

شكر خاص الى الدكتور أحمد صاحب تصميم البنر للموضوع

 

 

 

ملاحظة:

 

سوف يختار كل يوم

 

 

عضو إداري واللي بيعتذر يعطينا خبر عشان نختار غيره..

طبعا اول شئ راح اختار الأدمن بتاعنا

 

 

 

عاشق الصداقة

 

طبعاً

 

اتفضل ياباشا المايك مع سعادتك

 

 

 

تم تعديل September 14, 2010 بواسطه Mr Hamdy Ahmad
اعادة تنسيق الموضوع

[عاشق الصداقه 525]

بدايةً .. جزاك الله كل الخير يا حبيب قلبى

 

أنا شفت الموضوع بالصدفه ،، وكويس إنى شفته فى وقت متقدم كده

 

فيه ملحوظه فى الأول بس .. بلاش موضوع (فضفضه) ده .. لنه ممنوع فى المنتدى ،، كان موجود قسم كامل للفكره دى وإتلغى للأسف لأن مخالفات كتير جداً ظهرت ،، وظهر فى المنتدى أكتر من (أسامه منير) ،، وبقت كل موضوعات القسم قصص حب وعذاب ووجع بطن ،، فقلنا بلاها أحسن ،، ومن يومها والموضوعات اللى بالطريقه دى مخالفه

فى موضوعك ذكرت فكره جميله مختلفه .. وهى نقاش حول قضيه معينه ،، أو رأيه فى حاجه فى المنتدى ، او بيتين شعر من خياله غير مخالفين لسياسة المنتدى ،، وهكذا

 

يعنى حبذا لو تم تعديل الموضوع وتنويه غن ميكونش حاجه مخالفه لسياسة المنتدى ،،

 

آسف للإطاله لكنها مقدمه لابد منها

 

==================

==================

 

بخصوص اللى عاوز أقوله والمايك معايا :

 

 

رساله بوجهها لكل أخ وأخت فى قلوبهم خير فى المنتدى ..

 

بالله عليكم - متضيعـــــــــــوش رمضـــــــــــــــــــــان

إعرفوا فضله ،، وخاللى عندكم إصرار على الفوز بأجره

رمضان شهر طاعات وعبادات مش شهر منتديات .. لكن لو هتدخل المنتدى أو الإنترنت بوجه عام - خاللى كل وقتك على الانترنت عداد حسنات .. بإستفاده أو إفاده - وأوعى تفرط فى دقيقه واحده فى أى يوم فى رمضان

رمضان السنادى ،، زى كل سنه فى المنتدى وأفضل بإذن الله .. محضرينلكم كتيـــــــــــــر (ربنا يوفقنا ويطلع زى ما نتمنى) ،، فمتضيعوش رمضان

وساعدونا نروح كلنا لربنا مع بعض وهو راضى عنا .. ونقابل رسول الله وهو بيقول دول مجموعة شباب غير شباب جيلهم اللى أغلبهم ضيع الدين والدنيا

خاللى رمضان فرصتك لأنك تكون شاب أفضل فى كل شىء ،، إبدأ رحلتك مع نفسك .. رحلتك لتحويل نفسك لشاب ملتزم

وإنتى يا أختى ،، خاللى رمضان فرصتك ،، وإبدأى بتحويل نفسك لفتاه ملتزمه

 

كلام من قلبى وربنا يشهد - لأنى أحبكم فى الله

 

وبالله عليكم - بالله عليكم - بالله عليكم .. ما تنسوا القائمين على ياللا يا شباب من دعاؤكم فى رمضان ،، هتبقى أغلى هديه تقدموهالنا كلنا

 

=======

ده كل اللى عاوز أقوله ،، وكده إنتهيت ،، وجزاكم الله كل الخير

[Mr Hamdy Ahmad 36]

كلام من قلبى وربنا يشهد - لأنى أحبكم فى الله

 

 

ويشهد الله عز وجل أني أحبك في الله

 

 

 

 

 

وبالله عليكم - بالله عليكم - بالله عليكم .. ما تنسوا القائمين على ياللا يا شباب من دعاؤكم فى رمضان ،، هتبقى أغلى هديه تقدموهالنا كلنا

 

 

 

ربنا يجزيك خير أخي أحمد

 

 

 

وقد تم تعديل الموضوع بناء على طلبك وجزاكم الله خيرا على التنويه

 

 

 

وطبعا مش هننساكم في الدعاء

 

 

وكل أعضائنا الكرام

 

 

لانه بجد خليتوا الوقت على النت له فايدة كبيرة

 

 

 

بس بردو متنسوناش من الدعاء

 

 

انا في امس الحاجة لهذا الدعاء

 

وسوف نعلن غدا ان شاء الله على العضو اللي هيمسك المايك

 

 

بعد أخذ الموافقه منه

 

 

[Mr Hamdy Ahmad 36]

 

عذراً إخواني وأخواتي على التأخير في تقديم العضو القادم

 

ولكن العيب على الانترنت بسبب السرعة

 

وأعتذر خاصة الى الأخت " دفء الأنـــــــــــس"

 

 

فلتتقدم مشكورة لتتسلم المايك

 

وكلنا آذاناً صاغية

 

[دعوه للجنه 457]

 

عذراً إخواني وأخواتي على التأخير في تقديم العضو القادم

 

ولكن العيب على الانترنت بسبب السرعة

 

وأعتذر خاصة الى الأخت " دفء الأنـــــــــــس"

 

 

فلتتقدم مشكورة لتتسلم المايك

 

وكلنا آذاناً صاغية

 

 

 

 

 

 

 

شكـــــــرا لك وجزاك الله خيرا

 

 

لى عودة ان شاء الله بمجرد تواجدى على صفحات المنتدى

[دعوه للجنه 457]

بسم الله الرحمن الرحيم

 

 

 

 

بما انى المايك معايا هتكلم شوية بلغة بسيطة لانى بجد نفسى أوصل

كلمتين صغرين أذكر نفسى وأخوانى واخواتى فى المنتدى ..

بيهم وربنا يارب يرزقنا حسن الإستماع والتطبيق الصح..

 

موضوع جرئ شوية بس ان شاء الله مش مخالف يعنى ..

بداية...

أسعد الله قلوبكم..

للهم انك تعلم ان هذه القلوب أجتمعت على محبتك وألقت على طاعتك فألف اللهم

رابطتها وأدم وردها وأهديها سُبلها وأملئها بنورك الذى لا يخبو..

 

يارب نتقابل كلنا عن حوض النبى ويكون لينا مشتاق وبيجرى علينا بنفسه وأحنا نشوفه نجرى عليه ونقوله أيوه يارسول الله

احنا شباب كنا سبب لنضة أمتك احنا عملنا وعملنا وعملنا وحققنا الرفعة والنهضة اسقينا من يدك الشريفة شربة لا نظمأ بعدها أبدًا..

 

........................................................

ممكن أعرف انت بتفكر فيّا ازاى؟؟ وفى غيرى من اخواتى ازاى؟؟

 

وانتى ممكن تقوليلى بتفكرى فيه وفى أى أخت ازاى؟؟

 

 

 

ليــــــــــه لما بنلاقى اهتمام أو تشجيع أو ردود ف مواضيع بنوجه تفكرينا غلط؟

 

لو ادارية ولا فريق عمل شايف شغله صح أو شايفه شغلها صح وبيكررمواضيع ولا ينقلها للأريشيف انه مخالف لسياسة المنتدى بتفكر فيها غلط أو تفكرى فيها غلط؟ لأنها مواضيع

 

وهى مستعندانى !!

وهو مستعندنى !!

وهكـــــــــــــذا...... !!! ليه كل ده؟؟

 

 

يا شبــــــــــــــــــاب يا كبير

احنا اخوات وأكبر رباط بينا المودة والأحترام المتبادل

 

 

ويااااااارب ديمها نعمة علينا وابعد عننا الشطان وخطواته .

 

 

ليـــــــــــه لما نشارك بعض أحزانا وأفراحنا ونسأل على بعض نفكر غلط ونقول ليه وليه وليه..؟؟؟

لازم نجرى

ونجرى

ورا هدفنا الأسمى ولازم يكون قدام عيينا

احنا هنـــــــــــــــــــا ليـــــــــــــــــــــــــــــــــــــــــه

معًـا من أجل شباب عربى أفضل

وإحنا أولى من اى شباب أننا نقوم نفسنا لانى الساحه هنا ساحتنا اللى بتعلم فيها ومنها وماينفعش نعلم غيرينا قيم وحاجات احنا اصلا مفتيدينها ..

 

التفكير ده أول خطوة ليك تعرف بيها انت صح ولا لأ؟

هنشجع بعض

وندعى لبعض

ونخاف كلنا على بعض

اللى يفكر غلط التانى يوجهه واللى يفكر صح نتعلم منه ونعينه .

 

 

من انهارده ياللا نفكر صح

ونشيل اى تراكمات وحشه جوانا

كلامنا يكون صح

وتعاملنا يكون صح

واجابيتنا لازم تكون صح

المهم اننا نعيش صح

عاوزه تقوووووووووولى ايه كفايه ؟؟

عاوزه اقول

احترامنا لنفسنا وللشخصية اللى قدمنا بيفرض على أى حد انه لازم هيحترمك

سمتنا العام وسمتا حتى الخاص

لازم نفرق صح

وننتقى تعبيرتنا صح

طالما ارتضيت نفسك وارتضيتى نفسك تكونى ضمن أسرتنا فى ياللا يا شباب

لازم تفكر وتفكرى ولازم يكون التفكير صح!!!

لو انت من النوع ده واليعوذ بالله اللى بيراكم جوا نفسه وتراكم جوه نفسها وتفسر كل رد فعل سواء من أخ أو أخت ليها حسب ماشاءت وحسب ما اارتضت مالكيش ومالكش مكان وسطنا .

ليه نعمل حواجز وبس على الفاضى

ونقول لا انا فلان مش هرد عليه ولا انا فلانه مش ارد عليها علشان وعلشان ليييه كل ده؟؟ وعلشان ايه؟؟

احنا هنا علشان بنحب ربنا وبس

فى موضوع أكثر من رائع لأخونا المفقتد بمشاركاته الثرية دكتور ميدو

(( انتم لكم فى قلبى مكانة خاصة))

وان شاء الله هو ده ياللا يا شباب

الاحترام اللى بينا واللى بتفرضه شخصيتنا اقوى من اى تفكير ممكن يخضعك ليه شطانك ومسالكه اوعى تخليه يقودك ..

انت وانتِ.. ليه لما تلاقى حد معجب ومهتم بمواضيعك ويطرح فكرته فيها ورأيه تفكر فيه غلط ليه؟؟

انت وانتِ.. ليه لما حد ننشغل عن الردود تفكر فيه غلط وتقول وتعيد وتقولى وتعديى.

ليه لما حد يرد عليك ويكون معجب يالفكره والموضوع تقول وتعيد وتقولى تعيدى.

ليه لما حد بنتقدك يبقى قاصد يجرحك

ليه وليه وليه

..........؟؟؟؟

لو فِكرنا غلط ياللا نعدل تفكيرنا

ولو صح بارك الله فى عقولنا أجمع ولا ننسى هدفنا الأسمى من تواجدنا على صفحات منتدانا الحبيب ونسال الله تعالى ان يكون لنا حجه وصفحة تثقل موازيننا ...

دُمتم بكل ودٍ وحب واحترام..

كل عام أنتم الى الله أقرب..

أنا خلصت كده ياريت مش أكون طولت عليكم..

جزاكم الله خيرا..

وشكرا مستر حمدى على الموضوع ربنا يبارك فيك..

تم تعديل August 2, 2010 بواسطه دفءُ الأٌنْــــــــسِ

[Mr Hamdy Ahmad 36]

جزاكي الله خيرا الاخت الكريمة دفء الانــــــــــس

 

كلمة طيبة ورائعة

 

جعلها الله في ميزان حسناتك

 

ومن أجمل ما قلتي في وجهة نظري المتواضعة

 

احترامنا لنفسنا وللشخصية اللى قدمنا بيفرض على أى حد انه لازم هيحترمكسمتنا العام وسمتا حتى الخاصلازم نفرق صحوننتقى تعبيرتنا صحطالما ارتضيت نفسك وارتضيتى نفسك تكونى ضمن أسرتنا فى ياللا يا شباب

 

 

 

وكمـــــــــــــــــــــــــــــان

 

 

 

انت وانتِ.. ليه لما حد ننشغل عن الردود تفكر فيه غلط وتقول وتعيد وتقولى وتعديى.ليه لما حد يرد عليك ويكون معجب يالفكره والموضوع تقول وتعيد وتقولى تعيدى.ليه لما حد بنتقدك يبقى قاصد يجرحكليه وليه وليه..........؟؟؟؟لو فِكرنا غلط ياللا نعدل تفكيرنا

 

 

 

 

 

بصراحة كلمات تنقش بماء الذهب في المنتدى

 

 

 

 

وكده اتفتح باب النقاش ووضع الاراء على كلمات الاخوة

 

 

فمن أراد التعليق فليتفضل مشكورا

 

 

واان شاء الله اخر اليوم سوف نعلن عن العضو القادم في المايك

 

 

شكرا لكم

[ohabo raby 87]

 

يا شبــــــــــــــــــاب يا كبير

 

احنا اخوات وأكبر رباط بينا المودة والأحترام المتبادل

 

 

 

مــــــــا شــــــــاء اللــــــــــــــه عليكى يا "دفء الانس"

 

 

بجد انتى عملتى موضوع مهم فعلا وكان نفسي حد يتكلم

 

 

فيه من المنتدى

 

 

ورب الكعبة كلام في غاية الاهمية لجميع اعضاء المنتدى

 

 

وكلام منسق ومؤثر جدا جدا جدا والله

 

 

انا مش عارفة اوصفلك شعورى ايه وانا بقرأ فيه

 

 

علي فكرة والله انا قريت الموضوع فيما يزيد عن اربع مرات

 

 

وبتمنى بتمنى بجد والله من كل قلبى اننا كلنا نغير الافكار

 

 

الغبية دى بقي من دماغنا

 

 

ونفكر في اللى قدامنا ولو مرة واحدة صــــح

 

 

ونحب بعض كده من كل قلبنا ومحدش يحقد علي حد

 

 

بالعكس نحاول نعمل زيه مش نحسده

 

 

 

جزاكى الله خيرا اختى الحبيبة "دفء الانـــــــــــس"

 

 

يارب يجعل ده كله في ميزان حسناتك

 

 

ويرزقك علي قد نيتك الطيبة

 

 

وانا والله كان نفسي يبقي المايك معاكى اكتر من كده

 

 

(علي طووووووووووول)

 

[Mr Hamdy Ahmad 36]

 

شكرا لكي اختي الكريمة زهرة جهينة على المرور الكريم

 

 

وشكرا للاخت دفء الانس على المشاركة الجميلة

 

وبفكركم يا جماعة

 

ان طالما العضو قا انا انتهيت أو خلصت يسمح لباقي الاعضاء بالتعليق

 

وذلك قبل الاعلان عن العضو التالي

 

في الموضوع

 

 

 

 

 

 

 

 

 

 

 

أما عن العضو القادم في المنتدى

 

فهو أخي العزيز

 

وشاعرنا المبدع

 

 

الجندي المجهول

 

 

فليتفضل مشكورا

 

والمايك معاه

 

[الجندى المجهول 37]

السلام عليكم ورحمه الله وبركاته

بسم الله الرحمن الرحيم

 

اسف جدا لتاخيرى فى الامسال بالميك

شكرا جزيلا اخى الحبيب مستر حمدى احمد على الموضوع الرائع جزاك الله خيرا

اخوتى فى الله وحبائى فيه

فكرت فى انى فى فرصه كبيره لانى احمل ميك المنتدى واتكلم فيه ويسمع كلمى

 

اعضاء المنتدى بالكامل لان صوتى لليعرفنى عالى بطبيعته فتخيل انى كمان ماسك الميك

وفكرت انى ممكن فرصه انى امسك الميك مش هتيجى تانى فقررت انى اتكلم فى موضيع كتيره جدا وبعد شويه حسيت انى الموضوع مش سهل زى مكنت مفكر ازاى يعنى؟؟

يعنى انى كمان زى ما هتكلم فى موضوعات كتير هيكون عليا مسؤليه كبيره جدا لانى هكتب موضوعات كتير وممكن يبقى فيها غلطات كتير

او ممكن اكون مش ملم بالمعلومات الكافيه اللى تخلينى اتكلم فى الموضوعات دى وكمان ممكن اكون متحيز لراى غلط او حتى تكون عندى معلومات وثقافه فى الموضوع اللى هتكلم فيه بس المعلومات دى مغلوطه او ممكن اعرض راى من غير متتاكد انه صح 100/100 وكمان ممكن انى اتكلم فى موضوع مش هيفيد

اعضاء المنتدى او انى ممكن فى موضوع افتح باب من ابواب الفتنه عليهم منغير ماقصد .

فقرت انى اكتب موضوع واحد واحاول على قد مقدر اتلفى الغلطات دى

 

على فكره الموضوع بتاعى كان كل اللى كتابته فوق

:) ازاى يعنى ؟

يعنى نفسى كل عضوا من اعضاء اسره يالا شباب يفكرفى الحاجات المكتوبه فى الموضوع قبل ما يكتب اى موضوع فى المنتدى وبالتالى هيكتب موضوعات ان شاء الله ( جميله _ ومفيده _ ورائعه _ وهادفه _ وتساهم فى بناء شباب عربى افضل )

انا عارف طبعا انى احبائى فى الله اعضاء اسرتنا من اوعى شباب المنتديات بس انا حبيت افكرهم بشويه الحاجات دى من باب التذكير وكمان للاعضاء اللجديده اللى معانا فى المنتدى

واسال الله انه يجمعنا واياكم عند حوض رسوال الله ليسقنا منه شربه ماء لان نظما بعدها ابدا

جعلنا الله واياكم من معتوقين شهره الكريم

وجعل كلماتنا شاهده لنا لا علينا يوم القيامه

سبحان الله والحمد لله

[Mr Hamdy Ahmad 36]

الموضوع مش سهل زى مكنت مفكر ازاى يعنى؟؟

يعنى انى كمان زى ما هتكلم فى موضوعات كتير هيكون عليا مسؤليه كبيره جدا لانى هكتب موضوعات كتير وممكن يبقى فيها غلطات كتير

او ممكن اكون مش ملم بالمعلومات الكافيه اللى تخلينى اتكلم فى الموضوعات دى وكمان ممكن اكون متحيز لراى غلط او حتى تكون عندى معلومات وثقافه فى الموضوع اللى هتكلم فيه بس المعلومات دى مغلوطه او ممكن اعرض راى من غير متتاكد انه صح 100/100 وكمان ممكن انى اتكلم فى موضوع مش هيفيد

اعضاء المنتدى او انى ممكن فى موضوع افتح باب من ابواب الفتنه عليهم منغير ماقصد .

فقرت انى اكتب موضوع واحد واحاول على قد مقدر اتلفى الغلطات دى

 

 

 

 

كلمات رائعة أخي العزيز

 

 

وشاعرنا الرائع

 

الجندي المجهول

 

 

بصراحة كلمات من نور تناقش بماء من ذهب

 

 

وربنا يجعلها في ميزان حسناتك

 

وكدة الكلام للأعضاء بقى مفتوح المجال

 

 

ومعلش أنا هسيب المايك أمانة في رقبتكم

 

 

لأني مسافر شوية كام يوم كدة

 

ومش هقدر أتابع إعلانات الاعضاء

 

 

 

وجزاكم الله خيرا

 

 

تم تعديل September 14, 2010 بواسطه Mr Hamdy Ahmad

[عاشق الصداقه 525]

ما شاء الله ولا قوة إلا بالله

 

أختى دفء الانس ،، واخى الجندى المجهول

كلمات تكتب بماء الذهب حقاً ..

 

جزاكم الله الجنة ،، متابع دائم للموضوع بإذن الله

[دعوه للجنه 457]

 

كلماتك شاعر المنتدى أكثر أكثر من رائع

 

لو كل واحد عمل اللى عليه بجد

 

 

سواء فى الرد أو فى كتابة مواضيع أو حتى بالنقل

 

 

لو كل واحد راعى ضميره وربنا فى كل حاجة

 

 

يبقى خلاص مافيش تعب ولا فتة ولا حاجه

 

 

كل كل كل واحد يرررررررراعى ضميرة ويفتكر انه رقيب على نفسه قبل مايكون حد رقيب عليه...

 

 

يـــــــــــــــــــــــــــــــاه

 

نفسى بجد كل واحد يحس انه بيعمل كل حاجه وهو مسؤل لوحده عن كل حاجه فى اى مكان يكون فيه.

 

 

 

 

يارب اصلح أحوالنا جميعا..

 

 

 

 

كلماتك أكثر من رائعة شاعر المنتدى

 

ف ميزان حسناتك باذن الله..

 

 

 

جزاك الله خيرا مستر حمدى.

 

 

 

 

 

 

 

[ohabo raby 87]

جزاك الله خيرا اخى / الجندى المجهول

 

كلمات حضرتك جميلة للغاية

 

فعلا حضرتك تستحق هذا اللقب "

شاعر المنتدى "

 

جزاك الله خيرا كثيـــــــرااخى الفاضل مستر / حمدى

 

 

متابعين الموضوع ان شاء الله

تم تعديل August 7, 2010 بواسطه زهرة جهيّنة

[mercy 2]

السلام عليكم

بجد فكره حلوى اوى

بس بصراحه انا جات فى دماغى على انها حاجه تانى خالص ان الصوت هيكون مسموع فعلا مش مقروء

لكن كده احسن لان بصراحه قلت ممكن الواحد يتكلم بكلام منافى لقواعد المنتدى ويكون فعلا زى برنامج اسامه

بكده الكل ممكن يستفيد ونعرف بعض اكتر

وكلامك اخى عاشق الصداقه واختى دف الانس والجندى المجهول

ما شاء الله عليكم اكتر كلام ممكن يدخل القلب لما يكون خارج من القلب

بجد بحيك اخى Mr Hamdy Ahmad على الفكره الجميله دى

وانا فى احر الشوق لمعرفه باقى اعضاء المنتدى

جزاك الله خيرا

 

تم تعديل August 7, 2010 بواسطه mercy

[Mr Hamdy Ahmad 36]

بجد أشكركم جميعا على المتابعة الرائعة

 

 

وأنا في شوق لأن أعرف رأي كل من يمسك بالمايك

 

 

ومن خلال كلماته البسيطة التي يسطرها هنا

 

 

سوف نتعرف على شخصيته الرائعة

 

 

وجزاكم الله خيرا جميعا أخواني وأخوتي في الله

 

وأشهد الله الذي يسمعنا ويرانا أني أحبكم في الله

[NADA 34]

موضوع جميييل جدااً و فكرة رااائعة مستر حمدى

 

ربنا يكرمك وكل أعضاء المنتدى إن شاء الله

 

بجد موضوع تحفة والردود و الآراء جميلة جداً ..

 

يارب يكون رمضان كله خير للجميع وربنا يتقبل

[Mr Hamdy Ahmad 36]

جزاكي الله خيرا اختي ندا

 

على المشاركة الرائعة

 

وان شاء الله في انتظار مشاركتك

 

عندما يتم تسليم المايك لكي

[ali desoky 391]

تم اعادة تنسيق الموضوع

[Mr Hamdy Ahmad 36]

جزاك الله خيرا أخي الكريم علي وفي انتظار مشاركتك بالمايك عقب انتهاء الشهر الكريم أعاده الله عليك وعلى المسلمين بالخير واليمن والبركات

[Mr Hamdy Ahmad 36]

أولا

 

السلام عليكم ورحمة الله وبركاته

 

 

 

مرحبا بكم

 

بعد انقضاء الشهر الكريم

 

أعاده الله علينا بالخير واليمن والبركات

 

 

 

 

وأتمنى أن تكونوا قضيتم شهر الطاعات باحق ما يستحق فعله

 

 

 

والله أسأل ان يوفقنا جميعا الى حسن طاعته

 

 

 

 

 

 

 

 

 

 

 

 

وبعد هذه الفترة الطويلة ال تي قضيناها بعيدا عن مايك المنتدى

 

 

 

 

 

الاذاعة البصرية والصورة الحقيقية لأفكارنا ورؤيتنا

 

 

 

 

نعود من جديد والعود أحمد

 

 

لسباق الخير والحق

 

 

 

 

أما عن العضو القادم

 

 

 

فهو أخي وصديقي

 

 

مستر علي الدسوقي

 

 

أكرمه الله ووفقه لما يحب ويرضى

 

 

 

 

 

فليتفضل مشكورا

 

[Mr Hamdy Ahmad 36]

المايك مع المستر علي الدسوقي فليتفضل مشكورا

[ali desoky 391]

المايك مع المستر علي دسوقي فليتفضل مشكورا

 

 

 

 

 

السلام عليكم ورحمة الله وبركاته.

 

أخي وحبيبي مستر حمدي

اخواتي واخواتي اعضاء منتدانا الغالي

يلا ياشباب

 

 

اسف جدا لتاخري في الرد علي هذا الموضوع المميز للغايه

ولكن هذه هي الظروف التي اضطرتني الي كل هذا التاخير بسبب دخول شهر رمضان ثم من بعده ظروف العمل

 

اولا دعوني اكون صريحا معكم

عندما رايت هذا الموضوع لاول مرة تخوفت منه كثيرا وتخوفت من اي ردود مخالفه تجعله غير لائقا بمنتدانا النظيف

ولكن والحمد لله احسست بالاطمئنان من كلام اخي حمدي ثم من بعده كلام اخي عاشق الصداقه

ولكن ما زاد اطمئناني ان يلا ياشباب يزخر باعضاء نحسبهم علي خير ولا نزكي علي الله احدا

كل منهم يعرف ان ما يقوم به يزيده فخرا ويعتبر في ميزان حسناته ان شاء الله

 

اخوتي واخواتي دعوني احدثكم عن اجمل ثلاث سنوات في حياتي

هي سنوات انضمامي الي يلاياشباب ( الذكري الثالثة لانضمامي للمنتدي يوم 20-11)

 

كما تحدثت مع الكثير من اخوتي الاعضاء ان علي دسوقي بعد يلاياشباب هو شخص مختلف عن علي دسوقي قبل يلا ياشباب

وهذا هو السر وراء اهتمامي وعشقي لهذا الصرح الجميل كما يحب الكثير من الاعضاء تسميته ( كولدير حسنات)

نعم لقد زادني المنتدي الكثير الكثير والحمد لله لم ينقص مني شيئا ( ماعدا اني بسيب بعض الحصص احيانا بسببه)

 

هذا المنتدي الذي اشبهه كثيرا بالمدينه الفاضلة

المدينة الفاضلة أو جمهورية أفلاطون كما تسمى أحيانا هي عبارة عن تصور تخيلي لما ينبغي أن تكون عليه مدينة أرضية حقيقية.

وهي كما يرى افلاطون عبارة عن وضعية مثالية لدولة المدينة كما كان سائدا في الأوضاع السياسية في العصر الإغريقي

 

ولكن هنا نحن نبحث عن كل ما هو نظيف وذلك باتباع ديننا الحنيف وسنة نبينا الكريم

وذلك عن طريق نشر كل ما يوضع في ميزان حسناتنا وحسنات كل ما اتبع هذا الخير

نحن نبحث عن مصطلح الانترنت النظيف

شيء لا يخجل الاب او الام او الاخ والاخت من الجلوس امامه

وهذا ما نلاحظه في منتدانا ولا نجده في منتديات كثيره

نجد الاباء والامهات اعضاء معنا ومع ابنائهم يشجعونهم علي هذا العمل بل ويشاركون معهم

كما نجد معنا في منتدانا اعضاء من كل الاعمار نجد الاباء ونجد الشباب كما نجد الاطفال

بجد هذا هو منتدي العائله المسلمه

وكل هذا نقدمه هدية متواضعه لنبينا ورسولنا خاتم الانبياء والمرسلين سيدنا محمد صلي الله عليه وسلم

 

اعتقد انني اذا تحدثت لساعات عن هذا المنتدي فانني لن اوفيه حقه ابدا

 

اما اذا تحدثت عن نفسي

فلن اقول سوي

انني علي دسوقي او مستر علي( كما يحب الكثيرون ان يطلقوا عليا)

انا فرد من يلا ياشباب... افخر بالوجود بين مجموعه من افضل الشباب العربي

وافخر بوجود اخوة واخوات لي مثل اعضاء يلا ياشباب

 

ولا يتبقي لي الا ان اشكر كل فرد من ضمن( 80785) عضوا من اعضاء يلا ياشباب

وان استطعت ان اقدم التحية لكل شخص باسمه ساقدمها

 

واخيرا تحية وتقدير لاخي وحبيبي عاشق الصداقه

اهنئه واهنيء كل اخوتي واخواتي علي هذا المنتدي الرائع

 

اسف جدا للاطاله

 

تقديري واحترامي لكل الاخوة والاخوات

بجد انتوا احسن وافضل اخوة يحلم الانسان بالحصول عليهم

وهذا من ضمن مكاسبي في يلاياشباب

 

 

اللّهم بِرحمَتِك الواسِعَةِ عمّنا واكفِنا شرّ ما أهمّنا وغمّنا

و على الايمانِ الكاملِ والكتابِ والسُّنةِ جَمْعاً توفَّنا

و أنت راضٍ عنّا

 

يا قاضِيَ الحاجات

و يا مُجيب الدَّعوات

نَسأَلُكَ يا رَبَّنا رَحمَْةً تَهْدي بِها قُلُوبَنا

اللّهم انصُرِ الاسْلام وَأَعِزَّ المُسلمين

و دَمِّر أَعداءَ الدّين

اللّهم خُذْهُم أَخْذَ عَزيزٍ مُقْتَدِر

انَّهم لا يُعجِزُونَك

أَرِنا فِيهِم يَوماً أَسوداً

أَرِنا فيهِم عَجائِبَ قُدرَتِك

أَرِنا بِهم بَأْسَك الذي لا يُرَدُّ عَنِ القَومِ المُجرِمين

انزَعِ الوَهَنَ وَحُبَّ الدُّنيا مِن قُلوبِنا وأَبدِل بِه يا رَبَّنا حُبَّ الآخِرَة

 

اللهم امين

 

 

 

 

 

[Mr Hamdy Ahmad 36]

أولا أود شكر أخي الكريم مستر علي

 

على هذا التفاعل الرائع

 

وعلى هذه الكلمات التي توزن بميزان الذهب

 

 

وأتقدم لكل الاعضاء بأجمل التهاني

 

 

لتزامن هذا الرد الرائع من مستر علي بخبره السعيد

 

اخوتي واخواتي دعوني احدثكم عن اجمل ثلاث سنوات في حياتي

هي سنوات انضمامي الي يلاياشباب ( الذكري الثالثة لانضمامي للمنتدي يوم 20-11)

 

 

 

 

عقبال مائة عام من العطاء في هذا الممنتدى الرائع

 

 

ونترك الفرصة لاعضاء ياللا يا شباب

 

للتعليق على الرد قبل الاعلان عن العضو القادم في برنامجكم

 

 

 

 

 

 

 

 

تم تعديل October 31, 2010 بواسطه Mr Hamdy Ahmad