semsem111 0 قام بنشر April 29, 2008 عندما يبيض الانسان =========================== * سوف يكتب فى البطاقة تاريخ الفقس * وسيقول الواحد منا انا من مفاقسي شهر مايو * وسيحتفل الناس بعيد فقسهم * لن يكون هناك ولد ولا والدين سيكون هناك فقس وفاقس وفاقسة ( اللى هما الفاقسين ) * سوف يكون التخصص الطبي فى كليات الطب ( نسا وتفقيس ) * سوف تضطر الامهات الى الرقد على البيض بدلا من الحمل * سوف يتصل بك صديقك الذى واعدك بانه سياتيك اليوم للزيارة ( معلش والله اصل مراتى راحت موعد ضرورى وانا اضطريت ارقد على البيض لغاية مترجع لحسن البيض يتهوا ) وعندما يكون الموعد ضرورى جدا سيتصل بك صديقك ( معلش يا اخواننا يا ريت الموعد النهارده يكون عندى اصل مراتى بره وانا راقد على البيض لغاية ما تييجى ) * سيكون لحظة فقس البيض اجمل خبر فى حياتنا وسنحتفل جميعا للمفقوس الجديد * سنجد اعلانات امام الصيدليات تعلن عن الراقد الالى لا قلق بعد اليوم الراقد الالى سيحل لك المشكلة اذهبي الى عملك وانت مطمئنة سيقوم الراقد الالى بالرقد على البيض وكانه ام حنون لا داعى ان تطلبى من زوجك الرقد على البيض مؤقتا بدلا منك الراقد الالى حل لك المشكلة وحيبقى اللي اسمه وليد = "فقيس" ! وحيتحط العيل (قصدي الفقس ) في سلة بدل اللفة ! وممكن بدل ما المفاقيس يدخلوا حضانة يدخلوا عشة ! سالتنى بنت اختى ( لولا .. هكذا نسميها ) سؤالا وجيها لولا == خالو ممكن اسال سؤال انا == نعم لولا = هى ليه الفرخة بتبيض انا == علشان يطلع كتكوت بنت اختى = لا ان اقصد ليه بتبيض مش بتولد زى ماما وزى البنى ادمين وفورا جاء فى ذهنى سؤالا اكثر وجاهه وهو ليه الانسان ميبيضش اصلا ويبقى زي الفرخة لكن بالفعل ماذا يحدث عندما يبيض الانسان اكتشفت انه ستتغير بعض الامور فى حياتنا البشرية * الاهم من ذلك سوف تستمر الحكومة المصرية المبجلة كما هي تواصل مسيرة العطاء والبناء والغباء اقصد الرخاء ذلك لان بعض اصدقائي كل ما اشكو له زهقى الشديد من الحكومة يقول والله لو الشعب باض برضه هتفضل الحكومة زي ما هي وبالتالى لو كان الانسان يبيض فستظل الحكومة هى نفس الحكومة وسلم لى على الكتاكيت على العموم الحمد لله ان الانسان بيولد هاه حد لاحظ ان ممكن يكون فى تغيرا تانى عندما يبيض الانسان شارك هذه المشاركه رابط المشاركه شار ك علي موقع اخر
حنان القلب 1 قام بنشر April 29, 2008 ههههههههههه لا والله تغير جذري فعلا وانا حجيبلك هدية عيد فقسك وبدل منقول مواليد نقول مفاقيس والناس كلها حتبقى عليها بيضه وبدل ما نقول ابيض ولا اسمر المفقوس يعني نقول بلدي ولا زراعي هههههههههههههههههههههههه شارك هذه المشاركه رابط المشاركه شار ك علي موقع اخر
Shetos 2 قام بنشر May 7, 2008 هههههههههههههههههههه خطيرة فعلاً يا سمسم.. لعلمك كل قرايبك( حمادة----لولا) ليهم أسئلة وردود أفعال رائعة فعلاً.. وكون إنك تغير فى الحكومة..لابد أن تؤمن أن ذلك سيحدث إن شاء الله بس حين ميسرة.. شارك هذه المشاركه رابط المشاركه شار ك علي موقع اخر
bassant 2 قام بنشر May 7, 2008 ممكن نخلى معاد الفقس ده لبعدين اصل خيفه المفقوس يطلع من البيضه ويعرف يتكلم هههههههههههههه بس والله الموضوع جميل وربنا يخليلك لولا وتتحفنا بمواضيع كمان وكمان شكرا لك شارك هذه المشاركه رابط المشاركه شار ك علي موقع اخر
أحمد سيف 3 قام بنشر May 7, 2008 ويا ترى في الحاله دي كل المفاقيس الجدد هتكون لغتهم الرسمية الصوصوه يفقس عقلك يا سمسم شارك هذه المشاركه رابط المشاركه شار ك علي موقع اخر
zoro_hf 8 قام بنشر May 7, 2008 يا نهار فقس عليك يا سمسم اية الحالوة داى يا بنى شارك هذه المشاركه رابط المشاركه شار ك علي موقع اخر
EL3aref 5 قام بنشر May 8, 2008 احب فى اول كلامى اشكر السيد المسئول . بس ليا تعقيب صغير .. لو سمحتم لموا المقاطف بتاعتكم واطلعوا بره المنتدى علشان انفلونزا الطيور .. وانتوا عارفين انى الحكومه منعت تربية الطيور او ملحقتها فوق اسطح المنتديات .. ولو سمحتوا مش عايزين المنتدى يتقفل .. شارك هذه المشاركه رابط المشاركه شار ك علي موقع اخر
