مشرفي الأقسام NADA قام بنشر May 23, 2008 مشرفي الأقسام قام بنشر May 23, 2008 التطــور الطبيــعى للأم الملابس الطفل الأول: تلبس هدوم الحمل من أول لما تعرف إنها حامل الطفل الثاني: تحاول تلبس هدومها العادية لأطول فترة ممكنة الطفل الثالث: هدوم الحمل هي هدومها العادية اليومية الإعداد للطفل الطفل الأول: كل دقيقة تغيير للطفل .. وتحاول تخلي ريحته حلوة الطفل الثاني: كل ثلاث ساعات الطفل الثالث: لما ريحته تطلع القلق الطفل الأول: من أول خبطة تجري عليه و تشيله الطفل الثاني: تشيله لو حست أن خلاص فيه عربية حتخبطه الطفل الثالث: أحسن..علشان تتربي... خلي العربية تدوسك الأكل الطفل الأول: ترمي أي حاجة تقع على الأرض الطفل الثاني: تغسلها بشوية مية الطفل الثالث: تمسحها فى هدومها الفسح الطفل الأول: الملاهي... المراجيح..النادي الطفل الثاني: النادي الطفل الثالث : السوق الخروج الطفل الأول: تسيبه مع أختها و تتصل تطمئن عليه كل خمس دقائق الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه الطفل الثالث: تسيبه مع أي حد.. مع تحذير بان محدش يتصل بيها إلا في حالة يكون في الموضوع دم في البيت الطفل الأول: كل دقيقة تتفرج على ابنها وهو نايم الطفل الثاني: من وقت للتاني تتأكد إن الكلب مأكلش ذراع الولد الطفل الثالث: تستخبى منهم على قد ما تقدر لو بلع قرش الطفل الأول : تطلب عمل أشعة للولد الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاّ َلأ؟ الطفل الثالث: تخصمه من مصروفه
bassant قام بنشر May 23, 2008 قام بنشر May 23, 2008 جامده اوى ايوه كده رجعتى تنورى المنتدى من تانى ياريت مطوليش الغيبه موضوع رائع فى اطار كمدى شكرا لكى
Shetos قام بنشر May 23, 2008 قام بنشر May 23, 2008 رائع يا ندى.... بس هى ممكن تولع فى الإبن التالت وتخلص.. شكراً جزيلاً مشرفتنا الغالية..
بنت مصرية قام بنشر May 23, 2008 قام بنشر May 23, 2008 هههههههههههههههه جميلة اوي ياندا طيب اللي عندها طفل رابع ده ياعني اساسا هيموت الحمد لله اني كنت الطفل الاول بس مع ذلك مش في كل الأحوال دي الام برضوا ياندي بس بجد خطيرة ماتطوليش الغيبة كلنا بنقولك ارجعي من تاني المنتدي مفتقد وجودك تقبلي مروري
عاشق الصداقه قام بنشر May 23, 2008 قام بنشر May 23, 2008 هههههههههههههههههههه جميل بجد يا ندى .. أكتر حاجه عجبتنى .. الطفل الثالث: تخصمه من مصروفه النداله حتى فى الامهات !!! :cry: تم نقل الموضوع لقسم الفكاهه
مشرفي الأقسام NADA قام بنشر May 27, 2008 الكاتب مشرفي الأقسام قام بنشر May 27, 2008 جميلة اوي ياندا طيب اللي عندها طفل رابع ده ياعني اساسا هيموت على فكره انا رقم 4 والاخيره الدلوعه ف البيت يعنى لكن هما بيقولو ان انا اللى كنت مغلباهم ومطلعه عنيهم النداله حتى فى الامهات !!! النداله تقوى الصداقه سورى **الامومه
أحمد سيف قام بنشر June 15, 2008 قام بنشر June 15, 2008 الحمد لله انا الاول بس كنت برضه مطلع عينيهم ولحد دلوقتي بس امي غير كده خالص
مشرفي الأقسام NADA قام بنشر June 18, 2008 الكاتب مشرفي الأقسام قام بنشر June 18, 2008 الحمد لله انا الاول بس كنت برضه مطلع عينيهم ولحد دلوقتي بس امي غير كده خالص غير كده ازاى يعنى هتلاقيك بس مش واخد بالك عامة ابقى ركز الامهات مبقوش زى زمان المفروض نعمل موضوع نفرق فيه بين امهات زمان وامهات الايام دى ايه يا ختى ده البنات بقو حاجه صعب ودلع مرئ خااااااااااااالص
تقوى القلوب قام بنشر June 18, 2008 قام بنشر June 18, 2008 (تعديل) ههههههههههههههه نايس توبك يا ندى الحمد لله انا الطفلة الاولى واللى قبلى ميتة وهى بتتولد يعنى عناية خاص جدا تم تعديل June 18, 2008 بواسطه تقوى القلوب
مشرفي الأقسام NADA قام بنشر November 30, 2008 الكاتب مشرفي الأقسام قام بنشر November 30, 2008 ههههههههههههههه نايس توبك يا ندى الحمد لله انا الطفلة الاولى واللى قبلى ميتة وهى بتتولد يعنى عناية خاص جدا ميرسى يا تقى ربنا يجعلها سبب ف دخول اهلها الجنة بس انا شكلى كده الموضوع عكس معايا هو انا لسه مفيش اى حاجه بس انا خلاص وزعت البت قبل ما تيجى ربنا يكون ف عون الباقى شكل يا عينى ولادى هيبقو متشردين ياترى ايه اللى هيحصل....... الله اعلى واعلم
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥