مشيت فى سكة

[battot]

مــــــــــــــشـــــــــــــيـــــــــــــــت فـــــــــــــي ســـــــــــكــــــــــــــة

 

***************************

 

بص يا أبويا

 

وانت يا أخويا

 

بصوا معايا

 

وشوفوا ويايا

 

القصة قصة شعب وأمة

 

امة كلها عزم وهمة

 

شعب يرفض ويقول لأ

 

شعب هادي وراضي بحاله

 

ومن غير حاجة يقول الحق

 

فيها حاجة دي ؟!!!

 

والله ما فيـــها

 

اني اكون فوق الكون

 

انسان ..... الدنيا عليه تهون

 

هقولك حاجة

 

دا انا باقي من حاجة

 

كنت ميت وصحيت

 

ومت .... ورضيت

 

بس اصحابنا

 

ما رضيوا بحالنا

 

ضربوني ياأبويا

 

حبسوني ياأبويا

 

جوه سجن

 

جوه نفسي

 

من غير مفتاح

 

ولا في سماح

 

من غير ما أعمل حاجة

 

ولا بإيدي حاجة

 

ولا طلبت العفو

 

ولا قلت آسف

 

ما أنا مش غلطان

 

ولا ذنبي اني انسان

 

ورضيت بسجني

 

وقلت كمان

 

زيد علي همي

 

هم الحرمان

 

ومشيت في سكة

 

في طريق كله زحمه

 

عربيه رايحة... وعربية جايه

 

وفي وسط دا كله

 

خبطني واحده

 

ونزلت منها واحده

 

واحدة انما ايه !!!!

 

إنما واحده !!!!!

 

قالتلي .. حصلك حاجة

 

آسفة ما أخدتش بالي

 

فقالها راجل عجوز

 

ماشية ولا في بالك

 

تدوسي اللي قدامك

 

كده بكل بساطة

 

ولا همك ولا حاجه

 

وقمت بعدها ومشيت

 

ومن طريقي عديت

 

مشيت في شارع طويل

 

واسع وجميل

 

وقدام محل كبير

 

لقيت عقلي بيطير

 

فكرت في الغلابة المطحونين

 

اللي دايما يحلموا يكونوا مستورين

 

لقتني بجاوب علي نفسي وأقول

 

من غير ما تفكر ولا فكرك يطول

 

بص لكل اللي حواليك

 

كله مش بإيديك

 

هتلاقي الدنيا بالمقلوب

 

صاحب الحق محقوق

 

والغلط راكبه من فوق

 

وياسلام علي اللي نايم

 

وتيجي غمزة عين تفوق الهايم

 

ومشيت في سكتي

 

في الطريق علي طول

 

وتعدي الايام

 

بالعرض وبالطول

 

واللي مكتوب علي الجبين

 

لازم هتشوفه العين

 

ومن غير ما أزيد ولا أعيد

 

وأختصر وأفيد

 

حكم عقلك

 

وارفض الظلم

 

واسأل قلبك

 

وعيش الحلم

 

هقول ايه ولا ايه

 

ولا عن ايه

 

ده اللي كان .... كان

 

وكان .... يا ما كان

 

وقول ..... يا زمان

[NADA]

ولا ذنبي اني انسان

 

رااااااااااااائع يا بطوط

 

ف انتظار المزيد

[Shetos]

لا بجد أكثر من رائع بطوط..

 

فعلاً رائع..

 

شكراً جزيلاً..

[بنت مصرية]

شعر من القلب للقلب

رائع وفي انتظارؤ مزيدك

[bads ahmed amer]

حكم عقلك

 

وارفض الظلم

 

واسأل قلبك

 

وعيش الحلم

 

 

ما أنا مش غلطان

 

ولا ذنبي اني انسان

 

 

 

عجبتنى قوى يابطوط

 

 

ننظر المزيد

 

 

 

 

 

 

بدوسة

 

 

 

 

 

 

 

 

 

 

 

 

 

[حنان القلب]

عظمه على عظمه يا بطوط واااصل واحنا معاااك