نجمة الكتب قام بنشر January 25, 2007 قام بنشر January 25, 2007 صدق أو لا تصدق: *لوبصيت على مجرة Andromeda ( على بعد ٢.٣ مليون سنة ضوئية) الضوء اللي هتشوفه اخد ٢.٣مليون سنة عشان يوصل لعنيك، يعني انت شايف المجرة على الصورة اللي كانت عليها من ٢.٣ مليون سنة . . ممكن تكون شايف فيها نجوم اختفت بالفعل من الوجود ومش شايف نجوم اتولدت و لسة ضوءها موصلناش. * لو قدرت تحط كوكب زحل في حوض مية عملاق هيطفو !! ..كثافته اقل من كثافة المية . * وزن معلقة شاي من نجم نيوتروني بيساوي حوالي ١١٢ طن !!! * لو تخيلنا ان الشمس بحجم النقطة اللي على حرف(i) هيكون اقرب نجم ليها على بعد ١٠ اميال! *وزن كوكب المشتري اكبر من وزن كل الكواكب الاخرى مجتمعة... *ضوء الشمس بيوصلنا في خلال ٨ دقايق واللي بنشوفه صورتها من ٨ دقايق فاتوا و ممكن تكون انفجرت من ٤ دقايق واحنا لسة منعرفش... *مهما كانت السما صافية العين البشرية متقدرش تشوف غير تقريبا ٣٠٠٠ نجم بس، في حين ان مجرتنا لوحدها فيها ما يقدر بحوالي١٠٠,٠٠٠,٠٠٠,٠٠٠نجم ! * اعلى جبل في النظام الشمسي هو جبل Olympus Mons موجود على كوكب المريخ بارتفاع حوالي ١٥ ميل ، يعني ٣ اضعاف ارتفاع جبل ايفرست وبيغطي مساحة تقريبا قد نص مساحة اسبانيا.. *نص جزء من البليون من طاقة الشمس بس هواللي بيوصل للارض.. *درجة الحرارة على كوكب الزهرة تكفي لاذابة الرصاص. 1
AMR DAWAM قام بنشر January 27, 2007 قام بنشر January 27, 2007 موضوع جميييل جدا وشيـــــــــــــــــق جدا ومعلومات غايـــــــــــــــــة فى الغرابة ومش عارف ان كنت اصدق أم لا ********************
نجمة الكتب قام بنشر January 31, 2007 الكاتب قام بنشر January 31, 2007 بشكرك اخي عمرو دوام، مبسوطة ان الموضوع عجبك، وانا عن نفسي مكنتش مصدقة المعلومات دي اول ما عرفتها، بس العلم لسة ياما هيكشفلنا اسرار وعجايب.. وآدي كمان شوية معلومات غريبة: * لو قدرت تسافر بسرعة الضوء(١٨٦,٠٠٠ميل في الثانية) هتقدر تعبر مجرتنا في ١٠٠,٠٠٠ سنة بس!!! * وجه واحد للقمر بس هو اللي دايما يواجه الارض وبنشوفه ، لأن الوقت اللي القمر بياخده عشان يكمل دورته حوالين نفسه بيساوي بالظبط الوقت اللي بياخده عشان يكمل دورته في مداره حوالين الارض. *Betelgeuse ,النجم اللامع في مجموعة Orion ،كبير جدا لدرجة انه لو كان مكان الشمس كان هيبتلع الارض والمريخ والمشتري!! *لو وقفت عند خط الاستواء فانت هتكون بتدور بسرعة ١,٠٠٠ ميل في الساعة مع دوران الارض حوالين نفسها وبسرعة ٦٧,٠٠٠ ميل في الساعة مع دورانها حول الشمس!! * عند خط الاستواء وزنك بيكون ٣% اخف من وزنك عند القطبين، نتيجة قوة الطرد المركزية لدوران الارض. * الغلاف الجوي بالنسبة لحجم الارض اقل في السمك من القشرة بالنسبة للتفاحة!!! * على كوكب عطارد اليوم( الوقت اللي بياخده عشان يدور دورة حوالين نفسه) بيساوي ٥٩ يوم ارضي، والسنة( الوقت اللي بيكمل فيه دورته حول الشمس) بتساوي ٨٨ يوم ارضي.. ده معناه ان السنة هناك فيها اقل من يومين!!! *لو قطعة من الشمس في حجم راس الدبوس اتحطت على الارض، مش هتكون في مأمن لو وقفت على بعد اقل من ٩٠ ميل منها!!! * بيقدر ان عدد النجوم في الكون اكبر من عدد كل حبات الرمل على كل شواطئ العالم! *كل سنة الشمس بتبخر ١٠٠,٠٠٠ ميل مكعب من الميه اللي موجودة على الارض ( ده بيعادل ٤٠٠ تريليون طن)!! *العلماء بيقولوا ان الفضاء مش فراغ تام، وان فيه ٣ ذرات في كل متر مكعب!!
عاشق الصداقه قام بنشر January 31, 2007 قام بنشر January 31, 2007 ممكن تكون شايف فيها نجوم اختفت بالفعل من الوجود ومش شايف نجوم اتولدت و لسة ضوءها موصلناش انا معدتش بشوف أصلاً بعد اللى قريته ده ... إكتشفت انى مبشفش حاجه ممكن تكون انفجرت من ٤ دقايق واحنا لسة منعرفش الغريب ان مفيش موضوع ليكى بيخلو من انفجار - اعصار - زلزال - كارثه - .... ربنا يستر على المنتدى ويستر على الشمس ومتكونش انفجرت .. انا مش حعرف انام غير لما اطمن ١٠٠,٠٠٠,٠٠٠,٠٠٠نجم ! يا دين النبى .... إيه يا عم الحج الأرقام دى ... معقول - مش حقول غير سبحان الخالق هتقدر تعبر مجرتنا في ١٠٠,٠٠٠ سنة بس!!! بسيطه خالص ... ده انا كنت فاكر انى حطول ... أثبتيلى مقوله بسمعهاوبقولها كتير " الدنيا ديقه " فعلاً أنا بفكر أروح بكره ... لو حد عاوز ييجى معايا هتكون بتدور بسرعة ١,٠٠٠ ميل في الساعة انا دخت بجد .... ده معناه ان السنة هناك فيها اقل من يومين!!! طب دى تبقى السنين هناك رخيصه خالص ... انا بفكر أروح أجيب من هناك بتاع 43 سنه لحماتى .. العلماء بيقولوا ...... إحم ..احم ... واخد بالك يا عمرو .. دول زملاء العمل .. تبعنا يعنى ... بجد الموضوع أكثر من رائع ..... جميل جدا جدا جدا يا نجمة الكتب أنا بقالى كتير قوى مغزيتشى دماغى بمعلومات جامده زى دى ... انتواصحيح بتجيبوا الحاجات دى منين ؟؟
AMR DAWAM قام بنشر February 2, 2007 قام بنشر February 2, 2007 ياااااااااااااااه يا نجمة الكتب هو انا لسة فقت من الصدمة الاولى لما اقع فى واحدة كمان ولا انتى عايزة تخلينى افقد الوعى وعلى العموم انا مضطر اصدق ........... طالما فى علماء (زملاء العمل ) صدقوا انا وكمان صديقى احمد لازم نصدق **************************************
:: نبـ القلم ــض :: قام بنشر February 2, 2007 قام بنشر February 2, 2007 ياجماعة نجمة الكتب بتعلن عن وجود رحلة سياحية الى الفضاء.........بواسطة مكوك فضاء .......هو يمكن يكون فيه بعض الاعطال؟؟؟؟؟؟؟؟؟؟؟؟؟!!!!!!!!!!!!!!!!!!!!! ويمكن حد يغمى عليه ويحصل بعض الصدمات ووممكن نتهوه فى الطريق!!!!!!!!!! لكن متقلقوش اكيد هنوصل .......واطمنوا ما دمتم مع نجمة الكتب.؟؟؟؟؟؟؟؟رائدة الفضاء الكبيرة ونحب ننوه ان حجز الفلوس مع عاشقة القرأن هى المسؤلة عن لم التبرعات ..........وابقوا قابلونى لو شوفتوا خلقتها بعد كده..............هتاخد الفلوس وتهرب من البلد؟؟؟؟؟؟؟؟؟؟؟عادى ياجماعة لاول ولا اخر واحده هتعمل كده؟؟؟؟؟؟؟؟؟؟؟!!!!!!! احنا يهمنا راحتكم فى المقام الاول والاخير؟؟؟؟؟؟؟؟؟؟!!!!!!!!!!!!!!!!!!!!!!!!!
نجمة الكتب قام بنشر February 2, 2007 الكاتب قام بنشر February 2, 2007 ::*:: عاشق الصداقه ::*:: مشاركة بتاريخ Jan 31 2007, 08:23 PM الغريب ان مفيش موضوع ليكى بيخلو من انفجار - اعصار - زلزال - كارثه - .... ربنا يستر على المنتدى نسيت حاجة مهمة غير الانفجارات والاعاصير والزلازل والكوارث..... نسيت حوادث الاختطاف والتعذيب .... ربنا يستر على صاحب المنتدى AMR DAWAMمشاركة بتاريخ أمس, 09:36 PMهو انا لسة فقت من الصدمة الاولى لما اقع فى واحدة كمان ولا انتى عايزة تخلينى افقد الوعى وعلى العموم انا مضطر اصدق ........... طالما فى علماء (زملاء العمل ) صدقوا انا وكمان صديقى احمد لازم نصدق بعتذر لسيادتك وجميع زملائك السادة العلماء الاجلاء اللي منورين منتدانا عن اي صدمات او حالات فقدان في الوعي بس متظلمش حرام، الصدمات وفقدان الوعي ده مش من المعلومات دي ، اللي بيحصلكم ده من التجارب اللي بتعملوها كل يوم ...ارحموا بقى شوية ، مبقاش فاضل اي حاجة تنفجر عاشقة القرأن مشاركة بتاريخ اليوم, 07:58 AM ياجماعة نجمة الكتب بتعلن عن وجود رحلة سياحية الى الفضاء.........بواسطة مكوك فضاء .......هو يمكن يكون فيه بعض الاعطال؟؟؟؟؟؟؟؟؟؟؟؟؟!!!!!!!!!!!!!!!!!!!!! ويمكن حد يغمى عليه ويحصل بعض الصدمات ووممكن نتهوه فى الطريق!!!!!!!!!! لكن متقلقوش اكيد هنوصل .......واطمنوا ما دمتم مع نجمة الكتب.؟؟؟؟؟؟؟؟رائدة الفضاء الكبيرة ونحب ننوه ان حجز الفلوس مع عاشقة القرأن هى المسؤلة عن لم التبرعات ..........وابقوا قابلونى لو شوفتوا خلقتها بعد كده..............هتاخد الفلوس وتهرب من البلد؟؟؟؟؟؟؟؟؟؟؟عادى ياجماعة لاول ولا اخر واحده هتعمل كده؟؟؟؟؟؟؟؟؟؟؟!!!!!!! احنا يهمنا راحتكم فى المقام الاول والاخير؟؟؟؟؟؟؟؟؟؟!!!!!!!!!!!!!!!!!!!!!!!!! مكوك ايه دا يا بنتي اللي يكون فيه اعطال، انتو فاهمين مكاكيك الفضاء غلط ،مش جمعها كدة بردو ولا ايه ما علينا محدش واخد باله... وبعدين حسك عينك تاخدي مليم من اي مواطن ، الدفع هيبقى في المكوك عشان اللي مش هيدفع... ...المكوك في شبابيك كتير والحمد لله... وعارفين انتو طبعا ان عاشقة القرآن تهمها راحتكم الابدية في المقام الاول والاخيييييييييييييييير
صناع الحياه قام بنشر February 3, 2007 قام بنشر February 3, 2007 بعد الاطلاع علي كتاب الزمخشري وجدنا بالفعل ان جمع كلمة مكوك هو " مكاكيك" ولكن مع اندثار اللغه نسيت هذه الكلمه العظيمه وها هي الان تعود علي قيد الحياه مره اخري علي يد نجمه الكتب شكرا لكي بل الف شكر فان سيباويه وجميع اعضاء المجمع اللغوي ناموا قريرين العين بعد ما فعلتيه في احياء هذه اللفظه العظيمه
عاشق الصداقه قام بنشر February 5, 2007 قام بنشر February 5, 2007 على فكره يا نجمة الكتب ... حرصى على نفسك كويس قوى ... لأنك بالكلمه دى .... ربنا يستر على صاحب المنتدى هددتى كل اللى فى المنتدى " أصحابه " ... أحرجتك ..صح ؟؟ بس كلامى ده بجد والله .. خدى بالك من نفسك ومتطلعيش بالليل.. " وأنا حوصى نجمه تانيه تنور مكانك" ... وأنصحك .. ولا بالنهار
نجمة الكتب قام بنشر February 5, 2007 الكاتب قام بنشر February 5, 2007 لا ممكن طبعا اهدد اصحاب المنتدى ابدا ابدا ابدا ٣ ابدا وعشان ميبقاش لك حجة ومتحورش كلامي وتوقع بيني وبين اخواتي هاعيدهالك تاني بصيغة تانية يمكن توصلك المرادي : ربنا يستر على الادمن.. الادمن ال owner يعني ورينا بقى هتعمل ايه
عاشق الصداقه قام بنشر February 5, 2007 قام بنشر February 5, 2007 الادمن.. الادمن ال owner يعني عاوزه تحسسينى انك فاهمه !! أراهن إن مكان حد غششهالك .. ويا 6 ربنا يستر
العزايزي قام بنشر May 1, 2007 قام بنشر May 1, 2007 دي مش خمسه سياحه ,, دي 100000 سياحه لان المعلومات دي لا تقدر بثمن عمر العزايزي king of guittar
عاشق الصداقه قام بنشر May 13, 2007 قام بنشر May 13, 2007 تم تمييز الموضوع ... لأنه يستحق ذلك تحياتنا لكم... وننتظر منكم المزيد من المواضيع المميزه
مشرفي الأقسام NADA قام بنشر May 15, 2007 مشرفي الأقسام قام بنشر May 15, 2007 سبحان الله قادر على كل شئ جميل جدا يا نجمة الكتب لكن صدقينى إنت أجمل ربنا يخليكى لينا وميحرمناش منك أبدا يارب
Shetos قام بنشر May 27, 2008 قام بنشر May 27, 2008 (تعديل) فعلاً فى غاية الروعة.. معلومات قيمة للغاية.. تقبلى فائق تقديرى وإحترامى .. تم تعديل May 27, 2008 بواسطه Shetos
orgowan قام بنشر December 25, 2009 قام بنشر December 25, 2009 يا نهار امسك ايه المعلومات الخطييييييييييييييييييييييييييييييييييييييييييييره دى عشره على عشره
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥