نودي 41 قام بنشر March 19, 2011 صباح الحرية ع كل اعضاء المنتدي الكرام صباح المشاركة صباح الايجابية صباح منتديات ياللا ياشباب ع كل واحد ايجابي وهيشارك في التغيير الصح روح وشارك وقول رايك ايوا روح وقول رايك كمان مرة ايوا باكلمك انت روح وشارك وقول رايك مش مهم انت هاتقول ايه هاتقول نعم او هاتقول لا دي حرية وده رايك المهم انك تكون مقتنع برايك ومقتنع انت هاتقول نعم او لا ليه روح وشارك وقول رايك انا اول مرة النهاردة انزل عشان استفتاء كمان عائلتي وكمان ناس جيراني اول مرة نروح مع بعض واول مرة تروح تشارك وتقول كل الناس روحوا شاركوا لاننا بجد بدانا نحس ان صوتنا خلاص مش هايتزور وهيتاخد بيه وهايفرق باذن الله ياريت كل واحد نزل يقولنا انا نزلت ومش عايزين نعرف انت قلت ايه قولنا انا نزلت النهاردة وادليت بصوتي بس مش اكتر واحساسك ايه بقي انت ورايح وشفت الناس ازاي 3 شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 19, 2011 حاسس انها اجمل حكايه هحكيه لولادى انى شاركت فى لاول مره براى فى صناعه تاريخ بلدى او مره احس انى راى هيبقى له قيمه فى بلدى او مره احس انى بشارك فى اختيار مصير بلدى بجد احنا بنكتب بدايه حكايه الحريه فى مصر اجمل حكايه يا نودى ربنا يسعدك والجنه يوعدك جعل الله كل مانتكتبى وتفعلى فى ميزان حسناتك 1 شارك هذه المشاركه رابط المشاركه شار ك علي موقع اخر
Dr.A7MD 130 قام بنشر March 19, 2011 (تعديل) والله احساس جميل بجد والله أنا نزلت كانت الساعة 9 إلا ربع نزلت مدرسة الشهيد الثانوية ولقينا طابور ,,, والله العظيم كان طابور أول ما وصلت صحيح مكنش طويل اوى ,,, وقفت يمكن نص ساعة أو أكتر شوية الحمد لله ربنا كرمنا وقولنا رأينا بكل وضوح وبدون تأثير من أى أحد وأنا نازل لقيت حاجة تفرح أكتر والله اللجنة كانت فى الدور التانى للمدرسة فأنت بعد ما تخلص تنزل من نفس المكان اللى جيت منه وأنت نازل تلاقى الطابور نازل معاك على السلالم لحد تحت خااااااااالص لغاية باب المدرسة اللى فى الأرضى والله وربنا يشهد على كلامى ,,, طابور العيش مش بيكون كدا خالص الناس كانت واقفه وعندها استعداد تقف بالساعات عشان تقول رأيها متهيألى مفيش حاجة أجمل من كدا أنا والله ما عايز إلا المنظر ده ,,, تطلع نعم تطلع لا ,,, والله المنظر اللى شفته خلانى أفرح فرحة ملهاش حدود بشكرك نودى على الدعوى الحيادية اللى لخصتيها بشكل جميل فى كلمات قليلة تجعل كل من يقرأها يرفع تعظيم سلام ليكى ويقولك تسلم إيدك يا نودى تم تعديل March 19, 2011 بواسطه Dr.A7MD 1 شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر March 19, 2011 انا نزلت الحمد لله وكان يوم جميل جدا جدا الغريب ان الناس كتير بس ماحدش بياخد وقت يعني كله فاهم وعارف هو جاي يعمل ايه ويقول ايه الناس واقفة في الطوابير ولا في دماغها الشمس ولا التراب ولا أي حاجة واللي بيقول نعم واللي بيقول لأ واقفين جنب بعض أو ورا بعض ومبسوطين جدا وبيتناقشوا بكل أدب حاجة جديدة على بلادنا بس مش غريبة عليها بس أغرب حاجة ان الكل جاي يقول رأيه وهو مقتنع انه رأيه هيفرق حاجة غريبة جدا يعني هو انا لو قولت لأ هياخدوا بيها! ولو قولت نعم هيتعمل بيها!! اللهم ديمها نعمة واحفظها من الزوال يارب شكرا نودي للحكاية الرائعة دي 1 شارك هذه المشاركه رابط المشاركه شار ك علي موقع اخر
دعوه للجنه 457 قام بنشر March 19, 2011 يمكن احساسى كان مختلف شوية عن باقى الناس أكيد ف اللى حس بنفس احساسى وأكيد فيه اللى حس بأكتر كمان شفت بعينى قد ايه الشباب مش فاهم اى حاجه ف اى حاجه اقسم بالله شباب تريهم لا تحسبيهم الا على خير ولى علاقة بسيطة بيهم ولما سالت واتاجوب عليا عنيا دمعت وطبعا جادلنا كتير _ ودخلت لنا طنط كانت غاسله شعرها وكوياه وملوناه وكتييييييير المهم دخلت معانا ف الحوار والحمد لله سحبت نفسها بالذوق بعدين - لما لقيت طوابير معينه مااااااااااااااااااااااااااااليه الدنيا جوايا اتهز أوى وحزنت اكتر لما لقيت ان المسلمين ال10% الموجودين والباقى طبعا.........!!!!!! لما لقيت ال10% دول نصهم جاى بيقول لأ للدستور وهو ياريته فاهم يارته فاهم ليه غير كلمتين ونص وهو نفسه مش فاهم ف ايه انا دخلت ف نقاشات بالاجبار كنت بروح واسال واقول قوليلى رأيك يمكن اعدل عن راى او اقتنع برأيك ف النهاية اخر فعلا ما طفح بيا الكيل وانا واقفه قولت حسبى الله ونعم الوكيل لو أطول الون ال20 صوابع ليا علشان اقول رأى 20 مرة واصوت 20 مره كنت هلون وآخد عليهم 20 ورقة علشان اقول اه طبعا ف احساس بالحرية وف حاجات حلو ة كتير واجملها لاول مرة احس الرجاله الكبار بيحترموا الصغرين ف البلد والقضاه واقفين ماشاء الله بينظموا مع العساكر العادين الطوابير وبمنتهدى الزوق كل ده حلو لكن الاصعب واللى غطى على الحلو احساس مر اوى وزى ما قولتلك مش كل الناس هتحسه ولا كل الناس هتدوقه لكن ف كتير اكيد حسوه والله غالب على امره ولو كره الكافرون ----------------------------- جزيتى خيرا حبيبتى ع الموضوع ودول علشانك موضوعك الجميل شارك هذه المشاركه رابط المشاركه شار ك علي موقع اخر
ممدوح 5 قام بنشر March 19, 2011 الحمدلله كنت ايجابى وكنت مستنى يوم زى ده من زمان لأنى كنت بشوفه ف الاحلام بس وحاجه تفرحنى جدا انى صوت اصغر واحد ف الشباب هيتاخد بيه ويكون ليه رأيه انا اوافق اختى دعوه للجنه على هذا الرأى بس انا مفكرتش ف مين هيقول لأ ولا مين هيقول أه انا فكرت ف الشكل الخارجى يعنى الناس دى كلها جايه عشان تقول رأيها وكل واحد عنده عزيمه وكل واحد مصر على رأيه وحاطط ف دماغه انو رأيه هو الصح ومقتنع بيه جدا وفيه حاجه لفتت نظرى وانا واقف ف الصف كان طويــــــل وكا ف الدور الارضى ف المدرسه وعشان الشمس الناس بدأت تطلع على السلالم عشان يقفو ف الصف بنظام اول ما شفت المنظر ده قولت خلاص ... انا هقعد لحد المغرب " أصلى متعود على طابور العيش " لكن الحمدلله الصف خلص بطريقه سريعه جدا لدرجه انى عايز ادخل ناس كانت واقفه بره قدامى وكل واحد كان بيقول رأيه للتانى بكل احترام وكل واحد بيبين وجهه نظره للتانى واهو كله تسليه لحد ما الصف يخلص وبعدين سلام يا عم جمعه ... :* بس اليوم كان جميل وظريف جدا والواحد كان فرحان انو شايف كل الناس متعلمه ب علامه حمرا بقيت كل ما اقابل واحد صاحبى واسلم عليه ابص على صباعه وحاجه الواحد يفتخر بيها بجد جزاكى الله كل الخير اختى نودى على الموضوع الجميل ده شارك هذه المشاركه رابط المشاركه شار ك علي موقع اخر
ali desoky 391 قام بنشر March 19, 2011 طبعا اولا وقبل كل شيء الحمد لله انني رايت هذا اليوم الحمد لله انني تنفست الحرية يوما في حياتي الحمد لله انني رايت الايجابيه في شعبي وبين اخوتي الحمد لله ان الخوف واللامبالاه اصبحت من ذكريات الماضي الحمد لله .... الحمد لله ....... الحمد لله نعم ذهبت في الصباح الباكر في الساعه العاشره صباحا كنت فخورا وسعيدا للغايه وانا اشعر ان التغيير بيدي ويد غيري شعرت اننا قادرون علي التغيير والتعديل دون الزام من احد بل بكل حريتنا وبكامل ارادتنا التي كانت مسلوبه منا وعادت اخيرا الينا سعدت كثيرا حين رايت اطيافا واصنافا من الناس لم ارهم في اي استفتاء او انتخاب سابق رايت شيوخا كبار ونساء وفتيات رايت الجميع فخور دون الدخول في الحديث عن ( نعم) او ( لا ) بل المهم انني اشراك برايي رايي اصبح يصنع فارقا كبيرا .... رايي اصبح يصنع قرارا ومستقبلا واخيرا تذكرت دعابه لشيخنا الجليل الشيخ مسعد انور حين قال يومكم مبارك ... ونظيف..... وشريف..... وسرور.... وغالي ... وجمال .. وسلملي علي الحزب الوطني وانا اقول سلملي علي الاستبداد والقهر واللامبالاه سلملي علي الخوف والتخويف والترهيب 1 شارك هذه المشاركه رابط المشاركه شار ك علي موقع اخر