سألني احدهم اليوم

[ابن تيميــــة 158]

بسم الله الرحمن الرحيم

 

اخواني واخواتي الكرام حفظكم الله وانار دروبكم بالعلم والقرآن ... اللهم امين

 

ندخل في الموضوع علي طول

 

طبعا كلنا شايفين اللي بيحصل في مصر الايام دي هجوم علمانيين وغير علمانيين ونصاري وغيره علي السلفيين واصحاب الدين

 

توجيه اتهامات سب علني علي مرئي ومسمع من الناس الصراحه تعبنا خلاص

 

بس ارجع واقول ( يلا بينا نواسي حالنا بحال رسول الله )

 

اليوم جائني صديقين لي

 

وجائوا متفقين عليا

 

 

قال احدهم : ايييييييييه اللي انتوا بقولوووووه ده حرام عليكم بقي؟؟؟؟؟؟

 

قلتله خير مالك انا قلت ايه زعلك او هم قالوا ايه زعلك؟؟؟؟؟

 

 

قالي واحد سلفي ياسيدي بيقول انه مفيش حد داخل الجنة الا السلفيين والباقي في النار

 

 

قلتله مين قال كده؟؟؟

 

 

قالي واحد ف التلفزيون قال كده

 

 

 

سكت انا شويه

 

جيت اذكر حديث الفرقه الناجيه لسه بقول يقول النبي افترقت اليهود

 

 

قطع كلامي وقالي انا عارف الحديث

 

 

سكت تاني انا

 

 

فقلت له طب انت ايه؟؟

 

 

قالي انا مسلم طبعا

 

قلتله وزعلان ليه ان السلفيين هيدخوا الجنة؟؟؟؟

 

قالي حتي انت كمان بتقول انكم هتدخلوا الجنة

 

قلتله ماهو انت كمان هتدخل الجنة ان شاء الله

 

قالي ياااارب

 

 

قلتله مش انت بتحب النبي والصحابه؟؟

 

وبتحب اللي بيعمله النبي وصحابته ؟؟؟

 

قالي اه طبعا

 

 

قلتله اذن انت سلفي

 

والسلف ياحبيبي مش جماعه ده منهج ((( ما انا عليه انا واصحابي )) كما قالا حبيبك النبي

 

اعرض نفسك واعمالك علي اعمال النبي وصحابته وشوف نفسك بقي مين

 

من اللي علي هدي الحبيب والصحابه هتبقي من اهل الجنة ان شاء الله

 

غير كده الله اعلم بيك بقي

 

فسكت هو المرة دي

وكتييييييييييييييييييييير من ده يااخوة والله

 

 

الظاهر ان الناس مفيش وراها حاجه غير الذم والقدح والتجريح ربنا يعافينا

 

 

ونعدي من المرحله دي علي خير يارب