الجندى المجهول 37 قام بنشر November 14, 2008 أبو النجوم يرسل بتحية فاجوماتية إلى كل المدوناتية من أسكندرية حيث درجة الحرارة عال العال و بيفكركم بالقصيدة دي اسكندرية يا اسكندريه بحرك عجايب ياريت ينوبني م الحب نايب تحدفني موجه على صدر موجه والبحرهوجه والصيد مطايب أغسل هدومي وأنشر همومي على شمسه طالعه وأنا فيها دايب كأني فلاح في جيش عرابي مات ع الطوابي وراح في بحرك كأني نسمه فوق الروابي م البحر جايه تغرق في سحرك كأني كلمه من عقل بيرم كأني غنوه من قلب سيد كأني جوا المظاهره طالب هتف باسمك ومات معيد كأني صوت النديم في ليلك بيصحي ناسك يشدوا حيلك كأني طوبه من بيت في حاره كأني دمعه في عيون سهارى كأني نجمه فوق الفناره تهدي الحيارى والبدر غايب يا اسكندريه يامصراويه على سن باسم على ضحكه هاله البحر شباك ومشربيه وانتي الاميره ع الدنيا طاله يا اسكندريه عاشق وبدوي ارتاح في حضنك والود ودي يكون كلامي عربون غرامي وبالمحبه ناخد وندي يا اسكندريه فيكي الغلابه ع الرزق يسعوا ولايناموش صبح صباحهم رجع مساهم وزاد شقاهم ومارتاحوش يا عيني ع اللي الزمان تعبهم وضاع تعبهم ومالتقوش نزل شبكهم في بحر طامي طلع شبكهم على فاشوش وفيكي بين البشر ديابه وفيكي فوق البشر وحوش وفيكي ناس مغرمين صبابه لو خان زمانهم مابيخونوش وفيكي خمري سلمت امري ما اقدرش اشوفه وما انيلوش سمك يا بني يا اسكندراني في العشق واحد مالكش تاني سمك يابني يا اسكندراني في الحسن ساحر ومعجباني سمك يابني والعشـق غيه تبدأ بنظره تبقى ملاغيه وكل عاشق وله بهيه وكل شاعر وله اغاني وأنا اللي عشق الصبايا كاري أعشق وأغني ما اقدرش اداري واي نظره بتجيب قراري وايشحال عيونك يا الاسمراني شارك هذه المشاركه رابط المشاركه شار ك علي موقع اخر
الحياه 20 قام بنشر November 15, 2008 رائع أنا متشكره عشان أنت أخذتني الي أحب المحافظات الي قلبي * لو الكلام يعبر عن حب أسكندرية كنت بعت خلايه جسدي لشراء الحبر لأنها أسكندريه البنت البهيه حب البلاد وعشق السنين ليكي ياأسكندريه..............؟؟ * أختكم الحياه شارك هذه المشاركه رابط المشاركه شار ك علي موقع اخر
eng_alaa 114 قام بنشر November 15, 2008 أحمد فؤاد نجم شاعر جميل وكلامه هو السهل الممتنع وانا ممن يحبون اشعاره جدا ... وكمان من عشاق الاسكندريه جدا جدا ... فشكرا لإمتاعنا باشعار الفاجومي الكبير اخي الجندي المجهول شارك هذه المشاركه رابط المشاركه شار ك علي موقع اخر
بنت مصرية 66 قام بنشر November 15, 2008 شكرا علي الشعرالحلو ده جدا ياجندي انا بحب اسكندريه جدا جدا لان نصفي منها لي اهلي هناك احبهم واحب تلك المدينه ارائعة بعشقها اكتر من اي محافظة اكتر من القاهرة القصي\دة دي حلو جدا قنا ....اسكندرية هما احلي مكان عندي في مصر كلها شكرا ليك مرة تاني ...ومحرمناش من الأشعار الحلوة دي وبعشق جدا اتمشي علي كوبري استانلي وبالذات بليل وكمان خصوصا في الشتا ...انا بعشق اسكندريه في الشتا الله بجد رجعتني لذكريات جميله في المدينه الحلوة دي.... وحشتيني يااسكندريه وبحبك يا قنا وان شاء الله هيجبلكم صور قريبا من كامرتي لبعض المناظر في قنا .... جعله الله في ميزان حسناتك ياجندينا المجهول شارك هذه المشاركه رابط المشاركه شار ك علي موقع اخر
omar_altawel 6 قام بنشر November 16, 2008 ربنا يسامحك يا جندى فكرتنى بالذكرايات الحلوة روح يا شيخ جزاك الله خير شارك هذه المشاركه رابط المشاركه شار ك علي موقع اخر
