صناع الحياه 14 قام بنشر February 24, 2007 (تعديل) بعد خروجي من سجن الكليه والمذاكره والحفظ والتقيد بشويه حروف وارقام لازم يتحفظو وينزلو بحبر ازرق علي شويه ورق ابيض في رقم زمني قياسي هي مدة الامتحان روحت بلدي بعد استلامي الشهاده امي زغرتت وخالي ضرب نار " محدش يبلغ علي الكام حتة سلاح اللي عندنا" روحت للعمده وقولتله جوزني بتك ضحك وقاللي ايه المهر قولتله مليار جنيه بصلي من تحت لفوق وضحك وقاللي وللا بلاش" افتكرو مشهد شكري سرحان هو وابوه لما راحو يخطبو ايد مريم فخر الدين في فيلم رد قلبي" طلعت وانا مكسور الجناح روحت للاقصر عشان ابكي في الصحرا واطلع دموع محدش يشوفها غير حتشبسوت ورمسيس الثاني رجلي اخدتني لوادي الملوك والملكات في البر الغربي دخلت مقبرة توت عنخ امون لقيت نفسي تعبان قلت اريح شويه وانام صحيت عضمي مكسر وشعر راسي طويل ودقني واصل الارض وضوافري شكلها غريب طلعت وانا مزهول لان جه في بالي قصة اصحاب الكهف لما طلعت لقيت ناس شغاله بتبني في معابد ومقابر ولابسه لبس فراعنه فجاه لقيت موكب جاي علي الموكب وقف قدامي ونزلت ملكه فرعونيه في كامل زينتها امرت الحراس انهم يمسكوني ويحلقولي شعري ويزينوني " قلت في نفسي اخيرا هستحم دنا لي قرون مدقتش الليفه قبل مدخل المقبره " المهم بعد مبقيت علي سنجة عشره ولبست اللبس الفرعوني " مكدبش عليكم كنت مكسوف من نفسي وانا لابس اللبس ده" المهم ودوني للملكه قالتلي " انا حتشبسوت ملكة مصر المنجمين قالولي ان نجمك في السما ظهر وانك هتظهر في المكان ده وهتحلنا المشكله بتاعتنا عشان كده احنا انتظرناك" قولتلها مشكلة ايه " انا ونافخ صدري طبعا ولا وزير سليمان " قالتلي " احنا هنبني معابد شرق النيل ومحتاجين كميات شاي كتيره عشان العمال يسهرو وبما انك صعيدي وكييف شاي " باكو الشاي بحط نصه في الكوبايه وربع ملعقة سكر وللاسف برده بيطلع خفيف" فبنطلب منك حل للمشكله دي" قولتلها ازرعو الشاي بدل متستوردوه من بره في احسن منطقه في مصر جوها مشابه للدول الي بتصدره وشوية تعديلات خفيفه في جينات نبات الشاي نقدر نخليه يصلح انه يتزرع علي ارضنا وكتر الله من الاراضي الصحراويه في مصر وبالذات في الاقصر واسوان مكدبتش خبر بعتت للماذون الموجود في مدينة هابو " سكنن رع" واتجوزتني بس انا طبعا رفضت عارفين ليه لاني فلاح وهي ملكه وفي عصر الفراعنه كانت طبقة الفلاحين افضل وارفع من طبقة الحكام وسبحان مغير الاحوال تم تعديل June 16, 2008 بواسطه عاشق الصداقه تم إعادة الموضوع بعد حذفه اقتباس شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر June 30, 2007 سبحان مغير الاحوال مش بقولك دى حرب فكرية سياسية فكرية دموية يريدون القضاء على الاراضى الزراعية...وتجريفها عشان نستورد كل حاجه من عندهم ونحتجلهم نفسهم ما يكونش عندنا اكتفاء ذاتى ........ والاغرب تعالى اسمع الناس وهى بتقولك **أنا من المدينة يابنى ..أنا مش فلاح..اياك تقولى كده تانى** الفلاح الوقتى بقى شتيمة لما اقولك أنت فلاح وابن فلاح...يبقى انا كده غلطت فى حقك ..!!!!!! الارض بقت عار...الفلاحة بقت مهنه مشينه الكل بقى بيبع ارضه وعايز يطلع على المدينه والله مسيركم تندموا وترجعوا للخضرة والارض والزرع بس هيكون بعد فوات الاوان!!! ويرجعوا يقولوا انتم من دول العالم الثالث!!!!!!!!!! ... عبد الله هرجع واقولك زى ما بيقولى خالى **كل عيش يابا ...كل عيش** ... مازلت أبحث عن عناقيد العنب فى عالم ما زال يعتصر اللهب ما زلت ألبس كل جلدى المتحترق أجتاز لافتة النهاية للبدايه فى غضب وأعيد حلما قد سرق أبى اختزالى فى نفايات الحطب اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر May 3, 2008 المشكلة أن إحنا دائما بنعتقد ان المستورد هو الافضل..قد يكون أغلبه الأفضل..ولكن لو تفانى العامل المصرى فى عملة ووفرت له الإمكانات المادية والمعنوية المتوفرة للعامل الجنبى لأبدع فعلاً.. شكراً عرابى.. اقتباس شارك هذه المشاركه رابط المشاركه شار ك علي موقع اخر
