برنامج يجعله عــــامر (امسحي دموعك يا حاجه)

[ali desoky 391]

برنامج يجعله عــــامر

 

(امسحي دموعك يا حاجه)

 

 

 

 

 

 

 

 

 

 

(امسحي دموعك يا حاجه)

 

 

قاعد انا والحاجه قدام التلفزون عنتفرج علي محاكمة مبارك ....

 

وفجاه اكده وبدون أي مقدمات لقيت الريس السابق داخل المحكمه يا ولداه متشال علي سرير مشتشفي وخراطيم المحلول متوصله في جتته ووشه كأن عنده 150 سنه .....

 

تجاعيد مكناش عنشوفها ايام ما كان بيقعد يخطب بالساعتين ..... !!!

 

ورعشه غريبه مكناش عنحس بيها ايام مكنا عنشوفه قاعد مع الكبرات......!!!

 

ياتري التجاعيد والرعشه دي كانت موجوده وعنينا احنا اللي مكنتش شايفاها لان عنينا كانت مغميه علي حاجات كتير ؟؟؟

 

ولا التجاعيد دي زي ما عيقولوا جدودنا في الصعيد من الخضه ......!!!

 

كانوا بيقولوا ان جدي ابراهيم الله يرحمه كان شعر راسه كله ابيض وهو عنده 30 سنه بس من كتر الهموم اللي كان شايلها....!

 

 

وانا قاعد افكر في المشهد اللي شايفه ع التلفزيون وشكل الريس المخلوع وهو في القفص يا ولداه

 

لقيت ابويا الحاج عمال يقول احسن خليه يدوق الذل اللي ذله لكل الناس 30 سنه...

 

انا قلت 30 سنه؟؟ يعني عمري انا اقل من فترة رياسته بسنه واحده .....!!!

 

ليا نصيب اكون من ضمن المصريين اللي هيعيشوا في عهد ريس تاني ... ربنا يستر ويكون ريس كويس...

 

 

بدأت المحاكمه ولقيت الحاجه بدات تبكي .. وانا اقولها مالك يا حاجه عتبكي ليه ؟

 

 

قالتلي حرام والله الراجل يتعمل فيه كده ... هو محدش قادر يحس بالعشره ولا العيش والملح؟

 

 

الحاج قالها يا حاجه عيش وملح منين لما العيش بقي كله مسامير والدقيق بنجيبه بطلوع الروح؟

 

عيش منين لما انبوبة البوتجاز بتتجاب بالذل ؟؟؟

 

عيش منين لما كل حاجه في البلد بقت للكبار وبس؟

 

 

نسيتي يا حاجه لما كنتي بتدعي علي احمد عز ايام ما سمعتي عن موضوع الحديد

 

والشباب اللي مش قادر يبني حتة بيت يتجوز فيه ؟؟

 

نسيتي يا حاجه لما كنتي بتدعي علي حبيب العادلي ايام ما شفتي منظر الشباب المقتول في ميدان التحرير وعرفتي انه هو اللي كان مدي اوامر بضربهم؟

 

نسيتي يا حاجه لما كنتي بتدعي علي وزير الماليه لما كل يوم يطلع يضحك ضحكته اللي شبه ضحكة الشيطان ويقول ان الضرايب الجديده في مصلحة المواطن؟؟

 

نسيتي يا حاجه لما كنتي بتدعي علي وزير الصحه لما كنتي بتسمعي عن الكبرات اللي بيسافروا يتعالجوا بره علي حساب الدوله والغلابه ملهمش حد يساعدهم غير ربهم؟؟

 

 

نسيتي يا حاجه ولا نسيتي ولا نسيتي؟؟؟

 

 

قالت الحاجه لا منسيتش ومش هنسي ابدا ....

 

مش هنسي ابدا منظر الام المسكينه اللي كانت بتبكي علي ابنها الشهيد اللي كان عايز يعيش حر في بلد حر ...

 

 

ويجعله عامر

 

 

 

 

 

 

 

 

تابع معنا حلقات البرنامج

 

يجعله عامر

[دعوه للجنه 457]

 

 

بصراحة حلقة عسولة وجميلة ولخصت كل الكلام ال كل قاله

 

بس نسيت حاجه

 

انا قلت 30 سنه؟؟ يعني عمري انا اقل من فترة رياسته بسنه واحده .....!!!

 

 

انت اخدت لبالك من شعره بس ،، اصلى انا كنت قالعة النضارة وشوفت طبعا اكتر

وكانت الساعه بسرعه رووووووعة ،، والترنج ال شبه ترنج العرسان الجديدة الابيض ده ده الاروع

 

وياعالم لوكنت لا بسه النضارة كنت شوفت ايه تانى

 

واما شوفت ابن القذافى وشكله وشعره قولت سبحان الله عليكو يا مصرين مش ده بن رئيس دولة بردو واسمه كان بيحارب ويطنطط من بلدا للتانيه

لكن دول فى سجن وتشوفهم كانهم جاين او راحين فرح

 

 

ويجعله عامر ديما

 

 

 

جزاك الله خيرًا

 

 

 

 

 

 

 

[ali desoky 391]

بصراحة حلقة عسولة وجميلة ولخصت كل الكلام ال كل قاله

بس نسيت حاجه

 

 

انا قلت 30 سنه؟؟ يعني عمري انا اقل من فترة رياسته بسنه واحده .....!!!

 

انت اخدت لبالك من شعره بس ،، اصلى انا كنت قالعة النضارة وشوفت طبعا اكتر

وكانت الساعه بسرعه رووووووعة ،، والترنج ال شبه ترنج العرسان الجديدة الابيض ده ده الاروع

وياعالم لوكنت لا بسه النضارة كنت شوفت ايه تانى

واما شوفت ابن القذافى وشكله وشعره قولت سبحان الله عليكو يا مصرين مش ده بن رئيس دولة بردو واسمه كان بيحارب ويطنطط من بلدا للتانيه

لكن دول فى سجن وتشوفهم كانهم جاين او راحين فرح

ويجعله عامر ديما

جزاك الله خيرًا

 

 

 

دعوه للجنه

سعيد جدا لمرورك بالحلقة وردك المتميز

كما اني سعيد انك مثلي ومثل الكثيرين لاحظتي شكل ( المسجونين) واللي خلي ناس كتير تقول لو السجن بيخلي الناس كده يبقي كلنا عاوزين نروح السجن