عادى--عادى عادى --عادى--كا حاجه بقت عادى

[حياتى من اجل ربى 22]

اشهر كلمه فى هذا العصر---((عادى

اولا :::من عنوان الموضوع انا عايزه اتكلم مع اخواتى اعضاء المنتدى فى الكلمه اللى تقريبا محدش بيقول غيرها مع انها كلمه مش سهله للدرجه

دلوقتى تدخل مثلا الجامعه الواقع اللى انا عايشاه كل يوم تقريبا -تلاقى بنت بتتكلم مع ولد تجى تسالها تقولك(عادى-زمايل )

تيجى تانى مره تلاقيهم بيهزرو مع بعض وتقولك عادى يعنى حبه تغير

وبعدين بعد كده تلاقيهم قاعدين مع بعض لوحدهم وتقول عادى ده احنا بنحب بعض حب عادى يعنى

وتتكلم انا روحت مع.......ووصلنى لحد البيت --تقول ازاى ترد::عادى يعنى وفيها ايه؟؟؟؟؟؟؟؟؟؟

وبعدين وصلنى وطلع علشان يسلم على ماما ---ازاى --عادى يعنى بيطمن عليها ده ايه التخلف اللى انتو فيه ده

حتى كان بيكلمنى امبارح على تليفون البيت الساعه 3 بالليل وانا كنت نايمه ف بابا رد عليه وقالو:::نايمه يا حبيبى اصحيهالك؟؟؟--نعم ازاى -عادى يعنى هو كان عمل ايه يعنى ده بيطمن عليا

طب واللبس ازاى نزلتى من البيت كده ---تقول ---عادى هو انا ؟كنت عملت ايه اهم حاجه انى مش بعمل حا جه غلط--عادى

يا احبائى كلمه عادى دى تعتبر اخطر كلمه نستسهل بها كل المعاصى والذنوب

لاتنظر الى صغر المعصيه ولكن انظر من عصيت

احب ان اسمع تعليقاتكم حول هذا الموضوع الخطير لا تحرمونى من ردودكم بس عايزاه ردود مش عادى

 

اسأل الله ان يهدي جميع شباب المسلمين

تم تعديل December 3, 2008 بواسطه حياتى من اجل ربى

[NADA 34]

والله يا حياتى

 

أنا كل الناس كانت بتشتكى من

 

إنى تقريبا مش كنت بقول غير عادى ومش عارفه

 

بس طبعا مش ف المواقف دى ولا الطريقه دى

 

إنما أنا حياتى كلها المفروض إنها عادى

 

أصل انا فيا حاجه

 

مش عارفه ان كانت ميزة ولا عيب

 

بس أنا باااردة جدا(ظاهرياً)

 

ومستفزة جدااا

 

وياعينى كل الناس اللى تعرفنى غلبانين

 

وانا اللى متشردة وبسبب الازعاج والمشاكل

 

 

بصى عادى وعديها وإن عقدتيها بردو عادى

 

 

 

بس صدقينى الكلمة دى نفعتنى انا كتير

 

لانى كنت دايما بقولها ف اصعب الظروف

 

كل الناس مستنين منى رد مقنع او تفسير

 

بس انا طبعا عادى فكل الناس تتخنق

 

وده طبعا شئ غير عادى

 

لان ده مفيد جدا للصحة

 

وانا بكون مبسوطه لما االى قدامى يتنرفز

 

علشان انا بكون بردو بارده

 

 

انت طبعا خلاص مش بقيتى طايقانى

 

بس بجد معلس اصل ده العادى

 

 

 

اسأل الله ان يهدي جميع شباب المسلمين

[حياتى من اجل ربى 22]

انا بصراحه جالى احباط من ردك يا ندى

وحاسه انى حصلى زى اصحابك بالظبط --ربنا يكون فى عونهم الصراحه بس انا مش قصدى على كلمه (عادى )اللى تجيب شلل انا قصدى على كلمه عادى اللى تجيب بلاوى تانيه زى مثلا (استسهال المعاصى ---اللى تخلى ربنا يغضب علينا ----لان كل معصيه او عاده خاطئه بنتعود عليها وتبقى عادى بندور على اللى اكبر منها لان الانسان بطبيعته يحب التغير

جزاك الله خيرا حبيبتى على المرور وبجد يشرفنى ان تكونى اول من يرد على موضوعى

احبك فى الله وماتقلقيش لسه بحبك برده ولا يهمك

[ABOTASNEEM 117]

اولاً

 

اسمحيلى ان اشكر نشاطك وتفاعلك الجامد جدا فى

منتدانا كلنا .. ياللاياشباب

 

_______________________

 

ثانياً

 

يا ستى عادى .. متفكريش كتير

كله ... عادى

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

على فكرة ده مش ردى

 

بس ده الرد المتوفع من شباب اليوم

واللى اتمنى انه يتغير .. واحنا معاهم

بس للأفضل ...

 

وأحب انى ااكد على انه ياجماعة كل حاجة بتحصل

هى علينا وليها معنى ومغزى

وكمان بتتكتب علينا

 

"ما يلفظ من قول إلا لديه رقيب عتيد"

 

ويقول الله ايضا

 

"وتحسبونه هينا وهو عند الله عظيم"

 

فأرجوا من الجميع ألا يقول عادى

إلا من باب الهزار أو من باب تهدئة الجو العام فى المكان

 

ولا تتهاون فى اشياء يمكن ان تكون سبب فى ضياع مستقبلك

او ترك صورة سلبية لدى الناس عنك

او ما شابه ..

 

وعلى فكرة ده موضوع مهم كان بيناقشه الداعية الاستاذ مصطفى حسنى

 

وهو موجود فى حلقتين بعنوان

 

 

مش عادى

 

والحلقتين موجودتين على الروابط الاتية

 

http://www.adrive.com/public/3b63f0d5f4517...0f0eb1fd4f.html

 

http://www.adrive.com/public/1626ba94dcd07...faa36e3daa.html

 

اسف للإطالة

 

تقديرى واحترامى

[بنت مصرية 66]

موضوع جميل جدا ياروحي من اجل ربي

وده مش غريب عليكي ابدا

وفعلا الموضوع ده بقي مستفز جدا

والعيب في الأساس من الاول لو التربية قامة علي الدين كان الموضوع اختلف

من راي كمان الدين والمشاعر الاحساس بكل شيء حولنا

سيكون افضل

"وكذلك جعلناكم امة وسطا"

الهم اهدي شباب المسلمين ووفقهم الي طرقك ياحق ياقيوم

تقبلي مروري واعجابي

[عاشق الصداقه 525]

الموضوع مش محتاج منى تقييم .. لأنه بجد بجد بجد بجد موضوع مش عادى

 

للأسف .. ده الواقع اللى بنعيشه كل يوم

 

كل شىء أصبح عادى ..

نتجرأ على الله ونقول عادى

نكذب ونشتم ونرتشى ونرابى ونقول عادى

لو عاوزين تشوفوا كل حاجه عادى فى الدنيا مش محتاجين تروحوا مكان بعيد .. انزلوا اقرب جامعه ولا حتى انزلوا الشارع تحت ، وانتوا هتشوفوا كل شىء عادى

زمان كانت ثقافة العادى متبعه من الشباب الهاى كلاس وشباب الدسكوهات و.....

للأسف دلوقتى بقى الأمر عادى ، وثقافة العادى متبعه من قبل 99% من الشباب وللأسف هقول برضه ومن قبل اولياء الأمور

والله لما بشوف واحد كبير طول بعرض وبنته ماشيه معاه من غير هدوم طبعا وهو ماشى وفرحان والشباب كلهم هياكلوها بعنيهم وهو الاريال مبسوط لأنه (عادى) بنته جميله يا اخواننا .. حقه ينبسط

والموقف اللى حكيتيه فى الموضوع عن اللى بيرد على موبايل بنته الساعه 3 باليل ولا حتى 3 العصو ويلاقى صاحبها وعادى

واللى واللى ..... مواقف متتعدش من واقعنا الأليم

يا اخواننا كلمة عادى فعلا بتخلى اللى يتعود عليها يستسهل كل امور المعصيه بالخصوص

وزى ما قال حبيبى ابو تسنيم

وأحب انى ااكد على انه ياجماعة كل حاجة بتحصل

هى علينا وليها معنى ومغزى

وكمان بتتكتب علينا

 

"ما يلفظ من قول إلا لديه رقيب عتيد"

 

ويقول الله ايضا

 

"وتحسبونه هينا وهو عند الله عظيم"

 

وقال حبيبى وسيدى محمد صلوات الله عليه

إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ

 

فيجب ان نعلم جميعاً ماذا نقول .. وحقاً أجمل جمله قرأتها بالموضوع

لاتنظر الى صغر المعصيه ولكن انظر من عصيت

لو ادركنا حقاً من نعصى !!! لما عصينا ابداً

 

 

أختى (حياتى من أجل ربى) .. لا أعلم كيف يمكننى شكرك على موضوعاتك الهادفه الجميله التى تناقش قضايا هامه جدا .. وتفاعلك بالمنتدى وروحك الطيبه .. لا اعلم كيف أشكرك الا اننى سأدعو لكى ..

حفظكى الله ورعاكى وسدد فى طريق الخير خطاكى وانالك مبتغاكى بما يرضى رب العالمين انتى وجميع المسلمين وحفظ شباب المسلمين دوما امنين .. اللهم آمين

[حياتى من اجل ربى 22]

بنت مصريه

يا حبيبتى ده بعض ماعندكم واشكر مرورك وردك الجميل واتمنى ان افيد منتداى بكل ما استطيع

جزاك الله خيرا

abotasneem

اشكرك على مرورك وعلى ردك الهادف الجميل على الموضوع ودى اقل حاجه اقدمها لمنتداى الحبيب

واتمنى من الله ان يجعلنا ممن يستمعون القول فيتبعون احسنه -يارب امين

زدت شرفا بمرورك

عاشق الصداقه

حقيقى لى الفخر والاعتزاز بهذا التقدير الرائع الذى سعدت به وتشرفت بكلامك اخى الكبير

ومنكم نستقيد ---هو موضوع فعلا انتشر كثيرا وكلمه بقت تنرفز الصراحه

اشكرك شكر خاص على هذه الدعوات الرااااااااااااااااااااااااااااائعه ربنا يتقبل ويستجيب ويجعلك من الشباب المصلحين الذين يفخر بهم رسول الله صلى الله عليه وسلم

تقبل فائق احترامى وتقديرى

جزاكم الله خيرا

[مسلم وافتخر 0]

يا ستي عاااااااااااااااااااااادي هو ده العادي ربنا يهدي كل عاصي ويشفي كل مريض صحيح نسيت اقولك حاجة

 

 

 

 

عااااااااااااااااااااااااااااااااادي

[حياتى من اجل ربى 22]

اشكرك اخى (محمد نبينا) على هذا الرد العادى -بس حتى لو العادى بيقول كده احنا المفروض مانكونش سلبيين حتى لو غلطنا مره المفروض نكررهاش ومانقولش عادى

جزاك الله اخيرا ---تقبل تحياتى

[elmansy designe 1]

صدقتى والله ربنا يهدى الجميع

[حياتى من اجل ربى 22]

صدقتى والله ربنا يهدى الجميع

 

اشكرك اخى على المرور وزدت شرفا لردك على موضوعى ربنا يجعل حايتنا كلها فى رضاه وماتبقاش حياه عاديه

جزاك الله خير

[ضفضدع مضيع نضارته 0]

عاااادى يعنى

انتى مكبره الموضوع ليه

[حياتى من اجل ربى 22]

لاتنظر الى صغر المعصيه ولكن انظر من عصيت

[Dr.A7MD 130]

أختى حياتى من أجل ربى

 

موضوعك جميل ويستحق الرد والتعقيب

 

المسألة من وجهة نظرى تتمثل فى أننا الزمن ده بنسمى الأشياء بغير مسمياتها الحقيقية

 

زى ما قال شيخنا وجدى غنيم بالظبط

 

واحد يسألك مثلا ليه بتشرب سجاير دى حرام وتضرك أكيد

 

يقولك سجاير ولا بانجو

 

!!!!!!!!!!!!!!!!!!!

 

بتاع البانجو لما تسأله ........ يقولك بانجو ولا أفيون

 

!!!!!!!!!!!!!!!!!!

 

والاتنين يقولولك عادى عادى

 

دى جوهر المشكلة بجد

 

تسمية الأشياء بغير مسماها الحقيقى

 

تحياتى لكى أختى

تم تعديل November 4, 2009 بواسطه Dr.A7md