أوعي وشششششششك ...... احنا بنتكلم هيروغليفي؟؟؟؟ ...طبعا وانا معاكم لاني بتكلم زيكم !!

[zoro_hf]

الشعب المصرى هو الشعب الوحيد الذى يتكلم لغه فريده

لايتكلمها شعب آخر حتى من الشعوب المجاوره....

طبعا....مش اللغه العربيه.....أومال أيه ياعمو.....؟؟

اللغه..الهيروغليفيه.....

أى والله العظيم....خد عندك......

عمركو سمعتو حد بيهدد عياله< بالبعبع >. . .

.غير عندنا ف مصر

أو أم نازله ضرب ف أبنها وتقول له <....كخ....>

غير عندنا ف مصر.....

طب أيه رأيكو أن الكلام ده أصله هيروغليفى....

كلمه بعبع....أصلها كلمه <....بوبو....> وهو أسم عفريت مصرى قديم.. .كانو قدماء المصريين يستخدموه لتخويف العيال

أما كلمه<....كخه.....> فهى كلمه هيروغليفيه معناها

القذاره..........؟؟؟

حتى العيال عندنا بيتكلما هيرو غليفى......الواد..

لما يجوع يقول<.....مم....>وأصلها.....أونم....

بمعنى ....أكل.. ..ولما يعطش يقول <...أمبو......>

وأصلها....<أمبموا...> يعنى أشرب

والعيل عندنا وهو بيتعلم المشى يقولو له.....تاتا....

خطى العتبه.....تاتا....حبه حبه

وتاتا كلمه هيروغيليغيه ومعناها....<أمشى....>

وياسلام لما الدنيا تمطر في الشتا والكل يغنى ويقول

يامطره ...رخى ..رخى..عالا قرعه بنت أختى.. ..

<...رخى.....>أصلها ....رخ....ومعناها...نزل..

وفى الصيف لما نتشوى من الحر..نقول الدنيا

بقت....صهد....وصهد بالهيروغليفى معناها...نار...

ويامحلا الهيروغليفى في أكلنا....فالفول عندما يستوى

نقول عليه ...مدمس...وأصلها...متمس...عند قدماء المصريين ومعناها...تسويه الفول.....ياخرابى....؟؟

دا الموضوع طلع له جذور تاريخيه يامه.....يادى الفضيحه يامه....

أما كلمه ....بصاره....فأصلها....بيصورو....ومعناها

الفول المطبوخ.......هى...هى بريحتها وتقليتها ولونها

مدد ...مدد ياعم تحتمس مدد

عزيزى القارىء.....بعد هذه الدراسه...من التاريخ المقارن للغات.....أوعى تخلى واحد يتنطط عليك

ويقول لك....أنا عندى لغات......قول له....تعرف

هيروغليفى........هيقول لك لأ.....قول له

كخ ياحبيبى روح أتعلم لغات الأول وبعدين كلمنى.

..

ملحوظه.....معانى الكلمات الهيروغليفيه....منقوله

من القاموس العربى.الهيروغليفي

[عاشق الصداقه]

هيا دى مصر

بس بجد بجد موضوع جميل ومعلومات رائعه أول مره أعرفها

وكخ متقولش مدد يا تحتمس لأنها حرام

 

تسلملنا يا زورو يا قمر

[حياتى من اجل ربى]

موضووووووووووووووع جميييييييييييييييييل اشكرك اخى فعلا احنا اصلا كلامنا خليط من جميع اللغات مش الهيروغليفيه بس

احنا انجليزى على فرنساوى على هندى على فارسى على لاتينى على يونانى على المانى وشويه ايطالى

كشرى يعنى ---نحن نختلف عن الاخروووووون امال ايه ناس واصله

جزاك الله خيرا وزادك الله علما وجعلك ممن يفخر بهم رسول الله صلى الله عليه وسلم

تقبل مرورى

[ديدو]

اية ياابنى المواضيع الممتعة دى وايوة كدة رخ رخ علينا مواضيع زى دى

شكرا زورو الجميل على المعلومات اللى اول مرة اعرفها

[بنت النيل]

متشكررررررررررر...

 

 

اه انا حتنطط ع اصحابي..

 

ههههههههههه

 

ماتحرمناش من المواضيع الجميلة..

[bassant]

موضوع جميل فعلا

 

ونظريه ظريفه جدا

 

تقبل مرورى

 

%

[زغلول]

كويس اوى احنا بنتكلم هيروغلفي فكره حلوه اوى

[بنت مصرية]

موضوع حلو اوي ودمه خفييف

وهتبقي حاجة غريبة جدا ومحصلتش لو الكلام ده صح

وبعد اذن حضرتك

ملحوظه.....معانى الكلمات الهيروغليفيه....منقوله

من القاموس العربى.الهيروغليفي

ده ممكن نلاقيه فين

[نودي]

عظيمة يامصر

هم دول المصريين

ميرسي ليك يازوروعالموضوع اللي دمه خفيف