البطانيه

[الجندى المجهول 37]

مش أنا امبارح..

رحت من بيتنا ف السيدة..

للشغل ف حلوان..

في سبع دقايق..

لا شوفت حد زعلان..

ولا حد متضايق..

والورد إنسان..

والنخل متعايق

والناس جميلة مؤدبة..

والجود رايق..

والدنيا ماشية لوحدها..

ولا حد سايق..

ومش أنا..

امبارح برضه..

رجعت م الشغل ف حلوان..

لبيتنا ف السيدة..

في خمس دقايق..

لا حاسس بغربة..

ولا شايف غريب..

وقلبي أبيض حليب..

عندليب كروان فرحان..

شايل ف قلبي وف جيوبي..

الفرح أشكال وألوان..

وزعت ع الشوارع..

والبيوت والجيران..

وطلعت البيت..

ضربت الجرس

فتحت مراتي وبالأحضان..

والعيال كمان فرحانين..

ناجحين وجايبين

الدرجات النهائية..

من غير دروس خصوصية..

قمنا رقصنا وغنينا..

واحتفلنا واتغدينا..

فضلة خيرك..

سمك واستاكوزا..

وجمبري م الكبير..

وحلينا مهلبية..

وشربنا الشاي كمان..

وفجأة..

لاقيتني بردان بردان..

بصيت لقيت..

الشباك مفتوح..

ومافيش بطانية..

ومراتي جنبي وزي ما هي..

لسه بتعاني من آلام المفاصل..

وده اللي حاصل..

والحمدلله..

علي كل شيء..

[ABOTASNEEM 117]

خطيييييييييير

 

بجـــــــــــــد

 

انا قولت بردو .. ده ميحصلش غير فالحلم

[الجندى المجهول 37]

جزاك الله خيرا يا مدير