مختارات من كلمات صلاح جاهين

[مصطفى بهجت 2]

" الدرس انتهى لموا الكراريس "

 

الدرس انتهى لموا الكراريس

بالدم اللى على ورقهم سـال

فى قصـر الأمم المتــحدة

مسـابقة لرسـوم الأطـفال

ايه رأيك فى البقع الحمـرا

يا ضمير العالم يا عزيزى

دى لطفـلة مصرية وسمرا

كانت من أشـطر تلاميذى

دمها راسم زهرة

راسم رايـة ثورة

راسم وجه مؤامرة

راسم خلق جباره

راسم نـار

راسم عار

ع الصهيونية والاستعمار

والدنيا اللى عليهم صابرة

وساكته على فعل الأباليس

الدرس انتـهى

لموا الكراريس ..

ايه رأى رجـال الفكر الحر

فى الفكرادى المنقوشة بالدم

من طفل فقير مولود فى المر

لكن كان حلو ضحوك الفـم

دم الطـفل الفـلاح

راسم شمس الصباح

راسم شـجرة تفاح

فى جناين الاصلاح

راسم تمساح

بألف جناح

فى دنيا مليانة بالأشبـاح

لكنـها قلـبها مرتــاح

وساكتة على فعل الأباليس

الدرس انتـهى

لموا الكراريس …

ايه رأيك يا شعب يا عربى

ايه رأيك يا شعب الأحـرار

دم الأطـفال جايلك يحـبى

يقول انتـقموا من الأشـرار

ويسيل ع الأوراق

يتهجى الأسـماء

ويطـالب الآبـاء

بالثـأر للأبـناء

ويرسم سيف

يهد الزيـف

ويلمع لمعة شمـس الصيف

فى دنيا فيها النور بقى طيف

وساكتة على فعل الأباليـس

الدرس انتهى لموا الكراريس

 

 

 

السيد عبد العاطى البروقراطى

 

السيد عبد العاطى البيرو قراطى ،

من ( بيروقراط ) مركز مش فاكر ايه ،

كل بلدهم بهوات سبحان العاطى ،

الكاتب بيه و مدير المصلحه بيه ،

و السيد عبد العاطى البيروقراطى

راجل دوغرى ، فاهم إيه اللى عليه ...

راجل يعرف أمتى ينخنخ ويطاطى

و كمان يعرف امتى يدلدل رجليه .

ييجى المكتب ، بدرى بمواعيد ظباطى ،

و الساعة اتنين و لا ورقة تكون فى ايديه .

فنان فى الشغل ، وفنه أرستقراطى ،

الفن فقط للفن ، بتضحكوا ليه ؟

لا تقوللى مصالح شعب و لا كلام و اطى ،

الهدف السامى علاوة تلاته جنيه .

و السيد عبد العاطى البيروقراطى

( السد العالى ) ف نظره .. اسمه دوسيه !

 

 

الحرب مش نزهــــة

 

الحرب مش نزهة و مش تفاريح

مش طبل أجوف يملا سمع الريح

الحرب لما تبقى حرب صحيح

معناها موت و ألم و دم يسيح

راجل لراجل .. مش بتات قنازيح

على كتفهم مدفع فشنك صفيح

و شمال يمين يستعرضوا المفاضيح

و يرقَصوا هودهم بشكل قبيح

و يصوروهم مأجورين سناكيح

سايقين بطل مصى ف كرامته جريح

و يقولوا دول أسروه .. كدب صريح !

ده كان فى يونيه اللى ماشافش قتال

و دخلنا فى اكتوبر رجال لرجال

( إرحم يا مصرى ) بقم يقولم قال

و يسحسوا ا؟لأندال دموع تماسيح .. !

 

صلاح جاهين

[NADA 34]

دمها راسم زهرة

راسم رايـة ثورة

راسم وجه مؤامرة

راسم خلق جباره

راسم نـار

راسم عار

ع الصهيونية والاستعمار

والدنيا اللى عليهم صابرة

وساكته على فعل الأباليس

الدرس انتـهى

لموا الكراريس ..

 

 

فى دنيا مليانة بالأشبـاح

لكنـها قلـبها مرتــاح

 

 

لا تعليق

 

شكرا لك

[life tune 0]

الدرس انتـهى

لموا الكراريس …

ايه رأيك يا شعب يا عربى

ايه رأيك يا شعب الأحـرار

دم الأطـفال جايلك يحـبى

يقول انتـقموا من الأشـرار

ويسيل ع الأوراق

يتهجى الأسـماء

ويطـالب الآبـاء

بالثـأر للأبـناء

ويرسم سيف

يهد الزيـف

ويلمع لمعة شمـس الصيف

فى دنيا فيها النور بقى طيف

وساكتة على فعل الأباليـس

 

 

 

 

الدرس انتهى ومحدش اتعلم

الدرس انتهى والدم اتكلم

ادرس انتهى ولا فم اتكلم

لمو ا الكراريس

جميل الموضوع

تقبل مروى

[الجندى المجهول 37]

بجد كلام رائع

انا من الناس الى بتجب كلام صلاح جاهين

بجد مجهود رائع تسلم

يارت تجيب كتير حاجات لصلاح جاهين

[بنت مصرية 66]

الدرس انتهى ومحدش اتعلم

الدرس انتهي لموا الكراريس

 

 

لاتعليق

[مصطفى بهجت 2]

شكرا .. لكل التعليقات ..

 

NADA .. Life tune .. الجندي المجهول .. بنت مصرية .

 

وطلباتك أوامر يا جندي يا مجهول ..

[abdallh_hazaa 0]

جميل اوي الموضوع

وبتمثل الواقع لأن فعلا مجلش الامن بجلالة قدرة مش قادر ياخد قرار في اللي بيحصل

وبجد انا ما لقتشي احسن من التعبير ده عن الوضع الحالي وشكرا علي الموضوع

قتل إمرئ في غابة جريمة لا تغتفر ...... وقتل شعب آمن مسألة فيها نظــر

[مصطفى بهجت 2]

بسم الله ما شاء الله .. أخ abdallh hazaa

 

قتل إمرئ في غابة جريمة لا تغتفر ...... وقتل شعب آمن مسألة فيها نظــر

 

تعليق جميييييييييييييييييييييييل ..

 

نورت المنتدى .. يا عبووووود